• Home
  • »
  • News
  • »
  • trend
  • »
  • Hitler's Watch: ಹಿಟ್ಲರ್ ಧರಿಸುತ್ತಿದ್ದ ವಾಚ್ ಎಷ್ಟು ಕೋಟಿಗೆ ಮಾರಾಟವಾಗಿದೆ? ಅದರಲ್ಲಿ ಅಂಥದ್ದೇನಿದೆ?

Hitler's Watch: ಹಿಟ್ಲರ್ ಧರಿಸುತ್ತಿದ್ದ ವಾಚ್ ಎಷ್ಟು ಕೋಟಿಗೆ ಮಾರಾಟವಾಗಿದೆ? ಅದರಲ್ಲಿ ಅಂಥದ್ದೇನಿದೆ?

ಹಿಟ್ಲರ್ ವಾಚ್

ಹಿಟ್ಲರ್ ವಾಚ್

ಹಿಟ್ಲರ್‌ ಧರಿಸುತ್ತಿದ್ದ ವಾಚ್ ಅನ್ನು ವ್ಯಕ್ತಿಯೊಬ್ಬರು ಕೋಟಿಗಟ್ಟಲೇ ನೀಡಿ ಖರೀದಿಸಿದ್ದಾರೆ. ಹೌದು, ನಾಜಿ ಸರ್ವಾಧಿಕಾರಿ ಅಡಾಲ್ಫ್ ಹಿಟ್ಲರ್‌ಗೆ ಸೇರಿದ್ದೆಂದು ಹೇಳಲಾದ ಕೈ ಗಡಿಯಾರವನ್ನು ಮೇರಿಲ್ಯಾಂಡ್‌ನ ಅಲೆಕ್ಸಾಂಡರ್ ಹಿಸ್ಟಾರಿಕಲ್ ಹರಾಜಿನಲ್ಲಿ ಅನಾಮಧೇಯ ಖರೀದಿದಾರರಿಗೆ $ 1.1 ಮಿಲಿಯನ್ (ಸುಮಾರು 8.7 ಕೋಟಿ ರೂ.) ಗೆ ಮಾರಾಟ ಮಾಡಲಾಗಿದೆ.

ಮುಂದೆ ಓದಿ ...
  • Share this:

ನವದೆಹಲಿ: ಇತಿಹಾಸದಲ್ಲಿ ಅಚ್ಚಳಿಯದೇ ಉಳಿದಿರುವ ಹಿಟ್ಲರ್ ಹೆಸರನ್ನು ಕೇಳದವರು ಯಾರಿದ್ದಾರೆ ಹೇಳಿ. ಅಡಾಲ್ಫ್ ಹಿಟ್ಲರ್ (Adolf Hitler), ನಾಜಿ ಜನಾ೦ಗದ ಓರ್ವ ನಿರ೦ಕುಶ ಪ್ರಭುವಾಗಿದ್ದು, ಪ್ರಪ೦ಚವನ್ನು ವಿನಾಶದ೦ಚಿಗೆ ತಳ್ಳಿದ ಮಹಾಕ್ರೂರಿ ಆಡಳಿತಗಾರ (Ruler) ಎನ್ನಬಹುದು. ಇದೆಲ್ಲಾ ಇತಿಹಾಸದ ಕಥೆಗಳು ಬಿಡಿ. ಹೊಸ ವಿಷಯ ಏನೆಂದರೆ ಹಿಟ್ಲರ್‌ ಧರಿಸುತ್ತಿದ್ದ ವಾಚ್ ಅನ್ನು (Watch) ವ್ಯಕ್ತಿಯೊಬ್ಬರು ಕೋಟಿಗಟ್ಟಲೇ ನೀಡಿ ಖರೀದಿಸಿದ್ದಾರೆ. ಹೌದು, ನಾಜಿ ಸರ್ವಾಧಿಕಾರಿ ಅಡಾಲ್ಫ್ ಹಿಟ್ಲರ್‌ಗೆ ಸೇರಿದ್ದೆಂದು ಹೇಳಲಾದ ಕೈ ಗಡಿಯಾರವನ್ನು ಮೇರಿಲ್ಯಾಂಡ್‌ನ ಅಲೆಕ್ಸಾಂಡರ್ ಹಿಸ್ಟಾರಿಕಲ್ ಹರಾಜಿನಲ್ಲಿ ಅನಾಮಧೇಯ ಖರೀದಿದಾರರಿಗೆ $ 1.1 ಮಿಲಿಯನ್ (ಸುಮಾರು 8.7 ಕೋಟಿ ರೂ.) ಗೆ ಮಾರಾಟ (Sold) ಮಾಡಲಾಗಿದೆ.


ಈ ಹರಾಜು ಬಹಳಷ್ಟು ಗಮನ ಸೆಳೆದಿದ್ದು, ನಿಜವಾಗಿಯೂ ಹಿಟ್ಲರ್ ಗೆ ಸೇರಿರುವ ಕೈ ಗಡಿಯಾರವೇ ಅಂತಾ ಹಲವು ಪ್ರಶ್ನೆಗಳು ಸಹ ಹುಟ್ಟಿಕೊಳ್ಳುತ್ತಿವೆ.


ವಾಚ್ ನಲ್ಲಿ ಏನೇನಿದೆ ?
ಹಿಟ್ಲರ್ ಧರಿಸುತ್ತಿದ್ದ ಎನ್ನಲಾಗಿರುವ ಈ ವಾಚ್ ಅನ್ನು ಜರ್ಮನ್ ವಾಚ್ ಫರ್ಮ್ ಹ್ಯೂಬರ್ ತಯಾರಿಸಿದೆ. ಚಿನ್ನದ ವಾಚ್ ಮೇಲೆ ಸ್ವಸ್ತಿಕ ಮತ್ತು ನಾಜಿ ಹದ್ದು ಚಿಹ್ನೆ ಇದ್ದು, ಎಎಚ್ ಎಂಬ ಎರಡು ಅಕ್ಷರಗಳು ಕೂಡ ಇವೆ. ಎಎಚ್ ಎಂದರೆ ಇಲ್ಲಿ ಅಡಾಲ್ಫ್ ಹಿಟ್ಲರ್ ಎಂದು ಊಹಿಸಬಹುದು. ವಿಶೇಷವಾಗಿ ಹಿಟ್ಲರನ ಜನ್ಮ ದಿನಾಂಕಗಳನ್ನು ಸಹ ಇಲ್ಲಿ ಕೆತ್ತಲಾಗಿದೆ.


ಹರಾಜು ಸಂಸ್ಥೆ ನೀಡಿರುವ ಮಾಹಿತಿಯ ಪ್ರಕಾರ, ಹಿಟ್ಲರ್‌ನ 44ನೇ ಜನ್ಮದಿನದಂದು, ಏಪ್ರಿಲ್ 20, 1933 ರಂದು, ಜರ್ಮನಿಯ ಚಾನ್ಸೆಲರ್ ಆಗಿದ್ದ ಸಮಯದಲ್ಲಿ ಚಿನ್ನದ ಆಂಡ್ರಿಯಾಸ್ ಹ್ಯೂಬರ್ ರಿವರ್ಸಿಬಲ್ ಕೈ ಗಡಿಯಾರವನ್ನು ಹಿಟ್ಲರ್ ಗೆ ನೀಡಲಾಗಿತ್ತು ಎಂದಿದೆ. ಅಮೆರಿಕಾದ ಈ ಹರಾಜು ಮನೆಯು ಐತಿಹಾಸಿಕ ಆಟೋಗ್ರಾಫ್‌ಗಳು, ದಾಖಲೆಗಳು, ಛಾಯಾಚಿತ್ರಗಳು, ಮಿಲಿಟರಿ ಮತ್ತು ಪ್ರಮುಖ ಅವಶೇಷಗಳೊಂದಿಗೆ ವ್ಯವಹಸಿಸುವಂತಹ ಸ್ಥಳವಾಗಿದೆ.


ಇದನ್ನೂ ಓದಿ: Vampire Queen: ಇವಳು ರಾಣಿಯಲ್ಲ, ರಾಕ್ಷಸಿ! ಬರೋಬ್ಬರಿ 600ಕ್ಕೂ ಹೆಚ್ಚು ಹುಡುಗಿಯರನ್ನು ಕೊಂದು ಅವರ ರಕ್ತದಲ್ಲಿ ಸ್ನಾನ ಮಾಡುತ್ತಿದ್ದಳು!


ಹಿಟ್ಲರನ ವಾಚ್ ಬಗ್ಗೆ ನಿಮಗೆಷ್ಟು ಗೊತ್ತು?


  • ನಾಜಿ ಯುಗದ ಈ ಸ್ಮರಣಿಕೆ, ಹಿಟ್ಲರ್‌ಗೆ ಸೇರಿದ್ದು ಎಂಬುದಕ್ಕೆ ಯಾವುದೇ ಸರಿಯಾದ ದಾಖಲಾತಿಗಳಿಲ್ಲ. ಬಿಬಿಸಿ ವರದಿಯ ಪ್ರಕಾರ, “ಹರಾಜು ಮನೆಯಿಂದ ಒದಗಿಸಲಾದ ದಾಖಲೆಗಳು ಹಿಟ್ಲರ್ ನಿಜವಾಗಿಯೂ ಗಡಿಯಾರವನ್ನು ಧರಿಸಿದ್ದಕ್ಕೆ ಪುರಾವೆಯನ್ನು ನೀಡಲು ಸಾಧ್ಯವಿಲ್ಲ ಎಂದು ಹೇಳಿದೆ. ಆದರೆ ಕೆಲವು ತಜ್ಞರ ಮೌಲ್ಯಮಾಪನವು ಹಿಟ್ಲರ್ ಗೆ ಸೇರಿರುವ ವಾಚ್ ಇದು ಎಂದು ತೀರ್ಮಾನಿಸಿದ್ದಾರೆ.

  • ಮೇ 4, 1945ರಂದು ಸುಮಾರು 30 ಫ್ರೆಂಚ್ ಸೈನಿಕರ ಗುಂಪು ಅಡಾಲ್ಫ್ ಹಿಟ್ಲರನ ವಿಹಾರ ಮನೆಯಾಗಿದ್ದ ಜರ್ಮನಿಯ ಬರ್ಗಾಫ್ ಗೆ ದಾಳಿ ಮಾಡಿತ್ತು. ಈ ವೇಳೆ ಫ್ರೆಂಚರು ವಾಚ್ ಅನ್ನು ಯುದ್ಧದ ನೆನಪಿಗೆ ಕೊಂಡೊಯ್ದಿದ್ದರು ಎಂದು ಹೇಳಲಾಗುತ್ತದೆ. ಫ್ರೆಂಚ್ ಸೈನಿಕ ಸಾರ್ಜೆಂಟ್ ರಾಬರ್ಟ್ ಮಿಗ್ನೋಟ್ ಅವರು ಹಿಟ್ಲರ್ ವಾಚ್ ಅನ್ನು ಫ್ರಾನ್ಸ್‌ಗೆ ತೆಗೆದುಕೊಂಡು ಹೋಗಿ ಅದನ್ನು ಅವರ ಸೋದರಸಂಬಂಧಿಗೆ ಮರುಮಾರಾಟ ಮಾಡಿದರು ಎಂದು ಹರಾಜು ಮನೆ ಮಾಹಿತಿ ನೀಡಿದೆ.

  • ವಾಚ್ ಮಿಗ್ನೋಟ್ ಕುಟುಂಬದ ವಿಶೇಷ ಸ್ವಾಧೀನದಲ್ಲಿ ಉಳಿದಿದೆ ಮತ್ತು ಹಿಂದೆಂದೂ ಮಾರಾಟಕ್ಕೆ ನೀಡಲಾಗಿರಲಿಲ್ಲ.

  • ಗಡಿಯಾರ ಮತ್ತು ಅದರ ಇತಿಹಾಸದ ಆಳ-ಅಗಲ ತಿಳಿದಿರುವ ವಿಶ್ವದ ಅತ್ಯಂತ ಅನುಭವಿ ಮತ್ತು ಗೌರವಾನ್ವಿತ ಗಡಿಯಾರ ತಯಾರಕರು ಮತ್ತು ಮಿಲಿಟರಿ ಇತಿಹಾಸಕಾರರು ಸೇರಿ ಇದು ಅಧಿಕೃತ ಮತ್ತು ನಿಜವಾಗಿಯೂ ಅಡಾಲ್ಫ್ ಹಿಟ್ಲರ್ಗೆ ಸೇರಿದೆ ಎಂದು ತೀರ್ಮಾನಿಸಿದ್ದಾರೆ.


ಹರಾಜಿನಲ್ಲಿ ನಾಜಿ ವಸ್ತುಗಳನ್ನು ಹಿಂತೆಗೆದುಕೊಳ್ಳುವಂತೆ ಯಹೂದಿಗಳಿಂದ ಪತ್ರ
ಇತಿಹಾಸದಲ್ಲಿ ಜರ್ಮನಿಯಲ್ಲಿನ ಸಮಸ್ಯೆಗಳಿಗೆ ಯಹೂದಿಗಳು ಮತ್ತು ಇತರರನ್ನು ಕ್ರೂರ ನಾಜಿ ಪಕ್ಷವು ದೂಷಿಸುತ್ತಲೇ ಇತ್ತು. ನಂತರ ಈ ಎಲ್ಲಾ ಬೆಳವಣಿಗೆಗಳು 2ನೇ ವಿಶ್ವ ಸಮರಕ್ಕೆ ಕಾರಣವಾಯಿತು. ಹೀಗಾಗಿ ಯಹೂದಿಗಳು ಮತ್ತು ನಾಜಿ ಪಕ್ಷಕ್ಕೆ ಆಗಿ ಬರುವುದೇ ಇಲ್ಲವಾಯಿತು. ನಾಜಿ ಸರ್ವಾಧಿಕಾರಿ ಹಿಟ್ಲರ್ ಗೆ ಸಂಬಂಧಿಸಿದ ಯಾವುದೂ ಸುಲಭವಾಗಿ ಇತ್ಯರ್ಥವಾಗುವುದಿಲ್ಲ. ಅಂತೆಯೇ, ಈ ವಾಚ್ ಹರಾಜಿಗೆ ಸಂಬಂಧಿಸಿದಂತೆ ಯಹೂದಿಗಳು ವಿರೋಧ ವ್ಯಕ್ತಪಡಿಸಿದ್ದರು.


ಇದನ್ನೂ ಓದಿ:  Viral Video: ಯಾವುದೇ ಸಪೋರ್ಟ್ ಇಲ್ಲದೆ ಕಲ್ಲಿನ ಬೆಟ್ಟ ಹತ್ತಿದ ಭಿಕ್ಕು! ಅಬ್ಬಾ ಎನರ್ಜಿಯೇ, ನೆಟ್ಟಿಗರು ಫಿದಾ


34 ಯಹೂದಿ ನಾಯಕರು ಬಹಿರಂಗ ಪತ್ರಕ್ಕೆ ಸಹಿ ಹಾಕಿ, ಪತ್ರದಲ್ಲಿ ವಾಚ್ ಮಾರಾಟವನ್ನು "ಅಸಹ್ಯಕರ" ಎಂದು ಉಲ್ಲೇಖಿಸಿದ್ದಾರೆ. ಹಿಟ್ಲರನ ಪತ್ನಿ ಇವಾ ಬ್ರಾನ್‌ಗೆ ಸೇರಿದ ಉಡುಗೆ, ನಾಜಿ ಅಧಿಕಾರಿಗಳ ಹಸ್ತಾಕ್ಷರ ಚಿತ್ರಗಳು ಮತ್ತು ಹಳದಿ ಬಟ್ಟೆಯ ಡೇವಿಡ್ ನಕ್ಷತ್ರವಿರುವ "ಜೂಡ್" ಸೇರಿ ನಾಜಿ ವಸ್ತುಗಳನ್ನು ಹರಾಜಿನಿಂದ ಹಿಂತೆಗೆದುಕೊಳ್ಳುವಂತೆ ಯಹೂದಿಗಳು ಅಲೆಕ್ಸಾಂಡರ್ ಹಿಸ್ಟಾರಿಕಲ್ ಹರಾಜು ಮನೆಗೆ ಕರೆ ನೀಡಿದ್ದರು. ಆದರೆ ಯಹೂದಿಗಳ ವಿರೋಧದ ನಡುವೆಯೇ ಹರಾಜು ನಡೆದಿದ್ದು, ಬರೋಬ್ಬರಿ 8.7 ಕೋಟಿಗೆ ಮಾರಾಟವಾಗಿದೆ.

Published by:Ashwini Prabhu
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು