Smart TV: ಪವರ್ ಇಲ್ಲದಿದ್ದರೂ ನೀವು ಟಿವಿ ನೋಡಬಹುದು! ಶೀಘ್ರವೇ ಬರಲಿದೆ ಬ್ಯಾಟರಿ ಚಾಲಿತ ಸ್ಮಾರ್ಟ್ ಟಿವಿ!
ಸಾಂಕೇತಿಕ ಚಿತ್ರ
ಈ ವರ್ಷದ ಜನವರಿ 5 ರಂದು ಪ್ರಾರಂಭವಾದ 2023 ಸಿಇಎಸ್ ಶೋನಲ್ಲಿ ಹೊಸ ಸ್ಮಾರ್ಟ್ಟಿವಿಯನ್ನು ಪರಿಚಯಿಸಲಾಗಿದ್ದು, ಈ ಸ್ಮಾರ್ಟ್ಟಿವಿಗೆ ವಿದ್ಯುತ್ನ ಅವಶ್ಯಕತೆಯೇ ಇಲ್ಲವೆಂದು ತಂತ್ರಜ್ಞರು ತಿಳಿಸಿದ್ದಾರೆ. ಕೇವಲ ಬ್ಯಾಟರಿ ಮೂಲಕ ಈ ಸ್ಮಾರ್ಟ್ಟಿವಿಯನ್ನು ವೀಕ್ಷಣೆ ಮಾಡುಬಹುದಾಗಿದೆ. ಇದರ ಬೆಲೆ ಎಷ್ಟು, ಇನ್ನಿತರ ಫೀಚರ್ಸ್ಗಳ ಬಗ್ಗೆ ಮಾಹಿತಿ ಈ ಲೇಖನದಲ್ಲಿದೆ.
ಮುಂದೆ ಓದಿ ...- News18 Kannada
- Last Updated :
ಇತ್ತೀಚಿನ ಟೆಕ್ನಾಲಜಿ (Technology) ಎಷ್ಟು ಮುಂದುವರೆಯುತ್ತಿದೆ ಎಂದರೆ ಇದೀಗ ಮಾರುಕಟ್ಟೆಗೆ ಬ್ಯಾಟರಿ ಚಾಲಿತ ಸ್ಮಾರ್ಟ್ಟಿವಿ ಬಿಡುಗಡೆ ಯಾಗಲು ಸಜ್ಜಾಗಿದೆ. ಹೌದು ಪ್ರತೀವರ್ಷದಂತೆ ಈ ವರ್ಷವೂ ಲಾಸ್ವೇಗಸ್ನಲ್ಲಿ 2023ರ ಕನ್ಸ್ಯೂಮರ್ ಎಲೆಕ್ಟ್ರಾನಿಕ್ಸ್ ಶೋ (CES) ನಡೆದಿತ್ತು. ಈ ಎಲೆಕ್ಟ್ರಾನಿಕ್ಸ್ ಶೋ ಎಂದರೆ ಹೊಸ ಟೆಕ್ ಡಿವೈಸ್ಗಳನ್ನು ಪರಿಚಯಿಸುವ ವೇದಿಕೆ. ಇಲ್ಲಿ ದೊಡ್ಡ ದೊಡ್ಡ ಟೆಕ್ನಾಲಜಿ ಕಂಪೆನಿಗಳು ತಾವು ಬಿಡುಗಡೆಗೊಳಿಸಲಿರುವ ವಿಶೇಷ ಮಾದರಿಯ ಟೆಕ್ ಡಿವೈಸ್ಗಳನ್ನು ಲಾಂಚ್ ಮಾಡುತ್ತದೆ. ಅದೇ ರೀತಿ 2023ರ ಈ ಟೆಕ್ ಶೋನಲ್ಲಿ ಬಹಳಷ್ಟು ವಿಶೇಷ ರೀತಿಯ ಡಿವೈಸ್ಗಳನ್ನು (Tech Device) ಕಂಪೆನಿಗಳು ಪರಿಚಯಿಸಿವೆ. ಅದರಲ್ಲಿ ಸ್ಮಾರ್ಟ್ಟಿವಿ ಕೂಡಾ ಒಂದು. ಇದುವರೆಗೆ ಯಾವುದೇ ಟೆಲಿವಿಷನ್ (Television) ಸಾಧನಗಳನ್ನು ಆನ್ ಮಾಡಬೇಕಾದ್ರೆ ವಿದ್ಯುತ್ನ ಅವಶ್ಯಕತೆ ಇತ್ತು. ಆದರೆ ಇನ್ಮುಂದೆ ಪವರ್ ಇಲ್ಲದೆಯೇ ಟಿವಿ ನೋಡಬಹುದು.
ಈ ವರ್ಷದ ಜನವರಿ 5 ರಂದು ಪ್ರಾರಂಭವಾದ 2023 ಸಿಇಎಸ್ ಶೋನಲ್ಲಿ ಹೊಸ ಸ್ಮಾರ್ಟ್ಟಿವಿಯನ್ನು ಪರಿಚಯಿಸಲಾಗಿದ್ದು, ಈ ಸ್ಮಾರ್ಟ್ಟಿವಿಗೆ ವಿದ್ಯುತ್ನ ಅವಶ್ಯಕತೆಯೇ ಇಲ್ಲವೆಂದು ತಂತ್ರಜ್ಞರು ತಿಳಿಸಿದ್ದಾರೆ. ಕೇವಲ ಬ್ಯಾಟರಿ ಮೂಲಕ ಟಿವಿ ನೋಡಬಹುದು. ಇದರ ಬೆಲೆ ಎಷ್ಟು, ಇನ್ನಿತರ ಫೀಚರ್ಸ್ಗಳ ಬಗ್ಗೆ ಮಾಹಿತಿ ಈ ಲೇಖನದಲ್ಲಿದೆ.
30 ಬ್ಯಾಟರಿ ಬಾಳಿಕೆ
ಇದೀಗ ಟೆಕ್ ಕಂಪನಿಯೊಂದು ಪರಿಚಯಿಸಿರುವ ಸ್ಮಾರ್ಟ್ಟಿವಿ ವೈರ್ಲೆಸ್ ಆಗಿದ್ದು, ಇದನ್ನು ಆನ್ ಮಾಡಲು ಯಾವುದೇ ವಿದ್ಯುತ್ನ ಅವಶ್ಕತೆ ಇಲ್ಲ. ಇನ್ನು ಈ ಸ್ಮಾರ್ಟ್ಟಿವಿಗೆ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಜೊತೆಗೆ ಚಾರ್ಜ್ ಮಾಡುವ ಅವಕಾಶವನ್ನು ಕಲ್ಪಿಸಲಾಗಿದೆ. ಆದ್ದರಿಂದ ಈ ಸ್ಮಾರ್ಟ್ಟಿವಿಯ ಚಾರ್ಜರ್ ಅನ್ನು ಒಮ್ಮೆ ಚಾರ್ಜ್ ಮಾಡಿದ್ರೆ 30 ದಿನಗಳವರೆಗೆ ನಿರಂತರವಾಗಿ ವೀಕ್ಷಿಸಬಹುದಾಗಿದೆ. ಜೊತೆಗೆ ಈ ಟಿವಿ 55 ಇಂಚಿನ ಡಿಸ್ಪ್ಲೇಯನ್ನು ಸಹ ಹೊಂದಿದೆ.
ಇದನ್ನೂ ಓದಿ: 2023ರಲ್ಲಿ ಪ್ರಾರಂಭವಾದ ನಿರೀಕ್ಷೆಯೂ ಮಾಡಿರದ ಟೆಕ್ ಡಿವೈಸ್ಗಳಿವು!
ವಿದ್ಯುತ್ನ ಅವಶ್ಯಕತೆ ಇಲ್ಲ
ಇನ್ನು ಈ ಸ್ಮಾರ್ಟ್ಟಿವಿಗೆ ವಿದ್ಯುತ್ನ ಅವಶ್ಯಕತೆಯೇ ಇಲ್ಲ. ಇದು ವೈರ್ಲೆಸ್ ಸ್ಮಾರ್ಟ್ಟಿವಿ ಆಗಿದೆ. ಇನ್ನು ಕೆಲವೊಂದು ನಗರಗಳಲ್ಲಿ ವಿದ್ಯುತ್ನ ಸೌಲಭ್ಯವೇ ಇರುವುದಿಲ್ಲ. ಹಾಗೇ ಇನ್ನೂ ಕೆಲವು ಪ್ರದೇಶಗಳಲ್ಲಿ ಆಗಾಗ ಪವರ್ ಕಟ್ ಆಗುತ್ತಾ ಇರುತ್ತದೆ. ಅಂತಹ ನಗರಗಳಲ್ಲಿ ಈ ಸ್ಮಾರ್ಟ್ಟಿವಿ ತುಂಬಾನೇ ಸಹಕಾರಿ ಯಾಗಲಿದೆ. ಇನ್ನು ಈ ಸ್ಮಾರ್ಟ್ಟಿವಿಯನ್ನು ಒಮ್ಮೆ ಫುಲ್ ಚಾರ್ಜ್ ಮಾಡಿದ್ರೆ ನಂತರ 30 ದಿನಗಳವರೆಗೆ ಚಾರ್ಜ್ ಮಾಡುವ ಅವಶ್ಯಕತೆ ಇರುವುದಿಲ್ಲ. ಆದ್ದರಿಂದ ಈ ಸ್ಮಾರ್ಟ್ಟಿವಿಗೆ ಹೆಚ್ಚಿನ ಮಟ್ಟದ ವಿದ್ಯುತ್ ಅವಶ್ಯಕತೆ ಎಂದುಬೀಳುವುದಿಲ್ಲ.
ಸಾಂಕೇತಿಕ ಚಿತ್ರ
ಬ್ಯಾಟರಿಯನ್ನು ಚೇಂಜ್ ಸಹ ಮಾಡಬಹುದು
ಈ ಸ್ಮಾರ್ಟ್ಟಿವಿಯಲ್ಲಿ ಹಾಟ್ ಸ್ವಾಪೇಬಲ್ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಆದ್ದರಿಂದ ಇದನ್ನು ನಿಮಗೆ ಬೇಕಾದ ಸಂದರ್ಭದಲ್ಲಿ ಚೇಂಜ್ ಕೂಡ ಮಾಡಬಹುದು. ಇನ್ನು ಈ ಸ್ಮಾರ್ಟ್ಟಿವಿಯಲ್ಲಿ ಬ್ಯಾಟರಿಯನ್ನು ಹಿಂಭಾಗದಲ್ಲಿ ಅಳವಡಿಸಲಾಗಿದೆ. ವಿಶೇಷವಾಗಿ ಈ ಬ್ಯಾಟರಿಯ ಚಾರ್ಜ್ ಕಡಿಮೆಯಾಗುತ್ತಿದ್ದಂತೆ ತೆಗೆದು ರೀಚಾರ್ಜ್ ಕೂಡ ಮಾಡಬಹುದು ಅಥವಾ ತೆಗೆದು ಹಾಕುವ ಅವಕಾಶ ಕೂಡ ಇದೆ. ಇನ್ನು ಈ ಸ್ಮಾರ್ಟ್ಟಿವಿಯ ಬ್ಯಾಟರಿಯ ವಿಷಯದಲ್ಲಿ ಲೂಪ್ ವ್ಯಾಕ್ಯೂಮ್ ಸಿಸ್ಟಮ್ ಅನ್ನು ಅಳವಡಿಸಲಾಗಿದೆ. ಇದರಿಂದ ಸ್ಮಾರ್ಟ್ಟಿವಿ ಇನ್ನೂ ತೆಳುವಾದ ವಿನ್ಯಾಸವನ್ನು ಹೊಂದಿರುತ್ತದೆ.
ಇತರೆ ಫೀಚರ್ಸ್
ವಿಶೇಷವಾಗಿ ಈ ಸ್ಮಾರ್ಟ್ಟಿವಿ ರಿಮೋಟ್ನ ಅವಶ್ಯಕತೆಯೇ ಇಲ್ಲ ಏಕೆಂದರೆ ಇದರಲ್ಲಿ ಕ್ಯಾಮೆರಾ ಸೆನ್ಸಾರ್ ಅನ್ನು ಅಳವಡಿಸಲಾಗಿದೆ. ಆದ್ದರಿಂದ ಇದರಲ್ಲಿ ಕೆಲವು ಸನ್ನೆ ಮಾಡುವ ಮೂಲಕ ಈ ಸ್ಮಾರ್ಟ್ಟಿವಿಯನ್ನು ಕಂಟ್ರೋಲ್ ಮಾಡಬಹುದಾಗಿದೆ. ಜೊತೆಗೆ ಈ ಸ್ಮಾರ್ಟ್ಟಿವಿ ಟಚ್ ಕಂಟ್ರೋಲ್ ಫೀಚರ್ ಅನ್ನು ಸಹ ಒಳಗೊಂಡಿದೆ. ಇದಲ್ಲದೆ ವಾಯ್ಸ್ ಕಮಾಂಡ್ ಮೂಲಕವೂ ಟಿವಿಯನ್ನು ಕಂಟ್ರೋಲ್ ಮಾಡಬಹುದು. ಆದರೆ ಇದಕ್ಕೆಲ್ಲಾ ಅದರದೇ ಆದ ಕೆಲವೊಂದು ಸೆಟ್ಟಿಂಗ್ಗಳಿವೆ.
ಸಾಂಕೇತಿಕ ಚಿತ್ರ
ಬೆಲೆ ಮತ್ತು ಲಭ್ಯತೆ
ಇನ್ನು ಮಾರುಕಟ್ಟೆಗೆ ಕಾಲಿಡಲಿರುವ ಈ ವಿಶೇಷ ಸ್ಮಾರ್ಟ್ಟಿವಿ 2023ರ ಡಿಸೆಂಬರ್ ಖರೀದಿಗೆ ಲಭ್ಯವಾಗುತ್ತದೆ ಎನ್ನಲಾಗಿದೆ. ಹಾಗೇ ಇದರ ಬೆಲೆ 2,48,319 ರೂಪಾಯಿಗಳಿರಬಹುದು ಎಂದಿದ್ದಾರೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
ಸುದ್ದಿ 18ಕನ್ನಡ ಟ್ರೆಂಡಿಂಗ್
ಎಲ್ಲಾ ಆಯ್ತು, ಈಗ ಹಳೆ ಗಂಡನ ಪಾದವೇ ಗತಿ! ಸುಚೇಂದ್ರ ಪ್ರಸಾದ್ ಬಗ್ಗೆ ಪವಿತ್ರಾ ಮಾತನಾಡಿರೋ ಆಡಿಯೋ ವೈರಲ್!
ವಾರದ ಬಳಿಕ ಚಿನ್ನದ ದರದಲ್ಲಿ ಭಾರೀ ಇಳಿಕೆ: ಹೀಗಿದೆ ಇಂದಿನ ಬೆಳ್ಳಿ, ಬಂಗಾರ ದರ!
Gold Rate Today: ನಿನ್ನೆ ಚಿನ್ನದ ಬೆಲೆಯಲ್ಲಿ ಭಾರೀ ಕುಸಿತ; ಇಂದಿನ ಚಿನ್ನದ ದರ ಹೇಗಿದೆ?
ಸಿಡಿಮದ್ದು ಸಿಡಿಯೋದು ನೋಡೋಕೆ ದೇವರೇ ಬರ್ತಾರೆ! ಇದು ಗೋಪಾಲಕೃಷ್ಣ ದೇಗುಲದ 'ಕುಂಬ್ಳೆ ಬೆಡಿ'
Gas Geyser: ಬಾತ್ರೂಮ್ನಲ್ಲೇ ಕೊನೆಯುಸಿರೆಳೆದ ನವವಧು; ಗ್ಯಾಸ್ ಗೀಸರ್ ಬಳಕೆಯಿಂದ ಆಗೋ ಅಪಾಯಗಳೇನು?
ಕರ್ನಾಟಕಕ್ಕೆ 3ನೇ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲು ಬರೋದು ಫಿಕ್ಸ್!