ಬರೋಬ್ಬರಿ 23 ಮಕ್ಕಳ ತಂದೆ ಈತ...ಆದರೂ ಬೇಡಿಕೆ ಕಮ್ಮಿಯಾಗಿಲ್ಲ!

ಒಂದೆರಡು ಮಕ್ಕಳಿದ್ದರೆ ಓಕೆ.  ಅಬ್ಬಬ್ಬಾ ಅಂದರೆ ಮೂರು ಮಕ್ಕಳಿದ್ದರು ಸಾಕು. ಆದರೆ ಇಲ್ಲೊಬ್ಬ ವ್ಯಕ್ತಿ ಮಾತ್ರ ಬರೋಬ್ಬರಿ 23 ಮಕ್ಕಳ ತಂದೆಯಾಗಿದ್ದಾನೆ. ಆ ಮೂಲಕ ಸಾಕಷ್ಟು ಜನರ ಅಚ್ಚರಿಗೆ ಕಾರಣನಾಗಿದ್ದಾನೆ.

ಅಲ್ಲೆನ್​ (40) ಎಂಬ ಆಸ್ಟ್ರೇಲಿಯಾ ಮೂಲದ ವ್ಯಕ್ತಿ ಕಳೆದ ವರ್ಷ 23 ಮಕ್ಕಳ ತಂದೆಯಾಗಿದ್ದಾನೆ. ಅಂದರೆ ಆತ ತನ್ನ ವೀರ್ಯ ಮಾರಾಟ ಮಾಡುವ ಮೂಲಕ ಬಹು ಮಕ್ಕಳ ಹುಟ್ಟಿಗೆ ಕಾರಣನಾಗಿದ್ದಾನೆ.

ವಿವಾಹಿತ ಅಲ್ಲೆನ್​ಗೆ ಬೇರೆ ಯುವತಿಯ ಜತೆಗೆ ಮದುವೆ ಆಗಿದೆ. ಎರಡು ಮಕ್ಕಳು ಕೂಡ ಇದ್ದಾರೆ. ಆದರೆ ಈತನಿಗೆ ವೀರ್ಯ ದಾನ ಮಾಡುವ ಅಭ್ಯಾಸವೊಂದಿತ್ತು.  ಅದೇ ಅಭ್ಯಾಸವನ್ನು ಫುಲ್ ಟೈಮ್​ ಆಗಿ ಮಾಡಿಕೊಂಡುಬಿಟ್ಟಿದ್ದಾನೆ.

ಅಂದಹಾಗೆಯೇ, ಕಳೆದ ಒಂದು ವರ್ಷದಲ್ಲಿ ಅಲ್ಲೆನ್​ ಬರೋಬ್ಬರಿ 23 ಜನರಿಗೆ ಸ್ಪರ್ಮ್​​ ಮಾರಾಟ ಮಾಡಿದ್ದಾನೆ. ಅನೇಕ ಹೆಣ್ಣು ಮಕ್ಕಳಿಗೆ ನನ್ನ ಸ್ಪರ್ಮ್​ ಬೇಕಂತೆ ಹಾಗೆ ನನ್ನ ಬಳಿ ಕೇಳುತ್ತಾರೆ. ಅವರಿಗಾಗಿ ನಾನು ಕೊಡುತ್ತಿದ್ದೇನೆ ಎಂದು ಹೇಳುತ್ತಾನೆ. ಅಚ್ಚರಿ ಎಂದರೆ ಪ್ರತಿದಿನ ಮೂರು ಹೆಣ್ಣು ಮಕ್ಕಳು ಈತನ ಬಳಿ ಸ್ಪರ್ಮ್​​ ಕೇಳುತ್ತಾರಂತೆ.

ಆಸ್ಟ್ರೇಲಿಯಾದಲ್ಲಿ ಈ ರೀತಿ ಸ್ಪರ್ಮ್​ ಮಾಡುವುದು ಕಾನೂನು ಬಾಹಿರ ಅಪರಾಧ. ಸರ್ಕಾರಿ ಪರವಾನಗಿ ಪಡೆದು 10 ಮಹಿಳೆಯರಿಗೆ ಮಾತ್ರ ಸ್ಪರ್ಮ್​​ ದಾನ ಮಾಡಬಹುದಾಗಿದೆ. ಅದಕ್ಕಿಂತ ಹೆಚ್ಚು ಸ್ಪರ್ಮ್​ ದಾನ ಮಾಡಿದರೆ ಅಲ್ಲಿನ ಸರ್ಕಾರ ಅವರನ್ನು ಬಂಧಿಸಿ ಕಠಿಣ ಶಿಕ್ಷೆ ವಿಧಿಸುತ್ತದೆ. ಅದರಂತೆ ಅಲ್ಲೆನ್​ನನ್ನು ಅಲ್ಲಿನ ಅಧಿಕಾರಿಗಳು ಬಂಧಿಸಿದ್ದರು.