Stunt Video: ಸೈಕಲ್​ ಸವಾರಿಯನ್ನು ಮಾಡ್ತಾನೇ ಸ್ಕಿಪ್ಪಿಂಗ್​ ಮಾಡ್ತಾಳೆ ಈ ಪೋರಿ!

ನಿಮಗೆಲ್ಲಾ ಸೈಕಲ್ (Bicycle)​ ಸವಾರಿ ಅಂದ್ರೆ ಇಷ್ಟನಾ? ಸಣ್ಣವರಿದ್ದಾಗ ಅಣ್ಣ, ಅಕ್ಕನ ಜೊತೆಯಲ್ಲಿ ಸೈಕಲ್​ನಲ್ಲಿ ಹೋಗುತ್ತಾ ಇದ್ರಾ? ಇಲ್ಲಾಂದ್ರೆ ನಿಮ್ಮ ಮನೆಗೆ ಹಾಲನ್ನು ಮಾರಿಕೊಂಡು ಬರುವವನ ಸೈಕಲ್​ನ್ನ ನೋಡ್ತಾ ಇದ್ರಾ? ಸೈಕಲ್ ಹೊಡೆದರೆ ಉದ್ದ ಆಗ್ತೀವಿ ಅಂತ ಎಡಬಿಡದೇ ಸೈಕಲ್​ನ ನೀವು ಸಣ್ಣವರಿದ್ದಾಗ ಹೊಡೆದಿದ್ದೀರಾ? ಈ ಸೈಕಲ್​ ಸವಾರಿಯಿಂದ ನಮ್ಮ ಆರೋಗ್ಯ (Health) ನಿಜಕ್ಕೂ ಚೆನ್ನಾಗಿ ಇರುತ್ತದೆ. ಅಂದ್ರೆ ಚೇತರಿಸಿಕೊಳ್ಳುತ್ತದೆ. ಇನ್ನು ಸೈಕಲ್​ನಲ್ಲಿ ಸಾಹಸ ಮಾಡುವ ಅದೆಷ್ಟೋ ಉದಾಹರಣೆಗಳನ್ನು (Example) ನಾವು ಕಾಣಬಹುದು. ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗ್ತಾ ಇರುವಂತಹ ಸುದ್ದಿ ಇದೀಗ ಇಂತಹದ್ದೇ ಒಂದು ಸೈಕಲ್​ ಸವಾರಿಯ ಬಗ್ಗೆಯೇ!

ಅದೆಷ್ಟೋ ಜನರು ಸ್ಕಿಪ್ಪಿಂಗ್​, ಸೈಕ್ಲಿಂಗ್​ ಮಾಡೋದ್ರಲ್ಲಿ ನಿಪುಣರಾಗಿರುತ್ತಾರೆ. ಇನ್ನೂ ಕೆಲವೊಬ್ಬರಿಗೆ ಸ್ಕಿಪ್ಪಿಂಗ್​ ಮಾಡಬೇಕೆಂಬ ಆಸೆ ಇರುತ್ತೆ ಆದ್ರೆ ಮಾಡಲು ತುಂಬಾ ಭಯವಿರುತ್ತದೆ. ಇದರಿಂದ ಹಿಂಜರಿಯುತ್ತಾ ಇರುತ್ತಾರೆ. ನಿಜಕ್ಕೂ ಈ ಸೈಕ್ಲಿಗ್​, ಸ್ಕಿಪ್ಪಿಂಗ್​ಗಳೆಲ್ಲಾ ರಾಷ್ಟ್ರೀಯ ಮಟ್ಟದ ಆಟಗಳು ಅಂತನೇ ಹೇಳಬಹುದು.

ಇವುಗಳೆಲ್ಲವೂ ರಾಷ್ಟ್ರ ಮತ್ತು ಅಂತರಾಷ್ಟ್ರ ಮಟ್ಟದ ತನಕ ಆಡುವಂತಹ  ಆಟಗಳು  ಆಗಿವೆ. ನಾನಾ ರೀತಿಯ ಶೈಲಿಯಲ್ಲಿ ಸ್ಕಿಪ್ಪಿಂಗ್​ಗಳನ್ನು ಹಲವಾರು ಜನರು ಮಾಡುತ್ತಾರೆ ಮತ್ತು ಸೈಕ್ಲಿಂಗ್​ ಕೂಡ. ಇದು ಸಾಮಾನ್ಯ ಜನರ ಗುಂಪಾದರೆ ಇನ್ನು ಅಂಗವಿಕಲರಿಗಾಗಿಯೇ ಪ್ರತ್ಯೇಕ ಗುಂಪು ಇರುತ್ತದೆ.

ಇದನ್ನೂ ಓದಿ: ಈ ಮೀನಿನ ಬೆಲೆ ಕೇಳಿದ್ರೆ ಶಾಕ್ ಆಗೋದು ಗ್ಯಾರಂಟಿ, ಇದರ ರೇಟ್ ಬರೋಬ್ಬರಿ 2 ಕೋಟಿ ರೂಪಾಯಿ!

ಇವರಿಗಾಗಿಯೇ ಹಲವಾರು ಆಟಗಳು ಮೀಸಲಿಡಲಾಗಿದೆ. ಅವರೂ ಕೂಡ ನಾವೇನು ಯಾರಿಗಿಂತನೂ ಕಮ್ಮಿ ಇಲ್ಲ  ಎಂಬಂತೆ ಹಲವಾರು ಆಟೋಟ ಸ್ಪರ್ಧೆಗಳಲ್ಲಿ ಭಾಗವಹಿಸುತ್ತಾರೆ. ನಿಜಕ್ಕೂ ಇದು ನಮ್ಮನ್ನು ತುಂಬಾ ಮೋಟಿವೇಟ್​​ ಮಾಡುತ್ತದೆ ಅಂತನೇ ಹೇಳಬಹುದು. ಇದೀಗ ಸಾಮಾನ್ಯ ಜನರ ಗುಂಪಿಗೆ ಬರೋಣ. ಇಲ್ಲಿ ಓರ್ವ ಹುಡುಗಿ ಸೈಕಲ್​ ಓಡಿಸುವುದು ವಿಡಿಯೋ ವೈರಲ್​ ಆಗಿದೆ.  ಅರೆ! ಸೈಕಲ್​ ಓಡಿಸುವುದಿ ಕಾಮನ್​ ಅಲ್ವಾ, ಇದ್ರಲ್ಲಿ ಏನಿದೆ ವಿಶೇಷ ಅಂತ ನಿಮಗೆ ಅನಿಸ್ತಾ ಇದ್ಯಾ? ಇಲ್ಲಿದೆ ನೋಡಿ ಇದ್ರ ಸ್ಪೆಷಲ್​!

ಏನಿದು ವೈರಲ್​ ವಿಡಿಯೋ!

ಓರ್ವ ಹುಡುಗಿ  2023 ಅಂತ ಒಂದು ಬೋರ್ಡ್​ನಲ್ಲಿ ಬರೆದುಕೊಂಡು ತನ್ನ ಕುತ್ತಿಗೆಗೆ ನೇತುಹಾಕಿಕೊಂಡಿದ್ದಾರೆ. ತದನಂತರ ಈಕೆ ಸೈಕಲ್​ ಸವಾರಿ ಮಾಡ್ತಾ ಇದ್ದಾರೆ.  ಮಾಮೂಲಾಗಿ ಸೈಕಲ್​ ಸವಾರಿ ಮಾಡಿದ್ರೆ ಬಹುಶಃ ಇಷ್ಟು ಸುದ್ಧಿ ಆಗ್ತಾ ಇರ್ಲಿಲ್ಲ.

ಈಕೆ ಎರಡೂ ಕೈಗಳನ್ನು ಬಿಟ್ಟು ಸೈಕಲ್​ಅನ್ನು ವೇಗವಾಗಿ ಓಡಿಸುತ್ತಾ ಇದ್ದಾರೆ. ಇದರ ಜೊತೆಗೆ ಸೈಕ್ಲಿಂಗ್​ ಮತ್ತು ಸ್ಕಿಪ್ಪಿಂಗ್​ ಕೂಡ ಮಾಡುತ್ತಾ, ಸ್ಟಂಟ್​ ಜೊತೆಗೆ ಸೈಕಲ್​ ಸವಾರಿ ಮಾಡಿದ್ದಾರೆ. ಅದು ಕೂಡ ಮಟಮಟ ಬಿಸಿಲಿನಲ್ಲಿ ಕಣ್ಣು ಕುಕ್ಕುತ್ತಿರುವ ಸೂರ್ಯನ ಬೆಳಕಿನಲ್ಲಿ ಹೋಗುತ್ತಾ ಇದ್ದಾರೆ.

ಈ ಸೂಪರ್​ ಬೈಸಿಕಲ್​ ಸವಾರಿಯನ್ನು ನೀವು ಮಾಡ್ತೀರಾ ಅಂದ್ರೆ ಹಲವು ತರಬೇತಿ, ಅಭ್ಯಾಸಗಳು ಬೇಕೇಬೇಕು. ಭಾರತೀಯಳಾದ ಈಕೆ ಸಖತ್​ ಸ್ಟಂಟ್​ ಮಾಡುವ ಹುಡುಗಿ ಅಂತಾನೇ ಹೇಳಬಹುದು. ಅದೂ ಅಲ್ಲದೇ ಬಾಯಲ್ಲಿ ಯಾವುದೋ ಹಾಡನ್ನು ಕೂಡ  ಹೇಳುತ್ತಾ ಇದ್ದಾರೆ.

View this post on Instagram

A post shared by News18.com (@cnnnews18)

ಭಾರತೀಯ ಹುಡುಗಿ 2023ರ ಮೊದಲ ತಿಂಗಳಲ್ಲಿ ಸಾಹಸವನ್ನು ಮಾಡುವ ಮೂಲಕ ವೈರಲ್​ ಆಗಿದ್ದಾರೆ. ಹಾಗೆಯೇ ಎಲ್ಲರ ಚಿತ್ತ ಈಕೆಯ ಮೇಲೆ ಇದೆ ಅಂದ್ರೂ ತಪ್ಪಾಗಲಾರದು.  ಈಕೆಯ ಪಕ್ಕದಲ್ಲಿ ಓರ್ವ ವ್ಯಕ್ತಿ ಬೈಕ್​ನಲ್ಲಿ ಸವಾರಿ ಮಾಡುತ್ತಾ ಇರುತ್ತಾರೆ. ಈಕೆಯ ಸಾಹಸ ಸೈಕ್ಲಿಂಗ್​ ನೋಡಿ ಅವರೂ ಕೂಡ ಮೂಕವಿಸ್ಮಿತರಾಗಿದ್ದಾರೆ. ಇದನ್ನೂ ಕೂಡ ನೀವು ವಿಡಿಯೋದಲ್ಲಿ ಗಮನಿಸಬಹುದು.