Human Face Goat: ಮಾನವನ ಮುಖ ಹೋಲುವ ಮೇಕೆ ಮರಿ ಜನನ: Video ಇಲ್ಲಿದೆ

ಈ ಮೇಕೆ ಮರಿ ಮನುಷ್ಯರಂತೆಯೇ ಕಾಣುತ್ತಿದ್ದು ಜನರನ್ನು ಬೆಚ್ಚಿ ಬೀಳಿಸಿದೆ. ಅಸ್ಸಾಂನ ಧೋಲೈ ವಿಧಾನಸಭಾ ಕ್ಷೇತ್ರದ ಗಂಗಾಪುರ ಗ್ರಾಮದಲ್ಲಿ ಈ ಘಟನೆ ವರದಿಯಾಗಿದೆ.

ಮೇಕೆ ಮರಿ

ಮೇಕೆ ಮರಿ

  • Share this:
ಈ ಪ್ರಪಂಚದಲ್ಲಿ( world) ಅದೆಷ್ಟೋ ಪವಾಡ ಸದೃಶ (Miracles) ಘಟನೆಗಳು ನಡೆಯುತ್ತಲೇ ಇರುತ್ತವೆ. ಅದೆಷ್ಟೋ ನವಜಾತ ಶಿಶುಗಳು ವಿಶೇಷ ರೂಪದಲ್ಲಿ ಜನಿಸಿರುವ (Born Specially) ಅದೆಷ್ಟೋ ಘಟನೆಗಳನ್ನು ನಾವು ಟಿವಿ, ಪತ್ರಿಕೆ, ಸುದ್ದಿತಾಣಗಳಲ್ಲಿ ನೋಡುತ್ತಲೇ ಇರುತ್ತೇವೆ. ಇದೇ ರೀತಿ ಪ್ರಾಣಿಗಳಲ್ಲೂ ಮೂರು ಕಾಲಿನ ಕರುವಿನ ಜನನ(Three-eyed calf), ಮೂರು ಕಣ್ಣಿನ ಆಡಿನ ಮರಿ ಜನನ ಹೀಗೆ ಅದೆಷ್ಟೋ ನಂಬಲು ಅಸಾಧ್ಯವಾಗಿರುವ ಘಟನೆಗಳು ಈ ಭೂಮಂಡಲದಲ್ಲಿ(Planet) ನಡೆಯುತ್ತಲೇ ಇರುತ್ತದೆ. ಪ್ರಕೃತಿ (Nature) ಕೂಡ ಒಂದಿಲ್ಲೊಂದು ವಿಸ್ಮಯಕಾರಿ (Astonishing) ಘಟನೆಗಳಿಂದ ಮಾನವ ಕುಲವನ್ನು ಸ್ತಬ್ಧಗೊಳಿಸುತ್ತಲೇ ಇರುತ್ತದೆ.

ಮನುಷ್ಯರಂತೆಯೇ ಕಾಣುವ ಮೇಕೆ
ಈಗ ಇಂತಹುದ್ದೇ ವಿಸ್ಮಯಕಾರಿ ಘಟನೆಯೊಂದು ಅಸ್ಸಾಂನ ಕಚಾರ್ ಜಿಲ್ಲೆಯಲ್ಲಿ ನಡೆದಿದೆ. ಈ ಜಿಲ್ಲೆಯಲ್ಲಿ ಮೇಕೆಯೊಂದು ವಿರೂಪಗೊಂಡ ಕೂದಲು ರಹಿತ ಮೇಕೆ ಮರಿಗೆ ಜನ್ಮನೀಡಿದೆ. ಈ ಮೇಕೆ ಮರಿ ಮನುಷ್ಯರಂತೆಯೇ ಕಾಣುತ್ತಿದ್ದು ಜನರನ್ನು ಬೆಚ್ಚಿ ಬೀಳಿಸಿದೆ. ಅಸ್ಸಾಂನ ಧೋಲೈ ವಿಧಾನಸಭಾ ಕ್ಷೇತ್ರದ ಗಂಗಾಪುರ ಗ್ರಾಮದಲ್ಲಿ ಈ ಘಟನೆ ವರದಿಯಾಗಿದೆ.

ಇದನ್ನೂ ಓದಿ: Mysore Zoo: ಮುಂದಿನ ವರ್ಷದಿಂದ ಮೃಗಾಲಯದ ಪ್ರಾಣಿಗಳ ದತ್ತು ಸ್ವೀಕಾರ ದುಬಾರಿ

ಮೇಕೆ ಮರಿಯು ಮನುಷ್ಯರಂತೆಯೇ ಕಣ್ಣು, ಮೂಗು ಹಾಗೂ ಬಾಯಿಯನ್ನು ಹೊಂದಿತ್ತು. ಆದರೆ ಕಿವಿ ಮೇಕೆಯಂತಿತ್ತು. ಅದು 2 ಕಾಲುಗಳನ್ನು ಹೊಂದಿದ್ದು, ಬಾಲವಿಲ್ಲ ಅಂತೆಯೇ ಅದರ ದೇಹದಲ್ಲಿ ಯಾವುದೇ ಕೂದಲಿಲ್ಲ.

ವಿಡಿಯೋ ನೋಡಿ:

ಹುಟ್ಟಿದ ತಕ್ಷಣವೇ ಮರಣ
ಈ ಮೇಕೆಯ ಯಜಮಾನನ ಹೆಸರು ಶಂಕರ್‌ದಾಸ್ ಎಂದಾಗಿದ್ದು ಮೇಕೆಯು ಇನ್ನೊಂದು ಮರಿಗೆ ಜನ್ಮನೀಡಿದೆ ಹಾಗೂ ಆ ಮರಿ ಆರೋಗ್ಯಕರವಾಗಿದ್ದು ಸಾಮಾನ್ಯ ಮೇಕೆ ಮರಿಯಂತಿದೆ ಎಂದು ಸೆಂಟಿನೆಲ್ ಅಸ್ಸಾಂ ವರದಿ ಮಾಡಿದೆ. ಮೇಕೆಯು ವಿಚಿತ್ರವಾದ ಮರಿಯನ್ನು ಹಾಕಿದೆ ಎಂಬ ಸುದ್ದಿ ತಿಳಿದೊಡನೆಯೆ ಹತ್ತಿರದ ಗ್ರಾಮಸ್ಥರು ಮೇಕೆ ಮಾಲೀಕರ ಮನೆಗೆ ಆಗಮಿಸಿ ಅದನ್ನು ವೀಕ್ಷಿಸಿದರು. ಈ ವಿಲಕ್ಷಣ ಮರಿ ಹುಟ್ಟಿದ ತಕ್ಷಣವೇ ಮರಣ ಹೊಂದಿದ್ದು ನಂತರ ಅದನ್ನು ಮಣ್ಣು ಮಾಡಲಾಯಿತು.

ಇಂತಹುದ್ದೇ ಘಟನೆಗಳು
ಇಂತಹುದ್ದೇ ಇನ್ನೊಂದು ಘಟನೆಯಲ್ಲಿ ಪಶ್ಚಿಮ ಬಂಗಾಳದಲ್ಲಿ ಮೇಕೆಯೊಂದು 8 ಕಾಲು ಹಾಗೂ 2 ಸೊಂಟವಿರುವ ಮರಿಗೆ ಜನ್ಮನೀಡಿದೆ. ಪಶ್ಚಿಮ ಬಂಗಾಳದ ಉತ್ತರ 24 ಪರಗಣ ಜಿಲ್ಲೆಯ ಬಂಗಾವ್‌ನ ಕಲ್ಮೇಘ ಪ್ರದೇಶದಲ್ಲಿ ಈ ಮೇಕೆ ಮರಿ ಜನಿಸಿದ್ದು, ಇದು ಕೂಡ ಹುಟ್ಟಿದ ಕೆಲವೇ ಸಮಯದಲ್ಲಿ ಸಾವನ್ನಪ್ಪಿದೆ.

ಗುಜರಾತ್‌ನಲ್ಲಿ ಮಾನವ ಮುಖದೊಂದಿಗೆ ಜನಿಸಿದ ರೂಪಾಂತರಿತ ಮೇಕೆ ಮರಿಯನ್ನು ದೇವರ ಅಂಶವೆಂದು ಪೂಜಿಸಲಾಗಿದೆ. ಗುಜರಾತ್‌ನ ಸೋಂಗಾದ್ ತಾಲೂಕಿನ ತಾಪಿ ನದಿಯ ದಡದಲ್ಲಿರುವ ಸೆಲ್ತಿಪಾಡಾ ಗ್ರಾಮದಲ್ಲಿ ಈ ಮೇಕೆ ಮರಿ ಹುಟ್ಟಿತ್ತು. ಮೇಕೆಯು ಸಾಮಾನ್ಯ ರೂಪದಂತೆಯೇ 4 ಕಾಲು, ಕಿವಿಗಳನ್ನು ಹೊಂದಿದ್ದು ಅದರ ದೇಹದ ಉಳಿದ ಭಾಗಗಳು ಮನುಷ್ಯರ ದೇಹಾಕಾರವನ್ನು ಹೋಲುತ್ತಿತ್ತು. ಹಣೆ, ಕಣ್ಣು, ಬಾಯಿ, ಗಲ್ಲದ ಭಾಗವನ್ನು ಮನುಷ್ಯರಂತೆಯೇ ಹೊಂದಿತ್ತು ಹಾಗೂ ಈ ಮೇಕೆಗೆ ಬಾಲವಿರಲಿಲ್ಲ.

ಇದನ್ನೂ ಓದಿ: Cold Wave: ಶೀತಗಾಳಿಗೆ ಪ್ರಾಣಿ ಪಕ್ಷಿಗಳ ರಕ್ಷಿಸಲು ಅಸ್ಸಾಂ ಮೃಗಾಲಯದಲ್ಲಿ ಸಖತ್‌ ಐಡಿಯಾ... ಏನು ಗೊತ್ತೇ?

ಅಸಾಮಾನ್ಯ ರೂಪ ಹೊಂದಿದ್ದ ಈ ಮೇಕೆ ಬರೇ 10 ನಿಮಿಷಗಳ ಕಾಲ ಬದುಕಿತ್ತು. ತಮ್ಮ ಪೂರ್ವಜರು ಮೇಕೆಯ ರೂಪದಲ್ಲಿ ಮರುಜನ್ಮ ತಾಳಿದ್ದಾರೆ ಎಂದು ನಂಬಿ ಮೇಕೆಯನ್ನು ಹೂಳುವ ಮೊದಲು ಜನರು ಅದನ್ನು ಪೂಜಿಸಿದರು.

ಮೃಗಾಲಯದಲ್ಲಿ ಹೀಟರ್ ಹಾಗೂ ಬಲ್ಬ್ ಅಳವಡಿಕೆ:
ಅಸ್ಸಾಂ ಮೃಗಾಲಯದಲ್ಲಿ ಅಧಿಕಾರಿಗಳು ಚಳಿಯಿಂದ ಪ್ರಾಣಿಗಳನ್ನು ಸಂರಕ್ಷಿಸುವ ಸಲುವಾಗಿ ಹೀಟರ್‌ಗಳನ್ನು ಅಳವಡಿಸಿದ್ದು ಪ್ರಾಣಿಗಳ ಆಹಾರದಲ್ಲಿ ಕೂಡ ಕೆಲವೊಂದು ಅಗತ್ಯ ಬದಲಾವಣೆಗಳನ್ನು ಮಾಡಿದ್ದಾರೆ. ಮುಖ್ಯ ಪ್ರಾಣಿ ಪಾಲಕಿ ರಜನಿ ಕಾಂತಾ ದೇಖಾ ಈ ಕುರಿತು ಅಭಿಪ್ರಾಯ ನೀಡಿದ್ದು, ಹುಲಿ, ಸಿಂಹ, ಹೆಬ್ಬಾವುಗಳ ಕೊಠಡಿಗಳನ್ನು ಬೆಚ್ಚಗೆ ಇರಿಸುವುದಕ್ಕಾಗಿ ಹೀಟರ್‌ಗಳನ್ನು ಬಳಸಿದ್ದೇವೆ. ಆಮೆಗಳಿಗೆ ನೀರು ಬೆಚ್ಚಗೆ ಮಾಡುವ ಸಲುವಾಗಿಯೂ ಹೀಟರ್‌ಗಳನ್ನು ಅಳವಡಿಸಿದ್ದು ಕೊಠಡಿಗಳಲ್ಲಿ 100 ವಾಲ್ಟ್‌ಗಳ ಬಲ್ಬ್‌ಗಳನ್ನು ಜೋಡಿಸಿದ್ದೇವೆ.

Published by:vanithasanjevani vanithasanjevani
First published: