ಬಕ್ರೀದ್​ ಹಬ್ಬಕ್ಕೆಂದು ಗೆಳೆಯನ ಮನೆಗೆ ಹೋದಾತನಿಗೆ ಕಾದಿತ್ತು ಆಘಾತ!

ನ್ಯೂಸ್​ 18 ಕನ್ನಡ

ಸಾಮಾಜಿಕ ಜಾಲಾತಾಣಗಳಲ್ಲಿ ಪ್ರಾಂಕ್​ ವಿಡಿಯೋ ಒಂದು ವೈರಲ್​ ಆಗುತ್ತಿದ್ದು, ಅದನ್ನು ನೋಡಿದ ಪ್ರತಿಯೊಬ್ಬರು ಹೊಟ್ಟೆ ಹುಣ್ಣಾಗುವಂತೆ ನಗುವುದರಲ್ಲಿ ಅನುಮಾನವಿಲ್ಲ. ಬಕ್ರೀದ್​ ಹಬ್ಬದ ದಿನ ಓರ್ವ ತನ್ನ ಗೆಳೆಯನ ಮನೆಗೆ ತೆರಳಿದ್ದ, ಅಲ್ಲಿ ಊಟಕ್ಕೆಂದು ಕುಳಿತು ತನ್ನೆದುರಿಗಿದ್ದ ಪ್ಲೇಟ್​ ತೆರೆಯುತ್ತಿದ್ದಂತೆಯೇ ಕಿರುಚಾಡಿ ಅಲ್ಲಿಂದ ಓಡಲಾರಂಭಿಸಿದ್ದಾನೆ. ವಾಸ್ತವವಾಗಿ ಪ್ಲೇಟ್​ನೊಳಗೆ ಹಲವಾರು ಹಾವುಗಳಿದ್ದವು, ಅದನ್ನು ನೋಡುತ್ತಿದ್ದಂತೆಯೇ ಆತ ಭಯಬಿದ್ದು ಓಡಲಾರಂಭಿಸಿದ್ದಾನೆ. ಈದ್​ ಹಬ್ಬಕ್ಕೆ ಸಂಬಂಧಿಸಿದ ಈ ವಿಡಿಯೋ ಬಹಳಷ್ಟು ಮಂದಿ ಶೇರ್​ ಮಾಡುತ್ತಿದ್ದಾರೆ. ಇತ್ತ ತಮ್ಮ ಗೆಳೆಯ ಭಯಪಡುತ್ತಿರುವುದನ್ನು ಕಂಡ ಆತನ ಗೆಳೆಯರೂ ನಗುತ್ತಿರುವುದನ್ನು ಕಾಣಬಹುದು.

ವಿಡಿಯೋದಲ್ಲಿ ಕೆಲ ಗೆಳೆಯರು ಊಟಕ್ಕೆಂದು ಕುಳಿತ್ತಿರುತ್ತಾರೆ. ಆದರೆ ಪ್ಲೇಟ್​ ತೆರೆಯುತ್ತಾನೆ. ಈ ಸಂದರ್ಭದಲ್ಲಿ ಅದರೊಳಗಿದ್ದ ಹಾವನ್ನು ಕಂಡ ಒಬ್ಬಾತ ಭಯಬಿದ್ದು ಓಡಲಾರಂಭಿಸಿದ್ದಾನೆ. 1 ನಿಮಿಷದ ಈ ವಿಡಿಯೋ ಜನರ ಮನಗೆದ್ದಿದೆ. ಈ ವಿಡಿಯೋವನ್ನು ಪ್ರೇಮ್​ ಸೈನೀ ಎಂಬವರು ಶೇರ್​ ಮಾಡಿದ್ದು, ಭಾರೀ ಪ್ರಮಾಣದಲ್ಲಿ ಶೇರ್​ ಮಾಡಲಾಗುತ್ತಿದೆ.