Viral News: ಕೈ ಬಿಟ್ಟು ಹಿಂಬದಿ ಸೀಟ್​​ನಲ್ಲಿ ಕೂತು ಬೈಕ್​ ರೈಡಿಂಗ್​: ಟೆಸ್ಲಾಗೆ ಕಾಂಪಿಟೇಶನ್​ ಅಂದಿದ್ಯಾಕ್ಕೆ ನೆಟ್ಟಿಗರು?

Driverless bike riding : ವ್ಯಕ್ತಿಯೊಬ್ಬ ಬೈಕ್​ನಲ್ಲಿ ಚಾಲಕನ ಸೀಟ್​ ಬಿಟ್ಟು ಹಿಂಬದಿ ಸೀಟ್​ನಲ್ಲಿ ಬೈಕ್​ ಓಡಿಸಿರುವ ವಿಡಿಯೋವೊಂದು ಎಲ್ಲೆಡೆ ಸಖತ್​ ವೈರಲ್​ ಆಗುತ್ತಿದೆ. ಈತನ ವಿಡಿಯೋ ನೋಡಿದ ನೆಟ್ಟಿಗರು ಎಲಾನ್​ ಮಾಸ್ಕ್​ ಅವರ ಚಾಲಕರಹಿತ ವಾಹನ ಸಂಚಾರ ಐಡಿಯಾವನ್ನು ಕಿಂಡಲ್​ ಮಾಡಿದ್ದಾರೆ.

ವೈರಲ್​ ಆದ ಬೈಕ್​ ಸವಾರ

ವೈರಲ್​ ಆದ ಬೈಕ್​ ಸವಾರ

  • Share this:
ಟೆಸ್ಲಾ(Tesla) ಕಾರಿನ ಬಗ್ಗೆ ಯಾರಿಗೆ ಗೊತ್ತಿಲ್ಲ ಹೇಳಿ. ನಾವೂ ಒಂದು ಟೆಸ್ಲಾ ಕಾರು(Car) ಖರೀದಿಸಿ ಆಟೋಮೆಟಿಕ್​ ಡ್ರೈವ್​ ಮೋಡ್​(automatic drive mode) ಹಾಕಿ ಜುಮ್​ ಅಂತ ಕಾರು ಓಡಿಸದೆ ಕೂತು ರೈಡ್​​ ಎಂಜಾಯ್​(Ride Enjoy) ಮಾಡಬೇಕು ಅಂದುಕೊಂಡಿರುತ್ತೀರಾ. ಎಲಾನ್​ ಮಸ್ಕ್(Elon Musk) ಈ ಹೈಟೆಕ್(Hightech)​ ಟೆಸ್ಲಾ ಕಾರನ್ನು ಮಾರುಕಟ್ಟೆಗೆ ತಂದಿದ್ದಾರೆ. ವಿದೇಶಗಳಲ್ಲಿ ಈ ಟೆಸ್ಲಾ ಕಾರಿಗೆ ಬಹಳ ಬೇಡಿಕೆಯಿದೆ. ಈ ಟೆಸ್ಲಾ ಕಾರಿನ ವಿಶೇಷತೆ ಅಂದರೆ ಚಾಲಕ ಇಲ್ಲದಿದ್ದರೂ ಈ ಕಾರು ಓಡುತ್ತೆ. ಹೀಗಾಗಿ ವಿದೇಶದಲ್ಲಿ ಈ ಕಾರಿಗೆ ಡಿಮ್ಯಾಂಡ್​ ಹೆಚ್ಚಿದೆ. ಆದರೆ ಭಾರತದಲ್ಲಿ ಈ ಕಾರಿನ ಬೆಲೆ ಕೇಳಿದರೆ ಶಾಕ್​ ಆಗಬಹುದು. ಒಂದೂವರೆ ಕೋಟಿಯಿಂದ ಈ ಕಾರಿನ ಬೆಲೆ ಶುರುವಾಗುತ್ತೆ. ಈವಾಗ ಯಾಕೆ ಟೆಸ್ಲಾ ಕಾರಿನ ಬಗ್ಗೆ ಹೇಳುತ್ತಾ ಇದೀವಿ ಅಂದುಕೊಂಡರಾ? ಹೌದು, ಇಲ್ಲೊಬ್ಬ ಬೈಕ್​ ಸವಾರ(Bike Rider) ಟೆಸ್ಲಾ ಹಾಗೂ ಎಲಾನ್​ ಮಸ್ಕ್​ರನ್ನ ನೆನಪು ಮಾಡಿದ್ದಾರೆ. ಈತನ ವಿಡಿಯೋ ನೋಡಿದವರು ಎಲಾನ್​ ಮಸ್ಕ್​ ಅವರನ್ನು ನೆನಪಿಸಿಕೊಳ್ಳುತ್ತಿದ್ದಾರೆ. ಯಾಕೆ ಅಂತೀರಾ? ಮುಂದೆ ನೋಡಿ..

ಹಿಂಬದಿ ಸೀಟ್​​ನಲ್ಲಿ ಕೂತು ಬೈಕ್​ ರೈಡಿಂಗ್​

ವ್ಯಕ್ತಿಯೊಬ್ಬ ಬೈಕ್​ನಲ್ಲಿ ಚಾಲಕನ ಸೀಟ್​ ಬಿಟ್ಟು ಹಿಂಬದಿ ಸೀಟ್​ನಲ್ಲಿ ಬೈಕ್​ ಓಡಿಸಿರುವ ವಿಡಿಯೋವೊಂದು ಎಲ್ಲೆಡೆ ಸಖತ್​ ವೈರಲ್​ ಆಗುತ್ತಿದೆ. ಈತನ ವಿಡಿಯೋ ನೋಡಿದ ನೆಟ್ಟಿಗರು ಎಲಾನ್​ ಮಸ್ಕ್​ ಅವರ ಚಾಲಕರಹಿತ ವಾಹನ ಸಂಚಾರ ಐಡಿಯಾವನ್ನು ಕಿಂಡಲ್​ ಮಾಡಿದ್ದಾರೆ. ನಮ್ಮ ದೇಶದಲ್ಲಿ ನೀವು ಏನಾದರೂ ಚಾಲಕ ರಹಿತ ಬೈಕ್​ ಸಿದ್ಧಪಡಿಸಿ ಮಾರುಕಟ್ಟೆಗೆ ಬಿಡಬೇಕು ಅಂದುಕೊಂಡಿದ್ದರೆ, ಆ ಆಸೆಯನ್ನು ಬಿಟ್ಟುಬಿಡಿ. ಇಲ್ಲಿ ನೋಡಿ ನಮ್ಮ ದೇಶದಲ್ಲಿ ಆಗಲೇ ಚಾಲಕ ರಹಿತ ಬೈಕ್​ ಚಾಲ್ತಿಯಲ್ಲಿದೆ. ನಿಮ್ಮ ಚಾಲಕರಹಿತ ವಾಹನಕ್ಕೆ ಕಾಂಪಿಟೇಷನ್​ ಶುರುವಾಗಿದೆ ಎಂದು ವೈರಲ್​ ವಿಡಿಯೋವನ್ನ ತಮ್ಮ ಖಾತೆಯಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಇದನ್ನು ಓದಿ: ಸತ್ತ ಗಂಡನ ಬೂದಿ ಹೊತ್ತು ತಿರುಗುತ್ತಿರುವ ಹೆಂಡತಿ.. ಅವನ ನೆನೆಪಾದ್ರೆ ಅದನ್ನೇ ತಿನ್ನುತ್ತಾಳಂತೆ!

ಟ್ವೀಟ್​ ಮಾಡಿದ ಮಹೀಂದ್ರಾ ಗ್ರೂಪ್​ ಚೇರ್ಮನ್

ಈ ಬೈಕ್ ರೈಡಿಂಗ್​ ವಿಡಿಯೋ ಎಷ್ಟರ ಮಟ್ಟಿಗೆ ವೈರಲ್​ ಆಗಿದೆ ಎಂದರೆ, ಸ್ವತಃ ಮಹೀಂದ್ರಾ ಗ್ರೂಪ್​ ಚೇರ್ಮನ್​ ಆನಂದ್​ ಮಹೀಂದ್ರಾ ಈ ವಿಡಿಯೋವನ್ನ ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮದೇ ಶೈಲಿಯಲ್ಲಿ ಪೋಸ್ಟ್​ ಹಾಕಿಕೊಂಡಿದ್ದಾರೆ. `ನಾನೊಬ್ಬ ಸಂಚಾರಿ ಆದರೆ ನನಗೆ ಯಾರು ಚಾಲಕರಿಲ್ಲ, ಸೇರಬೇಕಾದ ಗುರಿಯಿಲ್ಲ’ ಅಂತ ಹಿಂದಿಯ ಸಾಲುಗಳನ್ನ ಹಾಕಿ ಈ ವಿಡಿಯೋವನ್ನ ಆನಂದ್​ ಮಹೀಂದ್ರಾ ಅವರು ಶೇರ್​ ಮಡಿದ್ದಾರೆ.



ಇದನ್ನು ಓದಿ : 70ನೇ ವರ್ಷಕ್ಕೆ ಮೊದಲ ಮಗುವನ್ನು ಹೆತ್ತ ಮಹಾತಾಯಿ, ಇದು ನಮ್ ದೇಶದ್ದೇ ವಿಚಿತ್ರ!

ಜೋರಾಗಿದೆ ಪರ- ವಿರೋಧದ ಚರ್ಚೆ

ಈ ಬೈಕ್​ ಸವಾರನ ಪರವಾಗಿ ಕೆಲ ನೆಟ್ಟಿಗರು ಸಪೋರ್ಟ್ ಮಾಡಿದ್ದಾರೆ. ಈ ರೀತಿಯ ಪ್ರತಿಭೆಗಳನ್ನ ಸರಿಯಾದ ರೀತಿಯಲ್ಲಿ ಬಳಸಿಕೊಂಡರೆ ಮುಂದೊಂದು ದಿನ ನಮ್ಮ ದೇಶಕ್ಕೆ ಒಳ್ಳೆಯದು. ಎಷ್ಟು ಅದ್ಭುತವಾಗಿ ಗಾಡಿಯನ್ನು ಈ ರೀತಿ ಓಡಿಸಿದ್ದಾರೆ ಅಂತ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ. ಮತ್ತೊಂದು ವರ್ಗ ಈ ರೀತಿಯ ದುಸ್ಸಾಹಸಕ್ಕೆ ಯಾರೂ ಕೂಡ ಮುಂದಾಗಬಾರದು ಅಥವಾ ಇಂಥವರಿಗೆ ಸಪೋರ್ಟ್​ ಮಾಡಬಾರದು. ಈ ರೀತಿಯ ಚಾಲನೆ ತುಂಬಾ ಅಪಾಯಕಾರಿ ಹೆಲ್ಮೆಟ್​ ಇಲ್ಲದೇ, ಬೇಜವಾಬ್ದಾರಿಯಾಗಿ ವಾಹನ ಓಡಿಸಿದ್ದಾನೆ. ಈತನ ಮೇಲೆ ಕಾನೂನು ಕ್ರಮ ಜರುಗಿಸಿ ಎಂದು ಆಕ್ರೋಶ ಹೊರಹಾಕಿದ್ದಾರೆ. ಮಹೀಂದ್ರಾ ಅಂತಹ ದೊಡ್ಡ ಕಂಪನಿ ಇಂತಹವರಿಗೆ ನೀವು ಪ್ರೋತ್ಸಾಹ ನೀಡಬೇಡಿ ಎಂದು ಹೇಳಿದ್ದಾರೆ.
Published by:Vasudeva M
First published: