8 ವರ್ಷ ಬಳಿಕ ಮಗು ಜನನ; ಈ ಗ್ರಾಮಕ್ಕೆ 29ನೇ ಸದಸ್ಯನ ಆಗಮನ

ಅದೊಂದು ಪುಟ್ಟ ಗ್ರಾಮ. 8 ವರ್ಷಗಳ ಬಳಿಕ ಗ್ರಾಮದ ಜನರು ಇಂದು ಸಂಭ್ರಮ ಸಡಗರದಲ್ಲಿದ್ದಾರೆ. ಅದಕ್ಕೆ ಕಾರಣ ತಿಳಿದರೆ ನಿಮಗೂ ಅಚ್ಚರಿಯಾಗಬಹುದು. ಅಷ್ಟಕ್ಕೂ ಆ ಗ್ರಾಮದ ಜನರ ಸಂತೋಷಕ್ಕೆ ಕಾರಣವಾದ ವಿಷಯ ಏನು​ ಗೊತ್ತಾ?

ಭಾರತದಲ್ಲಿ ಸಾಕಷ್ಟು ಗ್ರಾಮಗಳಿವೆ. ಆ ಗ್ರಾಮದಲ್ಲಿ ಕೆಲವೊಂದು ವಿಶೇಷತೆಗಳಿರುತ್ತವೆ. ಅಥವಾ ಯಾವುದೊ ಒಂದು ವಿಚಾರಕ್ಕೆ ಜನಪ್ರಿತೆ ಪಡೆದುಕೊಂಡಿರುತ್ತದೆ. ಅದರಂತೆ ಇಲ್ಲೊಂದು ಗ್ರಾಮವಿದೆ. ಈ ಗ್ರಾಮದಲ್ಲಿ 8 ವರ್ಷಗಳ ಬಳಿಕ ಮಗುವೊಂದು ಜನಿಸಿದೆ. ಹಾಗಾಗಿ ಗ್ರಾಮದ ಜನರು ಮುಖದಲ್ಲಿ ಮಂದಹಾಸ ಮನೆಮಾಡಿದೆ. ಹಾಗಿದ್ದಾರೆ, ಆ ಗ್ರಾಮ ಯಾವುದು? ಎಲ್ಲಿದೆ?.

ಈ ಘಟನೆ ನಡೆದಿರುವುದು ಭಾರತದಲ್ಲಲ್ಲ. ಇಟಲಿಯಲ್ಲಿ. ಮೊರ್ಟೆರೋನ್​ ಗ್ರಾಮದ ನಿವಾಸಿಗಳು ಇಂದು ಸಂಭ್ರಮದಲ್ಲಿ ತೇಲಾಡುತ್ತಿದ್ದಾರೆ. 8 ವರ್ಷದ ಬಳಿಕ ಮಗು ಹುಟ್ಟಿದೆ ಎಂಬ ಕಾರಣ ಒಂದಾದರೆ. ಮತ್ತೊಂದು ವಿಶೇಷ ಆ ಗ್ರಾಮದಲ್ಲಿ ಒಟ್ಟು ಜನಸಂಖ್ಯೆ 29ಕ್ಕೆ ಏರಿಕೆಯಾಗಿದೆ.

ಹೌದು. 2012ರಲ್ಲಿ ಮೊರ್ಟೆರೋನ್​ ಗ್ರಾಮದಲ್ಲಿ ಮಗು ಜನಿಸಿತ್ತು. ಈವರೆಗೆ 28 ಜನರು ವಾಸಿಸುತ್ತಿದ್ದರು. ಆದರೀಗ ಪುಟ್ಟ ಕಂದ ಆಗಮನದಿಂದ ಜನಸಂಖ್ಯೆ 29ಕ್ಕೆ ಏರಿಕೆಯಾಗಿದೆ. ಹಾಗಾಗಿ ಡಬಲ್​ ಖುಷಿಯನ್ನು ಮೊರ್ಟೆರೋನ್​ ನಿವಾಸಿಗಳು ಸಂಭ್ರಮಿಸುತ್ತಿದ್ದಾರೆ.

ಇಟಲಿಯ ಲೊಕ್ಕೊದಲ್ಲಿನ ಅಲೆಸ್ಸಾಂಡ್ರೊ ಮಂಜೋನಿಯಲ್ಲಿ ಆಸ್ಪತ್ರೆಯಲ್ಲಿ ಮಗು ಜನಿಸಿದೆ. ಪೋಷಕರಾದ ಮ್ಯಾಟಿಯೋ ಹಾಗೂ ಸಾರಾ ಮಗುವಿಗೆ ಡೆನಿಸ್​ ಎಂದು ನಾಮಕರಣ ಮಡಿದ್ದಾರೆ. ಹುಟ್ಟಿದ ಮಗು 2.6 ಕಿ.ಗ್ರಾಂ ತೂಕವನ್ನು ಹೊಂದಿದೆ ಎಂದು ದಿ ಗಾರ್ಡಿಯನ್​​ ವರದಿ ಮಾಡಿದೆ.

ಇಟಾಲಿಯನ್​ ಸಂಪ್ರದಾಯದಂತೆ ಜನಿಸಿದ ಮಗುವಿನ ಸಂಭ್ರಮವನ್ನು ವ್ಯಕ್ತಪಡಿಸಲು ಮತ್ತು ಮಗುವಿನ ಹೆಸರನ್ನು ಘೋಷಣೆ ಮಾಡಲು ಪೋಷಕರು ರಿಬ್ಬನ್​ ಧರಿಸುತ್ತಾರೆ. ಅದರಂತೆ ಸಾರಾ ಮತ್ತು ಮ್ಯಾಟಿಯೋ ನೀಲಿ ರಿಬ್ಬನ್​ ಧರಿಸುವ ಮೂಲಕ ಮಗುವಿಗೆ ನಾಮಕರಣ ಮಾಡಿ ಘೋಷಣೆ ಮಾಡಿದ್ದಾರೆ.