Flight Kitchen: ವಿಮಾನದಲ್ಲಿರೋ ಅಡುಗೆ ಮನೆಯೊಳಗೆ ಏನೆಲ್ಲಾ ಇರುತ್ತೆ ಗೊತ್ತಾ? ಇಲ್ಲಿದೆ ಕಂಪ್ಲೀಟ್​ ಮಾಹಿತಿ

ಪ್ರತಿಯೊಬ್ಬರಿಗೂ ತಮ್ಮ ಜೀವಮಾನದಲ್ಲಿ (Lifestime) ಒಮ್ಮೆಯಾದರೂ ವಿಮಾನದಲ್ಲಿ (Flight) ಪ್ರಯಾಣಿಸಬೇಕು ಎಂಬ ಆಸೆ ಖಂಡಿತ ಇರುತ್ತದೆ. ಎಲ್ಲರಿಗೂ ಹಾರಾಡುವ ಆಸೆ. ಹೌದು ಇದು ಸಹಜ. ನಿಮಗೆ ಗೊತ್ತೇ? ನೀವು ವಿಮಾನದಲ್ಲಿ ಪ್ರಯಾಣಿಸುವಾಗ ವಿವಿಧ ಆಹಾರಗಳನ್ನು, ಭಕ್ಷ್ಯಗಳನ್ನು ಮತ್ತು ಸಿಹಿ ತಿಂಡಿಗಳನ್ನು ನೀಡಲಾಗುತ್ತದೆ. ಈ ಖಾದ್ಯಗಳು ಸೇವಿಸಲು ತುಂಬಾ ರುಚಿಯಾಗಿರುತ್ತದೆ ಮತ್ತು ಆರೋಗ್ಯಕ್ಕೆ ಉತ್ತಮವಾಗಿರುತ್ತದೆ. ಎಲ್ಲ ವಿಮಾನಯಾನ ಸಂಸ್ಥೆಗಳು (Airlines) ತಮ್ಮ ಎಲ್ಲ ಪ್ರಯಾಣಿಕರಿಗೆ ಉತ್ತಮ, ಆರೋಗ್ಯಕರ (Healthy) ಮತ್ತು ರುಚಿಕರವಾದ (Tasty) ವಿವಿಧ ಆಹಾರಗಳನ್ನು ಮತ್ತು ಸಿಹಿ ತಿಂಡಿಗಳನ್ನು ನೀಡಲು ಆದ್ಯತೆ ನೀಡುತ್ತಾರೆ.

ಈ ಸಂಪೂರ್ಣ ಆಹಾರದ ಪ್ರಕ್ರಿಯೆಯು ಹಲವು ಪರಿಶೀಲನೆಗಳ ಮೂಲಕ ಹಾದು ಬರುತ್ತದೆ. ಏಕೆಂದರೆ ಪ್ರಯಾಣಿಕರ ಸುರಕ್ಷತೆಯೇ ಅವರ ಆದ್ಯತೆ ಆಗಿದೆ. ಈ ಪ್ರಕ್ರಿಯೆಯು ನೂರಾರು ಜನರ ಶ್ರಮವನ್ನು, ಸಾವಿರಾರು ಸುರಕ್ಷತಾ ಕ್ರಮಗಳು ಮತ್ತು 24*7 ಪರಿಶೀಲನೆಗಳನ್ನು ಒಳಗೊಂಡಿರುತ್ತದೆ.

ಈಗ ನಾವು ವಿಮಾನದಲ್ಲಿ ನೀಡುವ ಆಹಾರ ಹೇಗಿರುತ್ತದೆ? ಈ ಆಹಾರವನ್ನು ಹೇಗೆ ತಯಾರಿಸುತ್ತಾರೆ? ಯಾರು ತಯಾರಿಸುತ್ತಾರೆ? ಮತ್ತು ಸುರಕ್ಷತೆಗಾಗಿ ಯಾವ ಯಾವ ಕ್ರಮಗಳನ್ನು ಅನುಸರಿಸುತ್ತಾರೆ? ತಯಾರಿಸಿದ ಈ ಆಹಾರವನ್ನು ವಿಮಾನಗಳಿಗೆ ಹೇಗೆ ರವಾನಿಸುತ್ತಾರೆ? ಯಾವ ವಿವಿಧ ಬಗೆಯ ಖಾದ್ಯಗಳನ್ನು, ಆಹಾರಗಳನ್ನು, ಭಕ್ಷ್ಯಗಳನ್ನು ಮತ್ತು ಸಿಹಿ ತಿಂಡಿಗಳನ್ನು ನೀಡಲಾಗುತ್ತದೆ ಎಂಬುದರ ಕುರಿತು ಈ ಲೇಖನದಲ್ಲಿ ವಿವರವಾಗಿ ನೋಡೋಣ.

ವಿಮಾನದಲ್ಲಿ ಊಟದ ಅನುಭವ

ವಿಮಾನದಲ್ಲಿ ಊಟ ಮಾಡುವುದು ಒಂದು ವಿಭಿನ್ನ ಅನುಭವ. ಆ ಮಿನಿ ಫುಡ್ ಬಾಕ್ಸ್‌ಗಳು ಮತ್ತು ಅಚ್ಚುಕಟ್ಟಾಗಿ ನಿರ್ವಹಿಸಲಾದ ಕಟ್ಲರಿಗಳನ್ನು ನಿರ್ವಹಿಸಲು ಸುಲಭವಾದ ಕೆಲಸದಂತೆ ಕಾಣಿಸಬಹುದು, ಆದರೆ ವಾಸ್ತವ ಹಾಗಲ್ಲ.

ಇದನ್ನೂ ಓದಿ: 8 ವರ್ಷಗಳ ನಂತರ ಸೆಕ್ಯುರಿಟಿ ಗಾರ್ಡ್‌ನ ಜನ್ಮದಿನವನ್ನು ಆಚರಿಸಿದ ನೌಕರರು; ವಿಡಿಯೋ ವೈರಲ್‌

ಈ ಪ್ರಕ್ರಿಯೆಯು ನೂರಾರು ಜನರ ಶ್ರಮವನ್ನು, ಸಾವಿರಾರು ಸುರಕ್ಷತಾ ಕ್ರಮಗಳು ಮತ್ತು 24*7 ಪರಿಶೀಲನೆಗಳನ್ನು ಒಳಗೊಂಡಿರುತ್ತದೆ. ಇತ್ತೀಚೆಗೆ, ಟೈಮ್ಸ್ ಫುಡ್ ಏರ್ ಇಂಡಿಯಾದ ವೃತ್ತಿಪರ ಅಡುಗೆಮನೆ, ಏರೋಸಿಟಿಯಲ್ಲಿರುವ ಅಂಬಾಸಿಡರ್ಸ್ ಸ್ಕೈ ಚೆಫ್‌ಗೆ ಭೇಟಿ ನೀಡುವ ಅವಕಾಶವನ್ನು ಪಡೆದುಕೊಂಡಿತ್ತು.

ಅಲ್ಲಿ ಬಾಣಸಿಗರ ತಂಡವು ಮುಖ್ಯ ಕಾರ್ಯನಿರ್ವಾಹಕ ಬಾಣಸಿಗ ಅಭಿಜೀತ್ ಅವರ ಮಾರ್ಗದರ್ಶನದಲ್ಲಿ ಅದ್ಭುತ ಅಡಿಗೆ ರುಚಿಗಳನ್ನು ಸೃಷ್ಟಿಸುತ್ತಿದೆ. ಅಂಬಾಸಿಡರ್ಸ್ ಸ್ಕೈ ಚೆಫ್ 1942 ರಲ್ಲಿ ಸ್ಥಾಪಿಸಲಾದ ವೃತ್ತಿಪರ ಅಡುಗೆಮನೆಯಾಗಿದ್ದು 1980 ರ ದಶಕದಲ್ಲಿ ತನ್ನ ದೆಹಲಿ ಸೌಲಭ್ಯವನ್ನು ಪ್ರಾರಂಭಿಸಿತು. ಮತ್ತು ಈಗ 35 ಕ್ಕೂ ಹೆಚ್ಚು ವಿಮಾನಯಾನ ಸಂಸ್ಥೆಗಳಿಗೆ ಸೇವೆ ಸಲ್ಲಿಸುತ್ತಿದೆ, ಅವುಗಳಲ್ಲಿ 25 ಅಂತರರಾಷ್ಟ್ರೀಯ ಮತ್ತು 10 ದೇಶೀಯ ವಿಮಾನಯಾನ ಸಂಸ್ಥೆಗಳಿವೆ. ಬನ್ನಿ ಇದರಲ್ಲಿ ಒಂದು ಸುತ್ತು ಹಾಕಿ ಬರೋಣ.

ಆಹಾರದ ಪಯಣ

ಅಡುಗೆಮನೆಯಲ್ಲಿ, ಮೊದಲು ಕಚ್ಚಾ ಪದಾರ್ಥಗಳನ್ನು ತಾಜಾತನ ಮತ್ತು ಗುಣಮಟ್ಟಕ್ಕಾಗಿ ಪರಿಶೀಲಿಸಲಾಗುತ್ತದೆ ಮತ್ತು ಸ್ವಚ್ಛಗೊಳಿಸಿದ ನಂತರ, ಬಣ್ಣ-ಕೋಡೆಡ್ ಬುಟ್ಟಿಗಳಾಗಿ ವಿಂಗಡಿಸಲಾಗುತ್ತದೆ. ಸಂಸ್ಕರಿಸಿದ ನಂತರ, ತಾಜಾತನವನ್ನು ಉಳಿಸಿಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳಲು ಅವುಗಳನ್ನು ಶೈತ್ಯಾಗಾರಗಳಲ್ಲಿ ಇಡಲಾಗುತ್ತದೆ. ಮುಂದೆ ಪ್ರೊಸೆಸ್ ವಿಂಗ್ ಬರುತ್ತದೆ.

ಸಾಂಕೇತಿಕ ಚಿತ್ರ

ಅಲ್ಲಿ ಬಡಿಸಬೇಕಾದ ವಿವಿಧ ರೀತಿಯ ಭಕ್ಷ್ಯಗಳ ಬೇಡಿಕೆಗಳಿಗೆ ಅನುಗುಣವಾಗಿ ಕಚ್ಚಾ ವಸ್ತುಗಳನ್ನು ತಯಾರಿಸಲಾಗುತ್ತದೆ. ನಂತರ ಮುಂದೆ ತರಕಾರಿಗಳು ಮತ್ತು ಹಣ್ಣುಗಳ ಸಿಪ್ಪೆ ಸುಲಿದು, ಕತ್ತರಿಸಿ, ಅಂತಿಮ ತೂಕಕ್ಕಾಗಿ ಪರಿಶೀಲಿಸಲಾಗುತ್ತದೆ ಮತ್ತು ಅವುಗಳ ಪೌಷ್ಟಿಕಾಂಶದ ಮೌಲ್ಯಗಳನ್ನು ದಾಖಲಿಸಲಾಗುತ್ತದೆ. ಮಾಂಸಹಾರ ಪ್ರಿಯರಿಗೆ ಮಾಂಸಾಹಾರಿ ಪದಾರ್ಥಗಳಾದ ಸಮುದ್ರಾಹಾರ, ಮೀನು, ಕುರಿ ಮತ್ತು ಚಿಕನ್ ಅನ್ನು ಪ್ರತ್ಯೇಕವಾಗಿ ಸಂಸ್ಕರಿಸಲಾಗುತ್ತದೆ.

ವಿಭಾಗಗಳಾಗಿ ವಿಂಗಡಣೆ

ಈ ಮುಖ್ಯ ಅಡುಗೆಮನೆಯನ್ನು ವಿಭಾಗಗಳಾಗಿ ವಿಂಗಡಿಸಲಾಗಿದೆ: ಹಾಟ್ ಕಿಚನ್/ಕೋಲ್ಡ್ ಕಿಚನ್/ಬೇಕರಿ/ ಸಿಹಿ ವಿಭಾಗ ಇತ್ಯಾದಿ ಎಂದು ವಿಂಗಡಿಸಲಾಗಿದೆ. ಈ ವಿಭಾಗಗಳಲ್ಲಿ ಪಾಕಪದ್ಧತಿಯ ಪ್ರಕಾರ (ಪಾಶ್ಚಿಮಾತ್ಯ, ಏಷ್ಯನ್, ಭಾರತೀಯ ಇತ್ಯಾದಿ) ವಿವಿಧ ಭಕ್ಷ್ಯಗಳನ್ನು ಬೇಯಿಸಲಾಗುತ್ತದೆ. ಈ ಪಾಕಪದ್ಧತಿ ಹಾದಿಯ ಪ್ರತಿಯೊಂದು ಹಂತದಲ್ಲೂ ನೀಡಲಾದ ಎಲ್ಲಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲಾಗುತ್ತದೆ.

ಬಿಸಿಯಾದ ಆಹಾರವನ್ನು ಒಮ್ಮೆ ಬೇಯಿಸಿದರೆ, ಬ್ಲಾಸ್ಟ್ ಚಿಲ್ಲರ್‌ಗಳನ್ನು ಬಳಸಿ ತ್ವರಿತವಾಗಿ ತಂಪಾಗಿಸಲಾಗುತ್ತದೆ ಮತ್ತು ನಂತರ 4 ಡಿಗ್ರಿ ಸೆಂಟಿಗ್ರೇಡ್‌ಗಿಂತ ಕಡಿಮೆ ತಾಪಮಾನದಲ್ಲಿ ಇರಿಸಲಾದ ಕೋಲ್ಡ್ ರೂಮ್‌ಗಳಿಗೆ ವರ್ಗಾಯಿಸಲಾಗುತ್ತದೆ.

ಮುಂದಿನದು ಫ್ಲೈಟ್ ಕಿಚನ್‌ನ ಆಪರೇಷನ್ ವಿಂಗ್‌ನ ಪಾತ್ರ, ಇದರಲ್ಲಿ ಆಹಾರವನ್ನು ಹಂಚಲಾಗುತ್ತದೆ ಮತ್ತು ಕಟ್ಲರಿ ಮತ್ತು ಕ್ರೋಕರಿಗಳೊಂದಿಗೆ ಟ್ರೇಗಳಲ್ಲಿ ಹೊಂದಿಸಲಾಗುತ್ತದೆ. ವಿವಿಧ ವಿಮಾನಗಳಲ್ಲಿ ಏರ್ ಇಂಡಿಯಾದ ಮಾರ್ಗಸೂಚಿಗಳನ್ನು ನಿಗದಿಪಡಿಸಲಾಗಿದೆ. ಏರ್ ಇಂಡಿಯಾದ ಅಡುಗೆ ಮತ್ತು ಭದ್ರತಾ ತಂಡಗಳ ಕಠಿಣ ತಪಾಸಣೆಯ ನಂತರ, ಊಟವನ್ನು ಪೂರೈಸುವ ಗಾಡಿಗಳಿಗೆ ಊಟದ ಟ್ರೇಗಳನ್ನು ಲೋಡ್ ಮಾಡಿ ವಿಮಾನಕ್ಕೆ ರವಾನೆ ಮಾಡಲಾಗುತ್ತದೆ.

ಈ ಮೂಲಕ ವಿಮಾನದ ಊಟದ ಪ್ರಯಾಣವು ಅದರ ಅಂತಿಮ ಹಂತವನ್ನು ತಲುಪುತ್ತದೆ. ಈ ಸಂಪೂರ್ಣ ಪ್ರಕ್ರಿಯೆಯು ತುಂಬಾ ಕಟ್ಟುನಿಟ್ಟಾಗಿದ್ದು ಹಲವು ಪರಿಶೀಲನೆಗಳ ಮೂಲಕ ಹಾದು ಬರುತ್ತದೆ.

ಸ್ಥಳೀಯ ರುಚಿಯ ಅನುಭವ

ಅಕ್ಟೋಬರ್ 2022 ರಿಂದ, ಎಲ್ಲಾ ದೇಶೀಯ ವಿಮಾನಗಳಿಗಾಗಿ, ಏರ್ ಇಂಡಿಯಾವು ಪ್ರಾದೇಶಿಕ ವಿಶೇಷತೆಗಳುಳ್ಳ ಸೊಗಸಾದ ಖಾದ್ಯಗಳನ್ನು ಸಂಯೋಜಿಸಿದೆ.

ಮತ್ತು ಏಪ್ರಿಲ್ 2023 ರಿಂದ, ಅವರು ಸ್ಥಳೀಯವಾಗಿ ಮೂಲದ ಪದಾರ್ಥಗಳನ್ನು ಒಳಗೊಂಡಿರುವ ಹೊಸ ಮೆನುವನ್ನು ಪರಿಚಯಿಸಿದ್ದಾರೆ. ವರದಿಗಳ ಪ್ರಕಾರ, ಮೆನುವು ಸಸ್ಯಾಹಾರಿ ಮತ್ತು ಮಾಂಸಾಹಾರಿ ಆಯ್ಕೆಗಳೊಂದಿಗೆ ಅಂತರರಾಷ್ಟ್ರೀಯ ಮತ್ತು ಆಧುನಿಕ ಭಾರತೀಯ ಭಕ್ಷ್ಯಗಳ ಮಿಶ್ರಣವಾಗಿದೆ.

ಸಾಂಕೇತಿಕ ಚಿತ್ರ

ಈ ಮೆನುವಿನಲ್ಲಿ ಏನಿದೆ?

ಬೆಳಗಿನ ಉಪಾಹಾರಕ್ಕಾಗಿ, ಅವರು ಸ್ಮೂಥಿಗಳು, ಸ್ಯಾಂಡ್‌ವಿಚ್‌ಗಳು, ಪರಾಠಾಗಳು, ರುಚಿಕರವಾದ ಸಿಹಿತಿಂಡಿಗಳ ಜೊತೆಗೆ ಕೋಲ್ಡ್ ಪ್ರೆಸ್ ಜ್ಯೂಸ್‌ಗಳ ಕ್ಯುರೇಟೆಡ್ ಆಯ್ಕೆ, ಶುದ್ಧ ನೀರು, ಪಾನೀಯಗಳು ಮತ್ತು ಚಹಾಗಳ ಆಯ್ಕೆಯನ್ನು ನೀಡುತ್ತಿದ್ದಾರೆ. ಅಂಬಾಸಿಡರ್‌ನ ಸ್ಕೈ ಚೆಫ್‌ನ ಸಹಯೋಗದಲ್ಲಿ ಮೆನುವನ್ನು ವಿನ್ಯಾಸಗೊಳಿಸಲಾಗಿದ್ದು ಒಂದೇ ರೀತಿಯ ಊಟದ ಏಕತಾನತೆಯನ್ನು ತಪ್ಪಿಸಲು ಈ ಮೆನು ಪ್ರತಿ ದಿನವೂ ಬದಲಾಗುತ್ತಿರುತ್ತದೆ.

ಅವರು ಓಟ್ ಮೀಲ್ ಮಫಿನ್‌ಗಳು, ಚೀಸ್ ಮತ್ತು ಟ್ರಫಲ್ ಆಯಿಲ್ ಸ್ಕ್ರ್ಯಾಂಬಲ್ಡ್ ಎಗ್ಸ್ ವಿತ್ ಚೀವ್ಸ್, ಚೀಸ್ ಮಶ್ರೂಮ್ ಆಮ್ಲೆಟ್, ಕ್ರೀಮ್ ಲೇಪಿತ ಚಿಕನ್ ಸಾಸೇಜ್, ಡ್ರೈ ಜೀರಾ ಆಲೂ ಸೇರಿದಂತೆ ಹಲವು ಬಗೆಬಗೆಯ ರುಚಿಕರ ಖಾದ್ಯಗಳನ್ನು ನೀಡುತ್ತಿದ್ದಾರೆ.

ಅಂತರಾಷ್ಟ್ರೀಯ ವಿಮಾನಗಳಲ್ಲಿ ಯಾವ ಆಹಾರ ದೊರೆಯುತ್ತದೆ?

ಸೀಖ್ ಕಬಾಬ್, ಥಾಯ್ ರೆಡ್ ಕರಿ ವಿತ್ ಟೋಫು ಮತ್ತು ತರಕಾರಿಗಳು, ಬ್ರೊಕೊಲಿ ಮತ್ತು ರಾಗಿ ಸ್ಟೀಕ್, ಲೆಮನ್ ಸೇವಯ್ಯನ್ ಉಪ್ಮಾ, ಮೇದು ವಡಾ ಮತ್ತು ಮಸಾಲಾ ಉತ್ಪನ್ನದವರೆಗೆ ಹೀಗೆ ಎಲ್ಲವೂ ಸಿಗುತ್ತದೆ.

ಹೊಸ ಮೆನುವು ತುಂಬಾ ವಿವಿಧ ಖಾದ್ಯಗಳಿಂದ ಕೂಡಿದ್ದು ಪ್ರಯಾಣಿಕರು ಇದರಿಂದ ಆಕರ್ಷಿತವಾಗಿದ್ದಾರೆ. ಮಶ್ರೂಮ್ ಸ್ಕ್ರಾಂಬಲ್ಡ್ ಎಗ್, ಟರ್ಮರಿಕ್ ಚಿಲ್ಲಿ ಆಮ್ಲೆಟ್, ಮಿಶ್ರ ತರಕಾರಿ ಪರಾಠ, ಮಲ್ಟಿಗ್ರೇನ್ ಬ್ರೆಡ್‌ ಪನೀರ್ ಮತ್ತು ಎಮೆಂಟಲ್ ಸ್ಯಾಂಡ್‌ವಿಚ್, ಫೆನ್ನೆಲ್ ಕ್ರೀಮ್ ಸಾಸ್‌ನಲ್ಲಿ ಸುಟ್ಟ ಸೀಗಡಿಗಳು, ಮುರ್ಗ್ ರೆಜಾಲಾ ಕೋಫ್ತಾ, ಮುರ್ಗ್ ರೆಝಾಲಾ ಕೋಫ್ತಾ, ಮುರ್ಗ್ ಎಲೈಚಿ ಚಿಲ್ಲಿ, ಚಿಕನ್ ಚೆಟ್ಟಿನಾಡ್ ಕತಿ ರೋಲ್ ಮತ್ತು ಇನ್ನಷ್ಟು ಹೀಗೆ ಹಲವು ಬಗೆಬಗೆಯ ಖಾದ್ಯಗಳಿವೆ.

ಸಿಹಿತಿಂಡಿಗಳ ಸುತ್ತ ನಾವೀನ್ಯತೆ ​

ಅಧಿಕೃತ ಬಿಡುಗಡೆಯ ಪ್ರಕಾರ, ಅತಿಥಿಗಳು ಈಗ ಮ್ಯಾಂಗೊ ಪ್ಯಾಶನ್‌ಫ್ರೂಟ್ ಡಿಲೈಟ್, ಕ್ವಿನೋವಾ ಆರೆಂಜ್ ಖೀರ್, ಎಸ್ಪ್ರೆಸೊ ಆಲ್ಮಂಡ್ ಕ್ರಂಬಲ್ ಮೌಸ್ಸ್, ಕೇಕ್, ಖಜೂರ್ ತುಕ್ಡಾ ವಿತ್ ಕೇಸರ್ ಫಿರ್ನಿ, ಸಿಂಗಲ್ ಒರಿಜಿನ್ ಚಾಕೊಲೇಟ್ ಸ್ಲೈಸ್, ಚಮ್-ಚಮ್, ಸ್ಯಾಂಡ್‌ವಿಚ್, ಬ್ಲೂಬೆರ್ರಿ ಸಾಸ್, ಮತ್ತು ವಿವಿಧ ಹಣ್ಣುಗಳು ಸೇರಿದಂತೆ ಹಲವು ಸಿಹಿತಿಂಡಿಗಳನ್ನು ಆನಂದಿಸುತ್ತಾರೆ.

ಬಾರ್ ಮೆನುವಿನಲ್ಲಿ ಏನಿದೆ?

ಬಾರ್ ಮೆನುವು ಉತ್ತಮವಾದ ಫ್ರೆಂಚ್ ಮತ್ತು ಇಟಾಲಿಯನ್ ವೈನ್‌ಗಳನ್ನು ಒಳಗೊಂಡಂತೆ ಪ್ರೀಮಿಯಂ ಬ್ರ್ಯಾಂಡ್‌ಗಳ ಸ್ಪಿರಿಟ್‌ಗಳನ್ನು ಹೊಂದಿರುತ್ತದೆ. ಹೊಸ ಪಾನೀಯಗಳ ಮೆನುವು ವಿಸ್ಕಿಗಳು, ಜಿನ್, ವೋಡ್ಕಾ ಮತ್ತು ಪ್ರೀಮಿಯಂ ಬ್ರಾಂಡ್‌ಗಳ ಬಿಯರ್‌ಗಳನ್ನು ಸಹ ಒಳಗೊಂಡಿರುತ್ತದೆ. ಬಿಸಿ ಪಾನೀಯದೊಂದಿಗೆ ವಿಶ್ರಾಂತಿ ಪಡೆಯಲು ಇಷ್ಟಪಡುವ ಅತಿಥಿಗಳಿಗೆ, ಹೊಸದಾಗಿ ತಯಾರಿಸಿದ ಕಾಫಿ ಅಥವಾ ಚಹಾದ ಕಪ್ ಸಹ ಲಭ್ಯವಿರುತ್ತದೆ.