Bank Holidays in December: ಡಿಸೆಂಬರ್​​ನಲ್ಲಿವೆ ಸಾಲು ಸಾಲು ರಜೆಗಳು; ಬ್ಯಾಂಕ್​ಗೆ ಹೋಗುವ ಮುನ್ನ ಗಮನಿಸಿ

ಬೆಂಗಳೂರು (ನ. 27): 2020ನೇ ಇಸವಿ ಆರಂಭವಾಗುತ್ತಿದ್ದಂತೆ ಕೊರೋನಾ ಶುರುವಾಗಿದ್ದರಿಂದ ಮಾರ್ಚ್​ ತಿಂಗಳಾಂತ್ಯದಲ್ಲಿ ಲಾಕ್​ಡೌನ್ ಘೋಷಿಸಲಾಯಿತು. ಆಮೇಲಿಂದ 8 ತಿಂಗಳ ಕಾಲ ಉದ್ಯೋಗಿಗಳಿಗೆ ವರ್ಕ್ ಫ್ರಂ ಹೋಂ, ವಿದ್ಯಾರ್ಥಿಗಳಿಗೆ ಆನ್​ಲೈನ್ ಕ್ಲಾಸ್​ ನಡೆಸಿದ್ದರಿಂದ ರಜೆಯ ಅಗತ್ಯವೇ ಕಂಡುಬಂದಿರಲಿಲ್ಲ. ಇನ್ನೇನು ಒಂದೇ ತಿಂಗಳಲ್ಲಿ 2020 ಮುಗಿಯುತ್ತಿದೆ. ಈಗಾಗಲೇ ಕೆಲವು ಕಂಪನಿಗಳು ಆರಂಭವಾಗಿದ್ದು, ಅನೇಕರು ಆಫೀಸಿಗೆ ಹೋಗಲಾರಂಭಿಸಿದ್ದಾರೆ. ವರ್ಕ್​ ಫ್ರಂ ಹೋಂನಿಂದ ಆಫೀಸಿಗೆ ಶಿಫ್ಟ್​ ಆಗಿದ್ದಕ್ಕೆ ಅನೇಕರಿಗೆ ಬೇಸರವೂ ಕಾಡುತ್ತಿರಬಹುದು. ಈ ಡಿಸೆಂಬರ್​ನಲ್ಲಿ ಎಷ್ಟು ರಜೆಗಳಿವೆ? ಎಂಬ ಬಗ್ಗೆ ಪೂರ್ತಿ ಮಾಹಿತಿ ಇಲ್ಲಿದೆ...

ಡಿಸೆಂಬರ್​ ತಿಂಗಳಲ್ಲಿ 7 ದಿನಗಳ ಕಾಲ ಎಲ್ಲ ಬ್ಯಾಂಕ್​ಗಳು ಮುಚ್ಚಿರಲಿವೆ. ನಾಲ್ಕು ಭಾನುವಾರ, ಎರಡನೇ ಶನಿವಾರ ಹಾಗೂ ನಾಲ್ಕನೇ ಶನಿವಾರ, ಕ್ರಿಸ್​ಮಸ್​ ಹಬ್ಬಕ್ಕೆ ಡಿಸೆಂಬರ್​ನಲ್ಲಿ ರಜೆ ಇರಲಿದೆ. ಇದರ ಜೊತೆಗೆ ಆಯಾ ರಾಜ್ಯಗಳ ಬ್ಯಾಂಕ್​ಗಳಲ್ಲಿ ಹಬ್ಬಗಳಿಗೆ ಪ್ರತ್ಯೇಕವಾದ ರಜೆ ನೀಡಲಾಗುವುದು.



ಡಿಸೆಂಬರ್ 6ರಂದು ಭಾನುವಾರ, ಡಿಸೆಂಬರ್ 12ರ ಎರಡನೇ ಶನಿವಾರ, ಡಿಸೆಂಬರ್ 13ರ ಭಾನುವಾರ, ಡಿ. 20ರ ಭಾನುವಾರ, ಡಿ. 25ರಂದು ಕ್ರಿಸ್​ಮಸ್, ಡಿ. 26ರ ನಾಲ್ಕನೇ ಶನಿವಾರ, ಡಿ. 27ರ ಭಾನುವಾರ ಬ್ಯಾಂಕ್​ಗಳಿಗೆ ರಜೆ ಇರಲಿದೆ.

ಆಯಾ ರಾಜ್ಯಗಳಲ್ಲಿ ಪ್ರತ್ಯೇಕವಾದ ರಜೆಗಳೂ ಇರಲಿದ್ದು, ಇದು ಇಡೀ ದೇಶದಲ್ಲಿರುವ ಬ್ಯಾಂಕ್​ಗಳ ಕಡ್ಡಾಯ ರಜೆಯಾಗಿರಲಿದೆ.