Viral Story: ಮದುವೆ ಮನೆಗೆ ಊಟಕ್ಕೆ ಹೋಗಿ ಒಬ್ಬ ಶಿಕ್ಷೆ ಅನುಭವಿಸಿದರೆ, ಇನ್ನೊಬ್ಬ ಉಂಡು ಶುಭ ಹಾರೈಸಿದ್ದಾನೆ!

ಬಿಹಾರದಲ್ಲಿ (Bihar) ನಡೆದ ಫನ್ನಿ ಘಟನೆಯೊಂದರ (Incident) ವಿಡಿಯೋವೊಂದು (Video) ಸಾಮಾಜಿಕ ಜಾಲತಾಣಗಳಲ್ಲಿ (Social Media) ಸಖತ್ ವೈರಲ್ (Viral) ಆಗುತ್ತಿದೆ. ಸಾಮಾನ್ಯವಾಗಿ ಹಲವರು ಮದುವೆ (Marriage) ಮಂಟಪ ನೋಡಿದ್ರೆ ಸಾಕು ಅಲ್ಲಿನ ಭೋಜನ ನೆನೆದು ಪುಳಕಗೊಳ್ಳುತ್ತಾರೆ. ಅಷ್ಟೇ ಅಲ್ಲದೇ, ಕೆಲವರಂತೂ ಸುಳ್ಳು ಹೇಳಿ ಮದುವೆಗೆ ಹೋಗಿ ಊಟ ಮಾಡಿ ಬರುತ್ತಾರೆ. ವರನ ಕಡೆಯವರು, ವಧುವಿನ ಕಡೆಯವರು ಅಂತಾ ಹೇಳಿಕೊಂಡು ಅಪರಿಚಿತರ ಮದುವೆಯಲ್ಲಿ ಭೋಜನ ಸವಿದು ಬರುತ್ತಾರೆ. ಇಲ್ಲಿಯೂ ಕೂಡ ವಿದ್ಯಾರ್ಥಿಯೊಬ್ಬ ಮದುವೆಗೆ ಆಹ್ವಾನ ನೀಡದೆಯೇ ಮದುವೆ ಮನೆಗೆ ನುಗ್ಗಿ ಊಟ ಮಾಡಿದ್ದಾನೆ. ಅಷ್ಟೇ ಅಲ್ಲದೇ ಊಟ ಮಾಡಬಹುದಾ ಅಂತಾ ವರನಿಗೆ ಕೇಳಿ ಅನುಮತಿ ಪಡೆದಿದ್ದಾನೆ. ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.

ಅಪರಿಚಿತರ ಮದುವೆಗೆ ಹೋಗಿ ಸಿಕ್ಕಿ ಬಿದ್ದ ವಿದ್ಯಾರ್ಥಿ

ಮದುವೆಯ ಸೀಸನ್ ಸಮೀಪಿಸುತ್ತಿದ್ದಂತೆ ನಾವೆಲ್ಲರೂ ಮದುವೆಯ ಆಮಂತ್ರಣಕ್ಕಾಗಿ ಕಾಯುತ್ತೇವೆ. ಮದುವೆಯ ಊಟ ನೆನೆದರೆ ಸಾಕು ಬೇಗ ಊಟಕ್ಕೆ ಹೋಗಬೇಕು ಅನ್ನಿಸುತ್ತದೆ. ಕಾತರದಿಂದ ಕಾಯುತ್ತೇವೆ. ಆದರೆ ಕೆಲವರು ಆಹ್ವಾನ ಸಿಗಲಿ, ಸಿಗದೇ ಇರಲಿ ಮದುವೆಗಳಿಗೆ ಹೋಗಿ ಊಟ ಮಾಡಿ ಬರುತ್ತಾರೆ. ಕೆಲವರು ಈ ಕೆಲಸದಲ್ಲಿ ಪರಿಣತಿ ಪಡೆದಿರುತ್ತಾರೆ.

MP : शादी में बिना बुलाए खाना खाने पहुंचा MBA का छात्र, लोगों ने युवक से धुलाए बर्तन
***********************
और बिहार मे :: pic.twitter.com/R25oCuKlTR

— Indian Doctor🇮🇳 (@Indian__doctor) December 1, 2022

ಇತ್ತೀಚೆಗೆ ನಡೆದ ಇಂತಹ ಪ್ರಕರಣವೊಂದು ಸಾಮಾಜಿಕ ಜಾಲತಾಣದಲ್ಲಿ ಗಳಲ್ಲಿ ಭಾರೀ ಸುದ್ದಿ ಆಗಿದೆ. ವಾಸ್ತವದಲ್ಲಿ ಇತ್ತೀಚಿನ ದಿನಗಳಲ್ಲಿ ಬಿಹಾರದ ವಿಡಿಯೋ ಒಂದು ಇಂಟರ್ನೆಟ್‌ ನಲ್ಲಿ ವೈರಲ್ ಆಗುತ್ತಿದೆ. ಇದರಲ್ಲಿ ಎಂಬಿಎ ವಿದ್ಯಾರ್ಥಿಯು ಯಾರದ್ದೋ ಮದುವೆಗೆ ಹೋಗಿದ್ದಾನೆ. ಆತನಿಗೆ ಆಮಂತ್ರಣ ನೀಡಿರಲಿಲ್ಲ. ಆದರೂ ಮದುವೆಗೆ ಹೋಗಿ ಊಟ ಮಾಡಿದ್ದಾನೆ.

ವರನ ಪಕ್ಕದಲ್ಲಿ ಕುಳಿತು ಮಾತನಾಡಿ ಊಟಕ್ಕೆ ಅನುಮತಿ ಪಡೆದ ಯುವಕ

ಅಷ್ಟೇ ಅಲ್ಲದೇ, ವಿಡಿಯೋದಲ್ಲಿ ನೋಡಿದರೆ, ವಿದ್ಯಾರ್ಥಿಯು ವರನ ಪಕ್ಕದಲ್ಲಿ ಕುಳಿತು ಪರಿಚಯದವರಂತೆ ಮಾತನಾಡುತ್ತಿದ್ದಾನೆ. ಹಾಸ್ಟೆಲ್ ನಲ್ಲಿ ವಾಸವಿದ್ದೇನೆ. ಹಾಗಾಗಿ ಇಲ್ಲಿ ಊಟ ಮಾಡಲು ಬಂದಿದ್ದೇನೆ ಎಂದು ವರನ ಬಳಿ ಅನುಮತಿ ಪಡೆದಿದ್ದಾನೆ. ನಾನು ಇಲ್ಲಿ ಊಟ ಮಾಡಿದರೆ ನಿಮಗೆ ತೊಂದರೆ ಇಲ್ಲವೇ? ಎಂದು ಪ್ರಶ್ನಿಸಿದ್ದಾನೆ.  ಇದಕ್ಕೆ ವರ ನೀಡಿದ ಉತ್ತರ ಜನಮನ ಗೆದ್ದಿದೆ.

ಹುಡುಗ ಮದುವೆಯಲ್ಲಿ ವರನ ಬಳಿ ವೇದಿಕೆಯ ಮೇಲೆ ಕುಳಿತು ಮಾತನಾಡಿದ್ದಾನೆ. ಮನಸ್ಸಿನಿಂದ ಇಲ್ಲಿಗೆ ಬಂದಿದ್ದೇನೆ. ಹಾಸ್ಟೆಲ್‌ನಲ್ಲಿ ವಾಸಿಸುತ್ತಿದ್ದೇನೆ. ಹಸಿವಿನಿಂದ ಇಲ್ಲಿಗೆ ಬಂದಿದ್ದೇನೆ. ಇಲ್ಲಿ ಊಟ ಮಾಡಿದರೆ ನಿಮಗೆ ಏನಾದ್ರೂ ತೊಂದರೆಯೇ? ಎಂದು ಪ್ರಶ್ನಿಸಿದ್ದಾನೆ. ಅದಕ್ಕೆ ವರ ನಕ್ಕು, ತೊಂದರೆ ಏನೂ ಇಲ್ಲ. ನೀವು ಊಟ ಮಾಡಿ. ಜೊತೆಗೆ ನಿಮ್ಮ ಹಾಸ್ಟೆಲ್ ನ ಮಕ್ಕಳಿಗೂ ಊಟ ತೆಗೆದುಕೊಂಡು ಹೋಗಿ ಎಂದಿದ್ದಾರೆ. ವರನ ಉತ್ತರದಿಂದ ನಕ್ಕು ಹುಡುಗ ಶುಭ ಹಾರೈಸಿದ್ದಾನೆ.

ಈ ಇಡೀ ಘಟನೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಬಿಹಾರದ ಈ ವರನನ್ನು ಜನ ಹೊಗಳುತ್ತಿದ್ದಾರೆ. ಇದು ಮಾನವೀಯತೆ ಎಂದು ಕರೆದಿದ್ದಾರೆ.

ಮಧ್ಯಪ್ರದೇಶದಲ್ಲಿ ಅಪರಿಚಿತರ ಮದುವೆಯಲ್ಲಿ ಊಟ ಮಾಡಿದವನಿಗೆ ಶಿಕ್ಷೆ

MBA स्टूडेंट बिना बुलाए शादी में खाना खाने पहुंच गया. पकड़े जाने के बाद जनातियों ने उससे प्लेट धुलवाईं. इतना ही नहीं उसका वीडियो बनाकर वायरल कर दिया गया. इंटरनेट पर तेजी से वायरल होता यह वीडियो मध्य प्रदेश के भोपाल का बताया जा रहा है. #ATDigital #MadhyaPradesh pic.twitter.com/HZSGcd4LoA

— AajTak (@aajtak) December 1, 2022

ಮಧ್ಯಪ್ರದೇಶದ ಭೋಪಾಲ್‌ ನಲ್ಲಿ ಅಪರಿಚಿತರ ಮದುವೆಗೆ ಹೋಗಿ ಊಟ ಮಾಡಿ ಸಿಕ್ಕಿ ಬಿದ್ದ ಎಂಬಿಎ ವಿದ್ಯಾರ್ಥಿಯನ್ನು ಸುಮ್ಮನೇ ಬಿಡದ ಸಂಬಂಧಿಗಳು, ಪಾತ್ರೆ ತೊಳೆಸಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಊಟಕ್ಕೆ ಬಂದವನಿಂದ ಮದುವೆ ಮನೆಯವರು ಚೆನ್ನಾಗಿ ಪಾತ್ರೆ ತೊಳೆಸಿ ಕಳುಹಿಸಿದ್ದಾರೆ. ಇದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿ ಬಿಟ್ಟಿದ್ದು ವೈರಲ್ ಆಗಿದೆ.

ಇದನ್ನೂ ಓದಿ: ಅಬ್ಬಬ್ಬಾ! ಇಂಥಾ ಮಹಿಳೆಯರು ಕೂಡ ಇರ್ತಾರಾ? ಈ ವಿಡಿಯೋ ನೋಡಿದ್ರೆ ನೀವೂ ಬೈಯ್ತೀರಿ!

ಜಬಲ್ಪುರ ಮೂಲದ ಯುವಕ ಮಧ್ಯಪ್ರದೇಶದ (Madhya Pradesh)  ಭೋಪಾಲ್‌ ನಲ್ಲಿ ಎಂಬಿಎ ಓದುತ್ತಿದ್ದಾನೆ. ಈ ವಿಡಿಯೋ ಅನೇಕರಲ್ಲಿ ನಗು ತರಿಸಿದರೆ, ಇನ್ನು ಕೆಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ವಿಡಿಯೋದಲ್ಲಿ ಯುವಕ ಕುಕ್ಕುರಗಾಲಿನಲ್ಲಿ ಕುಳಿತು ಪಾತ್ರೆ ತೊಳೆಯುತ್ತಿರುವುದನ್ನು ನೋಡಬಹುದು.