• Home
  • »
  • News
  • »
  • trend
  • »
  • Viral Video: ಸೀರೆಯುಟ್ಟು ಎಲ್ಲಾ ಸ್ಟ್ರೈಕ್​ಗಳನ್ನು ಹೊಡೆದುರಳಿಸಿದ ಅಜ್ಜಿ; ಮೆಚ್ಚಿಕೊಂಡ ನೆಟ್ಟಿಗರು

Viral Video: ಸೀರೆಯುಟ್ಟು ಎಲ್ಲಾ ಸ್ಟ್ರೈಕ್​ಗಳನ್ನು ಹೊಡೆದುರಳಿಸಿದ ಅಜ್ಜಿ; ಮೆಚ್ಚಿಕೊಂಡ ನೆಟ್ಟಿಗರು

ಅಜ್ಜಿ

ಅಜ್ಜಿ

Viral News: ಅಜ್ಜಿಯೊಬ್ಬರು ನೇರವಾಗಿ ಚೆಂಡನ್ನು ಎಸೆದು ಎಲ್ಲಾ ಸ್ಟ್ರೈಕ್‍ಗಳನ್ನು ಹೊಡೆದುರುಳಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಅಜ್ಜಿಯ ಉತ್ಸಾಹಕ್ಕೆ ನೆಟ್ಟಿಗರು ಭೇಷ್ ಎಂದಿದ್ದು, ಅವರಿಗೆ ಮೆಚ್ಚುಗೆಯ ಮಳೆಯೇ ಸುರಿಯುತ್ತಿದೆ.

  • Share this:

    ವಯಸ್ಸು ಕೇವಲ ಸಂಖ್ಯೆ ಎಂದು ವೃದ್ಧರ ವಿಚಾರದಲ್ಲಿ ಸಾಬೀತಾಗುತ್ತಲೇ ಇದೆ. ಏಕೆಂದರೆ ಅವರ ಜೀವನೋತ್ಸಾಹ, ಅವರು ಸಂಭ್ರಮಿಸುವ ರೀತಿ, ಅನುಭವ, ಪ್ರೀತಿ, ಮಕ್ಕಳೊಂದಿಗೆ ಮಕ್ಕಳಾಗುವ ಪರಿ ಹೀಗೆ ಒಂದಲ್ಲಾ ಒಂದು ಕಾರಣದಿಂದ ವೃದ್ಧರ ಜೊತೆಗಿನ ಒಡನಾಟ ಒಂದು ಗ್ರಂಥಕ್ಕೆ ಸಮ ಎಂದೇ ಭಾವಿಸಲಾಗುತ್ತದೆ.


    ಅಜ್ಜಿಯೊಬ್ಬರು ನೇರವಾಗಿ ಚೆಂಡನ್ನು ಎಸೆದು ಎಲ್ಲಾ ಸ್ಟ್ರೈಕ್‍ಗಳನ್ನು ಹೊಡೆದುರುಳಿಸಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಅಜ್ಜಿಯ ಉತ್ಸಾಹಕ್ಕೆ ನೆಟ್ಟಿಗರು ಭೇಷ್ ಎಂದಿದ್ದು, ಅವರಿಗೆ ಮೆಚ್ಚುಗೆಯ ಮಳೆಯೇ ಸುರಿಯುತ್ತಿದೆ. ಅಜ್ಜಿ ಸ್ಟ್ರೈಕ್ ಉರುಳಿಸಿದ ವಿಡಿಯೋವನ್ನು ಸುದರ್ಶನ್ ಕೃಷ್ಣಮೂರ್ತಿ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದು, ಹಾಯ್ ಟ್ವಿಟರ್, ಸೀರೆ ಧರಿಸಿ ಸ್ಟ್ರೈಕ್‍ಗಳನ್ನು ಹೊಡೆದುರುಳಿಸಿದ ನಮ್ಮ ಅಜ್ಜಿಗೆ ಪ್ರಶಂಸೆಗಳಿರಲಿ. ಸ್ಟ್ರೈಕ್ ಉರುಳಿಸಿದ ಅಜ್ಜಿ ಮಾಸ್ಕ್‍ನ್ನು ತನ್ನ ಮೂಗಿಗೆ ಏರಿಸಿಕೊಂಡಿದ್ದಾರೆ.



    15 ಲಕ್ಷ ರೂ. ಬೆಲೆಬಾಳುವ ಡಿಸೈನರ್ ಸೋಫಾವನ್ನು 35 ಸಾವಿರ ರೂ.ಗೆ ಫೇಸ್‌ಬುಕ್‌ನಲ್ಲಿ ಮಾರಾಟ ಮಾಡಿ ಬೇಸ್ತುಬಿದ್ದ ಮಹಿಳೆ..!


    ಹಳದಿ ಬಣ್ಣದ ಸೀರೆ ಧರಿಸಿರುವ ಅಜ್ಜಿ, ಸುಮ್ಮನೇ ಸ್ಟ್ರೈಕ್ ಆಟದ ಮುಂದೆ ಬಂದು ನಿಂತು ಸಾವಧಾನದಿಂದ ನಿಧಾನವಾಗಿ ಸ್ಟ್ರೇಕ್‍ಗೆ ಎಸೆಯುತ್ತಾರೆ. ಅವರ ಗುರಿ ತಪ್ಪದೇ ಎಲ್ಲಾ ಸ್ಟ್ರೈಕ್‍ಗಳು ಉರುಳುತ್ತದೆ. ಇದನ್ನು ನೋಡಿದ ಅಜ್ಜಿ ನಗುತ್ತಲೇ ತಾನು ಗೆದ್ದಂತೆ ಎಂಬ ರೀತಿಯಲ್ಲಿ ಖುಷಿಯಿಂದ ಮೂಗಿನ ಮೇಲೆ ತನ್ನ ಮಾಸ್ಕ್​ನ್ನು ಎಳೆದುಕೊಳ್ಳುತ್ತಾರೆ. ನಿಜವಾಗಿಯೂ ಈ ಅಜ್ಜಿಯ ಆಟ, ಅವರ ನಗು, ಚಟುವಟಿಕೆಯಿಂದ ಪಾಲ್ಗೊಂಡ ರೀತಿ ನೆಟ್ಟಿಗರನ್ನು ಸೆಳೆದಿದೆ.


    ಸುದರ್ಶನ್ ಅವರ ಟ್ವೀಟ್‍ಗೆ ಸಾಕಷ್ಟು ಮಂದಿ ಕಮೆಂಟ್ ಮಾಡಿದ್ದು, 41 ಸಾವಿರಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ. 9 ಸಾವಿರಕ್ಕೂ ಹೆಚ್ಚು ಮಂದಿ ಇಷ್ಟಪಟ್ಟಿದ್ದು, 1,400ಕ್ಕೂ ಹೆಚ್ಚು ರೀಟ್ವೀಟ್ ಆಗಿದೆ.


    ನಿಜವಾಗಿಯೂ ಸುದರ್ಶನ್ ಅವರ ಅಜ್ಜಿ ನಿಜವಾಗಿಯೂ ರಾಣಿ ಮತ್ತು ಬಾಸ್ ಲೇಡಿ, ಕೂಲೆಸ್ಟ್ ಗ್ರ್ಯಾಂಡ್ ಮಾ ಎಂಬ ಕಮೆಂಟ್‍ಗಳು ಹರಿದಾಡಿವೆ. ಹೌದು, ಬಿರಿಯಾನಿ ಪೆಪ್ಸಿ ಅವರು ಸುದರ್ಶನ್ ಅವರ ಟ್ವಿಟ್‍ಗೆ ಕೂಲೆಸ್ಟ್ ಗ್ರ್ಯಾಂಡ್ ಮಾ ಎಂದು ಹೇಳಿದ್ದಾರೆ. ಮತ್ತೊಬ್ಬರು ಇದು ಬೌಲರ್​ನ ಸಾಮರ್ಥ್ಯ ಎಂದರೆ ಇನ್ನೊಬ್ಬರು ಇದು ಅಜ್ಜಿಯ ನಿಜವಾದ ಗುರಿ ಎಂದಿದ್ದಾರೆ.


    ಇನ್ನು ಅಲ್ಮಾಸ್ ಎಂಬುವವರು ಯಾವುದೇ ಮಕ್ಕಳಿಗೆ ಅಜ್ಜಿ ಯಾವಾಗಲೂ ಬಲು ಪ್ರಿಯರು. ನಿಜವಾಗಿಯೂ ಇವರು ಮತ್ತೊಬ್ಬರಿಗೆ ಮಾದರಿ ಎಂದು ಕಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ನೀವು ನಿಜವಾಗಿಯೂ ಒಂದು ದಂತಕಥೆ. ಇದು ನಿಜವಾದ ಪ್ರತಿಭೆ. ಪ್ರತಿಯೊಬ್ಬರು ಗೌರವಿಸಲೇ ಬೇಕು. ಇದು ಶಕ್ತಿ. ಸತ್ಯವಾಗಿಯೂ ಇವರು ರಾಣಿಯೇ, ಸೂಪರ್ ಅಜ್ಜಿ, ರಾಕ್ ಸ್ಟಾರ್, ಇದು ರಾಣಿಯ ಬಲ, ಈ ವಿಡಿಯೋ ನಿಜವಾಗಿಯೂ ಸ್ಫೂರ್ತಿದಾಯಕವಾಗಿದೆ. ಅಜ್ಜಿ ಬೌಲಿಂಗ್ ರಂಗವೇ ಹುಬ್ಬೇರುವಂತೆ ಮಾಡಿದೆ. ಹೀಗೆ ನೂರಾರು ಕಮೆಂಟ್‍ಗಳು ಸಾಲುಸಾಲಾಗಿ ಹರಿದು ಬರುತ್ತಿದ್ದು, ಅವರ ಈ ಆಟ ನೆಟ್ಟಿಗರನ್ನು ಹುರಿದುಂಬಿಸುವುದರ ಜೊತೆಗೆ ಬದುಕು ಇರುವವರೆಗೆ ಉತ್ಸಾಹವೇ ಉಸಿರಾಗಲಿ ಎಂದು ತೋರಿಸಿಕೊಟ್ಟಿದ್ದಾರೆ.

    Published by:Latha CG
    First published: