news18-kannada Updated:February 8, 2021, 1:01 PM IST
ಮದುವೆಯ ಫೋಟೋ ತೆಗೆಯುತ್ತಿರುವ ದೃಶ್ಯ
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಕೆಲವೊಂದು ವಿಡಿಯೋಗಳು ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸುತ್ತವೆ ಇಲ್ಲವೇ ಕಣ್ಣಂಚಲ್ಲಿ ನೀರು ತರಿಸುತ್ತವೆ. ಮದುವೆ ಸಮಾರಂಭವೊಂದರಲ್ಲಿ ಸಂಭ್ರಮ, ಖುಷಿಯಿಂದ ಭಾಗಿಯಾಗಿದ್ದ ಬಂಧುಗಳು ಈ ಘಟನೆಯಿಂದಾಗಿ ಬಿದ್ದು ಬಿದ್ದು ನಕ್ಕಿದ್ದಾರೆ. ಮದುವೆ ಫೋಟೋಶೂಟ್ ನಡೆಯವಾಗ ಫೋಟೋಗ್ರಾಫರ್ ಮಾಡಿದ ಕೆಲಸ ಎಲ್ಲರನ್ನೂ ನಗಿಸಿದೆ. ಜೊತೆಗೆ ವಧು ಕೂಡ ನಗು ತಡೆಯಲಾಗದೇ ಸ್ಟೇಜ್ ಮೇಲೆಯೇ ಕುಳಿತುಕೊಂಡು ಬಿದ್ದು ಬಿದ್ದು ನಕ್ಕಿದ್ದಾಳೆ. ಈ ವಿಡಿಯೋವನ್ನು ರೇಣುಕಾ ಮೋಹನ್ ಎಂಬುವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಈವರೆಗೆ ಸುಮಾರು 8 ಲಕ್ಷಕ್ಕೂ ಅಧಿಕ ಮಂದಿ ಈ ವಿಡಿಯೋ ನೋಡಿದ್ದಾರೆ. ಏನ್ ವಿಡಿಯೋ? ಫೋಟೋಗ್ರಾಫರ್ ಮಾಡಿದ ಕೆಲಸವೇನು ಅಂತೀರಾ? ಮುಂದೆ ಓದಿ.
ವಧು-ವರರು ಮದುವೆ ಉಡುಗೆ ತೊಟ್ಟು ಫೋಟೋಶೂಟ್ಗೆ ಪೋಸ್ ನೀಡುತ್ತಿದ್ದರು. ಫೋಟೋಗ್ರಾಫರ್ ಈ ಶುಭ ದಿನದಂದು ಬೇರೆ ಬೇರೆ ಆ್ಯಂಗಲ್ನಲ್ಲಿ ನಜಜೋಡಿಯ ಫೋಟೋ ತೆಗೆಯುತ್ತಿದ್ದ. ಬಳಿಕ ವಧುವಿನ ಫೋಟೋ ಮಾತ್ರ ತೆಗೆಯಲು ಮುಂದಾದ. ಹೀಗಾಗಿ ವರನನ್ನು ಪಕ್ಕಕ್ಕೆ ಸರಿಸಿ, ವಧುವಿನ ಫೋಟೋ ತೆಗೆಯಲು ಯತ್ನಿಸುತ್ತಿದ್ದ.
ಸಾಂಪ್ರದಾಯಿಕ ಉಡುಗೆ ತೊಟ್ಟು ಅಮೆರಿಕದಲ್ಲಿ ಸ್ಕೀಯಿಂಗ್ ಮಾಡಿದ ಭಾರತೀಯ ಮೂಲದ ದಂಪತಿ; ವಿಡಿಯೋ ವೈರಲ್
ಹೀಗೆ ಮಾಡುವಾಗ, ಫೋಟೋಗ್ರಾಫರ್ ವಧುವಿನ ಸನಿಹಕ್ಕೆ ಹೋದ. ತೀರಾ ಹತ್ತಿರ ಹೋಗಿ, ಫೋಟೋಗೆ ಪೋಸ್ ಕೊಡುವ ರೀತಿಯನ್ನು ಹೇಳಿಕೊಡುತ್ತಿದ್ದ. ಇದು ಅಲ್ಲೇ ಪಕ್ಕದಲ್ಲಿ ನಿಂತಿದ್ದ ವರನಿಗೆ ತೀರಾ ಇರಿಸು ಮುರಿಸು ತಂದಿತು. ಇದನ್ನು ಸಹಿಸದ ವರ, ಫೋಟೋಗ್ರಾಫರ್ಗೆ ಒಂದು ಏಟು ಬಾರಿಸಿದ. ಈ ವೇಳೆ ವಧು ಬಿದ್ದು ಬಿದ್ದು ನಕ್ಕಿದ್ದಾಳೆ. ಕೊನೆಎಗ ನಗು ತಡೆಯಲಾಗದೆ ಸ್ಟೇಜ್ ಮೇಲೆಯೇ ಕುಳಿತು ಅಕ್ಷರಶಃ ಹೊಟ್ಟೆ ಹುಣ್ಣಾಗುವಷ್ಟು ನಕ್ಕು-ನಕ್ಕು ಸಾಕಾಗಿದ್ದಾಳೆ.
ರೇಣುಕಾ ಮೋಹನ್ ಎಂಬುವರು ಈ ವಿಡಿಯೋವನ್ನು ತಮ್ಮ ಟ್ವಿಟರ್ ಅಕೌಂಟ್ನಲ್ಲಿ ಹಾಕಿಕೊಂಡು, ನಾನು ಈ ವಧುವನ್ನು ಇಷ್ಟಪಡುತ್ತೇನೆ ಎಂದು ಬರೆದುಕೊಂಡಿದ್ದಾರೆ.
ಈ ಕ್ರೇಜಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಬಹಳಷ್ಟು ವೈರಲ್ ಆಗಿದೆ. ಸುಮಾರು 65 ಸಾವಿರ ಲೈಕ್ಸ್ಗಳು ಹಾಗೂ 15 ಸಾವಿರ ರಿಟ್ವೀಟ್ಸ್ಗಳನ್ನು ಮಾಡಿದ್ದಾರೆ. ಕೆಲವು ನೆಟ್ಟಿಗರು ವಿಡಿಯೋ ನೋಡಿ ನಕ್ಕರೆ, ಮತ್ತೆ ಕೆಲವರು ವರನ ವರ್ತನೆಯನ್ನು ವಿಮರ್ಶೆ ಮಾಡಿದ್ದಾರೆ.
Published by:
Latha CG
First published:
February 8, 2021, 1:01 PM IST
