Tech Tips: ನಿಮ್ಮನೆ ಸೀಲಿಂಗ್ ಫ್ಯಾನ್​ ಟಾಪ್​ ಸ್ಪೀಡ್​ ಇಟ್ರೂ ತಿರುಗೋದು ಸ್ಲೋನಾ? ಹೀಗ್​ ಮಾಡಿ ಆಮೇಲೆ ನೋಡಿ!

ದೇಶದಾದ್ಯಂತ ಬೇಸಿಗೆ ಕಾಲ (Summer Season) ಬಂದಿದೆ. ಬಿಸಿಲ ತಾಪದಿಂದ ಹೊರಬರಲು ಮನೆಗಳಲ್ಲಿ ಎಸಿ, ಕೂಲರ್, ಫ್ಯಾನ್ ಗಳನ್ನು ಅಳವಡಿಸುವುದು ಸಾಮಾನ್ಯ. ಸೀಲಿಂಗ್ ಫ್ಯಾನ್​ ಮನೆಯಲ್ಲಿರುವಂತಹ ಬಿಸಿಲಿನ ಶಾಖವನ್ನು ತೊಡೆದುಹಾಕಲು ಬಹಳಷ್ಟು ಸಹಕಾರಿಯಾಗುತ್ತದೆ. ಮನೆಯ ಪ್ರತಿಯೊಂದು ರೂಮ್​​ನಲ್ಲಿ ಎಸಿ ಅಥವಾ ಕೂಲರ್ ಅಳವಡಿಸಿದ್ದರೂ, ಕೋಣೆಯಲ್ಲಿ ಸೀಲಿಂಗ್ ಫ್ಯಾನ್ (Ceiling Fan) ಇರುವುದು ಕಡ್ಡಾಯವಾಗಿದೆ. ಆದರೆ, ಅನೇಕರು ತಮ್ಮ ಮನೆಯಲ್ಲಿ ಅಳವಡಿಸಿರುವ ಫ್ಯಾನ್ ಅಕ್ಕಪಕ್ಕದ ಸ್ಥಳದಲ್ಲಿ, ಮನೆಯಲ್ಲಿ ಅಳವಡಿಸಿರುವ ಫ್ಯಾನ್‌ಗಿಂತ ಕಡಿಮೆ ಗಾಳಿಯನ್ನು ನೀಡುತ್ತದೆ ಎಂದು ದೂರುತ್ತಾರೆ. ಎರಡೂ ಒಂದೇ ಕಂಪೆನಿಯಾಗಿದ್ದರೂ ತಮ್ಮ ಮನೆಯಲ್ಲಿ ಯಾಕೆ ಗಾಳಿ ಕಡಿಮೆ (Air Less Fan) ಬರುತ್ತದೆ ಎಂದು ಆಲೋಚಿಸುತ್ತಾರೆ.

ಹೌದು, ಪ್ರತಿಯೊಬ್ಬರ ಮನೆಯಲ್ಲೂ ಸೀಲಿಂಗ್​ ಫ್ಯಾನ್​ ಇದ್ದೇ ಇರುತ್ತದೆ. ಆದರೆ ದಿನಕಳೆದಂತೆ ಫ್ಯಾನ್​​ನಿಂದ ಬರುವಂತಹ ಗಾಳಿ ಕಡಿಮೆಯಾಗುತ್ತದೆ. ಜೊತೆಗೆ ಬೇರೆ ಮನೆಯ ಫ್ಯಾನ್​​ಗಳಿಗೆ ಹೋಲಿಸಿದ್ರೆ ನಮ್ಮ ಮನೆಯ ಫ್ಯಾನ್​​ನಲ್ಲಿ ಭಾರೀ ಕಡಿಮೆ ಪ್ರಮಾಣದಲ್ಲಿ ಗಾಳಿ ಬರುತ್ತಿದೆ ಎಂದು ಕಮಡುಕೊಳ್ಳುತ್ತಾರೆ. ಆದರೆ ಇದಕ್ಕೂ ಒಂದು ಬಲವಾದ ಕಾರಣವಿದೆ.

ಫ್ಯಾನ್​ ಹೇಗೆ ಅಳವಡಿಸಬೇಕು?

ಫ್ಯಾನ್‌ ಮನೆಯಲ್ಲಿ ಅಳವಡಿಸುವಾಗ ಅದನ್ನು ಇಡುವಂತಹ ಎತ್ತರವು ಸಹ ತುಂಬಾ ಮುಖ್ಯವಾಗಿದೆ. ಉತ್ತಮ ಗಾಳಿ ಮತ್ತು ತಂಪಾಗಿಸಲು ಸರಿಯಾದ ಎತ್ತರದಲ್ಲಿ ಫ್ಯಾನ್ ಅನ್ನು ಫಿಕ್ಸ್​ ಮಾಡುವುದು ಬಹಳ ಮುಖ್ಯ. ಇನ್ನು ಗಾಳಿ ಮಾತ್ರವಲ್ಲ, ಸುರಕ್ಷತೆಯ ದೃಷ್ಟಿಯಿಂದಲೂ ಸೂಕ್ತವಾದ ಎತ್ತರದಲ್ಲಿ ಫ್ಯಾನ್ ಅಳವಡಿಸುವುದು ಮುಖ್ಯವಾಗಿರುತ್ತದೆ. ಆದರೆ, ಆಶ್ಚರ್ಯವೆಂದರೆ ಕೋಣೆಯ ನೆಲದಿಂದ ಫ್ಯಾನ್ ಎಷ್ಟು ಎತ್ತರದಲ್ಲಿ ಅಳವಡಿಸಬೇಕು ಎಂಬುದು ಹೆಚ್ಚಿನವರಿಗೆ ತಿಳಿದಿಲ್ಲ.

ಇದನ್ನೂ ಓದಿ: ಐಪಿಎಲ್ ಪ್ರಿಯರಿಗೆ ವಿಶೇಷ ರೀಚಾರ್ಜ್ ಪ್ಲ್ಯಾನ್​ ಪರಿಚಯಿಸಿದ ಜಿಯೋ! 40 ಜಿಬಿವರೆಗೆ ಡೇಟಾ ಉಚಿತ

ಎಷ್ಟು ಎತ್ತರದಲ್ಲಿ ಅಳವಡಿಸಬೇಕು?

ಒಂದು ಮನೆಯ ರೂಮ್​​ನ ನೆಲದಿಂದ ಫ್ಯಾನ್ ಅನ್ನು ಎಷ್ಟು ಎತ್ತರದಲ್ಲಿ ಅಳವಡಿಸಬೇಕು ಎಂಬುದು ಅದು ಆ ರೂಮ್​ನ ಗಾತ್ರ, ಫ್ಯಾನ್ ಮತ್ತು ಮೋಟರ್​​ನ ಗಾತ್ರವನ್ನು ಅವಲಂಬಿಸಿರುತ್ತದೆ. ಇನ್ನು ಅಮೆರಿಕನ್ ಲೈಟಿಂಗ್ ಸೊಸೈಟಿಯ ಪ್ರಕಾರ, ಉತ್ತಮ ಗಾಳಿಗಾಗಿ ಫ್ಯಾನ್ ಅನ್ನು ನೆಲದಿಂದ 8 ರಿಂದ 9 ಅಡಿ ಎತ್ತರದಲ್ಲಿ ಅಳವಡಿಸಬೇಕು. ಇಷ್ಟು ಎತ್ತರದಲ್ಲಿ ಫ್ಯಾನ್ ಅಳವಡಿಸಿದಾಗ ಇಡೀ ರೂಮ್​ಗೆ ಉತ್ತಮ ಗಾಳಿಯನ್ನು ನೀಡುವುದಲ್ಲದೇ, ಅಷ್ಟು ಎತ್ತರದಲ್ಲಿ ಅಳವಡಿಸಿರುವ ಫ್ಯಾನ್ ಸಂಪೂರ್ಣ ಸುರಕ್ಷಿತವಾಗಿರುತ್ತದೆ ಎನ್ನುತ್ತಾರೆ ತಜ್ಞರು. ಇನ್ನು ಇಷ್ಟು ಎತ್ತರದಲ್ಲಿ ಅಳವಡಿಸಿರುವ ಫ್ಯಾನ್​​ನಿಂದ ಮನೆಯವರಿಗೂ ಯಾವುದೇ ಸಮಸ್ಯೆಗಳಾಗುವುದಿಲ್ಲ.

ಸಾಂಕೇತಿಕ ಚಿತ್ರ

ಫ್ಯಾನ್ ಅನ್ನು ಯಾವಾಗಲೂ ರೂಮ್​ನ ಮಧ್ಯದಲ್ಲಿಯೇ ಅಳವಡಿಸಬೇಕು. ಏಕೆಂದರೆ ಈ ರೀತಿ ಅಳವಡಿಸುವುದರಿಂದ ಒಂದು ಕೋಣೆಯ ಸುತ್ತಲೂ ಗಾಳಿಯನ್ನು ನೀಡುತ್ತದೆ. ಇನ್ನು ಫ್ಯಾನ್ ಅನ್ನು ಎಂದಿಗೂ ಗೋಡೆಗೆ ಜೋಡಿಸಬಾರದು. ಇದರಿಂದ ಗೋಡೆಗೆ ಡಿಕ್ಕಿ ಹೊಡೆಯುವ ಸಾಧ್ಯತೆ ಹೆಚ್ಚಿರುತ್ತದೆ. ಹಾಗೆಯೇ ಫ್ಯಾನ್ ಯಾವಾಗಲೂ ಸೀಲಿಂಗ್‌ನಿಂದ ಕನಿಷ್ಠ 8 ಇಂಚುಗಳಷ್ಟು ದೂರದಲ್ಲಿರಬೇಕು. ಒಂದು ವೇಳೆ ನೀವು ಅಳವಡಿಸಿರುವ ಫ್ಯಾನ್​ಸೀಲಿಂಗ್​​ಗೆ ಹತ್ತಿರವಾಗಿರುವುದರಿಂದ, ಫ್ಯಾನ್ ಕಡಿಮೆ ಗಾಳಿಯನ್ನು ನೀಡಬಹುದು.

ಫ್ಯಾನ್​​ಗೆ ಎಷ್ಟು ರೆಕ್ಕೆ ಇದ್ರೆ ಕರೆಂಟ್​ ಕಡಿಮೆ ಎಳೆಯುತ್ತೆ?