• Home
  • »
  • News
  • »
  • tech
  • »
  • Xiaomi 13 Pro Smartphone: ಭಾರತದಲ್ಲಿ ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್ ಬಿಡುಗಡೆ! ಬೆಲೆ ಎಷ್ಟು ಗೊತ್ತಾ?

Xiaomi 13 Pro Smartphone: ಭಾರತದಲ್ಲಿ ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್ ಬಿಡುಗಡೆ! ಬೆಲೆ ಎಷ್ಟು ಗೊತ್ತಾ?

ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು

ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು

ಶಿಯೋಮಿ ಕಂಪೆನಿಯ ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು ಇನ್ನೇನು ಕೆಲವೇ ದಿನಗಳಲ್ಲಿ ಭಾರತದ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಇದು ಈ ಹಿಂದೆ ಬಿಡುಗಡೆಯಾದ ಶಿಯೋಮಿ 12 ಪ್ರೋ ಸ್ಮಾರ್ಟ್​​ಫೋನ್​ನ ಅಪ್ಡೇಟ್​​ ವರ್ಷನ್ ಆಗಿ ಬರಲಿದೆ ಎಂದು ಕಂಪೆನಿ ಹೇಳಿದೆ. ಹಾಗಿದ್ರೆ ಭಾರತದಲ್ಲಿ ಮುಂಬರುವ ಶಿಯೋಮಿ 13 ಸೀರಿಸ್​​ ಸ್ಮಾರ್ಟ್​​ಫೋನ್​ನ ಫೀಚರ್ಸ್​, ಬೆಲೆ ಹೇಗಿದೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.

ಮುಂದೆ ಓದಿ ...
  • Share this:

    ಸ್ಮಾರ್ಟ್​​ಫೋನ್​​ ಕಂಪೆನಿಗಳಲ್ಲಿ ಭಾರೀ ಮುಂಚೂಣಿಯಲ್ಲಿರುವ ಕಂಪೆನಿಯೆಂದರೆ ಅದು ಶಿಯೋಮಿ. ಶೀಯೋಮಿ ಕಂಪನಿ (Xiaomi Company) ಈವರೆಗೆ ಬಹಳಷ್ಟು ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಅದೇ ರೀತಿ ಈ ಕಂಪೆನಿಯ ಸ್ಮಾರ್ಟ್​​ಫೋನ್​ಗಳಿಗೆ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯೂ ಇದೆ. ಶಿಯೋಮಿ ಕೆಲವೇ ದಿನಗಳ ಹಿಂದೆ ತನ್ನ ಬ್ರಾಂಡ್​ನ ಅಡಿಯಲ್ಲಿ ರೆಡ್​ಮಿ ನೋಟ್​​ 12 ಸೀರಿಸ್​​ನ (Redmi Note 12 Series) ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿತ್ತು. ಇದು ಬಹಳಷ್ಟು ನಿರೀಕ್ಷೆಯಲ್ಲಿದ್ದ ಸ್ಮಾರ್ಟ್​​ಫೋನ್​ಗಳಲ್ಲಿ ಒಂದಾಗಿದೆ. ಇದೀಗ ಶಿಯೋಮಿ ಸ್ಮಾರ್ಟ್​​ಫೋನ್ ಪ್ರಿಯರಿಗೆ ಕಂಪನಿ ಗುಡ್​ನ್ಯೂಸ್​ ನೀಡಿದೆ. ಕಂಪೆನಿ ಕಳೆದ ಡಿಸೆಂಬರ್​ 2022ರಲ್ಲಿ ಚೀನಾ ಮಾರುಕಟ್ಟೆಯಲ್ಲಿ ಹೊಸ ಶಿಯೋಮಿ 13 ಸೀರಿಸ್​ನ (Xiaomi 13 Series) ಸ್ಮಾರ್ಟ್​​ಫೋನ್ ಅನ್ನು ಪರಿಚಯಿಸಿತ್ತು. ಇದೀಗ ಈ ಸ್ಮಾರ್ಟ್​​ಫೋನ್​ಗಳು ಇನ್ನೇನು ಕೆಲವೇ ದಿನಗಳಲ್ಲಿ ಭಾರತದ ಮಾರುಕಟ್ಟೆಗೆ ಕಾಲಿಡುತ್ತದೆ ಎಂದು ಸೂಚನೆ ನೀಡಿದೆ.​ ಇನ್ನು ಈ ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು ಮುಂದಿನ ಜೂನ್​ ತಿಂಗಳಲ್ಲಿ ಮಾರಕಟ್ಟೆಯಲ್ಲಿ ಲಾಂಚ್ ಆಗಬಹುದೆಂದು ಕೆಲ ಮಾಧ್ಯಮಗಳು ವರದಿ ಮಾಡಿದೆ. 


    ಶಿಯೋಮಿ ಕಂಪೆನಿಯ ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು ಇನ್ನೇನು ಕೆಲವೇ ದಿನಗಳಲ್ಲಿ ಭಾರತದ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಇದು ಈ ಹಿಂದೆ ಬಿಡುಗಡೆಯಾದ ಶಿಯೋಮಿ 12 ಪ್ರೋ ಸ್ಮಾರ್ಟ್​​ಫೋನ್​ನ ಅಪ್ಡೇಟ್​​ ವರ್ಷನ್ ಆಗಿ ಬರಲಿದೆ ಎಂದು ಕಂಪೆನಿ ಹೇಳಿದೆ. ಹಾಗಿದ್ರೆ ಭಾರತದಲ್ಲಿ ಮುಂಬರುವ ಶಿಯೋಮಿ 13 ಸೀರಿಸ್​​ ಸ್ಮಾರ್ಟ್​​ಫೋನ್​ನ ಫೀಚರ್ಸ್​, ಬೆಲೆ ಹೇಗಿದೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.


    ಯಾವೆಲ್ಲಾ ಸ್ಮಾರ್ಟ್​ಫೋನ್​ಗಳು?


    ಶಿಯೋಮಿ ಕಂಪನಿಯಿಂದ ತನ್ನ 13 ಸೀರಿಸ್​ನಲ್ಲಿ 2022ರಲ್ಲಿ ಎರಡು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿತ್ತು. ಅವುಗಳೆಂದರೆ ಶಿಯೋಮಿ 13 ಮತ್ತು ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್​ಗಳು. ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್​​ಫೋನ್​ಗಳಿಗೆ ಭಾರೀ ಬೇಡಿಕೆಯಿದೆ. ಅಷ್ಟೇ ವಿಶೇಷವಾದ ಫೀಚರ್ಸ್​ಗಳನ್ನೂ ಈ ಸ್ಮಾರ್ಟ್​ಫೋನ್​ಗಳು ಹೊಂದಿದೆ.


    ಇದನ್ನೂ ಓದಿ: ಬಜೆಟ್​ ಬೆಲೆಯ ಅಸುಸ್​ ಕಂಪನಿಯಿಂದ ಹೊಸ ಲ್ಯಾಪ್​ಟಾಪ್ ಬಿಡುಗಡೆ, ಫೀಚರ್ಸ್​ ಹೇಗಿದೆ?


    ಶಿಯೋಮಿ 13 ಸ್ಮಾರ್ಟ್​​ಫೋನ್ ಫೀಚರ್ಸ್​


    ಶಿಯೋಮಿ 13 ಸೀರಿಸ್​ನ ಮೂಲ ಮಾದರಿಯಾಗಿ ಬಿಡುಗಡೆಯಾಗಿರುವ ಶಿಯೋಮಿ 13 ಸ್ಮಾರ್ಟ್‌ಫೋನ್ ಮುಖ್ಯವಾಗಿ 6.36-ಇಂಚಿನ ಓಎಲ್​ಇಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಆದರೆ, ಈ ಡಿಸ್‌ಪ್ಲೇಯು 120Hz ರಿಫ್ರೆಶ್ ರೇಟ್ ಸಾಮರ್ಥ್ಯದ 1900 ನಿಟ್ಸ್​ ಪೀಕ್ ಬ್ರೈಟ್‌ನೆಸ್, HDR10+ ಮತ್ತು ಇನ್ ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್​​ನಂತಹ ಪ್ರೀಮಿಯಂ ಫೀಚರ್ಸ್​​ಗಳನ್ನು ಇದು ಹೊಂದಿದೆ. ಇನ್ನು ಇದರ ಸ್ಟೋರೇಜ್​ ಸಾಮರ್ಥ್ಯದ ಬಗ್ಗೆ ಹೇಳುವುದಾದರೆ, ಇದು 12ಜಿಬಿ ರ್‍ಯಾಮ್ ಮತ್ತು 512ಜಿಬಿ ಇಂಟರ್ನಲ್​ ಸ್ಟೋರೇಜ್​ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಇದು ಇತ್ತೀಚಿನ ಕ್ವಾಲ್ಕಮ್ ಸ್ನ್ಯಾಪ್​ಡ್ರಾಗನ್​ 8 ಜನ್​ 2 ಪ್ರೊಸೆಸರ್ ಹೊಂದಿರುವ ಶಿಯೋಮಿ 13 ಸ್ಮಾರ್ಟ್​​ಫೋನ್ ಆಂಡ್ರಾಯ್ಡ್ 13 ನಲ್ಲಿ ಕಾರ್ಯನಿರ್ವಹಿಸುತ್ತದೆ.


    ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು


    ಕ್ಯಾಮೆರಾ ಫೀಚರ್ಸ್​


    ಶಿಯೋಮಿ 13 ಸ್ಮಾರ್ಟ್​ಫೊನ್​ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಆದರೆ, ಇದು 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಲೆನ್ಸ್, 10 ಮೆಗಾಪಿಕ್ಸೆಲ್ ಟೆಲಿಫೋಟೋ ಲೆನ್ಸ್ ಮತ್ತು 12ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್‌ಗಳನ್ನು ಅಳವಡಿಸಲಾಗಿದೆ. ಇನ್ನು ಮುಂಭಾಗದಲ್ಲಿ ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 32 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಅಳವಡಿಸಿದ್ದಾರೆ.


    ಬ್ಯಾಟರಿ ಫೀಚರ್ಸ್


    ಈ ಸ್ಮಾರ್ಟ್​ಫೋನ್​ನ ಬ್ಯಾಟರಿ ಸಾಮರ್ಥ್ಯದ ಬಗ್ಗೆ ಹೇಳುವುದಾದರೆ ಇದು 67W ವೇಗದ ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಬೆಂಬದ 4500mAh ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದೆ. ಇದು 5ಜಿ ನೆಟ್​ವರ್ಕ್ ಅನ್ನು ಬೆಂಬಲಿಸುತ್ತದೆ.


    ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್ ಫೀಚರ್ಸ್​


    ಶಿಯೋಮಿ 13 ಸೀರಿಸ್​ನಲ್ಲಿ ಬಿಡುಗಡೆಯಾಗಿರುವ ಹೊಸ ಸ್ಮಾರ್ಟ್​​ಫೋನ್ ಎಂದರೆ ಅದು ಶಿಯೋಮಿ 13 Pro ಸ್ಮಾರ್ಟ್‌ಫೋನ್. ಇದು ವಿಶೇಷವಾಗಿ 6.73 ಇಂಚಿನ 2ಕೆ ಓಎಲ್​​ಇಡಿ  ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇಯು 120Hz ರಿಫ್ರೆಶ್ ರೇಟ್ ಸಾಮರ್ಥ್ಯದ ಜೊತೆಗೆ 1900 ನಿಟ್ಸ್​ ಪೀಕ್ ಬ್ರೈಟ್‌ನೆಸ್, HDR10+ ಮತ್ತು ಇನ್ ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್​​​ನಂತಹ ಫೀಚರ್ಸ್​ಗಳನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್​ಫೋನ್​12ಜಿಬಿ ರ್‍ಯಾಮ್ ಮತ್ತು 512ಜಿಬಿ ಇಂಟರ್ನಲ್ ಸ್ಟೋರೇಜ್ ಸಾಮರ್ಥ್ಯವನ್ನು ಹೊಂದಿದೆ. ಈ ಸ್ಮಾರ್ಟ್​ಫೋನ್ ಕ್ವಾಲ್ಕಮ್ ಸ್ನ್ಯಾಪ್​ಡ್ರಾಗನ್ 8 ಜೆನ್​ 2 ಪ್ರೊಸೆಸರ್ ಹೊಂದಿದ್ದು, ಈ ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್ ಆಂಡ್ರಾಯ್ಡ್​ 13 ನಲ್ಲಿ ಕಾರ್ಯನಿರ್ವಹಿಸುತ್ತದೆ.


    ಶಿಯೋಮಿ 13 ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳು


    ಬೆಲೆ ಮತ್ತು ಲಭ್ಯತೆ


    ಶಿಯೋಮಿ 13 ಸ್ಮಾರ್ಟ್​ಫೋನ್​ 4 ವೇರಿಯಂಟ್​ಗಳ:ಲ್ಲಿ ಲಭ್ಯವಿರುತ್ತದೆ. ಅದರಲ್ಲಿ 8GB+128GB ರೂಪಾಂತರಕ್ಕೆ ಸಿಎನ್​ವೈ 3999 ಅಂದರೆ ಭಾರತದಲ್ಲಿ 47,300 ಎಂದು ಅಂದಾಜಿಸಲಾಗಿದೆ. 8GB+256GB ರೂಪಾಂತರಕ್ಕೆ CNY 4299 ಅಂದರೆ ಭಾರತದಲ್ಲಿ ಅಂದಾಜು ರೂ. 51,000 ಆಗಿರುತ್ತದೆ. 12GB+256GB ಸ್ಟೋರೇಜ್ ಸಾಮರ್ಥ್ಯದ ಸ್ಮಾರ್ಟ್​​ಫೋನ್ CNY 4599 ಅಂದರೆ ಭಾರತದಲ್ಲಿ ಅಂದಾಜು ರೂ. 55,000 ಗೆ ಖರೀದಿಸಬಹುದು. ಇನ್ನು 12GB+512GB  ಸ್ಟೋರೇಜ್ ಸಾಮರ್ಥ್ಯ ಹೊಂದಿದ ಸ್ಮಾರ್ಟ್​ಫೋನ್ CNY 4999 ಅಂದರೆ ಭಾರತದಲ್ಲಿ ಅಂದಾಜು ರೂ. 59,200 ಎಂದು ನಿರೀಕ್ಷಿಸಲಾಗಿದೆ.


    ಅದೇ ರೀತಿ ಶಿಯೋಮಿ 13 ಪ್ರೋ ಸ್ಮಾರ್ಟ್​ಫೋನ್​ ಕೂಡ ಇದೇ ರೀತಿ ವೇರಿಯಂಟ್​ಗಳನ್ನು ಹೊಂದಿದ್ದು. ಈ ಸ್ಮಾರ್ಟ್​ಫೋನ್​ನ ಆರಂಭಿಕ ಬೆಲೆಯೇ 59, 200 ರೂಪಾಯಿಯಿಂದ ಪ್ರಾರಂಭವಾಗುತ್ತದೆ.

    Published by:Prajwal B
    First published: