• Home
  • »
  • News
  • »
  • trend
  • »
  • Communication: ಹೇಗಿದ್ದೀರಾ? ಅಂತ ಕೇಳೋ ಬದಲು ಹೀಗೆ ಮಾತನಾಡಿದ್ರೆ ಜನರಿಗೆ ಇಷ್ಟ ಆಗುತ್ತಂತೆ!

Communication: ಹೇಗಿದ್ದೀರಾ? ಅಂತ ಕೇಳೋ ಬದಲು ಹೀಗೆ ಮಾತನಾಡಿದ್ರೆ ಜನರಿಗೆ ಇಷ್ಟ ಆಗುತ್ತಂತೆ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ನೀವು ಹೇಗಿದ್ದೀರಿ? "ನೀವು ಏನು ಮಾಡುತ್ತೀರಿ?" ಎಂಬುದರ ಹೊರತಾಗಿ ಕೇಳಲಾಗುವ ಪ್ರಶ್ನೆಗಳನ್ನು ಜನರು ಇಷ್ಟಪಡುವುದು ಕಂಡುಬಂದಿದೆ

  • Share this:

    ಸಾಮಾನ್ಯವಾಗಿ ಯಾರಾದರೂ ಎದುರಿಗೆ ಸಿಕ್ಕಿದರೆ ನಾವು ಕೇಳುವ ಮೊದಲ ಪ್ರಶ್ನೆ(Question) ʼಹೇಗಿದ್ದೀರಿʼ(How Are You) ಎನ್ನುವುದು. ಆದರೆ ಸಂವಹನ ಜಗತ್ತಿನಲ್ಲಿ ಇದು ಅತ್ಯಂತ ಅನುಪಯುಕ್ತ ಪದವಾಗಿದೆ. ಕೇಳುವ ವ್ಯಕ್ತಿಯು ನಿಜವಾಗಿಯೂ ಏನನ್ನೂ ತಿಳಿದುಕೊಳ್ಳಲು ಬಯಸುವುದಿಲ್ಲ ಮತ್ತು ಇದಕ್ಕೆ ಉತ್ತರ(Answer) ಕೊಡುವ ವ್ಯಕ್ತಿ ಸತ್ಯವನ್ನು ಹೇಳುವುದಿಲ್ಲ. ಹೀಗಾಗಿ ಹೇಗಿದ್ದೀರಿ ಎಂದು ಹೇಳುವುದು ಅರ್ಥಹೀನವಾದ ಸಂಭಾಷಣೆಯಾಗಿದೆ.


    ಹಾರ್ವರ್ಡ್ ಸಂಶೋಧಕರ ಪ್ರಕಾರ ಸಣ್ಣ ಮಾತುಕತೆಯಿಂದ ಆರಂಭವಾಗುವ ಸಂಭಾಷಣೆಯು ಫಾಲೋ ಅಪ್‌ ನಿಂದ ಆರಂಭವಾಗಬೇಕು. ಈ ಕುರಿತು ಸಂಶೋಧನೆ ಮಾಡುವಾಗ, ಸಂಶೋಧಕರು 300 ಕ್ಕೂ ಹೆಚ್ಚು ಆನ್‌ಲೈನ್ ಸಂಭಾಷಣೆಗಳನ್ನು ವಿಶ್ಲೇಷಿಸಿದ್ದಾರೆ ಮತ್ತು ಅದರಲ್ಲಿ ಹೆಚ್ಚು ಅರ್ಥಪೂರ್ಣವಾದ ಫಾಲೋ ಅಪ್‌ ಪ್ರಶ್ನೆಗಳನ್ನು ಕೇಳಿರುವುದು ಕಂಡುಬಂದಿದೆ.


    ನೀವು ಹೇಗಿದ್ದೀರಿ? "ನೀವು ಏನು ಮಾಡುತ್ತೀರಿ?" ಎಂಬುದರ ಹೊರತಾಗಿ ಕೇಳಲಾಗುವ ಪ್ರಶ್ನೆಗಳನ್ನು ಜನರು ಇಷ್ಟಪಡುವುದು ಕಂಡುಬಂದಿದೆ. ಈ ಸಂಶೋಧನೆಗಳನ್ನು ಹಾರ್ವರ್ಡ್‌ನ ಜರ್ನಲ್ ಆಫ್ ಪರ್ಸನಾಲಿಟಿ ಅಂಡ್ ಸೋಶಿಯಲ್ ಸೈಕಾಲಜಿಯಲ್ಲಿ ಪ್ರಕಟಿಸಲಾಗಿದೆ.


    ಈ ಅಧ್ಯಯನದಲ್ಲಿ ಹೆಚ್ಚಿನ ಪ್ರಶ್ನೆಗಳನ್ನು ಕೇಳಲು ಜನರಿಗೆ ಸೂಚನೆ ನೀಡಿದಾಗ, ಅದರ ಪ್ರತಿಕ್ರಿಯೆಯಲ್ಲಿ ಅವರು ಗಮನಿಸುವುದೇನೆಂದರೆ ಆಲಿಸುವುದು, ಅರ್ಥಮಾಡಿಕೊಳ್ಳುವುದು, ಮೌಲ್ಯೀಕರಿಸುವಿಕೆ ಮತ್ತು ಕಾಳಜಿಯನ್ನು ಸೆರೆಹಿಡಿಯುವ ಭಾವನೆಗಳಾಗಿವೆ ಎಂದು ಅಧ್ಯಯನ ಹೇಳಿದೆ.


    ಇದನ್ನೂ ಓದಿ: Viral Video: ತನ್ನ ಸುತ್ತಲೂ ಬಲೂನ್ ಸೃಷ್ಟಿಸಿಕೊಂಡ ಆಕ್ಟೋಪಸ್, ಮತ್ತೆ ವೈರಲ್ ಆಯ್ತು ಹಳೆ ವಿಡಿಯೋ


    ಜನರು ತಮ್ಮ ಸ್ವಂತ ದೃಷ್ಟಿಕೋನಗಳ ಬಗ್ಗೆ ಮಾತನಾಡುವುದರಲ್ಲಿ ಹೆಚ್ಚಿನ ಸಮಯ ಕಳೆಯುತ್ತಾರೆ. ಮೊದಲ ಬಾರಿಗೆ ಜನರನ್ನು ಭೇಟಿಯಾದಾಗ ಸ್ವಯಂ-ಪ್ರಚಾರಕ್ಕೆ ಒಲವು ತೋರುತ್ತಾರೆ. ಇದಕ್ಕೆ ವಿರುದ್ಧವಾಗಿ, ಅವರ ಬಗ್ಗೆ ಹೆಚ್ಚಿನ ಪ್ರಶ್ನೆ ಕೇಳುವವರು ಇತರರಿಂದ ಮಾಹಿತಿ ಕಲೆ ಹಾಕಲು ಯತ್ನಿಸುತ್ತಾರೆ ಎಂದು ಅಧ್ಯಯನ ಹೇಳಿದೆ.


    ಆದ್ರೆ ಹೆಚ್ಚಿನ ಜನರು ಪ್ರಶ್ನೆ ಕೇಳುವ ಪ್ರಯೋಜನಗಳನ್ನು ನಿರೀಕ್ಷಿಸುವುದಿಲ್ಲ ಮತ್ತು ಸಾಕಷ್ಟು ಪ್ರಶ್ನೆಗಳನ್ನು ಕೇಳುವುದಿಲ್ಲ. ಆದ್ರೆ ನೀವು ಪ್ರಶ್ನೆಗಳನ್ನು ಕೇಳುವುದಿಂದ ಜನರು ನೊಂದುಕೊಳ್ಳುವುದಿಲ್ಲ ಎನ್ನುವುದನ್ನು ನೆನಪಿಡಿ ಎಂದು ಹಾರ್ವರ್ಡ್‌ ಅಧ್ಯಯನ ಹೇಳುತ್ತದೆ. ಆದ್ದರಿಂದ, ಅರ್ಥಪೂರ್ಣ ಸಂಭಾಷಣೆ ನಡೆಸಲು ಸೂಚಿಸಲಾದ 5 ಸಲಹೆಗಳು ಇಲ್ಲಿವೆ.


    1.) ಈ ಹಿಂದೆ ಭೇಟಿಯಾದ ವ್ಯಕ್ತಿಯನ್ನು ಮತ್ತೆ ನೋಡಿದರೆ ಹೇಗಿದ್ದೀರಿ ಎಂದು ಕೇಳುವ ಬದಲು ACT ಟ್ರಿಕ್ಸ್‌ ಬಳಸಿ. ಎ - ಸತ್ಯಾಸತ್ಯತೆ , ಸಿ – ಸಂಪರ್ಕ, ಟಿ - ನೀವು ಯಾರೆಂಬುದರ ಬಗ್ಗೆ ಅವರಿಗೆ ರುಚಿಯನ್ನು ನೀಡುವ ವಿಷಯ. ಇದನ್ನು ಬಳಸಿ ಎನ್ನುತ್ತಾರೆ ತಜ್ಞರು.


    ಇದಕ್ಕೆ ಉದಾಹರಣೆಯಾಗಿ ನಿಮ್ಮ ಪ್ರಸ್ತುತ ಮನಸ್ಥಿತಿ ಏನು?""ಈ ವಾರ ನೀವು ಏನು ನಿರೀಕ್ಷಿಸುತ್ತಿದ್ದೀರಿ?" "ನೀವು ನನಗೆ ಒಬ್ಬ ಸೆಲೆಬ್ರಿಟಿಯನ್ನು ನೆನಪಿಸುತ್ತೀರಿ, ಆದರೆ ಅವರು ಯಾರೆಂಬುದನ್ನು ನೆನಪಿಸಿಕೊಳ್ಳಲಾಗುತ್ತಿಲ್ಲ” ಇಂತಹ ಮಾತುಗಳಿಂದ ಸಂಭಾಷಣೆ ಆರಂಭಿಸಬಹುದು.


    2.) ಹವಾಮಾನ, ಸಂಚಾರ ಮತ್ತು ಕ್ರೀಡೆಗಳ ಬಗ್ಗೆ ಮಾತನಾಡುವುದು ಭಯಾನಕ ಐಸ್ ಬ್ರೇಕರ್ ಆಗಿದೆ. ಇಂಥ ಕಷ್ಟಕರ ವಿಷಯದ ಬದಲಾಗಿ ನಿಮಗೆ ಮುಖ್ಯವಾದ ಮತ್ತು ವೈಯಕ್ತಿಕವಾದ ವಿಷಯವನ್ನು ಆಯ್ಕೆಮಾಡಿ.


    3.) ಮಾತನಾಡಲು ನಿಮ್ಮ ಸುತ್ತಮುತ್ತಲಿನ ಆಸಕ್ತಿದಾಯಕ ವಿಷಯಗಳನ್ನು ಹುಡುಕಿ. ಇದು ಸಣ್ಣ ಚರ್ಚೆಯನ್ನು ಹುಟ್ಟುಹಾಕುತ್ತದೆ. ಸಂಭಾಷಣೆಯನ್ನು ಚುರುಕಾಗಿಸುತ್ತದೆ ಜೊತೆಗೆ ಮತ್ತೊಂದಿಷ್ಟು ಫಾಲೋ ಅಪ್‌ ಪ್ರಶ್ನೆಗಳನ್ನು ಕೇಳಲು ಅನುವು ಮಾಡಿಕೊಡುತ್ತದೆ.


    4.) ವೈಯಕ್ತಿಕ ಸುದ್ದಿಗಳನ್ನು ಹಂಚಿಕೊಳ್ಳುವುದರಿಂದ ಸಂಭಾಷಣೆಯನ್ನು ತೆರೆಯಬಹುದು. ಇತರ ವ್ಯಕ್ತಿಗೆ ನಿಮ್ಮ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಅವಕಾಶ ನೀಡುತ್ತದೆ. ಇದಕ್ಕೆ ಪ್ರತಿಯಾಗಿ ಅವರು ನಿಮಗೆ ಕೆಲವು ಪ್ರಶ್ನೆಗಳನ್ನು ಕೇಳಬಹುದು.


    ಇದನ್ನೂ ಓದಿ: Viral News: ಬೆಂಗಳೂರಿನ ಈ ಆಟೋ ಹತ್ತಿದ್ರೆ ಬಿಸ್ಕೆಟ್‌, ಸ್ಯಾನಿಟೈಸರ್‌, ನೀರಿನ ಬಾಟಲಿ ಫ್ರೀ!


    5.) ನೀವು ಏನು ಹೇಳುತ್ತಿದ್ದೀರಿ ಎಂಬುದು ಮುಖ್ಯವಾಗಿದ್ದರೂ, ಅದನ್ನು ಹೇಗೆ ಹೇಳಲಾಗುತ್ತಿದೆ ಎಂಬುದು ಮುಖ್ಯವಾಗುತ್ತದೆ. ಅಲ್ಲದೇ ನೀವು ಮಾತನಾಡುವಾಗ ಎದುರಿಗಿರುವ ಇನ್ನೊಬ್ಬ ವ್ಯಕ್ತಿಯನ್ನು ನೋಡಿ ಬದಲಾಗಿ ಅವರ ಹಿಂದಿನ ಗೋಡೆ ಅಲ್ಲ. ಫೋನ್ ಮೂಲಕ ಯಾರೊಂದಿಗಾದರೂ ಮಾತನಾಡುವಾಗಲೂ ನಿಮ್ಮ ಮುಖದಲ್ಲಿರುವ ಕಿರುನಗೆ ನಿಮ್ಮ ಧ್ವನಿಯ ಮೌಲ್ಯವನ್ನು ಹೆಚ್ಚಿಸುತ್ತದೆ. ಇದು ಇತರರಿಗೆ ನಿಮ್ಮೊಂದಿಗೆ ಸಂಪರ್ಕ ಸಾಧಿಸಲು ಸುಲಭವಾಗಿಸುತ್ತದೆ.

    Published by:Latha CG
    First published: