Video Viral: ಮೊಸಳೆಯನ್ನು ತಿನ್ನಲು ಹರಸಾಹಸ ಪಡುತ್ತಿರುವ ಅನಕೊಂಡ!

ಅನಕೊಂಡ ದೈತ್ಯ ಗಾತ್ರದ ಹಾವು. ಎಷ್ಟು ದೊಡ್ಡ ಗಾತ್ರದ ಪ್ರಾಣಿಯನ್ನಾದರು ನುಂಗಿ ಹಸಿವು ನೀಗಿಸಿಕೊಳ್ಳುವ ಸಾಮರ್ಥ್ಯ ಅದಕ್ಕಿದೆ. ಮನುಷ್ಯರನ್ನು, ದನ-ಕರು, ಜಿಂಕೆಯನ್ನು ತಿಂದ ಹಲವು ಘಟನೆಗಳು ಬೆಳಕಿವೆ ಬಂದಿದೆ. ಆದರೆ ಇದೀಗ ಬಲಿಷ್ಠವಾದ ಮೊಸಳೆಯನ್ನು ತಿನ್ನಲು ಹರಸಾಹಸ ಪಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಮನೌಸ್​ನ ಪೊಂಟಾ ನೇಗ್ರಾ ಸಮೀಪದಲ್ಲಿ ಈ ಘಟನೆ ಬೆಳಕಿಗೆ ಬಂದಿದೆ. ಮೊಸಳೆಯನ್ನು ಸುತ್ತವರಿದು ಅದನ್ನು ತಿನ್ನಲು ಅನಕೊಂಡ ಪ್ರಯತ್ನಿಸುತ್ತಿದೆ. ಆದರೆ ಈ ಸಮಯದಲ್ಲಿ ಯಾರೋ ಅನಕೊಂಡ ಬಾಯಿಗೆ ಮೊಸಳೆ ಬಲಿಯಾಗುತ್ತಿರುವುದನ್ನು ನೋಡಿದ್ದಾರೆ. ತಕ್ಷಣ ಮೊಸಳೆಯನ್ನು ಪ್ರಾಣ ರಕ್ಷಿಸಲು ಅನಕೊಂಡಕ್ಕೆ ಹಗ್ಗ ಕಟ್ಟಿದ್ದಾರೆ. ಮೊಸಳೆಯನ್ನು ಅದರ ಬಾಯಿಯಿಂದ ತಪ್ಪಿಸಲು ಪ್ರಯತ್ನ ಪಟ್ಟಿದ್ದಾರೆ.

ಈ ಘಟನೆ ಆಗಸ್ಟ್​ 7 ರಂದು ನಡೆದಿದೆ. ಅಲ್ಲಿನ ಸ್ಥಳೀಯ ವೆಬ್​ಸೈಟ್​ವೊಂದು ಅನಕೊಂಡ ಮೊಸಳೆಯನ್ನು ಹಿಡಿದಿರುವ ವಿಡಿಯೋವನ್ನು ಪ್ರಕಟಿಸಿದೆ.

ಇನ್ನು ಘಟನೆ ನಡೆಯುವ ವೇಳೆ ಪ್ರತ್ಯಕ್ಷದರ್ಶಿಯಾಗಿ ವೀಕ್ಷಿಸುತ್ತಿದ್ದ ಡೆರ್ನಾಲ್ಡೋ ರೀಸ್​ ಎಂಬವರು ದೃಶ್ಯದ ಬಗ್ಗೆ  ವಿವರಿಸಿದ್ದಾರೆ. ನಾನು ಮನೆಗೆ ಬರುವ ವೇಳೆ ಅನಕೊಂಡ ಮೊಸಳೆಯನ್ನು ಹಿಡಿದು ನುಂಗಲು ಪ್ರಯತ್ನಿಸುತ್ತಿತ್ತು. ಅದರ ಸುತ್ತ ಒಂದಿಷ್ಟು ಜನ ಸೇರಿದ್ದರು. ಮೊಸಳೆಯನ್ನು ಹಾವಿನಿಂದ ರಕ್ಷಣೆ ಮಾಡುತ್ತಿದ್ದರು. ಕೊನೆಗೆ ದೊಡ್ಡ ಗಾತ್ರದ ಅನಕೊಂಡವನ್ನು ಬಿಡಿಸಿ ಅರಣ್ಯಕ್ಕೆ ಬಿಟ್ಟಿದ್ದಾರೆ ಎಂದರು.

Ê CAROÇO! 😳

Uma sucuri foi flagrada tentando engolir um jacaré na área de um condomínio na Ponta Negra. 🐍🐊 pic.twitter.com/d3JlCQm3Ey

— Manaus POP A 911🏳️‍🌈 (@manaus_pop) August 17, 2020

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್​ ಆಗುತ್ತಿದೆ.ಅನೇಕರು ವಿಡಿಯೋ ನೋಡಿ ಅಚ್ಚರಿ ಕಾಮೆಂಟ್​ ಬರೆಯುತ್ತಿದ್ದಾರೆ.