Smartphone Sale: ಫ್ಲಿಪ್​ಕಾರ್ಟ್​​ನಲ್ಲೂ ನಿಮ್ಮ ಹಳೆಯ ಫೋನ್ ಅನ್ನು ಮಾರಾಟ ಮಾಡ್ಬಹುದು! ಹೇಗೆ ಗೊತ್ತಾ?

ಸ್ಮಾರ್ಟ್​​ಫೋನ್​ಗಳು (Smartphones) ಇತ್ತೀಚೆಗೆ ಟೆಕ್ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಲ್ಲಿದೆ. ಇದೇ ಬೆಳವಣಿಗೆಯನ್ನು ಕಂಡಂತಹ ಸ್ಮಾರ್ಟ್​​ಫೋನ್​ ಕಂಪೆನಿಗಳು ಸಹ ಹೊಸ ಹೊಸ ಮೊಬೈಲ್​ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಲೇ ಇದೆ. ಒಂದು ರೀತಿಯಲ್ಲಿ ಲೆಕ್ಕ ಹಾಕುವುದಾದರೆ ತಿಂಗಳಿಗೆ 4 ರಿಂದ 5 ರಂತೆ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಯಲ್ಲಿ ಲಾಂಚ್​ ಆಗುತ್ತಿದೆ. ಈ ಹೊಸ ಸ್ಮಾರ್ಟ್​​ಫೋನ್​ಗಳನ್ನು ಕಂಡಾಗ ಕೆಲವರಿಗೆ ಹಳೆಯ ಸ್ಮಾರ್ಟ್​ಫೋನ್​ಗಳನ್ನು ಕೊಟ್ಟು ಹೊಸ ಸ್ಮಾರ್ಟ್​​ಫೋನ್​ ಅನ್ನು ಖರೀದಿ ಮಾಡುವ ಎಂದು ಪ್ಲ್ಯಾನ್ ಮಾಡ್ತಾರೆ. ಆದರೆ ಹಳೆಯ ಫೋನ್ (Second Hand Smartphone)​ ಅನ್ನು ಯಾವುದೇ ರೀಟೇಲ್​ ಸ್ಟೋರ್​ಗೆ ಕೊಟ್ಟು ಹೊಸ ಫೋನ್ ಅನ್ನು ಖರೀದಿಸ್ತಾರೆ. ಆದರೆ ಇನ್ಮುಂದೆ ಈ ಕೆಲಸವನ್ನು ಫ್ಲಿಪ್​ಕಾರ್ಟ್​ನಲ್ಲೇ (Flipkart) ಮಾಡ್ಬಹುದು.

ಇದುವರೆಗೆ ಹಳೆಯ ಸ್ಮಾರ್ಟ್​​ಫೋನ್​ಗಳನ್ನು ಹತ್ತಿರದ ರೀಟೇಲ್​ ಸ್ಟೋರ್​ಗಳಿಗೆ ಕೊಟ್ಟು ಹೊಸ ಸ್ಮಾರ್ಟ್​ಫೋನ್​ ಅನ್ನು ಖರೀದಿಸಬಹುದಿತ್ತು. ಆದರೆ ಇನ್ಮುಂದೆ ಮನೆಯಲ್ಲಿಯೇ ಇದ್ದು ಫ್ಲಿಪ್​ಕಾರ್ಟ್​ನಲ್ಲಿ (Flipkart Sell-Back) ನಿಮ್ಮ ಹಳೇ ಸ್ಮಾರ್ಟ್​​ಫೋನ್​ ಅನ್ನು ಉತ್ತಮ ಬೆಲೆಗೆ ಮಾರಾಟ ಮಾಡಬಹುದಾಗಿದೆ. ಅದಕ್ಕಾಗಿ ಕೆಲವೊಂದು ಮಾರ್ಗಗಳಿವೆ. ಇದರ ಸಂಪೂರ್ಣ ಮಾಹಿತಿ ಈ ಲೇಖನದಲ್ಲಿದೆ.

ಸೆಲ್​ ಬ್ಯಾಕ್ ಆಯ್ಕೆ

ಫ್ಲಿಪ್​ಕಾರ್ಟ್​ ತನ್ನ ಬಳಕೆದಾರರಿಗಾಗಿ ಸೆಲ್​ ಬ್ಯಾಕ್ ಎಂಬ ವಿಶೇಷ ಆಯ್ಕೆಯನ್ನು ನೀಡಿದೆ. ಈ ಮೂಲಕ ಬಳಕೆದಾರರು ತಮ್ಮ ಹಳೆಯ ಸ್ಮಾರ್ಟ್​​ಫೋನ್​ ಅನ್ನು ಈ ಆಯ್ಕೆಯಲ್ಲಿ ಸೇಲ್​ ಮಾಡಬಹುದಾಗಿದೆ. ಇದರಿಂದ ನಿಮಗೆ ಯಾವುದೇ ಭಯವಿಲ್ಲದೆ ಸೇಫ್​ ಆಗಿ ಮತ್ತು ಸುಲಭದಲ್ಲಿ ಸೆಕೆಂಡ್​ ಹ್ಯಾಂಡ್​ ಫೋನ್ ಅನ್ನು ಮಾರಾಟ ಮಾಡಬಹುದು. ಇನ್ನು ಈ ಫೋನ್​ ಮೇಲೆ ಭರ್ಜರಿ ಬೆಲೆಯನ್ನು ಸಹ ಫ್ಲಿಪ್​ಕಾರ್ಟ್​​ ನಿರ್ಧರಿಸುತ್ತದೆ.

ಫ್ಲಿಪ್​ಕಾರ್ಟ್​ನಲ್ಲಿ ಸೆಕೆಂಡ್​ ಹ್ಯಾಂಡ್​ ಫೋನ್​ ಅನ್ನು ಸೇಲ್​ ಮಾಡುವುದು ಹೇಗೆ?

• ಮೊದಲಿಗೆ ಫ್ಲಿಪ್​ಕಾರ್ಟ್​ ಆ್ಯಪ್ ಓಪನ್​ ಮಾಡ್ಬೇಕು ಮತ್ತು ಕೆಳ ಭಾಗದಲ್ಲಿರುವ ಕ್ಯಾಟಗರಿ ಸೆಕ್ಷನ್​ನಲ್ಲಿ ಸೆಲ್​ ಬ್ಯಾಕ್ ಎಂಬ ಆಯ್ಕೆ ಕಾಣಿಸುತ್ತದೆ. ಅದನ್ನು ಸೆಲೆಕ್ಟ್​ ಮಾಡ್ಬೇಕು.


• ಇನ್ನು ಈ ಆಯ್ಕೆ ಕ್ಯಾಟಗರಿಯಲ್ಲಿ ಸಿಗಲಿಲ್ಲ ಎಂದಾದರೆ ಸರ್ಚ್​ ಆಯ್ಕೆಯಲ್ಲಿ ಸೆಲ್​ ಬ್ಯಾಕ್ ಎಂದು ಸರ್ಚ್​ ಮಾಡಿ ಆ ಆಪ್ಷನ್ ಅನ್ನು ಸೆಲೆಕ್ಟ್ ಮಾಡಿ.

• ಇನ್ನು ಈ ಆಯ್ಕೆಯನ್ನು ಸೆಲೆಕ್ಟ್ ಮಾಡಲು ಕ್ಯೂಆರ್ ಕೋಡ್ ಅನ್ನು ಸಹ ನೀಡಲಾಗಿದೆ. ಇದರಿಂದ ಸ್ಕ್ಯಾನ್ ಮಾಡುವ ಮೂಲಕ ಮುಂದುವರೆಯಬಹುದು.


• ಈಗ ನೀವು ನಿಮ್ಮ ಮೊಬೈಲ್ ಫೋನ್‌ನ ಬ್ರ್ಯಾಂಡ್, ಮಾಡೆಲ್ ಮತ್ತು IMEI ಸಂಖ್ಯೆಯಂತಹ ಸಂಪೂರ್ಣ ಮಾಹಿತಿಯನ್ನು ನೀಡಬೇಕು.


• ನಂತರ ನಿಮ್ಮ ನೆಟ್‌ವರ್ಕ್ ಪಾಲುದಾರರಿಂದ ಫೋನ್‌ಗೆ ಎಷ್ಟು ಬೆಲೆ ನಿಗದಿ ಮಾಡಲಾಗಿದೆ ಎಂಬ ಮಾಹಿತಿಯನ್ನು ನೋಡಬಹುದು.

ಸಾಂಕೇತಿಕ ಚಿತ್ರ

• ಅಲ್ಲಿ ನೀಡಿರುವ ಬೆಲೆ ನಿಮಗೆ ಒಪ್ಪಿಗೆ ಇದ್ದಲ್ಲಿ ನಂತರ ನೀವು 1 ರೂ. ಪಾವತಿಸಿ ಸೇಲ್ ಮಾಡಲು ಒಪ್ಪಿಗೆ ಇದೆ ಎಂದು ಖಚಿತ ಪಡಿಸಿ.


• ಈ ಆರ್ಡರ್ ಖಚಿತವಾಯಿತು ಎಂದಾದರೆ 48 ಗಂಟೆಗಳ ಒಳಗೆ ಮೊಬೈಲ್ ಪಡೆದುಕೊಳ್ಳಲು ನಿಮ್ಮ ಮನೆಗೆ ಬರುತ್ತಾರೆ.


• ನಿಮ್ಮ ಮೊಬೈಲ್ ಕಂಪೆನಿಯವರು ಮನೆಗೆ ಬಂದು ಮತ್ತೆ ಮೊಬೈಲ್ ಪರಿಶೀಲಿಸುತ್ತಾರೆ. ನಂತರ ಅಂತಿಮ ಬೆಲೆಯನ್ನು ಹೇಳುತ್ತಾರೆ. ಈ ಬೆಲೆ ನಿಮಗೆ ಇಷ್ಟವಾದರೆ ಅಲ್ಲಿಯೇ ನೀವು ಸೇಲ್ ಮಾಡಬಹುದು.


• ನೀವು ಮುಂದುವರೆಸಿದರೆ 24 ಗಂಟೆಗಳ ಒಳಗೆ ಬ್ಯಾಂಕ್ ಖಾತೆಗೆ ಹಣ ಜಮಾ ಆಗುತ್ತದೆ. ಒಂದು ವೇಳೆ ಆರ್ಡರ್ ರದ್ದುಗೊಳಿಸಿದರೆ 1 ರೂಪಾಯಿಯನ್ನು ನಿಮಗೆ ಮರುಪಾವತಿ ಮಾಡ್ತಾರೆ.

ಯಾವುದೇ ಸ್ಮಾರ್ಟ್​​ಫೋನ್ ಸೇಲ್ ಮಾಡುವ ಮುನ್ನ ಗಮನಿಸಬೇಕಾದ ಅಂಶಗಳು:

ಯಾವುದೇ ಸ್ಮಾರ್ಟ್​ಫೋನ್​ ಇನ್ನೊಬ್ಬರಿಗೆ ಅಥವಾ ಆನ್​ಲೈನ್​ ಮೂಲಕ ಸೇಲ್ ಮಾಡುವ ಮುನ್ನ ಅದರಲ್ಲಿರುವಂತಹ ಫೋಟೋ, ವಿಡಿಯೋಗಳನ್ನು ಡಿಲೀಟ್ ಮಾಡಬೇಕು. ನಂತರ ನಿಮ್ಮ ಮೊಬೈಲ್​ನಲ್ಲಿದ್ದಂತಹ ಆ್ಯಪ್​ಗಳನ್ನು ಡಿಲೀಟ್​ ಮಾಡಿದ್ದೀರಾ ಎಂದು ಖಚಿತ ಪಡಿಸಿಕೊಳ್ಳಿ ಜೊತೆಗೆ ಯಾವುದೇ ಅಗತ್ಯ ಡೇಟಾ, ಡಾಕ್ಯುಮೆಂಟ್​​ಗಳನ್ನು ಸ್ಮಾರ್ಟ್​ಫೋನ್​ನಲ್ಲಿ ಇಡಬೇಡಿ. ಬಳಿಕ ಸೇಲ್​ ಮಾಡಲು ಮುಂದಾಗಿ.