Computer Mouseನ್ನು ಮೌಸ್​ ಅನ್ನೋದೇಕೆ? ಇಲ್ಲಿದೆ ಇಂಟ್ರೆಸ್ಟಿಂಗ್ ಮಾಹಿತಿ

ಕಂಪ್ಯೂಟರ್ (Computer)​ ಎಂಬುದು ಇತ್ತೀಚೆಗೆ ಬಹುಮುಖ್ಯ ಸಾಧನವಾಗಿಬಿಟ್ಟಿದೆ. ಯಾವುದೇ ಕೆಲಸಗಳನ್ನು ಮಾಡಬೇಕೆಂದರೂ ಈ ಸಾಧನ ಸಹಕಾರಿಯಾಗುತ್ತದೆ. ಯಾವುದೇ ಕಚೇರಿಗಳಿಗೆ ಹೋಗಲಿ, ಯಾವುದೇ ಅಂಗಡಿಗಳಿಗೆ ಹೋದರೂ ಈ ಕಂಪ್ಯೂಟರ್ ಇದ್ದೇ ಇರುತ್ತದೆ. ಆದರೆ ಈ ಕಂಪ್ಯೂಟರ್ ಬಳಕೆ ಮಾಡುವಾಗ ಇದರಲ್ಲಿ ಮೌಸ್​ ಎಂಬುದು ಬಹಳ ಮುಖ್ಯ ಪಾತ್ರವಹಿಸುತ್ತದೆ. ಏಕೆಂದರೆ ಸ್ಕ್ರೀನ್​ನ ಮೇಲೆ ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ನ್ಯಾವಿಗೇಟ್ (Navigate)​ ಮಾಡಲು ಅಥವಾ ಯಾವುದೇ ಫೈಲ್ ಅನ್ನು ಓಪನ್ ಮಾಡಲು ಇದರಿಂದ ತುಂಬಾನೇ ಸುಲಭವಾಗುತ್ತದೆ. ಈ ಮೌಸ್​ ಎಂಬುದು ನೋಡಲು ಸಣ್ಣ ಗಾತ್ರದಲ್ಲಿದ್ದರೂ ಇದರ ಕೆಲಸ ಮಾತ್ರ ಅಪಾರ. ಈ ಮೌಸ್ (Mouse)​ ಇಲ್ಲದಿದ್ದರೆ ಕಂಪ್ಯೂಟರ್​ನಲ್ಲೇ ಬರುವಂತಹ ಕೀಬೋರ್ಡ್​​ನಲ್ಲಿ ನಾವೆಲ್ಲರೂ ಕಾರ್ಯನಿರ್ವಹಿಸಬೇಕಿತ್ತು.

ಇಷ್ಟೊಂದು ಸಣ್ಣ ಸಾಧನಕ್ಕೆ ಮೌಸ್​ ಎಂಬ ಒಂದು ಪ್ರಾಣಿಯ ಹೆಸರು ಯಾಕೆ ಇಟ್ಟಿದ್ದಾರೆ ಎಂಬ ಪ್ರಶ್ನೆ ಎಲ್ಲರಲ್ಲೂ ಮೂಡಿರಬಹುದು. ವಿಶ್ವಾದ್ಯಂತ ಅನೇಕ ರೀತಿಯ ಪ್ರಾಣಿಗಳು ಮತ್ತು ವಸ್ತುಗಳು ಇದ್ದರೂ ಕೂಡ ಇದನ್ನು ಮೌಸ್  ಎಂದು ಏಕೆ ಹೆಸರಿಸಲಾಯಿತು? ಇದರ ಹಿಂದಿನ ಕಾರಣ ಏನು ಎಂಬುದನ್ನು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಮೌಸ್ ಇಲಿಯಂತೆ ಕಾಣುತ್ತದೆ

ಕಂಪ್ಯೂಟರ್​ನಲ್ಲಿ ಬಳಸಲಾಗುವ ಮೌಸ್​ಗೆ ಈ ಹೆಸರು ಬರಲು ಕಾರಣ ವೇನು ಎಂಬುದನ್ನು ಹೇಳುವುದಾದರೆ, ಮೌಸ್​ ಅನ್ನು ಮೊದಲ ಬಾರಿಗೆ ಆವಿಷ್ಕಾರ ಮಾಡಿದಾಗ ಈ ಸಾಧನಕ್ಕೆ ಏನು ಹೆಸರನ್ನಿಡುವುದು ಎಂಬ ಎಲ್ಲಾ ತಂತ್ರಜ್ಞರಲ್ಲಿ ಮೂಡಿತು. ಆಗ ಮೌಸ್​ ಒಂದು ಸಣ್ಣದಾಗಿರುವಂತಹ ಸಾಧನವಾಗಿದೆ. ಈ ಸಾಧನವನ್ನು ಆಚೆ ಈಚೆ ಸ್ಥಾನ ಬದಲಾಯಿಸಿದಾಗ ಇಲಿ ಓಡಾಡುತ್ತಿರುವಂತೆ ಕಾಣುತ್ತದೆ.

ಇನ್ನು ಈ ಸಾಧನದಲ್ಲಿ ಬಂದಂತಹ ವೈರ್ ಅನ್ನು ನೋಡುವಾಗ ಇಲಿಯ ಬಾಲವನ್ನು ನೋಡಿದಂತೆ ಅನಿಸುತ್ತದೆ. ಇಷ್ಟೇ ಅಲ್ಲದೇ ಇಲಿ ಎಲ್ಲಾ ಕೆಲಸಗಳನ್ನು ಬಹಳ ವೇಗವಾಗಿ ಮಾಡುತ್ತದೆ. ಅದೆ ರೀತಿ ಈ ಮೌಸ್​ ಕೂಡ ವೇಗವಾಗಿ ಕಾರ್ಯನಿರ್ವಹಿಸುತದೆ. ಇಷ್ಟೆಲ್ಲಾ ಹೊಂದಾಣಿಕೆ ಮಾಡಿದ ನಂತರ ಈ ಸಾಧನಕ್ಕೆ ಮೌಸ್ ಎಂದು ಹೆಸರನ್ನಿಟ್ಟರು.

ವಿಶ್ವದ ಮೊದಲ ಮೌಸ್​

ಇನ್ನು ವಿಶ್ವದಲ್ಲೇ ಮೊದಲ ಬಾರಿಗೆ 1960ರ ದಶಕದಲ್ಲಿ ಡೌಗ್ಲಾಸ್​ ಕಾರ್ಲ್​ ಎಂಗೆಲ್ಬಾರ್ಟ್​​ ಮೌಸ್​ ಅನ್ನು ಕಂಡುಹಿಡಿದಿದ್ದಾರೆ. ಇವರು ಎರಡು ಲೋಹದ ಚಕ್ರಗಳನ್ನು ಹೊಂದಿರುವ ವಿಶ್ವದ ಮೊದಲ ಮರದ ಇಲಿಯನ್ನು ತಯಾರಿಸುವ ಮೂಲಕ ಕಂಪ್ಯೂಟರ್​ಗೆ ಮೌಸ್​ ಅನ್ನು ಅನ್ನೂ ಬಳಸಬಹುದು ಎಂದು ಹೇಳಿದ್ದಾರೆ. ಈ ಡಿವೈಸ್​ ಅನ್ನು ಮೊದಲ ಬಾರಿಗೆ ಆವಿಷ್ಕರಿಸಿದಾಗ ಪಾಯಿಂಟರ್​ ಡಿವೈಸ್​ ಎಂದು ಕರೆಯುತ್ತಿದ್ದರು. ಇನ್ನು ಆ ದಶಕದ ಕಂಪ್ಯೂಟರ್​ಗಳು ಕೂಡ ಅಷ್ಟೇ ದೊಡ್ಡ ಗಾತ್ರವನ್ನು ಹೊಂದಿತ್ತು.

ಇದನ್ನೂ ಓದಿ: 75 ಸಾವಿರದ ಸ್ಮಾರ್ಟ್​ಫೋನ್​ ಅನ್ನು ಕೇವಲ 15 ಸಾವಿರ ರೂಪಾಯಿಗೆ ಪಡೆಯಿರಿ! ಯಾವುದು ಆ ಸ್ಮಾರ್ಟ್​ಫೋನ್?

ಆಮೆ ಎಂಬ ಹೆಸರನ್ನು ಹೊಂದಿದ್ದ ಇಲಿ

ಇಲಿ ಎಂಬ ಹೆಸರಿನ ಹಿಂದೆ ಮತ್ತೊಂದು ಅಚ್ಛರಿಯ ಕಥೆ ಇದೆ. ಈ ಕಥೆಯ ಪ್ರಕಾರ ಇಲಿಯನ್ನು ಮೊದಲು ಆಮೆ ಎಂದು ಕರೆಯಲಾಗುತ್ತಿತ್ತು. ಏಕೆಂದರೆ ಕಂಪ್ಯೂಟರ್​ ಮೌಸ್​ನ ಚಿಪ್ಪನ್ನು ನೋಡಿದರೆ ನಮಗೆ ಆಮೆಯ ನೆನಪಾಗುತ್ತದೆ. ಮೌಸ್​ನ ಚಿಪ್ಪು ಅಷ್ಟು ಗಟ್ಟಿಯದ್ದಾಗಿದೆ. ಹಾಗೆ ಮೌಸ್​ನ ಒಮ್ಮೆ ವಿನ್ಯಾಸವನ್ನು ನೋಡುವಾಗ ಆಮೆಯಂತೆಯೇ ಕಾಣುತ್ತದೆ. ಆದರೆ ಚಿಪ್ಪು ಒಂದು ಬಿಟ್ಟರೆ ಇದರ ಬೇರೆ ಲಕ್ಷಣಗಳೆಲ್ಲಾ ಇಲಿಯನ್ನು ಹೋಲುವುದರಿಂದ ಮೌಸ್​ ಎಂಬ ಹೆಸರೇ ಜನಪ್ರಿಯತೆಯನ್ನು ಪಡೆಯಿತು.