CarterX: ವಿಮಾನ ಪ್ರಯಾಣಿಕರು ಲಗೇಜ್​ ಕೊಂಡೊಯ್ಯುವ ಟೆನ್ಷನ್​ ಬಿಟ್ಟುಬಿಡಿ! ಯಾಕಂದ್ರೆ ಕಾರ್ಟರ್​ಎಕ್ಸ್​ ನಿಮಗೆ ಸಹಾಯ ಮಾಡುತ್ತೆ ನೋಡಿ

ವಿಮಾನದಲ್ಲಿ ಪ್ರಯಾಣಿಸುವವರಿಗೆ ದೊಡ್ಡ ತಲೆನೋವೆಂದರೆ ಲಗೇಜ್​ಗೆ ಕಾಯುವುದು. ಅದರಲ್ಲೂ ಕೆಲವೊಮ್ಮೆ ದೂರ ಪ್ರಯಾಣ ಮಾಡುವ ವೇಳೆ ಲಗೇಜ್ (baggage) ಕಾಯಬೇಕಾದ ಪರಿಸ್ಥಿತಿ ನಿಮಾರ್ಣವಾಗುತ್ತದೆ​. ಈ ವರ್ಷದ ಆರಂಭದಲ್ಲಿ, ಚೆನ್ನೈ (Chennai) ವಿಮಾನ ನಿಲ್ದಾಣಕ್ಕೆ ಆಗಮಿಸುವ ದೇಶೀಯ ಮತ್ತು ಅಂತಾರಾಷ್ಟ್ರೀಯ ಪ್ರಯಾಣಿಕರು ತಮ್ಮ ಲಗೇಜ್ ಪಡೆಯಲು ಒಂದು ಗಂಟೆಗೂ ಹೆಚ್ಚು ಕಾಲ ಕಾಯಬೇಕಾಯಿತು. ಆದರೆ ಪ್ರಯಾಣಿಕರ ಸಂಕಷ್ಟವನ್ನು ಅರಿತುಕೊಂಡು ಬೆಂಗಳೂರು ಮೂಳದ ಸ್ಟಾರ್ಟ್​ಅಪ್​ ಕಾರ್ಟರ್​​​ಎಕ್ಸ್ (CarterX)​​​ ಇದರ ನಿರ್ವಾಹಣೆಯನ್ನು ಮಾಡಲು ಮುಂದಾಗಿದೆ.

2030 ರ ವೇಳೆಗೆ ಭಾರತವು ಚೀನಾ ಮತ್ತು ಯುನೈಟೆಡ್ ಸ್ಟೇಟ್ಸ್ ಅನ್ನು ಹಿಂದಿಕ್ಕಿ ವಿಶ್ವದ ಮೂರನೇ ಅತಿದೊಡ್ಡ ವಿಮಾನ ಪ್ರಯಾಣಿಕರ ಮಾರುಕಟ್ಟೆಯಾಗಿ ಹೊರಹೊಮ್ಮುವ ನಿರೀಕ್ಷೆಯನ್ನು ಹೊಂದಿದೆ. ಆದರೆ ಲಗೇಜ್​ ಸಮಸ್ಯೆ ಇನ್ನಷ್ಟು ಉಲ್ಬಣಗೊಳ್ಳಲಿದೆ. ಆದರೆ ಬೆಂಗಳೂರು ಮೂಲದ ಕಾರ್ಟರ್​​​ಎಕ್ಸ್​ ಈ ಸಮಸ್ಯೆಯನ್ನು ಹೋಗಲಾಡಿಸಲಿದೆ.

ಕಾರ್ಟರ್ಎಕ್ಸ್ ಸಹ-ಸಂಸ್ಥಾಪಕ ಮತ್ತು ಸಿಇಒ ಹರ್ಷ ವರ್ಧನ್ ಅವರು ಮಾತನಾಡಿ “ವಿಮಾನ ನಿಲ್ದಾಣದ ಲಗೇಜ್ ವರ್ಗಾವಣೆ ನೆರವು ಭಾರತದಲ್ಲಿ ಗಮನಾರ್ಹವಾದ ಹೊಸ ಮಾರುಕಟ್ಟೆಯಾಗಿದೆ. ಸಾಕಷ್ಟು ಸಾಮರ್ಥ್ಯ ಮತ್ತು ವ್ಯಾಪ್ತಿ ಇದೆ’’ ಎಂದು ಹೇಳುತ್ತಾರೆ.

ಇದನ್ನೂ ಓದಿ: Kawasaki W175 Launch: ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಂಡ ಕವಾಸಕಿ W175 ಬೈಕ್​! ರೆಟ್ರೋ ರೈಡರ್​ಗಳಿಗೆ ಹೇಳಿ ಮಾಡಿಸಿದಂತಿದೆ

ಹರ್ಷ ವರ್ಧನ್​ ಅವರೊಂದಿಗೆ ಸಾಫ್ಟ್‌ವೇರ್, ನಿರ್ಮಾಣ ಮತ್ತು ಹೂಡಿಕೆಯಲ್ಲಿ 14 ವರ್ಷಗಳ ಅನುಭವದೊಂದಿಗೆ ಬರುವ ರಮ್ಯಾ ರೆಡ್ಡಿ ಕೈಜೋಡಿಸಿಕೊಂಡು ಈ ಸಂಸ್ತೇಯನ್ನು ಮುನ್ನಡೆಸುತ್ತಿದ್ದಾರೆ.

ಏನಿದು ಕಾರ್ಟರ್​​​ಎಕ್ಸ್​​?

ಅಂದಹಾಗೆಯೇ, ಕಾರ್ಟರ್​​​ಎಕ್ಸ್​​ ಭಾರತದಾದ್ಯಂತ ವಿಮಾನ ಪ್ರಯಾಣಿಕರಿಗೆ ನಿರ್ಮಾಣವಾದ ಬ್ಯಾಗೇಜ್ ಅಸಿಸ್ಟೆಂಟ್ ಸ್ಟಾರ್ಟ್ಅಪ್ ಆಗಿದೆ. ಇದು ಪ್ರಯಾಣಿಕರಿಗೆ ವಿಮಾನ ನಿಲ್ದಾಣದಲ್ಲಿ ಸಹಾಯ ಮತ್ತು ಬಾಗಿಲಿನಿಂದ ವಿಮಾನ ನಿಲ್ದಾಣಕ್ಕೆ ಪಿಕ್ ಮತ್ತು ಡ್ರಾಪ್ ಬ್ಯಾಗೇಜ್ ಸೇವೆಗಳಂತಹ ಸೇವೆಯನ್ನು ನೀಡುತ್ತದೆ.

ಇದನ್ನೂ ಓದಿ: WhatsApp avatar feature: ವಾಟ್ಸ್​ಆ್ಯಪ್​ನಲ್ಲಿ ನಿಮ್ಮ ಅವತಾರವನ್ನೇ ಬದಲಾಯಿಸಬಹುದು! ಅದು ಹೇಗೆ?

ಕಾರ್ಟರ್​​​ಎಕ್ಸ್​​​ ವಿಮಾನ ಪ್ರಯಾಣಿಕರ ಆತಂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ವಿಮಾನ ನಿಲ್ದಾಣವನ್ನು ಪ್ರವೇಶಿಸಲು/ನಿರ್ಗಮಿಸಲು ದೀರ್ಘ ನಡಿಗೆಗಳು, ಕೌಂಟರ್‌ಗಳನ್ನು ಗುರುತಿಸಲು ಸಹಾಯ ಮಾಡುತ್ತದೆ.

ಪ್ರಸ್ತುತ ದೆಹಲಿ, ಮುಂಬೈ, ಬೆಂಗಳೂರು ಮತ್ತು ಹೈದರಾಬಾದ್‌ನ ಎಲ್ಲಾ ಟರ್ಮಿನಲ್‌ಗಳಲ್ಲಿ ಸಂಪೂರ್ಣ ಡಿಜಿಟಲ್ ಸೇವೆಯನ್ನು ನಿರ್ವಹಿಸುತ್ತಿದೆ. ಶೀಘ್ರದಲ್ಲೇ ಚೆನ್ನೈ ಮತ್ತು ಕೋಲ್ಕತ್ತಾದಲ್ಲಿ ಸೇವೆಗಳನ್ನು ಪ್ರಾರಂಭಿಸಲು ಮುಂದಾಗಿದೆ.

ಇನ್ನು ಕಾರ್ಟರ್​​​ಎಕ್ಸ್​​​ ಬ್ಯಾಗೇಜ್ ಅನ್ನು ತ್ವರಿತವಾಗಿ ಎತ್ತಿಕೊಂಡು ಮೊದಲ ಮೈಲಿನಿಂದ ಕೊನೆಯ ಮೈಲಿವರೆಗೆ ಸುರಕ್ಷಿತವಾಗಿ ಸಾಗಿಸಲಾಗುತ್ತದೆ. ಅಧಿಸೂಚನೆ ಮತ್ತು ಟ್ರ್ಯಾಕಿಂಗ್‌ ಸೇವೆಯ ಮೂಲಕ ಸಾಗಿಸಲಾಗುತ್ತದೆ.

ಅಂದಹಾಗೆಯೇ ಈ ಸ್ಟಾರ್ಟ್ಅಪ್​ ಪಿಕ್ ಅಪ್ ಮತ್ತು ಡೆಲಿವರಿಗಾಗಿ 24x7 ಸ್ಲಾಟ್ ಆಧಾರಿತ ಸೇವೆಯನ್ನು ನೀಡುತ್ತದೆ. ಅದರ ಇತರ ಸೇವೆಗಳಲ್ಲಿ ಟ್ಯಾಂಪರ್-ಸ್ಪಷ್ಟ ಪ್ಯಾಕಿಂಗ್, ಪೂರಕ ವಿಮೆ, 24x7 ಬೆಂಬಲ ಮತ್ತು ಉಚಿತ ಕ್ಯಾನ್ಸಲ್​ ಮಾಡುವ ಆಯ್ಕೆಯನ್ನು ಒಳಗೊಂಡಿದೆ.

ಪ್ರಸ್ತುತ ಕಾರ್ಟರ್​​​ಎಕ್ಸ್​ನಲ್ಲಿ 34 ಜನರ ತಂಡವು ನಾಲ್ಕು ವಿಮಾನ ನಿಲ್ದಾಣಗಳಲ್ಲಿ 24x7 ಸೇವೆಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಪ್ರಸ್ತುತ ವಿಮಾನ ಪ್ರಯಾಣಿಕರಿಗೆ ಮತ್ತು ಲಗೇಶ್​ ಕೊಂಡೊಯ್ಯುವ ತಲೆನೋವು ಇರುವವರಿಗೆ ಈ ಸೇವೆಯು ಸಹಾಯಕ್ಕೆ ಬರುತ್ತದೆ. ಅದರಲ್ಲೂ ಪ್ರಸ್ತುತತೆಗೆ ಇದು ತುಂಬಾ ಸಹಕಾರಿಯಾಗಿದೆ. ಬಹುತೇಕರು ಲಗೇಜ್​ ಕೊಂಡೊಯ್ಯಲು ಮತ್ತು ಪ್ರಯಾಣಿಸುವ ಸಮಯದಲ್ಲಿ ಇಂತಹ ತಲೆನೋವಿನಿಂದ ಬಳಲುತ್ತಿರುತ್ತಾರೆ. ಅದರೆ ಕಾರ್ಟರ್​​​ಎಕ್ಸ್​​​ ಇದನೆಲ್ಲಾ ಮೀರಿ ಕೆಲಸ ಮಾಡುತ್ತಿದೆ. ಪ್ರಯಾಣಿಕರಿಗೆ ಸಹಾಯ ಮಾಡುತ್ತಿದೆ.