11 ಕಿ.ಮೀ ಬೈಕ್​ ಚಲಾಯಿಸಿ ಹೆಲ್ಮೆಟ್​ ತೆರೆದಾಗ ಕಣ್ಣಿಗೆ ಕಂಡದ್ದೇ ಬೇರೆ!

ವಾಹನ ಚಲಾಯಿಸುವ ಮುನ್ನ ಒಂದು ಬಾರಿ ಪರಿಶೀಲನೆ ಮಾಡಿ ನಂತರ ಚಲಾಯಿಸುವುದು ಒಳಿತು. ದ್ವಿಚಕ್ರವಾಗಲಿ ಅಥವಾ ಕಾರ್​ ಆಗಲಿ ಒಮ್ಮೆ ಪರೀಶಿಲನೆ ಮಾಡಿದಾಗ ವಾಹನದಲ್ಲಿದ್ದ ಸಮಸ್ಯೆ ನಮಗೆ ತಿಳಿಯುತ್ತದೆ. ಆದರೆ ಕೆಲವೊಮ್ಮೆ ಆಫೀಸ್​ ಲೇಟಾಯ್ತು, ಸಮಯ ಮೀರಿ ಹೋಯ್ತು ಎಂದು ಎದ್ದು ಬಿದ್ದು ಗಾಡಿ ಸ್ಟಾರ್ಟ್​ ಮಾಡಿ ಹೊರಟು ಹೋಗುತ್ತಾರೆ. ಆದರೆ ಇಂತಹ ಸನ್ನಿವೇಷಗಳಿಂದ ಕೆಲಮೊಮ್ಮೆ ಫಚೀತಿಗೆ ಸಿಲುಕಿಕೊಂಡ ಘಟನೆಯೂ ಸಾಕಷ್ಟಿರುತ್ತವೆ. ಅದರಂತೆ ಇಲ್ಲೊಬ್ಬರು ಶಿಕ್ಷಕರು ​ ಪರಿಶೀಲನೆ ನಡೆಸದೆ ಬೈಕ್ ಚಲಾಯಿಸಿ ಆಸ್ಪತ್ರೆ ಸೇರಿದ ಘಟನೆಯೊಂದು ಬೆಳಕಿಗೆ ಬಂದಿದೆ.

ಕೇರಳದ ಶಾಲೆಯೊಂದರ ಸಂಸ್ಕೃತ ಶಿಕ್ಷಕ ರಂಜಿತ್​ ಎಂಬವರು ಬೈಕ್​ ಏರಿ 5 ಕಿ.ಮೀ ದೂರದ ಶಾಲೆಗೆ ತೆರಳಿದ್ದಾರೆ.  ಬೆಳಗ್ಗೆ 8.30 ಶಾಲೆಗೆ ತಲುಪಿ ಮಕ್ಕಳಿಗೆ ಸಂಸ್ಕೃತ ಪಾಠ ಮಾಡಿದ್ದಾರೆ. ನಂತರ ಅಲ್ಲಿಂದ ಮತ್ತೊಂದು ಶಾಲೆಯಲ್ಲಿ ಪಾಠ ಮಾಡಲು ರಂಜಿತ್​ ತೆರಳಿದ್ದಾರೆ. 11:30 ಶಾಲೆಗೆ ತಲುಪಿದ್ದಾರೆ.



ಆದರೆ ಶಾಲೆಗೆ ತಲುಪಿ ಬೈಕ್​ ಪಾರ್ಕ್​​ ಮಾಡಿ ಹೆಲ್ಮೆಟ್​ ತೆಗೆದಾಗ ರಂಜಿತ್​ ಶಾಕ್​ ಆಗಿದ್ದಾರೆ. ಹೆಲ್ಮೆಟ್​ ಒಳಗೆ ಹಾವಿನ ಬಾಲವೊಂದು ಕಾಣಿಸಿದೆ.  ನಂತರ ಪರಿಶೀಲಿಸಿದಾಗ ವಿಷಕಾರಿ ಹಾವೆಂದು ಗೊತ್ತಾಗಿದೆ. ಇದನ್ನು ಕಂಡು ಶಿಕ್ಷಕ ರಂಜಿತ್​ ಬೆಚ್ಚಿ ಬಿದ್ದಿದ್ದಾರೆ.

ತಕ್ಷಣವೇ ರಂಜಿತ್​​ ಅವರನ್ನು ಅಲ್ಲಿನ ಸಹಶಿಕ್ಷಕರು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ನಂತರ ರಂಜಿತ್​ ದೇಹದಲ್ಲಿ ವಿಷ ಇದೆಯಾ ಎಂದು ವೈದ್ಯರು ಪರೀಕ್ಷೆ ನಡೆಸಿದರು. ಆದರೆ ವಿಷ ಇಲ್ಲವೆಂದು ವೈದ್ಯರು ಪರೀಕ್ಷೆಯ ನಂತರ ದೃಢಪಡಿಸಿದ್ದಾರೆ. ಇನ್ನು ಶಿಕ್ಷಕ ರಂಜಿತ್​ ಧರಿಸಿದ್ದ ಹೆಲ್ಮೆಟ್​ ಚಿಕ್ಕದಾಗಿರುವ ಕಾರಣ ಒಳಗಿದ್ದ ವಿಷಕಾರಿ ಹಾವು ಅಲ್ಲೇ ಸತ್ತು ಹೋಗಿದೆ.