Video: ಶಿಕ್ಷಕಿ ವಿರುದ್ಧವೇ ಕಂಪ್ಲೇಂಟ್ ಕೊಟ್ಟ ಶಾಲಾ ಬಾಲಕ! ಪುಟ್ಟ ಪೋರನ ಕಷ್ಟ ಏನು ಅಂತ ನೀವೇ ನೋಡಿ

ತೆಲಂಗಾಣ: ಶಾಲೆಗಳಲ್ಲಿ (School) ಈಗ ಮೊದಲಿನಷ್ಟು ಕಠಿಣ ಶಿಕ್ಷೆಗಳು (Punishment), ಪಾಠಗಳಿಲ್ಲ. ಹಿಂದಿನಂತೆ ಈಗ ಯಾವ ಶಿಕ್ಷಕರೂ (Teachers) ವಿದ್ಯಾರ್ಥಿಗಳ (Students) ಮೇಲೆ ಕೈ ಮಾಡೋದಿಲ್ಲ. ಒಂದು ವೇಳೆ ಹಾಗೆ ಒಂದೆರಡು ಪೆಟ್ಟು ಹೊಡೆದರೂ ಇಂದಿನ ದಿನಗಳಲ್ಲಿ ಅದು ದೊಡ್ಡ ಸುದ್ದಿಯೇ (News) ಆಗುತ್ತದೆ. ತೆಲಂಗಾಣದಲ್ಲಿ (Telangana) ಆಗಿದ್ದೂ ಅದೇ. ಶಾಲಾ ಬಾಲಕನೊಬ್ಬ (School) ತನ್ನ ಶಿಕ್ಷಕಿ ಹೊಡಿದಿದ್ದಾಳೆ ಅಂತ ಪೊಲೀಸ್ ಠಾಣೆಯ (Police Station) ಮೆಟ್ಟಿಲು ಏರಿದ್ದಾನೆ. ನನ್ನ ಶಿಕ್ಷಕಿ ವಿರುದ್ಧ ಕ್ರಮ ಕೈಗೊಳ್ಳಿ ಅಂತ ತೆಲುಗಿನಲ್ಲಿ (Telugu) ಮುದ್ದು ಮುದ್ದಾಗಿ ದೂರು (Complaint) ನೀಡಿದ್ದಾನೆ. ಇದೀಗ ಬಾಲಕ ಪೊಲೀಸ್ ಸ್ಟೇಷನ್‌ಗೆ ಬಂದು, ದೂರು ನೀಡಿರುವ ವಿಡಿಯೋ (Video) ವೈರಲ್ (Viral) ಆಗಿದೆ.

ತೆಲಂಗಾಣದಲ್ಲಿ ಪೊಲೀಸ್ ಠಾಣೆಗೆ ಬಂದ ಶಾಲಾ ಬಾಲಕ

ತೆಲಂಗಾಣದ ಮಹಾಬುಬಾಬಾದ್​ನಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಬಯ್ಯಾರಾಮ್​ ಎಂಬಲ್ಲಿನ ಶಾಲೆಯಲ್ಲಿ ಓದುತ್ತಿರುವ 2ನೇ ತರಗತಿ ಬಾಲಕ ಅನಿಲ್ ನಾಯ್ಕ್ ಎಂಬಾತನೇ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾನೆ. ಖುದ್ದು ತಾನೇ ಪೊಲೀಸ್ ಸ್ಟೇಷನ್‌ಗೆ ಬಂದ ಬಾಲಕ, ತನ್ನ ಶಿಕ್ಷಕಿ ವಿರುದ್ಧ ದೂರು ನೀಡಲು ಮುಂದಾಗಿದ್ದಾನೆ.

ಶಿಕ್ಷಕಿಗೆ ಶಿಕ್ಷೆ ಕೊಡಿಸಿ ಎಂದ ಪುಟ್ಟ ಬಾಲಕ

ಬಾಲಕ ಅನಿಲ್ 2ನೇ ತರಗತಿಯಲ್ಲಿ ಓದುತ್ತಿದ್ದಾನೆ. ತನ್ನ ತರಗತಿಯ ಶಿಕ್ಷಕಿ ವಿರುದ್ಧ ಈತ ಆರೋಪಗಳ ಪಟ್ಟಿಯನ್ನೇ ಮಾಡಿದ್ದಾನೆ. ನಮ್ಮ ಟೀಚರ್ ಕೆಟ್ಟವರು, ನನಗೆ ಪ್ರತಿ ದಿನ ಹೊಡೆಯುತ್ತಾರೆ. ಪ್ಲೀಸ್ ಅವರ ವಿರುದ್ಧ ದೂರು ಪಡೆದುಕೊಂಡು, ಅವರನ್ನು ಬಂಧಿಸಿ ಅಂತ ಮನವಿ ಮಾಡಿಕೊಂಡಿದ್ದಾನೆ.

ಇದನ್ನೂ ಓದಿ: Ferris Wheel: ಅಯ್ಯೋ, ಅಪ್ಪ ಅಮ್ಮ ನನ್ನನ್ನು ಕೆಳಗಿಸಿ; ಗಳಗಳನೇ ಕಣ್ಣೀರಿಟ್ಟ ಬಾಲಕನ ವಿಡಿಯೋ ವೈರಲ್

ಬಾಲಕನ ದೂರು ಆಲಿಸಿದ ಮಹಿಳಾ ಪೊಲೀಸ್ ಅಧಿಕಾರಿ

ಬಾಲಕ ಪೊಲೀಸ್ ಸ್ಟೇಷನ್‌ಗೆ ಬಂದಾಗ ಅಲ್ಲಿ ರಮಾದೇವಿ ಎಂಬ ಮಹಿಳಾ ಪೊಲೀಸ್ ಅಧಿಕಾರಿ ಡ್ಯೂಟಿಯಲ್ಲಿ ಇದ್ದರು. ಠಾಣೆಯಲ್ಲಿ ಬಾಲಕನನ್ನು ನೋಡಿ ಆಶ್ಚರ್ಯಗೊಂಡ ಅವರು, ನೀನ್ಯಾಕೆ ಇಲ್ಲಿ ಬಂದೆ ಅಂತ ವಿಚಾರಿಸಿದ್ದಾರೆ. ಆಗ ಬಾಲಕ ತನ್ನ ಶಿಕ್ಷಕಿ ವಿರುದ್ಧ ದೂರಿದ್ದಾನೆ..

ಶಿಕ್ಷಕಿ ವಿರುದ್ಧವೇ ಪೊಲೀಸರಿಗೆ ಕಂಪ್ಲೇಂಟ್ ಕೊಟ್ಟ ಬಾಲಕ!

ಶಿಕ್ಷಕಿ ವಿರುದ್ಧವೇ ಪೊಲೀಸರಿಗೆ ಕಂಪ್ಲೇಂಟ್ ಕೊಟ್ಟ ಬಾಲಕ!#News18Kannada pic.twitter.com/KTFsGUg0yq

— News18 Kannada (@News18Kannada) March 7, 2022

 ನಿನ್ನ ಶಿಕ್ಷಕಿಯನ್ನು ವಿಚಾರಿಸುತ್ತೇನೆ ಎಂದ ಪೊಲೀಸ್

ಪೊಲೀಸರ ಪ್ರಶ್ನೆಗೆ ಉತ್ತರಿಸಿದ ಬಾಲಕ ಅನಿಲ್, ನನಗೆ ನನ್ನ ಶಾಲೆಯಲ್ಲಿ ಟೀಚರ್​ ಹೊಡೆದಿದ್ದಾರೆ. ಅವರನ್ನು ಬಂಧಿಸಿ ಎಂದಿದ್ದಾನೆ. ಆಗ ಪೊಲೀಸ್ ಅಧಿಕಾರಿ, ಶಿಕ್ಷಕಿ ನಿನಗೆ ಯಾಕೆ ಹೊಡೆದರು ಎಂದು ಪ್ರಶ್ನಿಸಿದ್ದಕ್ಕೆ, ಮುಗ್ಧವಾಗಿ ನಾನು ಸರಿಯಾಗಿ ವಿದ್ಯಾಭ್ಯಾಸ ಮಾಡುತ್ತಿಲ್ಲ ಎಂದು ಹೊಡೆದಿದ್ದಾರೆ ಎಂದು ಹೇಳಿಕೊಂಡಿದ್ದಾನೆ.

ಅಷ್ಟಕ್ಕೇ ಬಿಡದ ಮಹಿಳಾ ಪೊಲೀಸ್ ಅಧಿಕಾರಿ, ಶಿಕ್ಷಕಿ ಬೇರೆಯವರಿಗೂ ಹೊಡೆಯುತ್ತಾರಾ? ನಿನಗೊಬ್ಬನಿಗೇ ಹೊಡೆಯುತ್ತಾರಾ ಎಂದು ಕೇಳಿದ್ದಾರೆ. ಆಗ ಉತ್ತರಿಸಿದ ಅನಿಲ್​, ಇಲ್ಲ ಅವರು ನನಗೆ ಮಾತ್ರ ಹೊಡೆಯುತ್ತಾರೆ ಎಂದಿದ್ದಾನೆ.



ಠಾಣೆಯಲ್ಲೇ ಪಟ್ಟು ಹಿಡಿದು ಕುಳಿತ ಬಾಲಕ

ಆತನ ದೂರು ಕೇಳಿದ ರಮಾದೇವಿ, ಆತನೊಂದಿಗೆ ಶಾಲೆಗೆ ಹೋಗಲು ಸಿದ್ಧರಾಗಿದ್ದಾರೆ. ಬಾ ನಾನೇ ನಿನ್ನ ಶಿಕ್ಷಕಿ ಜೊತೆ ಮಾತನಾಡುತ್ತೇನೆ. ಹೊಡೆಯಬೇಡಿ ಅಂತ ಅವರಿಗೆ ಹೇಳುತ್ತೇನೆ ಎಂದ್ದಾರೆ. ಆದರೆ ಅನಿಲ್​ ಮಾತ್ರ ತಾನು ಶಿಕ್ಷಕಿಯೊಂದಿಗೆ ರಾಜಿಯಾಗುವುದಿಲ್ಲ. ಶಾಲೆಗೆ ಬರುವುದೂ ಇಲ್ಲ ಎಂದು ಪಟ್ಟು ಹಿಡಿದು ಕುಳಿತಿದ್ದ. ಅವರನ್ನು ಬಂಧಿಸಲೇ ಬೇಕು ಅಂತ ಆಗ್ರಹಿಸಿದ್ದ.

ಇದನ್ನೂ ಓದಿ: Spider Man: ಸುಳ್ಳಲ್ಲ ಕಣ್ರೀ, ಈ ಪುಟ್ಟ ಹುಡುಗನ Birth Dayಗೆ ಸ್ಪೈಡರ್‌ ಮ್ಯಾನ್ ಬಂದಿದ್ದ! ಬೇಕಿದ್ರೆ ವಿಡಿಯೋ ನೋಡಿ

 ಕೌನ್ಸೆಲಿಂಗ್ ಮಾಡಿ ಶಾಲೆಗೆ ಕರೆದೊಯ್ದ ಪೊಲೀಸರು

ಹುಡುಗನ ಮಾತು ಕೇಳಿ ಮಹಿಳಾ ಪೊಲೀಸ್ ಅಧಿಕಾರಿ ಆಶ್ಚರ್ಯಕ್ಕೆ ಒಳಗಾದ್ರು. ಕೂಡಲೇ ಅವನಿಗೆ ಬುದ್ಧಿ ಹೇಳಿ, ಬಳಿಕ ಅವನಿಗೆ ಕೌನ್ಸಿಲಿಂಗ್ ಮಾಡಿದ್ರು. ನಂತರ ಖುದ್ದು ಅವರೇ ಶಾಲೆಗೆ ಕರೆದುಕೊಂಡು ಹೋಗಿದ್ದಾರೆ. ಬಳಿಕ ಶಿಕ್ಷಕಿಗೂ ಬುದ್ಧಿಮಾತು ಹೇಳಿದ್ದಾರೆ ಎನ್ನಲಾಗಿದೆ.