HOME » NEWS » Trend » ANAND MAHINDRA TWEETS A VIDEO OF POOCH SAYING THAT IS HOW HE WILL BEHAVE POST LOCKDOWN STG SKTV

ಕೋವಿಡ್ ಮತ್ತು ಲಾಕ್​ಡೌನ್ ಮುಗಿದ ನಂತರ ಆನಂದ್ ಮಹಿಂದ್ರಾ ಹೀಗೆ ವರ್ತಿಸುತ್ತಾರಂತೆ !

ವೈರಲ್‌ ವಿಡಿಯೋವನ್ನು ಹಂಚಿಕೊಂಡ ಆನಂದ್ ಮಹೀಂದ್ರಾ, Covid -19 ಪ್ರಕರಣಗಳ ಹೆಚ್ಚಳ ತಡೆಯಲು ವಿಧಿಸಲಾದ ಎಲ್ಲಾ ನಿರ್ಬಂಧಗಳನ್ನು ತೆಗೆದುಹಾಕಿದಾಗ ನಾನು ಕೂಡ ಉತ್ಸಾಹಭರಿತ ನಾಯಿಮರಿಯಂತೆ ವರ್ತಿಸುವುದಾಗಿ ಹೇಳಿದರು.

news18-kannada
Updated:April 17, 2021, 10:11 AM IST
ಕೋವಿಡ್ ಮತ್ತು ಲಾಕ್​ಡೌನ್ ಮುಗಿದ ನಂತರ ಆನಂದ್ ಮಹಿಂದ್ರಾ ಹೀಗೆ ವರ್ತಿಸುತ್ತಾರಂತೆ !
ಆನಂದ್ ಮಹೀಂದ್ರಾ
  • Share this:
Trending Desk: ಕಳೆದ ಒಂದು ವರ್ಷಕ್ಕೂ ಅಧಿಕ ಸಮಯದಿಂದ ಕೊರೊನಾ ಸಾಂಕ್ರಾಮಿಕ ಇಡೀ ಜಗತ್ತನ್ನೇ ಬಾಧಿಸುತ್ತಿದೆ. ಭಾರತದಲ್ಲಿ ಇನ್ನೇನು ಕೋವಿಡ್ ಕಡಿಮೆಯಾಯಿತು ಅನ್ನೋವಷ್ಟರಲ್ಲಿ ಕಳೆದ ಕೆಲ ದಿನಗಳಿಂದ ಮತ್ತೆ ಕೋವಿಡ್ ಎರಡನೇ ಅಲೆ ರಣಕೇಕೆ ಹಾಕುತ್ತಿದೆ. ಈ ಹಿನ್ನೆಲೆ ನಾವೆಲ್ಲರೂ ಸಾಂಕ್ರಾಮಿಕ-ನಂತರದ ಜಗತ್ತನ್ನು ಕಾಯುತ್ತಿದ್ದೇವೆ, ಅಂತಿಮವಾಗಿ ನಮ್ಮ ಸ್ವಾತಂತ್ರ್ಯವನ್ನು ಮರಳಿ ಪಡೆಯಲು ನಾವು ಉತ್ಸುಕರಾಗಿದ್ದೇವೆ. ಇದೇ ರೀತಿ ಮಹೀಂದ್ರಾ ಗ್ರೂಪ್‌ ಅಧ್ಯಕ್ಷ ಆನಂದ್ ಮಹೀಂದ್ರಾ ನಿರ್ಬಂಧಗಳು ಮುಗಿದ ನಂತರ ಹೇಗೆ ವರ್ತಿಸುತ್ತಾರೆ ಎಂಬುದನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.

ಶೆಲ್ಟರ್‌ನಿಂದ ಬಿಡುಗಡೆಯಾದ ನಾಯಿಯೊಂದು ಮೊದಲ ಬಾರಿ ಆಚೆ ಬಂದಾಗ ಅದರ ಪ್ರತಿಕ್ರಿಯೆ ಹಲವರಿಗೆ ಕ್ಯೂಟ್‌, ಅಡೋರೆಬಲ್‌ ಎನಿಸುತ್ತದೆ. ಈ ವೈರಲ್‌ ವಿಡಿಯೋವನ್ನು ಹಂಚಿಕೊಂಡ ಆನಂದ್ ಮಹೀಂದ್ರಾ, Covid -19 ಪ್ರಕರಣಗಳ ಹೆಚ್ಚಳ ತಡೆಯಲು ವಿಧಿಸಲಾದ ಎಲ್ಲಾ ನಿರ್ಬಂಧಗಳನ್ನು ತೆಗೆದುಹಾಕಿದಾಗ ನಾನು ಕೂಡ ಉತ್ಸಾಹಭರಿತ ನಾಯಿಮರಿಯಂತೆ ವರ್ತಿಸುವುದಾಗಿ ಹೇಳಿದರು.




ಈ ವಿಡಿಯೋದಲ್ಲಿ, ನಾಯಿಯು ಉತ್ಸಾಹದಿಂದ ಜಿಗಿಯುವ ಮೊದಲು ಹತ್ತಿರದ ಪರಿಸರವನ್ನು ಎಚ್ಚರಿಕೆಯಿಂದ ಪರೀಕ್ಷಿಸುತ್ತಿದೆ. ಆನಂದ್‌ ಮಹೀಂದ್ರಾ ಹಂಚಿಕೊಂಡಿರುವ ಈ ವಿಡಿಯೋವನ್ನು ಸುಮಾರು 52 ಸಾವಿರ ಮಂದಿ ವೀಕ್ಷಿಸಿದ್ದು, ನೆಟ್ಟಿಗರು ಸಹ ಪರಿಸ್ಥಿತಿ ಸಹಜ ಸ್ಥಿತಿಗೆ ಬರಲು ಕಾತುರದಿಂದ ಕಾಯುತ್ತಿರುವುದಾಗಿ ಹೇಳಿದ್ದಾರೆ.ಕೋವಿಡ್ -19 ಹರಡುವಿಕೆಯನ್ನು ತಡೆಯಲು ಭಾರತದ ಹಲವಾರು ರಾಜ್ಯಗಳು ಹೊಸ ನಿರ್ಬಂಧಗಳನ್ನು ಘೋಷಿಸಿದ ಸಮಯದಲ್ಲಿ ವ್ಯಾಪಾರ ಉದ್ಯಮಿ ಆನಂದ್‌ ಮಹೀಂದ್ರಾ ಈ ಟ್ವೀಟ್‌ ಮಾಡಿದ್ದಾರೆ.

ಹೆಚ್ಚುತ್ತಿರುವ ಕೊರೊನಾವೈರಸ್ ಪ್ರಕರಣಗಳನ್ನು ತಡೆಯುವ ಪ್ರಯತ್ನದಲ್ಲಿ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ರಾಷ್ಟ್ರ ರಾಜಧಾನಿಯಲ್ಲಿ ವಾರಾಂತ್ಯದ ಕರ್ಫ್ಯೂ ಘೋಷಿಸಿದ್ದಾರೆ. ಶುಕ್ರವಾರ ರಾತ್ರಿ 10 ರಿಂದ ಸೋಮವಾರ ಬೆಳಗ್ಗೆ 5 ರವರೆಗೆ ಜನರು ಮನೆಯಲ್ಲೇ ಇರಬೇಕೆಂದು ಮನವಿ ಮಾಡಿಕೊಂಡಿದ್ದಾರೆ.

ಅಗತ್ಯ ಸೇವೆಗಳನ್ನು ಹೊರತುಪಡಿಸಿ, ಈ ಅವಧಿಯಲ್ಲಿ ಎಲ್ಲಾ ರೀತಿಯ ಓಡಾಟವನ್ನು ನಿಷೇಧಿಸಲಾಗುವುದು ಮತ್ತು ಮದ್ಯ ಮಾರಾಟ ಮಾಡುವ ಅಂಗಡಿಗಳು ಸೇರಿದಂತೆ ಎಲ್ಲಾ ಅನಿವಾರ್ಯವಲ್ಲದ ಅಂಗಡಿಗಳನ್ನು ಮುಚ್ಚಲಾಗುವುದು ಎಂದೂ ಸರ್ಕಾರ ಆದೇಶ ಹೊರಡಿಸಿದೆ.

ಅಷ್ಟೇ ಅಲ್ಲದೆ, ವಾರದ ದಿನಗಳಲ್ಲಿ, ಮಾಲ್‌ಗಳು, ಬಾರ್‌ಗಳು, ರೆಸ್ಟೋರೆಂಟ್‌ಗಳು, ಜಿಮ್‌ಗಳು, ಸ್ಪಾಗಳು, ಮನರಂಜನಾ ಉದ್ಯಾನವನಗಳು ಮತ್ತು ಸಭಾಂಗಣಗಳು ದೆಹಲಿಯಲ್ಲಿ ಏಪ್ರಿಲ್ 30 ರವರೆಗೆ ಮುಚ್ಚಲ್ಪಡುತ್ತವೆ ಎಂದು ಅವರು ಘೋಷಿಸಿದರು.

ಕೋವಿಡ್ - 19 ನಿಂದ ಅತ್ಯಂತ ಹಾನಿಗೊಳಗಾದ ಕೋವಿಡ್ -19 ರಾಜ್ಯಗಳಲ್ಲಿ ಒಂದಾದ ಮಹಾರಾಷ್ಟ್ರವು ಮೇ 1 ರವರೆಗೆ ಸೆಕ್ಷನ್ 144 ರ ಅಡಿಯಲ್ಲಿ ನಿಷೇಧಿತ ಆದೇಶಗಳನ್ನು ವಿಧಿಸಿದೆ ಮತ್ತು ಮಾನ್ಯ ಕಾರಣವಿಲ್ಲದೆ ಯಾವುದೇ ವ್ಯಕ್ತಿಗೆ ಸಾರ್ವಜನಿಕ ಸ್ಥಳದಲ್ಲಿ ಅನುಮತಿಸಲಾಗುವುದಿಲ್ಲ.

ಈ ಮೊದಲು, ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ ​​(ಡಿಜಿಸಿಎ) 2021 ರ ಏಪ್ರಿಲ್ 30 ರವರೆಗೆ ಭಾರತಕ್ಕೆ ಮತ್ತು ಅಲ್ಲಿಂದ ನಿಗದಿತ ಅಂತಾರಾಷ್ಟ್ರೀಯ ವಾಣಿಜ್ಯ ಪ್ರಯಾಣಿಕರ ಸೇವೆಗಳ ನಿಷೇಧವನ್ನು ವಿಸ್ತರಿಸುವುದಾಗಿ ಘೋಷಿಸಿತು. ಈಗ, ಅನೇಕ ರಾಜ್ಯಗಳು ತಮ್ಮ ರಾಜ್ಯವನ್ನು ಪ್ರವೇಶಿಸಲು ವಿಮಾನ ಪ್ರಯಾಣ ಮಾಡುವ ಪ್ರಯಾಣಿಕರಿಗೆ ಆರ್‌ಟಿ - ಪಿಸಿಆರ್‌ ನೆಗೆಟಿವ್ ವರದಿ ತೋರಿಸಲು ಕೇಳುತ್ತಿವೆ.
Published by: Soumya KN
First published: April 17, 2021, 10:10 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories