Viral Video: 30 ರೂ ಲಂಚ ಕೇಳಿದ ವಾರ್ಡ್​​ಬಾಯ್; ಇಲ್ಲದ್ದಕ್ಕೆ ತಾಯಿ ಜೊತೆಗೆ ಸ್ಟ್ರೆಚ್ಚರ್ ದೂಡಿದ 6ರ ಬಾಲಕ

ಇತ್ತೀಚೆಗೆ ಸರ್ಕಾರಿ ಆಸ್ಪತ್ರೆಯ ಕೆಲವು ಸಿಬ್ಬಂದಿಗಳಲ್ಲಿ ಮಾನವೀಯತೆಯೇ ಮರೆಯಾಗಿದೆ. ಅದಕ್ಕೆ ಉದಾಹರಣೆಯಾಗಿ ಅನೇಕ ಘಟನೆಗಳು ಕಣ್ಣ ಮುಂದೆ ಬಂದಿವೆ. ಇದೀಗ ಮತ್ತೊಂದು ಸಾಕ್ಷಿ ಎಂಬಂತೆ ಸರ್ಕಾರಿ ಆಸ್ಪತ್ರೆಯಲ್ಲಿ ನಡೆದ ಘಟನೆಯೊಂದರ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಈ ಘಟನೆ ಉತ್ತರ ಪ್ರದೇಶದ ದೇವೊರಿಯಾಲ್ಲಿ ನಡೆದಿದೆ. ವ್ಯಕ್ತಿಯೊಬ್ಬ ತೀವ್ರ ಅಸ್ವಸ್ಥನಾಗಿದ್ದ. ಹಾಗಾಗಿ ಆತನನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆತನನ್ನು ಪರೀಕ್ಷಿಸಿದ ವೈದ್ಯರು ನಿರ್ದಿಷ್ಟವಾದ ವಾರ್ಡ್​ಗೆ ಕರೆದೊಯ್ಯುವಂತೆ ವಾರ್ಡ್​ಬಾಯ್​ಗೆ ಸೂಚಿಸಿದ್ದರು.

ಅಸ್ವಸ್ಥನಾಗಿದ್ದ ಕಾರಣ ಆ ವ್ಯಕ್ತಿಗೆ ನಡೆದುಕೊಂಡು ಹೋಗಲು ಸಾಧ್ಯವೇ ಇರಲಿಲ್ಲ, ಹಾಗಾಗಿ ಆತನನ್ನು ಸ್ಟ್ರೆಚ್ಚರ್​ ಮೇಲೆ ಮಲಗಿಸಿ ವಾರ್ಡ್​ಗೆ ಕರೆದುಕೊಂಡು ಹೋಗುವಂತೆ ಆತನ ಮಗಳು ವಾರ್ಡ್​ಬಾಯ್​ ಜೊತೆ ಹೇಳಿದಳು. ಆದರೆ ವಾರ್ಡ್​ಬಾಯ್​ ಕನಿಕರವಿಲ್ಲದೆ ಆಕೆಯ ಬಳಿ ಲಂಚ ಕೇಳಿದ್ದಾನೆ.

ವಾರ್ಡ್​ಗೆ ಕರೆದುಕೊಂಡು ಹೋಗಿ ಎಂದು ಮನವಿಯಿಟ್ಟ ಮಹಿಳೆಯ ಬಳಿ 30 ರೂ. ಲಂಚ ಕೇಳಿದ್ದಾನೆ. ಹಾಗಿದ್ದರೆ ಮಾತ್ರ ಸ್ಟ್ರೆಚ್ಚರ್​ ದೂಡುವುದಾಗಿ ಹೇಳಿದ್ದಾನೆ. ಆದರೆ ಆತನಿಗೆ ಕೊಡಲು ಅಷ್ಟೊಂದು ಹಣವಿಲ್ಲದಿರುವುದರಿಂದ ತಾಯಿ ಮತ್ತು ಆಕೆಯ ಮಗ 6 ವರ್ಷದ ಬಾಲ ಸ್ಟ್ರೆಚ್ಚರ್​ ದೂಡಿಕೊಂಡು ವಾರ್ಡ್​ಗೆ ಕರೆದೊಯ್ದಿದ್ದಾರೆ.

देवरिया, जहां से उ.प्र. राज्य सरकार में दो मंत्री आते है, वहां के जिला अस्पताल की ये हालत है कि पर्याप्त कर्मचारी नहीं है लोगों को स्ट्रेचर पर ले जाने के लिए। वार्ड भी अलग अलग नहीं बने हैं,जैसे कि ये महामारी इस अस्पताल के लिए मात्र एक साधारण फ्लू हो। ऐसे लड़ेंगे हम कोरोना से? pic.twitter.com/9CtymqFbWN

— Keshav Chand Yadav (@keshavyadaviyc) July 20, 2020

ಕನ್ಣ ಮೂಮದೆ ಕಾಣುತ್ತಿರುವ ಈ  ದೃಶ್ಯವನ್ನು ಕಂಡ ಸಾರ್ವಜನಿಕರೊಬ್ಬರು ತಮ್ಮ ಫೋನ್​ನ ಮೂಲಕ ದೃಶ್ಯವನ್ನು ಚಿತ್ರೀಕರಿಸಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಪುಟ್ಟ ಬಾಲಕ ಮತ್ತು ತಾಯಿ ಸ್ಟ್ರೆಚ್ಚರ್​​ ದೂಡುತ್ತಿರುವ ದೃಶ್ಯ ವೈರಲ್​​ ಆಗಿದೆ.