ವಾಟ್ಸಾಪ್​ ಅಪ್ಡೇಟ್​ ಮಾಡಿ ಡಿಲೀಟ್​ ಆದ ಸಂದೇಶವನ್ನು ಮತ್ತೆ ಪಡೆಯಿರಿ

ಬೆಂಗಳೂರು: ಜಗತ್ತಿನ ಜನಪ್ರಿಯ ಚಾಟಿಂಗ್​ ಆ್ಯಪ್‌ ವಾಟ್ಸಾಪ್​ನಲ್ಲಿ ಹೊಸ ವೈಶಿಷ್ಟ್ಯ ಅಳವಡಿಸಲಾಗಿದ್ದು, ಡಿಲೀಟ್​ ಆದ ಸಂದೇಶಗಳನ್ನು ಮತ್ತೆ ಡೌನ್​ಲೋಡ್​ ಮಾಡಲು ಅವಕಾಶ ಮಾಡಿಕೊಡಲಾಗಿದೆ.

ನೀವು ಯಾರಿಗಾದರೂ ಯಾವುದೇ ಮೆಸೇಜ್ ಕಳುಹಿಸಿದಾಗ ಸೆಂಡ್ ಆದರೂ ಡಿಲೀಟ್ ಫ್ರಂ ಆಲ್ ಮೂಲಕ ಡಿಲೀಟ್ ಮಾಡಿ ಅದು ಕಾಣದಂತೆ ಮಾಡಬಹುದಾಗಿತ್ತು. ಈ ಆಫ್ಷನ್​ನಲ್ಲಿ ಬದಲಾವಣೆ ತರಲಾಗಿದ್ದು, ಇನ್ನು ಮುಂದೆ ವಾಟ್ಸಾಪ್​ನಲ್ಲಿ ಡಿಲೀಟ್​ ಆದ ಫೋಟೋ, ವಿಡಿಯೋ, ಫೈಲನ್ನು ವಾಟ್ಸಾಪ್ ಆ್ಯಪ್ ಸರ್ವರ್ ನಿಂದ ಮತ್ತೆ ಡೌನ್ಲೋಡ್ ಮಾಡಿಕೊಳ್ಳಬಹುದು. ಬಳಕೆದಾರರು ಡೌನ್ಲೋಡ್ ಮಾಡಿದ ನಂತ್ರವೂ ಅದು ಸರ್ವರ್ ನಲ್ಲಿ ಸೇವ್ ಆಗಿರುತ್ತದೆ.

ವಾಟ್ಸಾಪ್​ನಲ್ಲಿ 30 ದಿನದ ವರೆಗೆ ಮಾತ್ರಾ ಡಾಟಾಗಳು ಸ್ಟೋರ್​ ಮಾಡಲಾಗುತ್ತದೆ, ಹೀಗಾಗಿ ಈ ಅವಧಿಯೊಳಗೆ ಡಿಲೀಟ್​ ಆದ ದಾಖಲೆಗಳನ್ನು ಮತ್ತೆ ಪಡೆದುಕೊಳ್ಳಬಹುದು ಎಂದು ಹೇಳಲಾಗುತ್ತಿದೆ. ಈವರೆಗೆ ಬಳಕೆದಾರರು ಡೌನ್ಲೋಡ್ ಮಾಡದ ಫೋಟೋ, ವಿಡಿಯೋ ಮಾತ್ರ ವಾಟ್ಸಾಪ್ ಸರ್ವರ್ ನಲ್ಲಿ 30 ದಿನ ಇರುತ್ತಿತ್ತು.

ವಾಟ್ಸಾಪ್​ನ ಈ ಸೇವೆ ಹೆಚ್ಚಿನ ಸಂಖ್ಯೆಯಲ್ಲಿ ಮೊಬೈಲ್​ ಫೋನ್​ ಬದಲಾಯಿಸುವವರಿಗೆ ಉಪಯೋಗವಾಗಲಿದ್ದು, ಇದರ ಜತೆಯಲ್ಲೇ ಈ ಹಿಂದೆ ಕಾಣಿಸಿಕೊಳ್ಳುತ್ತಿದ್ದ ಟೈಮ್​ಸ್ಟ್ಯಾಂಪ್​ ತೊಂದರೆಗು ಮುಕ್ತಿ ಕಾಣಿಸಲಾಗಿದೆ.