Union Budget App: ಈ ಆ್ಯಪ್ ಮೂಲಕ 2023ರ ಕೇಂದ್ರದ ಬಜೆಟ್​ನ ಸಂಪೂರ್ಣ​ ವಿವರಗಳನ್ನು ಪಡೆಯಬಹುದು!

ಭಾರತದಲ್ಲಿ ಇತ್ತೀಚೆಗೆ ಬಜೆಟ್ (Union Budget @023-24)​ ಮಂಡನೆಯದ್ದೇ ಸುದ್ದಿಯಾಗುತ್ತಿದೆ. ಅದೇ ರೀತಿ 2023-24 ರ ಬಜೆಟ್​ ಮಂಡನೆಯ ಬಗ್ಗೆ ಹೆಚ್ಚಿನ ಜನರಿಗೆ ಕುತೂಹಲ ಇದ್ದೇ ಇರುತ್ತದೆ. ಇನ್ನು ಈ ಬಜೆಟ್​ ಮಂಡನೆಯ ವಿಚಾರದಲ್ಲಿ ಹಲವಾರು ರೀತಿಯಲ್ಲಿ ಚರ್ಜೆಗಳು, ಮಾತುಕತೆಗಳು ಜನಸಾಮಾನ್ಯರ ನಡುವೆ ನಡೆಯುತ್ತಿರುತ್ತದೆ. ಆದರೆ ಕೇಂದ್ರ ಸರ್ಕಾರದ ಬಜೆಟ್​ ಮಂಡನೆ ಯಾರಿಗೆ ಮತ್ತು ಯಾವ ವಿಭಾಗಕ್ಕೆ ಯಾವ ರೀತಿಯೆಲ್ಲಾ ಬಜೆಟ್​ಗಳನ್ನು ಘೋಷಣೆ ಮಾಡಲಾಗುತ್ತದೆ ಎಂಬ ಕುತೂಹಲ ಮೂಡುತ್ತದೆ. ಆದರೆ ಇದಕ್ಕಾಗಿ ಸುಲಭ ವಿಧಾನವಿದೆ. ನಿಮ್ಮಲ್ಲಿರುವ ಮೊಬೈಲ್ (Mobile)​ ಮೂಲಕವೇ ಕೇಂದ್ರದ ಬಜೆಟ್​ (Central Budget)ನಲ್ಲಿ ಮಾಡಿದಂತಹ ಘೋಷಣೆಯ ಬಗ್ಗೆ ಇಡೀ ವಿವರಗಳನ್ನು ನೋಡಬಹುದಾಗಿದೆ.

ದೇಶದ ಆರ್ಥಿಕತೆಯ ಬೆಳವಣಿಗೆಗೆ ಈ ಬಜೆಟ್​ಗಳು ಭಾರೀ ಬೆಂಬಲವನ್ನು ನೀಡುತ್ತದೆ.ಇದಕ್ಕಾಗಿಯೇ ಕೇಂದ್ರ ಸರ್ಕಾರ ರಾಜ್ಯಗಳು ಮತ್ತು ಕೇಂದ್ರಾಡಳಿತದಲ್ಲಿರುವ ಪ್ರದೇಶಗಳಿಗೆ ಬೇರೆ ಬೇರೆ ರೀತಿಯಲ್ಲಿ ಕೊಡುಗೆಗಳನ್ನು ಘೋಷಿಸುತ್ತವೆ. ಹಾಗಿದ್ರೆ ಇದರ ಬಗ್ಗೆ ಸುಲಭದಲ್ಲಿ ವಿವರಗಳನ್ನು ಈಗ ಮೊಬೈಲ್​ನಲ್ಲಿಯೇ ನೋಡಬಹುದು. ಹೇಗೆ ಎಂಬುದನ್ನು ಈ ಲೇಖನದಲ್ಲಿ ಮಾಹಿತಿಯನ್ನು ನೀಡಲಾಗಿದೆ.

ಯಾವಾಗ ಬಜೆಟ್​ ಮಂಡನೆ?

2023 ರ ಹಣಕಾಸು ವರ್ಷದ ಸಾಮಾನ್ಯ ಬಜೆಟ್ ಅನ್ನು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಫೆಬ್ರವರಿ 1, 2023 ರಂದು ಮಂಡನೆ ಮಾಡಲಿದ್ದಾರೆ ಇದು ನಿರ್ಮಲಾ ಸೀತಾರಾಮನ್ ಅವರಿಂದ ಮಂಡಿಸಲ್ಪಡುವ ಐದನೇ ಬಜೆಟ್ ಆಗಿರಲಿದೆ.

ಯೂನಿಯನ್ ಬಜೆಟ್​ ಮೊಬೈಲ್ ಆ್ಯಪ್​

ನಿರ್ಮಲಾ ಸೀತಾರಾಮನ್ ಅವರ ಬಜೆಟ್‌ ಭಾಷಣದ ನಂತರ ಸಂಪೂರ್ಣ ಬಜೆಟ್ ವಿವರವನ್ನು ಸಾರ್ವಜನಿಕರಿಗೆ ಮೊಬೈಲ್ ಆ್ಯಪ್​ ಮೂಲಕ ನೋಡಬಹುದಾಗಿದೆ. ಈ ಮಾಹಿತಿ 'ಯೂನಿಯನ್ ಬಜೆಟ್ ಮೊಬೈಲ್ ಆಪ್‌' ( Union Budget Mobile App) ನಲ್ಲಿ ಲಭ್ಯವಾಗಲಿದ್ದು, ಭಾರತದ ಪ್ರತಿಯೊಬ್ಬರು ಅತ್ಯಂತ ಸರಳವಾಗಿ ಬಜೆಟ್‌ನ ಸಂಪೂರ್ಣ ವಿವರಗಳನ್ನು ನೋಡಬಹುದಾಗಿದೆ. ಇನ್ನು ಈ ಬಜೆಟ್​ಗೆ ಸಂಬಂಧಿಸಿದ ಅಪ್ಲಿಕೇಶನ್​ ಆಂಡ್ರಾಯ್ಡ್​ ಮತ್ತು ಐಓಎಸ್​ ಸಾಧನಗಳೆರಡರಲ್ಲೂ ಕಾರ್ಯನಿರ್ವಹಿಸುತ್ತದೆ. ಆದ್ದರಿಂದ ತಮಗೆ ಅನುಕೂಲವಾಗುವಂತಹ ಆ್ಯಪ್​ ಸ್ಟೋರ್​ಗಳಲ್ಲಿ ಡೌನ್​ಲೋಡ್​ ಮಾಡಿಟ್ಟುಕೊಳ್ಳಬಹುದು.

ಯೂನಿಯನ್​ ಬಜೆಟ್​ ಮೊಬೈಲ್​ ಆ್ಯಪ್​ ಇನ್​​​ಸ್ಟಾಲ್​​ ಮಾಡುವುದು ಹೇಗೆ?

ಇನ್ನು ಈ ಯೂನಿಯನ್ ಬಜೆಟ್​ ಮೊಬೈಲ್ ಅಪ್ಲಿಕೇಶನ್​ ಅನ್ನು ನೀವು ಬೇರೆ ಅಪ್ಲಿಕೇಶನ್​ಗಳನ್ನು ಡೌನ್​ಲೋಡ್​ ಮಾಡುವಂತಹ ಆ್ಯಪ್​ ಸ್ಟೋರ್​ಗಳಲ್ಲಿ ಡೌನ್​ಲೋಡ್​ ಮಾಡಬಹುದು. ಇನ್ನು ಆಂಡ್ರಾಯ್ಡ್​ ಮೊಬೈಲ್​ ಬಳಕೆದಾರರಾದರೆ ಗೂಗಲ್​ ಪ್ಲೇ ಸ್ಟೋರ್​ ಮೂಲಕ ಡೌನ್​ಲೋಡ್​ ಮಾಡಿಕೊಳ್ಳಬಹುದಾಗಿದೆ. ಹಾಗೆಯೇ ಐಫೋನ್ ಬಳಕೆದಾರರು ಆ್ಯಪಲ್​ ಸ್ಟೊರ್​ಗಳಲ್ಲಿ ಡೌನ್​ಲೋಡ್​ ಮಾಡಬಹುದು.

ಯೂನಿಯನ್​ ಬಜೆಟ್​ 2023 ಮೊಬೈಲ್ ಅಪ್ಲಿಕೇಶನ್

ವೆಬ್​ಸೈಟ್​ನಲ್ಲೂ ಡೌನ್​ಲೋಡ್​ ಮಾಡಬಹುದು

ಇನ್ನು ಈ ಆ್ಯಪ್​ ಸ್ಟೋರ್​ಗಳಲ್ಲಿ ಮಾತ್ರವಲ್ಲದೇ ಯೂನಿಯನ್ ಬಜೆಟ್​ ಪೋರ್ಟಲ್​ ಆಗಿರುವ www.Indiabudget.Gov.In ಗೆ ಭೇಟಿ ನೀಡಬಹುದಾಗಿದೆ. ಈ ಪೋರ್ಟಲ್​ನಲ್ಲಿ 2021-22 ಮತ್ತು ಬಜೆಟ್ 2022-23 ಗೆ ಸಂಬಂಧಿಸಿದ ಸಂಪೂರ್ಣ ಮಾಹಿತಿಯನ್ನು ಸಹ ನೋಡುವ ಅವಕಾಶವಿದೆ. ಇನ್ನು ಬಳಕೆದಾರರಿಗೆ ಇನ್ನಷ್ಟು ಸುಲಭವಾಗಿ ದೃಷ್ಟಿಯಿಂದ ಬೇರೆ ಬೇರೆ ವಿಭಾಗಗಳಾಗಿ ಬಜೆಟ್​ನ ವಿವರಗಳನ್ನು ವಿವರಿಸಲಾಗಿದೆ.

ಬಜೆಟ್​ ಡಾಕ್ಯುಮೆಂಟ್​ ಅನ್ನು ಪೋರ್ಟಲ್ ಮೂಲಕವೂ ನೋಡ್ಬಹುದು

•  ನಿಮಗೆ ಈ ವರ್ಷದ ಬಜೆಟ್​ನ ವಿವರಗಳನ್ನು ನೋಎಬೇಕೆಂದಾದರೆ ನೀವು https://www.indiabudget.gov.in/ ನ ಅಧಿಕೃತ ಸೈಟ್‌ಗೆ ಭೇಟಿ ನೀಡಿ.


• ಇದಾದ ನಂತರ ಅಲ್ಲಿ ನಿಮಗೆ ಬಜೆಟ್‌ ಭಾಷಣಗಳು (Budget Speeches) ಎಂಬ ಆಯ್ಕೆ ಕಾಣಸಿಗುತ್ತದೆ.

• ಅದರ ಮೇಲೆ ಕ್ಲಿಕ್‌ ಮಾಡಬೇಕು. ನಂತರ ಅಲ್ಲಿ ವಿವಿಧ ವರ್ಷಗಳ ಬಜೆಟ್‌ ವಿವರದೊಂದಿಗೆ ಈ ವರ್ಷದ ಬಜೆಟ್‌ ಮಾಹಿತಿ ಸಹ ಲಭ್ಯವಾಗುತ್ತದೆ. ಅಂದರೆ, ಅದರಲ್ಲಿ 2023-2024 PDF ಡಾಕ್ಯುಮೆಂಟ್‌ ಎಂಬ ಆಯ್ಕೆ ಕಾಣಿಸಿಕೊಳ್ಳುತ್ತದೆ.


• ಅದರ ಮೇಲೆ ಕ್ಲಿಕ್‌ ಮಾಡಿದರೆ ಈ ಸಾಲಿನ ಸಂಪೂರ್ಣ ಬಜೆಟ್‌ ವಿವರವನ್ನು ನೀವು ಓದಬಹುದಾಗಿದೆ.