ಮದುವೆ ದಿನ ಗಂಡು ಹೆಣ್ಣು ಹಸೆಮಣೆ ಏರು ಮುನ್ನ ಅಥವಾ ಮದುವೆನಂತರ ಈ ಹಿಂದೆ ಫೋಟೋಶೂಟ್ ಮಾಡಿಸಲಾಗುತ್ತಿತ್ತು. ಆದರೆ ಕಾಲ ಬದಲಾದಂತೆ ಎಲ್ಲವೂ ಬದಲಾಗುತ್ತಿದೆ. ಈಗ ಮದುವೆಗೆ ಮುನ್ನ ಫೋಟೋಶೂಟ್ ಮಾಡಿಸೋದು ಸಾಮಾನ್ಯವಾಗಿ ಹೋಗಿದೆ. ಅದನ್ನೇ ಪ್ರೀವೆಡ್ಡಿಂಗ್ ಫೋಟೋಶೂಟ್ ಎಂದು ಕರೆಯಲಾಗುತ್ತದೆ. ಇದೇ ಸದ್ಯದ ಟ್ರೆಂಡ್. ಹಚ್ಚ ಹಸಿರಿನ ತಾಣಗಳು, ಗಿರಿ ಶ್ರೇಣಿಗಳ ಸಾಲು ಪೋಟೋಶೂಟ್ಗೆ ಹೇಳಿ ಮಾಡಿಸಿದ ತಾಣಗಳು. ಹೀಗಾಗಿಯೇ ಜನರು ಹೆಚ್ಚಾಗಿ ಬೆಟ್ಟಗಳು, ಕಾಡು ಹಾಗೂ ನೀರು ಹರಿವ ಜಾಗಗಳಿಗೆ ಹೋಗಿ ಫೋಟೋಶೂಟ್ ಮಾಡಿಸುತ್ತಾರೆ. ಆದರೆ ಈಗ ಪ್ರೀವೆಡ್ಡಿಂಗ್ ಫೋಟೋಶೂಟ್ ಎಲ್ಲೋ ಒಂದು ಕಡೆ ಮಿತಿಮೀರುತ್ತಿದೆ ಎಂದೆನಿಸುತ್ತಿದೆ. ಮದುವೆಗೂ ಮುನ್ನ ಮಾಡಿಸುವ ಫೋಟೋಶೂಟ್ಗಳೂ ಸಹ ಸಖತ್ ಹಾಟ್ ಹಾಗೂ ಬೋಲ್ಡ್ ಸ್ವರೂಪ ಪಡೆದುಕೊಳ್ಳುತ್ತಿವೆ. ಈ ಹಿಂದೆಯೂ ಒಂದು ಪ್ರೀವೆಡ್ಡಿಂಗ್ ಫೋಟೋಶೂಟ್ಗೆ ಜೋಡಿಯೊಂದು ಸಖತ್ ಹಾಟಾಗಿ ಪೋಸ್ ಕೊಡುವ ಮೂಲಕ ಸುದ್ದಿಯಾಗಿದ್ದರು.
ಈಗಲೂ ಸಹ ಕೇರಳ ಜೋಡಿಯೊಂದು ಪ್ರೀವೆಡ್ಡಿಂಗ್ ಫೋಟೋಶೂಟ್ನಲ್ಲಿ ಸಖತ್ ಹಾಟ್ ಹಾಗೂ ಬೋಲ್ಡಾಗಿ ಪೋಸ್ ಕೊಟ್ಟಿದ್ದಾರೆ. ಸದ್ಯ ಫೋಟೋಶೂಟ್ ವೈರಲ್ ಆಗುತ್ತಿದೆ. ಇದನ್ನು ಕೆಲವರು ಇಷ್ಟಪಡುತ್ತಿದ್ದರೆ, ಅದಕ್ಕಿಂತ ಹೆಚ್ಚಾಗಿ ಟೀಕಿಸುತ್ತಿದ್ದಾರೆ.
ಕೇರಳದ ಜೋಡಿಗೆ ವಿವಾಹಕ್ಕೆ ಮೊದಲು ಮಾಡಿಸಬೇಕಾಗಿದ್ದ ಫೋಟೋಶೂಟ್ಗೆ ಲಾಕ್ಡೌನ್ ಅಡ್ಡಿಯಾಗಿತ್ತು. ಅದಕ್ಕೆ ವಿವಾಹವಾದ ನಂತರ ಇವರು ಕೇರಳದ ಇಡುಕ್ಕಿ ಜಿಲ್ಲೆಯಲ್ಲಿರುವ ಒಂದು ಎಸ್ಟೇಟ್ನಲ್ಲಿ ಹನಿಮೂನ್ಗೆ ಪ್ಲಾನ್ ಮಾಡಿಕೊಂಡು ಹೋಗಿದ್ದಾರೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ