Viral Video: ಬಾಟಲಿಯಿಂದ ನೀರು ಕುಡಿದ ನಾಗರಹಾವು: ಐಎಫ್ಎಸ್ ಅಧಿಕಾರಿ ಹಂಚಿಕೊಂಡ ವಿಡಿಯೋ ನೀವು ನೋಡ್ಲೇಬೇಕು

ಒಬ್ಬ ವ್ಯಕ್ತಿಯು ಬಾಟಲಿಯಿಂದ ನಾಗರಹಾವಿಗೆ ನೀರು ಕುಡಿಯಲು ಸಹಾಯ ಮಾಡುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಸುಸಂತಾ ನಂದಾ ಅವರು ಟ್ವಿಟ್ಟರ್ನಲ್ಲಿ 17 ಸೆಕೆಂಡುಗಳ ಕ್ಲಿಪ್ ಅನ್ನು ಹಂಚಿಕೊಂಡಿದ್ದು, ಪ್ರಬಲ ಸಂದೇಶದೊಂದಿಗೆ ಕ್ಯಾಪ್ಷನ್ ಅನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ಕಾಡಿನಲ್ಲಿ ಚಿತ್ರೀಕರಿಸಲಾಗಿದೆ ಎಂದು ತೋರುತ್ತದೆ. ಅಲ್ಲಿ ಒಬ್ಬ ವ್ಯಕ್ತಿಯು ನೀರಿನಿಂದ ತುಂಬಿದ ಬಾಟಲಿಯನ್ನು ನಾಗರ ಹಾವಿನ ಮುಂದೆ ಹಿಡಿದು ಸರೀಸೃಪಕ್ಕೆ ಅದರ ಬಾಯಾರಿಕೆಯನ್ನು ನೀಗಿಸಲು ಸಹಾಯ ಮಾಡಿದನು. ಅವನು ಬಾಟಲಿಯನ್ನು ಸ್ವಲ್ಪ ಓರೆಯಾಗಿಸಿ ಹಾವು ಸುಲಭವಾಗಿ ಕುಡಿಯುವಂತೆ ಅದನ್ನು ಹಾವಿನ ಬಾಯಿಗೆ ಹತ್ತಿರ ಇಟ್ಟುಕೊಂಡನು.

"ಪ್ರೀತಿ ಮತ್ತು ನೀರು. ಜೀವನದ ಎರಡು ಅತ್ಯುತ್ತಮ ಪದಾರ್ಥಗಳು" ಎಂದು ಐಎಫ್ಎಸ್ ಅಧಿಕಾರಿ ಸುಸಂತಾ ನಂದಾ ತಮ್ಮ ಪೋಸ್ಟ್ಗೆ ಕ್ಯಾಪ್ಷನ್ ಹಾಕಿಕೊಂಡಿದ್ದಾರೆ.

ಈ ವಿಡಿಯೋವನ್ನು ಇಲ್ಲಿ ನೋಡಿ:

Love & water...
Two best ingredients of life pic.twitter.com/dy3qB40m6N

— Susanta Nanda IFS (@susantananda3) February 16, 2021

22,000 ಕ್ಕೂ ಅಧಿಕ ಬಾರಿ ವೀಕ್ಷಣೆಗೊಳಗಾಗಿರುವ ಮತ್ತು ಸುಮಾರು 3,000 ಲೈಕ್​ಗಳೊಂದಿಗೆ ಈ ವಿಡಿಯೋ ವೈರಲ್ ಆಗಿದೆ. ಸಾಮಾಜಿಕ ಮಾಧ್ಯಮ ಬಳಕೆದಾರರು ತಮ್ಮ ಆಲೋಚನೆಗಳು ಮತ್ತು ಅಭಿಪ್ರಾಯಗಳನ್ನು ಕಾಮೆಂಟ್​ನಲ್ಲಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ರಾಮಮಂದಿರ ನಿರ್ಮಾಣ: ದೇಣಿಗೆ ಸಂಗ್ರಹ ನೆಪದಲ್ಲಿ ಹಣ ಲೂಟಿ ಮಾಡುತ್ತಿದ್ದಾರೆ; ಕುಮಾರಸ್ವಾಮಿ ಆರೋಪ

"ಹಾವು ನೀರನ್ನು ಈ ರೀತಿ ಕುಡಿಯಬಹುದೆಂದು ಮೊದಲ ಬಾರಿಗೆ ನೋಡಿದಾಗ ... ಹಾವುಗಳು ಕುಡಿಯಲು ಸಾಧ್ಯವಿಲ್ಲ ಎಂದು ಕೇಳಿದ್ದೆ... ನೀವು ಪರಿಣತರಲ್ಲದಿದ್ದರೆ ಇದನ್ನು ಅನುಸರಿಸುವುದು ಅಪಾಯಕಾರಿ" ಎಂದು ಬಳಕೆದಾರರೊಬ್ಬರು ಹೇಳಿದರು.

"ಪ್ರಕೃತಿಯ ಬಗ್ಗೆ ಉತ್ತಮ ತಿಳುವಳಿಕೆ" ಎಂದು ಇನ್ನೊಬ್ಬ ಬಳಕೆದಾರರು ಹೇಳಿದ್ದಾರೆ. ಬಾಟಲಿಯಿಂದ ಹಾವು ಕುಡಿಯುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳ ಗಮನ ಸೆಳೆದಿರುವುದು ಇದೇ ಮೊದಲಲ್ಲ. 2017 ರಲ್ಲಿ, ಬಾಯಾರಿದ ನಾಗರಹಾವು, ಕರ್ನಾಟಕದ ಕೈಗಾ ಪ್ರದೇಶಕ್ಕೆ ಹೋಗಿತ್ತು. ಅಲ್ಲಿ ವನ್ಯಜೀವಿ ಪಾರುಗಾಣಿಕಾ ಕಾರ್ಯಕರ್ತರು ನೀರನ್ನು ನೀಡಿದ್ದರು. ಆಗಲೂ ಇಂಟರ್ನೆಟ್ನಲ್ಲಿ ವೈರಲ್ ಆಗಿತ್ತು.