Xiaomi And Jio True 5G: ಜಿಯೋ ಜೊತೆ ಪಾಲುದಾರಿಕೆ ಮಾಡಿಕೊಂಡ ಶಿಯೋಮಿ ಕಂಪನಿ! ಕಾರಣವೇನು ಗೊತ್ತಾ?

ಇತ್ತೀಚೆಗೆ ಟೆಲಿಕಾಂ ವಲಯದಲ್ಲಿ (Telecom Company) ಅತ್ಯಂತ ಜನಪ್ರಿಯತೆ ಪಡೆದ ಕಂಪನಿಯೆಂದರೆ ಅದು ಜಿಯೋ. ಇದೀಗ ರಿಲಯನ್ಸ್​ ಜಿಯೋ (Reliance Jio) ದೇಶದ ಮೂಲೆ ಮೂಲೆಯಲ್ಲೂ 5ಜಿ ನೆಟ್​​ವರ್ಕ್ (5G Network)​ ಸೇವೆಯನ್ನು ಗುರಿಯನ್ನು ಹೊಂದಿದೆ. ಅದೇ ರೀತಿಯಲ್ಲಿ ಇದುವರೆಗೆ ಹಲವು ನಗರಗಳಲ್ಲೂ ತನ್ನ ನೆಟ್​​ವರ್ಕ್​​ ಅನ್ನು ವಿಸ್ತರಿಸಿದೆ.  ಇದೀಗ ಜಿಯೋ ಟ್ರೂ 5ಜಿ ಯನ್ನು ರೆಡ್​ಮಿ ಸ್ಮಾರ್ಟ್​ಫೋನ್​ಗಳಲ್ಲಿ (Redmi Smartphone) ಬಳಕೆ ಮಾಡುವ ಉದ್ದೇಶದಿಂದ ಶಿಯೋಮಿ ಕಂಪನಿ ಕೂಡ ಜಿಯೋ ಜೊತೆ ಪಾಲುದಾರಿಕೆಯನ್ನು ಮಾಡಿಕೊಂಡಿದೆ. ಇದರಿಂದ ರೆಡ್​​ಮಿ ಸ್ಮಾರ್ಟ್​​ಫೋನ್​ ಬಳಕೆದಾರರಿಗೆ ಇನ್ನಷ್ಟು ವೇಗದಲ್ಲಿ ಇಂಟರ್​ನೆಟ್​ ಅನ್ನು ಬಳಸಬಹುದಾಗಿದೆ. ಇದಲ್ಲದೆ ಗುಣಮಟ್ಟದ ವಿಡಿಯೋಗಳನ್ನು ನೋಡಲು, ಉತ್ತಮ ಕ್ಲಾರಿಟಿಯಲ್ಲಿ ವಿಡಿಯೋ ಕಾಲ್​ನಲ್ಲಿ ಮಾತಾಡಲು ಈ ಐಡಿಯಾ ಪಾಲುದಾರಿಕೆಯಿಂದ ಸಾಧ್ಯವಾಗುತ್ತದೆ.

ಇನ್ಮುಂದೆ ರೆಡ್​ಮಿ ಸ್ಮಾರ್ಟ್​ಫೋನ್ ಬಳಕೆದಾರರು ಕೂಡ 5ಜಿ ನೆಟ್​ವರ್ಕ್​ ಅನ್ನು ಪಡೆಯಬಹುದಾಗಿದೆ. ಇದಕ್ಕಾಗಿಯೆ ಶಿಯೋಮಿ ಕಂಪನಿ ಜಿಯೋ ಜೊತೆ ಪಾಲುದಾರಿಕೆಯನ್ನು ಮಾಡಿಕೊಂಡಿದೆ. ಇನ್ಮುಂದೆ ಸ್ಮಾರ್ಟ್​ಫೋನ್​ ಬಳಕೆದಾರರು 5ಜಿ ಪಡೆಯಬೇಕಿದ್ದರೆ, ಸೆಟ್ಟಿಂಗ್ಸ್​ಗೆ ಹೋಗಿ ಅಲ್ಲಿ ನಿಮಗೆ ಬೇಕಾದ ನೆಟ್​ವರ್ಕ್​ ಅನ್ನು ಆಯ್ಕೆ ಮಾಡಬಹುದು.

ಯಾವೆಲ್ಲಾ ಸ್ಮಾರ್ಟ್​​ಫೋನ್​ಗಳಲ್ಲಿ ಲಭ್ಯವಾಗಲಿದೆ?

ಸ್ಟ್ಯಾಂಡ್ ಅಲೋನ್ 5ಜಿ ನೆಟ್‌ವರ್ಕ್ ಅನ್ನು ಬೆಂಬಲಿಸುವ ಮಾಡೆಲ್‌ಗಳು ರಿಲಯನ್ಸ್‌ ಜಿಯೋದ ಟ್ರೂ 5G ನೆಟ್‌ವರ್ಕ್‌ನಲ್ಲಿ ಕಾರ್ಯ ನಿರ್ವಹಿಸುವುದಕ್ಕೆ ಸಾಫ್ಟ್‌ವೇರ್ ಅಪ್ಡೇಟ್​ ಮಾಡುವುದು ಮುಖ್ಯವಾಗಿರುತ್ತದೆ. ಸಕ್ರಿಯಗೊಳಿಸಲಾದ ಫೋನ್‌ಗಳಲ್ಲಿ ರೆಡ್​​ಮಿ 11 ಅಲ್ಟ್ರಾ 5G, ಶಿಯೋಮಿ 12 ಪ್ರೊ 5G, ಶಿಯೋಮಿ 11T ಪ್ರೋ 5G, ರೆಡ್​​ಮಿ ನೋಟ್ 11 ಪ್ರೋ+ 5G, ಶಿಯೋಮಿ 11 ಲೈಟ್ NE 5G, ರೆಡ್ಮಿ ನೋಟ್ 11T 5G, ರೆಡ್​​ಮಿ 11 ಪ್ರೈಮ್ 5G, ರೆಡ್ಮಿ ನೋಟ್ 10T5, ರೆಡ್​​ಮಿ 11X 5G, ರೆಡ್​​ಮಿ 11X ಪ್ರೊ 5G, ರೆಡ್ಮಿ K50i 5G, ಶಿಯೋಮಿ 11i 5G ಮತ್ತು ಶಿಯೋಮಿ 11i ಹೈಪರ್‌ಚಾರ್ಜ್ 5G ಒಳಗೊಂಡಿದೆ.

ಇದನ್ನೂ ಓದಿ: ಲ್ಯಾಪ್​ಟಾಪ್​​ ಖರೀದಿಸುವ ಪ್ಲಾನ್​ನಲ್ಲಿದ್ದೀರಾ? ಅಮೆಜಾನ್​​ನಲ್ಲಿದೆ ಬಂಪರ್ ಆಫರ್!

ಎರಡು ಸ್ಮಾರ್ಟ್​ಫೋನ್​ಗಳ ಮೇಲೆ 5ಜಿ ನೆಟ್​ವರ್ಕ್​ ಪರೀಕ್ಷೆ

ಶಿಯೋಮಿಯ ಸ್ಮಾರ್ಟ್‌ಫೋನ್‌ಗಳಾದ ರೆಡ್​ಮಿ ಕೆ50ಐ ಮತ್ತು ರೆಡ್​ಮಿ ನೋಟ್ 11T 5ಜಿ ರಿಲಯನ್ಸ್ ಜಿಯೋದ ಟ್ರೂ 5ಜಿ ನೆಟ್‌ವರ್ಕ್‌ಅನ್ನು ಪರೀಕ್ಷಿಸಲಾಯಿತು. ಈ ಮೂಲಕ  ಬಳಕೆದಾರರ ಅನುಭವವನ್ನು ಹೆಚ್ಚಿಸಲು ಸಹಾಯ ಮಾಡಲು 5ಜಿ ನೆಟ್​ವರ್ಕ್​ನಿಂದ ಯಾವುದೆ ತೊಂದರೆಗಳು ಬರುವುದಿಲ್ಲವೆಂದು ಖಚಿತವಾಯಿತು. ಇಂದು ಶಿಯೋಮಿ ಮತ್ತು ರೆಡ್ಮಿಯಿಂದ ಹೆಚ್ಚಿನ 5ಜಿ ನೆಟ್​ವರ್ಕ್​ ಅನ್ನು ಸಕ್ರಿಯಗೊಳಿಸಲಾದ ಸ್ಮಾರ್ಟ್​​ಫೋನ್​ಗಳು ಜಿಯೋ ಟ್ರೂ 5ಜಿಗೆ ಉತ್ತಮ ಬೆಂಬಲವನ್ನು ನೀಡುತ್ತಿದೆ.

ಈ ಬಗ್ಗೆ ಶಿಯೋಮಿ ಅಧ್ಯಕ್ಷರ ಮಾತು

ಈ ಪಾಲುದಾರಿಕೆ ಕುರಿತು ಪ್ರತಿಕ್ರಿಯಿಸಿದ ಶಿಯೋಮಿ ಇಂಡಿಯಾದ ಅಧ್ಯಕ್ಷ ಬಿ. ಮುರಳಿಕೃಷ್ಣನ್, 'ಕಳೆದ ಎರಡು ವರ್ಷಗಳಲ್ಲಿ ಶಿಯೋಮಿ ಇಂಡಿಯಾ 5ಜಿ ನೆಟ್​ವರ್ಕ್​ ಅನ್ನು ತಮ್ಮ ಸಾಧನಗಳಲ್ಲಿ ತರಲು ಪ್ರಯತ್ನಿಸುತ್ತಿತ್ತು. ಪ್ರಾಮಾಣಿಕ ಬೆಲೆಯಲ್ಲಿ ಟಾಪ್-ಆಫ್-ಲೈನ್ ವೈಶಿಷ್ಟ್ಯಗಳೊಂದಿಗೆ ಬಲವಾದ 5ಜಿ ಅನುಭವವನ್ನು ಒದಗಿಸುವ ಸ್ಮಾರ್ಟ್‌ಫೋನ್‌ಗಳೊಂದಿಗೆ ನಾವು 5ಜಿ ನೆಟ್​ವರ್ಕ್​ನ ಬೆಳವಣಿಗೆಗೆ ಸಾಕ್ಷಿಯಾಗುತ್ತೇವೆ.

ಗ್ರಾಹಕರ ಅನುಭವ ಮತ್ತು ಸಂಪರ್ಕವನ್ನು ಇನ್ನಷ್ಟು ಹೆಚ್ಚಿಸಲು ರಿಲಯನ್ಸ್ ಜಿಯೋದ ಟ್ರೂ 5ಜಿ ನೆಟ್‌ವರ್ಕ್‌ನೊಂದಿಗೆ ಪಾಲುದಾರರಾಗಲು ನಾವು ಸಂತೋಷಪಡುತ್ತೇವೆ. ಗ್ರಾಹಕರು ತಮ್ಮ ಶಿಯೋಮಿ ಮತ್ತು ರೆಡ್ಮಿ ಹ್ಯಾಂಡ್‌ಸೆಟ್‌ಗಳಲ್ಲಿ ರಿಲಯನ್ಸ್‌ ಜಿಯೋದ ನಿಜವಾದ 5ಜಿ ನೆಟ್​ವರ್ಕ್​ ಅನ್ನು ಪಡೆಯಬಹುದು. ಇದರಿಂದ ಬಳಕೆದಾರರಿಗೆ ಇನ್ನಷ್ಟು ಸಹಕಾರಿಯಾಗಲಿದೆ. ಎಂದು ನಾವು ಭಾವಿಸುತ್ತೇವೆ ಎಂದು ಹೇಳಿದರು.

ಇನ್ನು ಮುಂದಿನ ದಿನಗಳಲ್ಲಿ ಶಿಯೋಮಿ ಕಂಪನಿಯ ಎಲ್ಲಾ ಸ್ಮಾರ್ಟ್​ಫೋನ್​ಗಳಲ್ಲು 5ಜಿ ನೆಟ್​ವರ್ಕ್ ಸಕ್ರಿಯವಾಗಲಿದ್ದು, ಗ್ರಾಹಕರಿಗೆ ಇದರಿಂದ ಇನ್ನಷ್ಟು ಪ್ರಯೋಜನವನ್ನು ಪಡೆದುಕೊಳ್ಳಬಹುದು ಎಂದು ಜಿಯೋ ಮತ್ತು, ಶಿಯೋಮಿ ಕಂಪನಿ ಹೇಳಿದೆ.