Bellbottom: ಮಾಜಿ ಪ್ರಧಾನಿ ಪಾತ್ರದಲ್ಲಿ ಲಾರಾ ದತ್ತಾ: ಮೇಕೋವರ್ ವಿಡಿಯೋ ಹಂಚಿಕೊಂಡ ನಟಿ..!
ಮಾಜಿ ಪ್ರಧಾನಿ ಪಾತ್ರದಲ್ಲಿ ಲಾರಾ ದತ್ತಾ
ಬೆಲ್ ಬಾಟಮ್ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ರಾ ಏಜೆಂಟ್ ಪಾತ್ರ ನಿರ್ವಹಿಸುತ್ತಿದ್ದು, ನಟಿ ವಾಣಿ ಕಪೂರ್ ಪತ್ನಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಹುಮಾ ಖುರೇಷಿ ಕೂಡ ನಟಿಸಿದ್ದಾರೆ.
- Trending Desk
- 2-MIN READ
- Last Updated :
ಅಕ್ಷಯ್ ಕುಮಾರ್ ಅಭಿನಯದ ಸಿನಿಮಾ ಬೆಲ್ ಬಾಟಮ್ ಟ್ರೇಲರ್ ಮಂಗಳವಾರ ಸಂಜೆ ಬಿಡುಗಡೆಯಾಗಿದೆ. ಈ ಟ್ರೇಲರ್ ನೋಡಿದ್ದರೆ, ನಿಮಗೆ ಅದರಲ್ಲಿ ಬರುವ ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯ ಪಾತ್ರಧಾರಿ ಯಾರೆಂದು ಕಂಡುಹಿಡಿಯಲು ಆಗುತ್ತದೆಯೇ..? ಈಗ ಎಲ್ಲರೂ ಆ ನಟಿ ಯಾರೆಂದು ಹೇಳಬಲ್ಲದರು, ಆದರೆ ಟ್ರೇಲರ್ ರಿಲೀಸ್ ಆದಾಗ ಬಹುತೇಕರಿಗೆ ಗುರುತಿಸಲು ಸಾಧ್ಯವಾಗಲಿಲ್ಲ. ಅಷ್ಟರ ಮಟ್ಟಿಗೆ ನಟಿ ಮೇಕೋವರ್ ಆಗಿದ್ದಾರೆ. ಹೌದು. ಮಾಜಿ ಪ್ರಧಾನಿ ಪಾತ್ರದಲ್ಲಿ ನಟಿಸಿರೋದು ಖ್ಯಾತ ನಟಿ ಲಾರಾ ದತ್ತಾ. ಈ ಬಗ್ಗೆ ಖುದ್ದು ಲಾರಾ ದತ್ತಾ ಅವರು ಹೇಳಿಕೊಂಡ ನಂತರವೇ ಗೊತ್ತಾಗಿದ್ದು.
ಇಂದಿರಾ ಗಾಂಧಿ ಅವರ ಪಾತ್ರಕ್ಕೆ ಬೇಕಾದಂತೆ ಮೇಕಪ್ ಮಾಡಲಾಗಿದ್ದು, ಲಾರಾ ದತ್ತಾ ಅವರ ಮೇಕೋವರ್ ನೋಡಿದ ವೀಕ್ಷಕರು ಹುಬ್ಬೇರಿಸುವುದರ ಜೊತೆಗೆ ಮೆಚ್ಚುಗೆ ಸೂಚಿಸುತ್ತಾ ಕಮೆಂಟ್ ಮಾಡುತ್ತಿದ್ದಾರೆ. ಇದರ ಬೆನ್ನಲ್ಲೇ ಲಾರಾ ದತ್ತಾ ತಮ್ಮ ಮೇಕೋವರ್ ವಿಡಿಯೋವನ್ನು ಈಗ ರಿಲೀಸ್ ಮಾಡಿದ್ದಾರೆ. ಇದರಲ್ಲಿ ಅವರನ್ನು ಇಂದಿರಾ ಗಾಂಧಿ ಪಾತ್ರಕ್ಕೆ ಹೇಗೆ ತಯಾರು ಮಾಡಲಾಯಿತು ಎಂದು ತೋರಿಸಲಾಗಿದೆ.
View this post on Instagram
ಅಕ್ಷಯ್ ಕುಮಾರ್ ಅವರ ಬೆಲ್ ಬಾಟಮ್ ಒಂದು ಗೂಢಚಾರದ ರೋಮಾಂಚನಕಾರಿ ಚಿತ್ರವಾಗಿದ್ದು, 1984ರ ಅವಧಿಯ ಕಥೆಯನ್ನು ಹೊಂದಿದೆ. ನಟಿ ಲಾರಾ ದತ್ತಾ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಇದನ್ನೂ ಓದಿ: Bellbottom Trailer: ಬೆಲ್ ಬಾಟಮ್ ಸಿನಿಮಾದಲ್ಲಿ ಇಂದಿರಾ ಗಾಂಧಿ ಪಾತ್ರದಲ್ಲಿ ನಟಿಸಿರುವ ಈ ಖ್ಯಾತ ನಟಿ ಯಾರು ಗೊತ್ತಾ..?
ಬೆಲ್ ಬಾಟಮ್ ಟ್ರೇಲರ್ನಲ್ಲಿ 46 ವರ್ಷದ ನಟಿ ಮೊದಲ ಬಾರಿಗೆ ಮಾಜಿ ಪ್ರಧಾನಿ ಪಾತ್ರದಲ್ಲಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಇದನ್ನು ನೋಡಿದ ಟ್ವಿಟ್ಟರ್ ಬಳಕೆದಾರರು ವಿಸ್ಮಯಗೊಂಡಿದ್ದಾರೆ. ಮಾಜಿ ವಿಶ್ವ ಸುಂದರಿ ಲಾರಾ ದತ್ತಾರನ್ನು ಬೆಲ್ ಬಾಟಮ್ ಟ್ರೇಲರ್ನಲ್ಲಿ ಸಂಪೂರ್ಣವಾಗಿ ಯಾರು ಗುರುತಿಸಲಾಗದಷ್ಟು ವಿಭಿನ್ನವಾಗಿ ಕಾಣಬಹುದಾಗಿದೆ.
ಮಂಗಳವಾರ ಸಂಜೆ ಬೆಲ್ ಬಾಟಮ್ ಟ್ರೇಲರ್ ಬಿಡುಗಡೆಯಾದ ನಂತರ "#ಲಾರಾ ದತ್ತಾ" ಟ್ವಿಟ್ಟರ್ ಟ್ರೆಂಡ್‌ಗಳಲ್ಲಿ ಅಗ್ರ ಸ್ಥಾನ ಪಡೆದುಕೊಂಡಿತ್ತು. ಈ ಚಿತ್ರದ ಟ್ರೇಲರ್ ನೋಡಿದ ನೆಟ್ಟಿಗರು "ಓ ದೇವರೇ ಇವರು ನಮ್ಮ ಮಾಜಿ ವಿಶ್ವ ಸುಂದರಿ ಲಾರಾ ದತ್ತಾ. ಗುರುತಿಸಲು ಸಾಧ್ಯವೇ ಇಲ್ಲ. ನಾನು ಈ ಚಿತ್ರವನ್ನು ನೋಡಲು ಕಾತುರದಿಂದ ಕಾಯುತ್ತಿದ್ದೇನೆ" ಎಂದು ಒಬ್ಬ ನೆಟ್ಟಿಗರು ಬರೆದುಕೊಂಡಿದ್ದಾರೆ. "ಇವರು ಲಾರಾ ದತ್ತಾ ನಾ..? ಗುರುತಿಸಲು ಅಸಾಧ್ಯವಾಗಿದೆ" ಎಂದು ಇನ್ನೊಬ್ಬರು ಪ್ರತಿಕ್ರಿಯಿಸಿದ್ದಾರೆ. ಇನ್ನು ಕೆಲವು ನೆಟ್ಟಿಗರು ಲಾರಾ ದತ್ತಾರನ್ನು ಇಂದಿರಾ ಗಾಂಧಿಯಂತೆ ಕಾಣಲು ಮಾಡಿದಂತಹ ಮೇಕಪ್ ರಾಷ್ಟೀಯ ಪ್ರಶಸ್ತಿ ಪಡೆಯುವ ಹಂತಕ್ಕೆ ಮಾಡಿದ್ದಾರೆ" ಎಂದು ಸಹ ಹೊಗಳಿದ್ದಾರೆ.
ಬೆಲ್ ಬಾಟಮ್ ಚಿತ್ರದಲ್ಲಿ ಅಕ್ಷಯ್ ಕುಮಾರ್ ರಾ ಏಜೆಂಟ್ ಪಾತ್ರ ನಿರ್ವಹಿಸುತ್ತಿದ್ದು, ನಟಿ ವಾಣಿ ಕಪೂರ್ ಪತ್ನಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಹುಮಾ ಖುರೇಷಿ ಕೂಡ ನಟಿಸಿದ್ದಾರೆ. ನೈಜ ಕಥೆಯನ್ನು ಆಧರಿಸಿದ ಬೆಲ್ ಬಾಟಮ್ ಚಿತ್ರದಲ್ಲಿ ಅಪಹರಣಕ್ಕೀಡಾದ ಭಾರತೀಯ ವಿಮಾನದಿಂದ 210 ಒತ್ತೆಯಾಳುಗಳನ್ನು ರಕ್ಷಿಸುವ ಕಾರ್ಯವನ್ನು ಅಕ್ಷಯ್ ಕುಮಾರ್‌ರಿಗೆ ವಹಿಸಲಾಗಿರುತ್ತದೆ.
ಇದನ್ನೂ ಓದಿ: ಪಾಲಿಸ್ಟರ್ ಫೈಬರ್ ಮರುಬಳಕೆ ಸಾಮರ್ಥ್ಯ ದುಪ್ಪಟ್ಟುಗೊಳಿಸಲು ಮುಂದಾದ ರಿಲಯನ್ಸ್: ಆಂಧ್ರದಲ್ಲಿ ಪಿಎಸ್ಎಫ್ ಘಟಕ ಸ್ಥಾಪನೆ
ಬೆಲ್ ಬಾಟಮ್ ಕಳೆದ ವರ್ಷ ರಾಷ್ಟ್ರವ್ಯಾಪಿ ಲಾಕ್ಡೌನ್ ವೇಳೆ ವಿದೇಶಕ್ಕೆ ತೆರೆಳಿದ ಚಿತ್ರತಂಡ ಅಲ್ಲೇ ಶೂಟಿಂಗ್ ಪೂರ್ಣಗೊಳಿಸಿತು. ರಂಜಿತ್ ಎಂ ತಿವಾರಿ ನಿರ್ದೇಶನದ ಬೆಲ್ ಬಾಟಮ್ ಚಿತ್ರಮಂದಿರಗಳಲ್ಲಿ ಆಗಸ್ಟ್ 19ರಂದು ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಪ್ರಕಟಿಸಿದೆ.
top videos
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
actor Akshay Kumar BelBottom Movie Bollywood Bollywood actor bollywood actress bollywood news Former PM indira canteen indira gandh Lara Datta New Bollywood Movie
ಸುದ್ದಿ 18ಕನ್ನಡ ಟ್ರೆಂಡಿಂಗ್
ABB Job Openings: ಬೆಂಗಳೂರಿನಲ್ಲೆ ಕೆಲಸ - ಕೈ ತುಂಬಾ ಸಂಬಳ; ಇಂಥಾ ಅವಕಾಶ ಬಿಡಬೇಡಿ
ಮುಚ್ಚಿಡೋಕೂ ಗೊತ್ತಿಲ್ಲ, ತೋರಿಸೋಕೂ ಗೊತ್ತಿಲ್ಲ ಎಂದ ನೆಟ್ಟಿಗರು! ಬಿಕಿನಿ ಧರಿಸಿದ್ದಕ್ಕೆ ನಟಿ ಟ್ರೋಲ್
ಮಹಿಳೆಯರೇ ವಿಭಿನ್ನವಾದ ಮಂಗಳ ಸೂತ್ರ ಹುಡುಕ್ತಿದ್ದೀರಾ? ಇಲ್ಲಿದೆ ನೋಡಿ ಹೊಸ ಟ್ರೆಂಡಿ ಡಿಸೈನ್ಸ್!
ಮತ್ತೆ ರಸ್ತೆಗಿಳಿಯಲಿದೆ ಜನಪ್ರಿಯ ಲೂನಾ, ಅದೂ ಇಷ್ಟು ಕಡಿಮೆ ಬೆಲೆಗೆ ಅಂದ್ರೆ ಯಾರಿಗೆ ಬೇಡ ಹೇಳಿ!
ಅಂಡರ್ ವಾಟರ್ ನಲ್ಲಿ ಕಿಸ್ಸಿಂಗ್, ನಿವಿ-ಚಂದನ್ ಟ್ರೋಲ್!
ಫಸ್ಟ್ ಟೈಮ್ ಉರ್ಫಿಯ ಲುಕ್ ಎಲ್ರಿಗೂ ಇಷ್ಟವಾಯ್ತು! ಗೊಂಬೆಗಳ ಜಾಕೆಟ್ನಲ್ಲಿ ಬಂದ ನಟಿ