20Ah​​ ಬ್ಯಾಟರಿ, 60 ಕಿ.ಮೀ ಮೈಲೇಜ್​: ಡೆಟೆಲ್​ ಈಸಿ ಪ್ಲಸ್​ ಎಲೆಕ್ಟ್ರಿಕ್​ ಸ್ಕೂಟರ್ ಏಪ್ರಿಲ್​ನಲ್ಲಿ ಮಾರುಕಟ್ಟೆಗೆ

ಹೊಸ ಕಂಪೆನಿಗಳು ಎಲೆಕ್ಟ್ರಿಕ್​ ವಾಹನಗಳನ್ನು ಉತ್ಪಾದಿಸಿ ಮಾರುಕಟ್ಟೆಗೆ ಪರಿಚಯಿಸುತ್ತಿವೆ. ಅದರಂತೆ ಡೆಟೆಲ್​ ಸಂಸ್ಥೆ ತಯಾರಿಸಿದ ಈಸಿ ಪ್ಲಸ್​ ಎಲೆಕ್ಟ್ರಿಕ್​ ಸ್ಕೂಟರ್​ ಅನ್ನು ಅನಾವರಣಗೊಳಿಸಿದೆ. ಇಂಡಿಯಾ ಅಟೋ ಶೋ 2021 ಕಾರ್ಯಕ್ರಮದಲ್ಲಿ ಡೆಟೆಲ್​ ಈಸಿ ಪ್ಲಸ್​ ಸ್ಕೂಟರ್​ ಅನ್ನು ಅನಾವರಣಗೊಳಿಸಿದೆ. ಮುಂಬೈನಲ್ಲಿ ಈ ಕಾರ್ಯಕ್ರಮ ನಡೆದಿದ್ದು, ಈ ನೂತನ ಸ್ಕೂಟರ್​ ಅನ್ನು ಏಪ್ರಿಲ್​ ತಿಂಗಳಿನಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಕಂಪೆನಿ ಸಜ್ಜಾಗಿದೆ.

ಡೆಟೆಲ್​ ಈಸಿ ಪ್ಲಸ್​​​ ಎಲೆಕ್ಟ್ರಿಕ್​ ಸ್ಕೂಟರ್​ ಒಂದು ಬಾರಿ ಚಾರ್ಜ್​ಗೆ  60 ಕಿ.ಮೀ ಕ್ರಮಿಸುವ ಸಾಮರ್ಥ್ಯವನ್ನು ಹೊಂದಿದ್ದು, 20ಎಹೆಚ್​​ ಬ್ಯಾಟರಿಯನ್ನು ಇದರಲ್ಲಿ ಅಳವಡಿಸಾಗಿದೆ. ಡೆಟೆಲ್​​ ಕಂಪೆನಿ ಏಪ್ರಿಲ್​ನಲ್ಲಿ ಈ ಸ್ಕೂಟರ್​​ ಅನ್ನು ಮಾರುಕಟ್ಟೆಗೆ ಪರಿಚಯಿಸುವದರ ಜೊತೆಗೆ ಗ್ರಾಹಕ ಸ್ನೇಹಿಯಾಗಲು ಮುಂದಾಗಿದೆ.

ಅಂದಹಾಗೆಯೇ ಕಂಪೆನಿ ನಾಲ್ಕು ಬಣ್ಣಗಳಲ್ಲಿ ಈಸಿ ಪ್ಲಸ್​ ಸ್ಕೂಟತರ್​​ ಅನ್ನು ಸಿದ್ಧಪಡಿಸಿದೆ. ಹಳದಿ, ಕೆಂಪು, ನೀಲಿ ಮತ್ತು ರಾಯಲ್​ ಬ್ಲೂ ಬಣ್ಣದಲ್ಲಿ ಸಿಗಲಿದೆ.

ನಾವು ಭಾರತದಲ್ಲಿ ಎಲೆಕ್ಟ್ರಿಕ್​ ವಾಹನವನ್ನು ಜಾರಿಗೆ ತರಲು ಎಲ್ಲಾ ಪ್ರಯತ್ನ ಮಾಡುತ್ತಿದ್ದೇವೆ. ಅಟೋ ಶೋ ಕಾರ್ಯಕ್ರಮದ ಮೂಲಕ ಡೆಟೆಲ್​ ಕಂಪೆನಿ ಉತ್ಪಾದಿಸಿದ ವಾಹನವನ್ನು ಪ್ರದರ್ಶಿಸಲು ನಮಗೆ ಸಹಾಯಕವಾಗಿದೆ. ಎಂದು ಡೆಟೆಲ್​​ ಸಂಸ್ಥಾಪಕ ಡಾ.ಯೊಗೇಶ್​​ ಭಾಟಿಯಾ ಹೇಳಿದರು.

2021ರ ಅಂತ್ಯದ ವೇಳೆಗೆ ಇ-ವಾಹನ ಡೆಟೆಲ್​​​ ಈಸ್ಟ್​​ ಲೋಡರ್​ ಅನ್ನು ತರುವ ಯೋಜನೆ ಹೊಂದಿದ್ದೇವೆ. ಈ ಬ್ರಾಂಡ್​​ ಭಾರತದಲ್ಲಿ ಶ್ರೇಣಿ2 ಮತ್ತು ಶ್ರೇಣಿ 3 ಮಾರುಕಟ್ಟೆಯನ್ನು ಗುರಿಯಾಗಿಸಲಿದೆ.