VIRAL VIDEO: ಭಾರತಕ್ಕೆ ಚಿನ್ನದ ಪದಕ ತಂಡುಕೊಟ್ಟ 30 ವರ್ಷದ ಮಹಿಳೆ

23ನೇ ಏಷ್ಯನ್​ ಚಾಂಪಿಯನ್​ಶಿಪ್​ನಲ್ಲಿ ಭಾಗವಹಿಸಿದ ತಿರುಚಿಯ ಗೋಮತಿ ಮಾರಿಮುತ್ತು ಭಾರತಕ್ಕೆ ಚಿನ್ನದ ಪದಕವನ್ನು ತಂದುಕೊಟ್ಟಿದ್ದಾರೆ. 800 ಮೀಟರ್​ ಓಟದ ಸ್ಪರ್ಧೆಯಲ್ಲಿ 2 ನಿಮಿಷ 02.70 ಸೆಕೆಂಡುಗಳಲ್ಲಿ ಜಯದ ರೇಖೆಯನ್ನು ದಾಟಿದ್ದಾರೆ. 30 ವರ್ಷದ ಗೋಮತಿಯವರ ಸಾಧನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಸಾಕಷ್ಟು ಜನರಿಂದ ಪ್ರಶಂಸೆಗಳು ಲಭಿಸುತ್ತಿದೆ.

ದೋಹದಲ್ಲಿ ನಡೆದ 23ನೇ ಏಷ್ಯನ್​ ಚಾಂಪಿಯನ್​ಶಿಪ್​ನಲ್ಲಿ ಭಾಗವಹಿಸಿದ್ದ ಗೋಮತಿ ಅವರು ಮೊದಲ ಬಾರಿಗೆ  ಚಿನ್ನದ ಪದಕ ಗೆದ್ದಿದ್ದಾರೆ. 30ನೇ ವಯಸ್ಸಿನಲ್ಲೂ ಛಲಬಿಡದೆ ಓಟದ ಸ್ಪರ್ಧೆಯಲ್ಲಿ ಭಾಗವಹಿಸಿ ಚಿನ್ನದ ಪದಕಗಳಿಸಿ ಭಾರತೀಯರಿಗೆ ಸ್ಪೂರ್ತಿದಾಯಕ ಸಂದೇಶ ನೀಡಿದ್ದಾರೆ.

ಇದನ್ನೂ ಓದಿ: ಅನುಮತಿ ಪಡೆಯದೇ ಚುನಾವಣಾ ರ‍್ಯಾಲಿ ನಡೆಸಿದ ಮಾಜಿ ಕ್ರಿಕೆಟಿಗ ಗೌತಮ್​ ಗಂಭೀರ್​ ವಿರುದ್ಧ ದೂರು

ತಮಿಳುನಾಡು ಮೂಲದ ಗೋಮತಿ ಕಡು ಬಡವಳಾಗಿದ್ದು, ಹರಿದ ಶೂ ಧರಿಸಿ ಏಷ್ಯನ್​ ಚಾಂಪಿಯನ್​ನಲ್ಲಿ ಭಾರತಕ್ಕೆ ಚಿನ್ನವನ್ನು ತಂದುಕೊಟ್ಟಿದ್ದಾರೆ. ಗೋಮತಿಯ ಓಟದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಈ ಓಟಗಾರ್ತಿ ಬಳಸಿದ ಶೂಸ್​ನ ಬಗ್ಗೆ ಅನೇಕರು ಕನಿಕರ ವ್ಯಕ್ತಪಡಿಸಿದ್ದಾರೆ.

ಕ್ರೀಡೆಯ ಸಾಮಾನ್ಯ ಸೌಲಭ್ಯಗಳಲ್ಲಿ ಒಂದಾದ ಶೂಸ್ ಕೂಡ ಗೋಮತಿ ಬಳಿ ಇರಲಿಲ್ಲ. ಆದರೆ ಅವರು ಇಂತಹ ಮಹಾ ಸಾಧನೆ ಮಾಡಿದ್ದಾರೆ. ಇದನ್ನು ಪ್ರಸ್ತಾಪಿಸಿ ಅನೇಕರು ಕ್ರೀಡಾ ಆಯೋಗವನ್ನು ಸಾಮಾಜಿಕ ಜಾಲತಾಣದಲ್ಲಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

Look at this Run, Gomathi Marimuthu from Trichy, winning the 800mtrs Gold at the Asian championship at Doha.
No Hugs Handshakes from fellow atheletes, no official running to congratulate her
30yrs of age from a Village near Salem.
Unsung Heroine of our Country. pic.twitter.com/qhyb6SL793

— MAJOR SUBRAT MISHRA,SM 🇮🇳🇮🇳🇮🇳🇮🇳🇮🇳🇮🇳 (@SUBRATSMSM) April 25, 2019