ರೈಲಿನ ಹಿಂದೆ ಓಡಿ ಹಸಿದ ಮಗುವಿಗೆ ಹಾಲು ನೀಡಿದ ಕಾನ್ಸ್​ಟೇಬಲ್!; ವಿಡಿಯೋ ವೈರಲ್

ನವದೆಹಲಿ (ಜೂ. 5): ರೈಲು ಆಗತಾನೆ ಚಲಿಸಲು ಆರಂಭಿಸಿತ್ತು. ಈ ವೇಳೆ ಕಾನ್ಸ್​ಟೇಬಲ್​ ಓರ್ವ ಫ್ಲಾಟ್​ಫಾರ್ಮ್​ನಲ್ಲಿ ಒಂದೇ ಸಮನೆ ಓಡುತ್ತಿದ್ದರು. ಅಲ್ಲಿದ್ದವರೆಲ್ಲರೂ ಈ ಕಾನ್ಸ್​ಟೇಬಲ್​ ಯಾವುದೋ ಕಳ್ಳನನ್ನು ಬೆನ್ನತ್ತಿ ಹೋಗುತ್ತಿರಬಹುದು ಎಂದುಕೊಂಡಿದ್ದರು. ಆದರೆ, ಅವರ ಕೈಯಲ್ಲಿದ್ದ ಹಾಲು ಪ್ಯಾಕ್​ ಎಲ್ಲರ ಗೊಂದಲಕ್ಕೆ ಕಾರಣವಾಗಿತ್ತು. ನಂತರ ತಿಳಿದು ಬಂದ ವಿಚಾರ ಏನೆಂದರೆ, ರೈಲಿನಲ್ಲಿದ್ದ ಮಗುವಿಗೆ ಹಾಲು ಪ್ಯಾಕ್ ನೀಡಲು ಕಾನ್ಸ್​ಟೇಬಲ್​ ಈ ರೀತಿ ಓಡಿದ್ದರು. ಸದ್ಯ ಈ ವಿಡಿಯೋ ಸಾಕಷ್ಟು ವೈರಲ್​ ಆಗಿದ್ದು, ಭಾರೀ ಪ್ರಶಂಸೆ ವ್ಯಕ್ತವಾಗಿದೆ.

ಈ ಘಟನೆ ನಡೆದಿದ್ದು ಭೋಪಾಲ್​ ರೈಲ್ವೆ ನಿಲ್ದಾಣದಲ್ಲಿ. ಬೆಂಗಳೂರಿನಿಂದ ಗೋರಕ್​ಪುರಕ್ಕೆ ಶ್ರಮಿಕ್​ ರೈಲು ಹೊರಟಿತ್ತು. ಮೇ 31ರಂದು ಈ ರೈಲು ಭೋಪಾಲ್​ ನಿಲ್ದಾಣ ತಲುಪಿತ್ತು. ಶರೀಫ್​ ಹಶ್ಮಿ ಪತಿ ಹಸೀನ್​ ಹಶ್ಮಿ ಎಂಬುವವರು ಮಗುವಿನ ಜೊತೆ ಈ ರೈಲಿನಲ್ಲಿ ಪ್ರಯಾಣ ಬೆಳೆಸಿದ್ದರು.

ಮಗು ಕುಡಿಯಲು ಹಾಲಿಲ್ಲದೆ ಒಂದೇ ಸಮನೆ ಅಳುತ್ತಿತ್ತು. ಈ ವೇಳೆ ಶರೀಫ್​ ಕಾನ್ಸ್​ಟೇಬಲ್​ ಇಂದರ್​ ಸಿಂಗ್​ ಯಾದವ್​ ಬಳಿ  ಒಂದು ಲೀಟರ್​ ಹಾಲಿನ ಪ್ಯಾಕ್​ ತಂದುಕೊಡುವಂತೆ ಕೇಳಿಕೊಂಡಿದ್ದರು. ಮರುಮಾತನಾಡದೆ ಒಪ್ಪಿಕೊಂಡ ಇಂದರ್​ ರೈಲ್ವೆ ನಿಲ್ದಾಣದ ಹೊರ ಭಾಗದಲ್ಲಿರುವ ಶಾಪ್​ಗೆ ತೆರಳಿ ಹಾಲು ಪ್ಯಾಕ್​ ಖರೀದಿಸಿ ಬಂದಿದ್ದರು.

ಇದನ್ನೂ ಓದಿ:  ಹಂಪಿಯಲ್ಲಿ 4.0 ತೀವ್ರತೆಯ ಭೂಕಂಪ ಆಗಿದೆ ಎಂಬುದು ನಿಜವಲ್ಲ; ಜಿಲ್ಲಾಧಿಕಾರಿ ಸ್ಪಷ್ಟನೆ

ಆ ವೇಳೆಗಾಗಲೇ ರೈಲು ಚಲಿಸಲು ಆರಂಭಿಸಿತ್ತು. ಹೀಗಾಗಿ, ಇಂದರ್​ ಓಡಿ ಆ ಮಹಿಳೆಗೆ ಹಾಲಿನ ಪ್ಯಾಕ್​ ತಲುಪಿಸಿದ್ದಾರೆ. ಈ ಘಟನೆ ಸಿಸಿಟಿವಿಯಲ್ಲಿ ದಾಖಲಾಗಿದೆ. ಇಂದರ್ ಕೆಲಸಕ್ಕೆ ರೈಲ್ವೆ ಸಚಿವ ಪೀಯೂಷ್​ ಗೋಯಲ್ ಕೂಡ​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Commendable Deed by Rail Parivar: RPF Constable Inder Singh Yadav demonstrated an exemplary sense of duty when he ran behind a train to deliver milk for a 4-year-old child.

Expressing pride, I have announced a cash award to honour the Good Samaritan. pic.twitter.com/qtR3qitnfG

— Piyush Goyal (@PiyushGoyal) June 4, 2020