Aadhar - PAN Link: ಆಧಾರ್-ಪ್ಯಾನ್ ಲಿಂಕ್ಗೆ ಜೂನ್ 30 ಕೊನೆಯ ದಿನ; ಲಿಂಕ್ ಮಾಡದಿದ್ರೆ ಸಾಕಷ್ಟು ಸಮಸ್ಯೆ ಆಗ್ಬಹುದು !
Aadhar - PAN Card: ಆಧಾರ್-ಪ್ಯಾನ್ ಲಿಂಕ್ : ಯಾರಾದರೂ ಪ್ಯಾನ್ ಕಾರ್ಡನ್ನು ಆಧಾರ್ ಕಾರ್ಡ್‍ಗೆ ಲಿಂಕ್ ಮಾಡಲು ವಿಫಲವಾದರೆ, ಅದು ನಿಷ್ಕ್ರೀಯಗೊಳ್ಳುತ್ತದೆ ಎಂದು ಸಿಬಿಡಿಟಿ ಮೊದಲೇ ಹೇಳಿದೆ.
ಪ್ರಾತಿನಿಧಿಕ ಚಿತ್ರ
- Trending Desk
- Last Updated :
Aadhar Card - PAN Card: ರಾಷ್ಟ್ರದಲ್ಲಿ ಎದುರಾಗಿದ್ದ ಸಾಂಕ್ರಾಮಿಕ ರೋಗದ ಪರಿಸ್ಥಿತಿಯನ್ನು ಪರಿಗಣಿಸಿ, ಕೇಂದ್ರ ಸರಕಾರವು, ಆಧಾರ್ ಕಾರ್ಡ್ ಮತ್ತು ಪ್ಯಾನ್ ಕಾರ್ಡ್ ಲಿಂಕ್ ಮಾಡಲು, ಗಡುವನ್ನು ವಿಸ್ತರಿಸಿತ್ತು. ಮಾರ್ಚ್ 31 ರಿಂದ ಜೂನ್ 30ರ ವರೆಗೆ ಗಡುವು ವಿಸ್ತರಿಸಲಾಗಿದೆ. ಇದೀಗ ಆಧಾರ್ ಕಾರ್ಡ್ ಮತ್ತು ಪ್ಯಾನ್ ಕಾರ್ಡ್ ಲಿಂಕ್ ಮಾಡುವ ಗಡುವು ಸಮೀಪಿಸುತ್ತಿದ್ದು, ಕೆಲವೇ ಸಮಯ ಉಳಿದಿದೆ.
ಯಾರಾದರೂ ಪ್ಯಾನ್ ಕಾರ್ಡ್‍ನ್ನು ಆಧಾರ್ ಕಾರ್ಡ್‍ಗೆ ಲಿಂಕ್ ಮಾಡಲು ವಿಫಲವಾದರೆ, ಅದು ನಿಷ್ಕ್ರೀಯಗೊಳ್ಳುತ್ತದೆ ಎಂದು ಸೆಂಟ್ರಲ್ ಬೋರ್ಡ್ ಆಫ್ ಡೈರೆಕ್ಟ್ ಟ್ಯಾಕ್ಸಸ್ (ಸಿಬಿಡಿಟಿ) ತನ್ನ ಅಧಿಸೂಚನೆಯಲ್ಲಿ ತಿಳಿಸಿದೆ. ಒಂದು ವೇಳೆ ಗಡುವಿನ ಅವಧಿ ಮುಗಿದ ಬಳಿಕ, ಪ್ಯಾನ್ ಕಾರ್ಡನ್ನು ಆಧಾರ್ ಕಾರ್ಡ್‍ಗೆ ಲಿಂಕ್ ಮಾಡಿದರೆ, ಆಗ ಪ್ಯಾನ್ ಕಾರ್ಡ್ “ ಆಧಾರ್ ಸಂಖ್ಯೆಯನ್ನು ತಿಳಿಸಿದ ದಿನಾಂಕದಿಂದ ಕಾರ್ಯರೂಪಕ್ಕೆ ಬರುತ್ತದೆ” ಎಂದು ಅದು ಸ್ಪಷ್ಟೀಕರಣ ನೀಡಿದೆ.
ಕೇಂದ್ರ ಸರಕಾರವು, 2021ರ ಬಜೆಟ್‍ನಲ್ಲಿ , ಆದಾಯ ತೆರಿಗೆ ಕಾಯ್ದೆ 1961ಕ್ಕೆ ಹೊಸ ಸೆಕ್ಷನ್ 234ಹೆಚ್ ಅನ್ನು ಸೇರಿಸಿತು. ಅದರ ಪ್ರಕಾರ, ಗಡುವಿನ ಅವಧಿ ಮೀರಿದ ನಂತರ ವ್ಯಕ್ತಿಗಳು ಪ್ಯಾನ್ ಕಾರ್ಡನ್ನು ಆಧಾರ್ ಕಾರ್ಡ್‍ಗೆ ಲಿಂಕ್ ಮಾಡಿದರೆ,ಅವರಿಗೆ ಶುಲ್ಕ ವಿಧಿಸಬಹುದು. ಹೊಸ ಸೆಕ್ಷನ್ 234ಹೆಚ್ ಪ್ರಕಾರ, 2021ರ ಜುಲೈ 1 ಅಥವಾ ಅದರ ನಂತರ ಪ್ಯಾನ್ ಕಾರ್ಡ್‍ನೊಂದಿಗೆ ಆಧಾರ್ ಕಾರ್ಡನ್ನು ಲಿಂಕ್ ಮಾಡಿದರೆ, ವ್ಯಕ್ತಿ 1,000 ರೂ. ಮೀರದ ದಂಡವನ್ನು ಪಾವತಿಸಬೇಕಾಗುತ್ತದೆ.
ಒಂದು ವೇಳೆ ನಿಮ್ಮ ಪ್ಯಾನ್ ಕಾರ್ಡ್ ನಿಷ್ಕ್ರೀಯವಾದರೆ, ಪ್ಯಾನ್ ಕಾರ್ಡ್ ಅನ್ನು ಉಲ್ಲೇಖಿಸುವುದು ಕಡ್ಡಾಯವಾಗಿರುವ ಕಡೆಯಲ್ಲೆಲ್ಲಾ, ನಿಮಗೆ ಹಣಕಾಸಿನ ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ. ಸೆಂಟ್ರಲ್ ಬೋರ್ಡ್ ಆಫ್ ಡೈರೆಕ್ಟ್ ಟ್ಯಾಕ್ಸಸ್‍ನ ಫೆಬ್ರವರಿ 2021ರ ಅಧಿಸೂಚನೆಯಲ್ಲಿ, ಒಮ್ಮೆ ಪ್ಯಾನ್ ಕಾರ್ಡ್ ಆಧಾರ್ ಕಾರ್ಡ್‍ನೊಂದಿಗೆ ಸಂಪರ್ಕ ಹೊಂದಿದ ನಂತರ , ಅದು ಆಧಾರ್ ಕಾರ್ಡ್‍ನೊಂದಿಗೆ ಪ್ಯಾನ್ ಕಾರ್ಡ್ ಸಂಪರ್ಕ ಹೊಂದಿದ ದಿನಾಂಕದಿಂದ ಕಾರ್ಯರೂಪಕ್ಕೆ ಬರುತ್ತದೆ ಎಂದು ತಿಳಿಸಲಾಗಿದೆ.
ಒಂದು ವೇಳೆ ಗಡುವಿನ ದಿನಾಂಕದ ನಂತರ,ಅಂದರೆ ಜೂನ್ 30ರ ನಂತರ ಪ್ಯಾನ್ ಕಾರ್ಡನ್ನು ಲಿಂಕ್ ಮಾಡಿದರೆ, ಸೆಕ್ಷನ್ 234ಹೆಚ್ ಪ್ರಕಾರ ಅಂತಹ ವ್ಯಕ್ತಿಗಳಿಗೆ ದಂಡ ವಿಧಿಸಲಾಗುವುದು.
ಇದನ್ನೂ ಓದಿ: Blue Tea: ಶಂಕಪುಷ್ಪಿಯ ಚಹಾದಲ್ಲಿದೆ ಅಮೃತದ ಅಂಶ, ಸರ್ವರೋಗಕ್ಕೂ ಮದ್ದು ಈ ನೀಲಿ ಟೀ !
ಹಾಗಾಗಿ ಗಡುವು ಮೀರುವ ಮುನ್ನವೇ ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡನ್ನು ಲಿಂಕ್ ಮಾಡುವ ಸಲಹೆ ನೀಡಲಾಗಿದೆ. ಆದಾಯ ತೆರಿಗೆ ಕಾನೂನುಗಳ ಪ್ರಕಾರ, ವ್ಯಕ್ತಿಯು ಜೂನ್ 30ರ ಒಳಗೆ ಪ್ಯಾನ್ ಕಾರ್ಡ್ ಮತ್ತು ಆಧಾರ್ ಕಾರ್ಡನ್ನು ಲಿಂಕ್ ಮಾಡಿಲ್ಲದ ಕಾರಣ ಅದು ನಿಷ್ಕ್ರೀಯವಾಗಿದ್ದರೆ, ಅಂತಹ ವ್ಯಕ್ತಿಯ ಪ್ಯಾನ್ ಕಾರ್ಡನ್ನು ಉಲ್ಲೇಖಿಸಲು ಅಥವಾ ಒದಗಿಸುವ ಅಗತ್ಯವಿದ್ದರೆ, ಅವರು ಡಾಕ್ಯುಮೆಂಟ್‍ನಲ್ಲಿ ಆ ಅಗತ್ಯವನ್ನು ಒದಗಿಸಿಲ್ಲ/ತಿಳಿಸಿಲ್ಲ / ಉಲ್ಲೇಖಿಸಿಲ್ಲ ಎಂದು ಪರಿಗಣಿಸಲಾಗುತ್ತದೆ. ಆದಾಯ ತೆರಿಗೆ ಕಾಯ್ದೆಯಡಿ ಎಲ್ಲಾ ಪರಿಣಾಮಗಳಿಗೆ ಅವರೇ ಹೊಣೆಯಾಗಿರುತ್ತಾರೆ.
ನ್ಯೂಸ್18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್ ಕೇಸ್ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್ ನಿಯಮಗಳಾದ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ತಮ್ಮ ತಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆಯಬೇಕು. ಈಗಿನ ಪರಿಸ್ಥಿತಿಯಲ್ಲಿ ಲಸಿಕೆ ಒಂದೇ ಸೋಂಕಿನ ವಿರುದ್ಧ ಹೋರಾಡುವ ಮಾರ್ಗವಾಗಿದೆ. ಅತ್ಯಗತ್ಯವಿದ್ದರೆ ಮಾತ್ರವೇ ಮನೆಯಿಂದ ಹೊರಗೆ ಹೋಗುವ ಅಭ್ಯಾಸ ರೂಢಿಸಿಕೊಳ್ಳಬೇಕು.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
