HOME » NEWS » Tech » WHATSAPP SAYS YOUR PRIVACY WONT BE AFFECTED IF YOU DONT USE THESE TWO OPTIONAL FEATURES HG

WhatsApp: ಇವೆರಡು ಆಯ್ಕೆಯ ಫೀಚರ್ಸ್​ ಬಳಸದೆ ಇದ್ದರೆ ಬಳಕೆದಾರರ ಗೌಪ್ಯತೆಗೆ ಧಕ್ಕೆಯಾಗುವುದಿಲ್ಲ; ವಾಟ್ಸ್​ಆ್ಯಪ್​ ಸ್ಪಷ್ಟಣೆ

WhatApp: ಈ ವಿಚಾರವಾಗಿ ವಾಟ್ಸ್​ಆ್ಯಪ್ ಸ್ಪಷ್ಟತೆ ನೀಡಿದ್ದು,​​ ಜಾಹೀರಾತು ಉದ್ದೇಶಗಳಿಗಾಗಿ ಬಳಕೆದಾರರ ಸಂಪರ್ಕ ಸಂಖ್ಯೆಗಳನ್ನು ಫೇಸ್​ಬುಕ್​ ನೊಂದಿಗೆ ಹಂಚಿಕೊಳ್ಳುವುದಿಲ್ಲ ಎಂದಿದೆ. ವಾಟ್ಸ್​ಆ್ಯಪ್​ ಬಳಕೆದಾರರ ಸಂದೇಶಗಳನ್ನು ಓದಲು ಅಥವಾ ಬಳಕೆದಾರರ ನಡುವಿನ ಕರೆಗಳನ್ನು ಆಲಿಸುವುದಿಲ್ಲ ಎಂದು ವಾಟ್ಸ್​ಆ್ಯಪ್​ ಹೇಳಿದೆ.

news18-kannada
Updated:January 13, 2021, 5:14 PM IST
WhatsApp: ಇವೆರಡು ಆಯ್ಕೆಯ ಫೀಚರ್ಸ್​ ಬಳಸದೆ ಇದ್ದರೆ ಬಳಕೆದಾರರ ಗೌಪ್ಯತೆಗೆ ಧಕ್ಕೆಯಾಗುವುದಿಲ್ಲ; ವಾಟ್ಸ್​ಆ್ಯಪ್​ ಸ್ಪಷ್ಟಣೆ
whatsApp
  • Share this:
ವಾಟ್ಸ್ಆ್ಯಪ್​ ಪ್ರೈವೆಸಿ ಪಾಲಿಸಿಯನ್ನು ನವೀಕರಿಸಲು ಮುಂದಾಗಿದ್ದು, ಬಳಕೆದಾರರಿಗೆ ನೋಟಿಫಿಕೇಶನ್​ ಕಳುಹಿಸಿದೆ. ಫೆ 8 ರಿಂದ ವಾಟ್ಸ್​ಆ್ಯಪ್​​ ಸೇವಾ ನಿಯಮ ಮತ್ತು ಗೌಪ್ಯತೆ ನೀತಿಯನ್ನು ನವೀಕರಿಸುವುದಾಗಿ ತಿಳಿಸಿದ್ದು, ಇಲ್ಲದಿದ್ದಲ್ಲಿ ಖಾತೆ ಡಿಲೀಟ್​ ಆಗಲಿದೆ ಎಂದು ಹೇಳಿತ್ತು.

ಈ ವಿಚಾರದಿಂದ ಬೇಸತ್ತು ಅನೇಕರು ವಾಟ್ಸ್​ಆ್ಯಪ್​​ ತೊರೆದು ಬೇರೆ ಆ್ಯಪ್​ಗಳ ಮೊರೆಹೋಗಿದ್ದಾರೆ. ಟೆಲಿಗ್ರಾಂ, ಸಿಗ್ನಲ್​, ಸ್ನಾಪ್​ಚಾಟ್​​ ಮುಂತಾದ ಆ್ಯಪ್​ಗಳತ್ತ ವಲಸೆ ಹೋಗುತ್ತಿದ್ದಾರೆ. ಹೀಗಾಗಿ ವಾಟ್ಸ್​​ಆ್ಯಪ್​ ತನ್ನ ಬಳಕೆದಾರರನ್ನು ಕಳೆದುಕೊಂಡು ಬಂದಿದೆ.

ಈ ವಿಚಾರವಾಗಿ ವಾಟ್ಸ್​ಆ್ಯಪ್ ಸ್ಪಷ್ಟತೆ ನೀಡಿದ್ದು,​​ ಜಾಹೀರಾತು ಉದ್ದೇಶಗಳಿಗಾಗಿ ಬಳಕೆದಾರರ ಸಂಪರ್ಕ ಸಂಖ್ಯೆಗಳನ್ನು ಫೇಸ್​ಬುಕ್​ ನೊಂದಿಗೆ ಹಂಚಿಕೊಳ್ಳುವುದಿಲ್ಲ ಎಂದಿದೆ. ವಾಟ್ಸ್​ಆ್ಯಪ್​ ಬಳಕೆದಾರರ ಸಂದೇಶಗಳನ್ನು ಓದಲು ಅಥವಾ ಬಳಕೆದಾರರ ನಡುವಿನ ಕರೆಗಳನ್ನು ಆಲಿಸುವುದಿಲ್ಲ ಎಂದು ವಾಟ್ಸ್​ಆ್ಯಪ್​ ಹೇಳಿದೆ. ಆದರೆ ವ್ಯವಹಾರ ಖಾತೆಗಳಿಗೆ ಕಳುಹಿಸಿದ ಸಂದೇಶಗಳಿಗೆ ಮಾತ್ರ ಪರಿಣಾಮ ಬೀರಳಿದೆ ಎಂದು ವಾಟ್ಸ್​ಆ್ಯಪ್​ ತಿಳಿಸಿದೆ!.

ವಾಟ್ಸ್​ಆ್ಯಪ್​ - ಫೇಸ್​ಬುಕ್​  ಬಳಕೆದಾರರ ಖಾಸಗಿ ಮಾಹಿತಿಯನ್ನು ಆಲಿಸಲು ಸಾಧ್ಯವಿಲ್ಲ

ವಾಟ್ಸ್​ಆ್ಯಪ್ ಬಳಕೆದಾರರಿಗೆ ವೈಯ್ಯಕ್ತಿಕ ಸಂದೇಶಗಳಿಗಾಗಿ​ ಎಂಡ್​-ಟು-ಎಂಡ್​​ ಎನ್​ಕ್ರಿಪ್ಷನ್​ ನೀಡುತ್ತದೆ ಎಂದು ತಿಳಿಸಿದೆ. ಆದರೆ ಫೇಸ್​ಬುಕ್​ ನಿಮ್ಮ ಸಂದೇಶಗಳನ್ನು ಓದಲು ಅಥವಾ ನಿಮ್ಮ ಸ್ನೇಹಿತರ ಮತ್ತು ಕುಟುಂಬದವ ಜೊತೆಗಿನ ಕರೆಗಳನ್ನು ಆಲಿಸಲು ಸಾಧ್ಯವಿಲ್ಲ ಎಂದಿದೆ.

ವಾಟ್ಸ್​ಆ್ಯಪ್​ ಬಳಕೆದಾರ ಸಂಪರ್ಕ(Contact) ಮಾಹಿತಿಯನ್ನು ಹಂಚಿಕೊಳ್ಳುವುದಿಲ್ಲ.

ಬಳಕೆದಾರರ ಸಂಪರ್ಕಗಳನ್ನು ಮತ್ತು ಅದನ್ನು ಒಳಗೊಂಡ ಮಾಹಿತಿಯನ್ನು ಫೇಸ್​ಬುಕ್​ ಮತ್ತು ಇತರ ಅಪ್ಲಿಕೇಶನ್​ ಜೊತೆಗೆ ಹಂಚಿಕೊಳ್ಳುವುದಿಲ್ಲ ಎಂದು ವಾಟ್ಸ್​ಆ್ಯಪ್​ ಸ್ಪಷ್ಟತೆ ನೀಡಿದೆ.ವಾಟ್ಸ್​ಆ್ಯಪ್​ ಫೇಸ್​ಬುಕ್​ನೊಂದಿಗೆ ಏನನ್ನು ಹಂಚಿಕೊಳ್ಳುತ್ತದೆ?

ವಾಟ್ಸ್​ಆ್ಯಪ್​ ತಿಳಿಸಿರುವ ಪ್ರಕಾರ, ಅಪ್ಲಿಕೇಶನ್​ನಲ್ಲಿ ವ್ಯವಹಾರಗಳಿಗೆ ಸಂಬಂಧಿಸಿದಂತೆ ಹೇಗೆ ಸಂವಹನ ನಡೆಸುತ್ತೀರಿ ಎಂಬ ಕುರಿತಾಗಿ ಡೇಟಾ ಹಂಚಿಕೊಳ್ಳುತ್ತದೆ. ವ್ಯವಹಾರ ನಡೆಸುವ ಸಲುವಾಗಿ ಫೇಸ್​ಬುಕ್​ ಕೆಲವು ಸೇವೆಗಳನ್ನು ಶೀಘ್ರದಲ್ಲೇ ತರಲಿದೆ. ಇದರಿಂದ ಬಳಕೆದಾರರಿಗೆ ಪ್ರಯೋಜನವಾಗಲಿದೆ ಎಂದಿದೆ.

ವಾಟ್ಸ್​ಆ್ಯಪ್​​ ಬ್ಯುಸಿನೆಸ್​​ ಖಾತೆಗಳು ಫೇಸ್​ಬುಕ್​ ಪ್ಲಾಟ್​ಫಾರ್ಮ್​ನಲ್ಲಿ ಪ್ರದರ್ಶವವಾಗಲಿದೆ. ಅದರ ಮೂಲಕ ಬೇಕಾದ ವಸ್ತುಗಳನ್ನು ಗ್ರಾಹಕರು ಖರೀದಿಸಲು ಅನುವು ಮಾಡಿಕೊಡಲಿದೆ. ಹಾಗಾಗಿ ಶಾಪಿಂಗ್​ ಚಟುವಟಿಕೆಯ ಡೇಟಾವನ್ನು ಫೇಸ್​ಬುಕ್​ ಹಂಚಿಕೊಳ್ಳಲಿದೆ. ಜೊತೆಗೆ ಫೇಸ್​ಬುಕ್​ ಮತ್ತು ಇನ್​ಸ್ಟಾಗ್ರಾಂನಲ್ಲಿ ಜಾಹೀರಾತು ಮೂಡಲು ಅನುವು ಮಾಡಿಕೊಡುತ್ತದೆ.

ಸ್ನೇಹಿತರು, ಕುಟುಂಬವದರೊಂದಿಗಿನ ವೈಯ್ಯಕ್ತಿಕ  ಸಂದೇಶವನ್ನು ಫೇಸ್​ಬುಕ್​ ವೀಕ್ಷಿಸುವುದಿಲ್ಲವಾದರು, ವ್ಯವಹಾರ ಸಂಬಂಧಿಸಿದ ಮಾಹಿತಿಯನ್ನು ಬಳಸಿಕೊಳ್ಳಲಿದೆ. ಫೇಸ್​ಬುಕ್​, ಇನ್​​ಸ್ಟಾಗ್ರಾಂ ಮತ್ತು ಇತರೆ ಪ್ಲಾಟ್​ಫಾರ್ಮ್​ ಮೂಲಕ ಜಾಹೀರಾತು  ಪ್ರದರ್ಶಿಸಲು ಬಳಕೆದಾರರ ಚಾಟ್​ಗಳನ್ನು ಬಳಸಿಕೊಳ್ಳಲಿದೆ. ಆದರೆ ವೈಯ್ಯಕ್ತಿಕ ಡೇಟಾ ಸುರಕ್ಷಿತವಾಗಿರಲಿದೆ. ವ್ಯವಹಾರಕ್ಕಾಗಿ ಚಾಟ್​ಗಳನ್ನು ಫೇಸ್​ಬುಕ್​ನೊಂದಿಗೆ ವಾಟ್ಸ್​ಆ್ಯಪ್​ ಹಂಚಿಕೊಳ್ಳಲಿದೆ.
First published: January 13, 2021, 5:11 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading