HOME » NEWS » Trend » COCK A DOODLE ADO ITALIAN MAN FINED OVER COCKERELS EARLY MORNING CROWING HG

ಮುಂಜಾನೆ ಕೋಳಿ ಕೂಗಿದ್ದಕ್ಕೆ ಮಾಲಿಕನಿಗೆ ಬಿತ್ತು14 ಸಾವಿರ ದಂಡ!

ಇಟಲಿಯಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಲೊಂಬಾರ್ಡಿಯ ಪಟ್ಟಣವಾದ ಕ್ಯಾಸ್ಟಿರಾಗಾ ವಿದಾರ್ಡೋದ ಏಂಜಲೋ ಬೊಲೆಟ್ಟಿ ಎಂಬ 83 ವರ್ಷ ವೃದ್ಧನ ಬಳಿ ಇದ್ದ  ಹುಂಜ ಕೂಗಿದ್ದಕೆ 14 ಸಾವಿರ ರೂಪಾಯಿ ದಂಡಕಟ್ಟಿದ್ದಾರೆ.

news18-kannada
Updated:August 16, 2020, 6:54 PM IST
ಮುಂಜಾನೆ ಕೋಳಿ ಕೂಗಿದ್ದಕ್ಕೆ ಮಾಲಿಕನಿಗೆ ಬಿತ್ತು14 ಸಾವಿರ ದಂಡ!
ಹುಂಜ
  • Share this:
ಹಳ್ಳಿಯಲ್ಲಿ ಕೋಳಿ ಕೂಗಿದರೆ ಬೆಳಗಾಯಿತು ಎಂದು ಹೇಳುವ ಕಾಲವೊಂದಿತ್ತು. ಆ ಕಾಲಕ್ಕೆ ಕೋಳಿ ಅಲರಾಂ ಇದ್ದಂತೆ. ಬೆಳ್ಳಂ ಬೆಳಗ್ಗೆ ಕೂಗಿದರೆ ಬೆಳಗ್ಗೆ ಆಯಿತು ಸೂರ್ಯ ಉದಯಿಸಿದ ಎಂಬ ಅರ್ಥ. ಆದರೆ ಇಲ್ಲೊಂದು  ಕೋಳಿ ಕೂಗಿದ್ದಕ್ಕೆ ಮನೆಯ ಮಾಲಿಕ ದಂಡ ಕಟ್ಟಬೇಕಾದ ಪರಿಸ್ಥಿತಿಬಂದಿದೆ.

ಇಟಲಿಯಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಲೊಂಬಾರ್ಡಿಯ ಪಟ್ಟಣವಾದ ಕ್ಯಾಸ್ಟಿರಾಗಾ ವಿದಾರ್ಡೋದ ಏಂಜಲೋ ಬೊಲೆಟ್ಟಿ ಎಂಬ 83 ವರ್ಷ ವೃದ್ಧನ ಬಳಿ ಇದ್ದ  ಹುಂಜ ಕೂಗಿದ್ದಕೆ 14 ಸಾವಿರ ರೂಪಾಯಿ ದಂಡಕಟ್ಟಿದ್ದಾರೆ.

ಏಂಜಲೋ ಬೊಲೆಟ್ಟಿ ಮನೆಯಲ್ಲಿ ಹುಂಜ ಸಾಕಿದ್ದರು. ಈ ಹುಂಜ ಮುಂಜಾನೆ  4:30ಕ್ಕೆ ಕೂಗುತ್ತಿತ್ತು. ಆದರೆ ಹುಂಜ ಕೂಗುವುದರಿಂದ ನೆರೆಮನೆಯವರಿಗೆ ತೊಂದರೆಯಾಗುತ್ತಿತ್ತು. ಬೆಳಿಗ್ಗಿನ ಜಾವ ನಿದ್ರೆಯನ್ನು ಹಾಳು ಮಾಡುತ್ತಿದೆ ಎಂದು ಏಂಜಲೋ ಅವರಿಗೆ ಪಕ್ಕದ ಮನೆಯವರು ಹೇಳಿದ್ದರು. ಆದರೆ ಎಂಜಲೋ ಏನು ಮಾಡಲಾಗದೆ ಸುಮ್ಮನಾಗಿದ್ದರು.

ಹೀಗೆ ಹುಂಜ ಕೂಗಿನಿಂದ ಕಿರಿಯಿರಿಯಾಗುತ್ತದೆ ಎಂದು ನೆರೆಮನೆಯವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಆ ಕಾರಣಕ್ಕಾಗಿ ಪೊಲೀಸರು ಎಂಜಲೋ ಅವರಿಗೆ 14 ಸಾವಿರ ದಂಡ ವಿಧಿಸಿದ್ದಾರೆ.

ಇಟಲಿಯಲ್ಲಿ ಸಾಕು ಪ್ರಾಣಿಗಳನ್ನು ನೆರೆಮನೆಯಿಂದ 10 ಮೀಟರ್​​ ದೂರದಲ್ಲಿ ಇಡಬೇಕು ಎಂಬುದು ಕಾನೂನಿದೆ. ಆದರೆ ಈ ವಿಚಾರ ಏಂಜಲೋಗೆ ಗೊತ್ತಿರಲಿಲ್ಲ. ಇನ್ನು ಪೊಲೀಸರು ವಿಧಿಸಿದ ದಂಡದ ವಿಚಾರವಾಗಿ ಏಂಜಲೋ ಬೇಸರ ಹೊರಹಾಕಿದ್ದಾರೆ.
Youtube Video

ಏಂಜಲೋ ಅವರು ಹುಂಜ ಕೂಗಿನಿಂದಾಗಿ ನೆರೆ ಮನೆಯವರ ತೊಂದರೆಯಾಗುತ್ತಿದೆ ಎಂದು ಸ್ನೇಹಿತನಿಗೆ ಆ ಹುಂಜವನ್ನು ಸಾಕಲು ಕೊಟ್ಟಿದ್ದರು. ಈಗ ಸ್ನೇಹಿತ 20 ದಿನಗಳ ಕಾಲ ಊರಿನಲ್ಲಿ ಇರದ ಕಾರಣ ಏಂಜಲೋಗೆ ಕೊಟ್ಟು ಹೋಗಿದ್ದಾನೆ. ಹಾಗಾಗಿ ತಾತ್ಕಾಲಿಕವಾಗಿ  ಹುಂಜ ಸಾಕಿದ್ದರು. ಆದರೆ ಅದರ ಕೂಗಿಗೆ 14 ಸಾವಿರ ರೂ. ದಂಡ ಕಟ್ಟಬೇಕಾದ ಪರಿಸ್ಥಿತಿ ಏಂಜಲೋಗೆ ಬಂದಿದೆ.
Published by: Harshith AS
First published: August 16, 2020, 6:39 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories