WhatsApp Features: ಐಫೋನ್​ ಬಳಕೆದಾರರಿಗೆ ಅಚ್ಚರಿಯ ಫೀಚರ್​ ಬಿಡುಗಡೆ ಮಾಡಿದ ವಾಟ್ಸಾಪ್​! ಹೇಗಿದೆ ಗೊತ್ತಾ?

ಮೆಟಾ ಒಡೆತನದಲ್ಲಿರುವ ಬಹಳಷ್ಟು ಜನಪ್ರಿಯತೆಯಲ್ಲಿರುವ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application) ಎಂದರೆ ಅದು ವಾಟ್ಸಾಪ್​​. ಈ ಆ್ಯಪ್ ತನ್ನ ಬಳಕೆದಾರರಿಗೆ ದಿನಕ್ಕೆ ಒಂದರಂತೆ ಹೊಸ ಹೊಸ ಸುದ್ದಿಗಳನ್ನು ನೀಡುತ್ತಲೇ ಇದೆ. ಅದರಲ್ಲೂ  ಕಳೆದ ವರ್ಷಕ್ಕಿಂತ ಈ ಬಾರಿ ಮೊದಲ ತಿಂಗಳಲ್ಲೇ ಸಾಕಷ್ಟು ಫೀಚರ್ಸ್​ಗಳನ್ನು ಬಿಡುಗಡೆ ಮಾಡಿದೆ. ಇದರ ಜೊತೆಗೆ ಇನ್ನೂ ಹಲವಾರು ಅಪ್ಡೇಟ್​ಗಳು ಬರಲಿದ್ದು, ಅವುಗಳೆಲ್ಲವೂ ಪ್ರಗತಿಯ ಹಂತದಲ್ಲಿದೆ ಎಂದು ಹೇಳಿದೆ. ವಾಟ್ಸಾಪ್ (What​sApp) ಬಳಕೆದಾರರೂ ಭಾರತ ದೇಶದಲ್ಲೇ 550 ಮಿಲಿಯನ್​ಗೂ ಹೆಚ್ಚು ಸಂಖ್ಯೆಯಲ್ಲಿದ್ದಾರೆ. ಇದೀಗ ಜನವರಿ ತಿಂಗಳ ಅಂತ್ಯದಲ್ಲಿ ಐಓಎಸ್ (IOS)​ ವಾಟ್ಸಾಪ್​ ಬಳಕೆದಾರರಿಗೆ ಹೊಸ ಅಪ್ಡೇಟ್​ ಒಂದನ್ನು ಬಿಡುಗಡೆ ಮಾಡಿದೆ.

ಇದೀಗ ಜನಪ್ರಿಯ ಮೆಸೇಜಿಂಗ್ ಅಪ್ಲಿಕೇಶನ್​ ತನ್ನ ಐಓಎಸ್​ ಬಳಕೆದಾರರಿಗೆ ಹೊಸ ಫೀಚರ್​ ಅನ್ನು ಪರಿಚಯಿಸಿದ್ದು, ಇದಕ್ಕೆ ಇನ್​ ಆ್ಯಪ್​ ಬ್ಯಾನರ್ ಎಂದು ಹೆಸರಿಡಲಾಗಿದೆ. ಈ ಮೂಲಕ ಇನ್ಮುಂದೆ ಐಓಎಸ್​ನಲ್ಲಿ ವಾಟ್ಸಾಪ್ ಬಳಕೆದಾರರು ಅನೌನ್ಸ್​​ಮೆಂಟ್​ ಗ್ರೂಪ್​ಗಳಲ್ಲಿ ಎಮೋಜಿ ರಿಯಾಕ್ಷನ್ ಅನ್ನು ಮಾಡಬಹುದಾಗಿದೆ.

ಇನ್​ ಆ್ಯಪ್ ಬ್ಯಾನರ್​ ಫೀಚರ್​ ಹೇಗಿದೆ?

ವಾಟ್ಸಾಪ್​ ಸದ್ಯ ಪರಿಚಯಿಸಿರುವ ಫೀಚರ್​ ಇನ್​ ಆ್ಯಪ್ ಬ್ಯಾನರ್ ಎಂಬುದಾಗಿದೆ. ಇದು ಈಗಾಗಲೇ ಐಓಎಸ್​ ಬಳಕೆದಾರರಿಗೆ ಮಾತ್ರ ಲಭ್ಯವಾಗುತ್ತದೆ. ಆದರೆ ಮುಂದಿನ ದಿನಗಳಲ್ಲಿ ಆಂಡ್ರಾಯ್ಡ್​ ಬಳಕೆದಾರರಿಗೆ ಈ ಫೀಚರ್ ಬರಲಿದೆ ಎಂದು ಕಂಪೆನಿ ಹೇಳಿದೆ. ಇನ್ನು ಈ ಇನ್​ ಆ್ಯಪ್​ ಬ್ಯಾನರ್​ ಮೂಲಕ ಐಓಎಸ್​ ಬಳಕೆದಾರರು ಅನೌನ್ಸ್​ಮೆಂಟ್​​ ವಾಟ್ಸಾಪ್ ಗ್ರೂಪ್​ನಲ್ಲಿ ಬಂದ ಮೆಸೇಜ್​ಗಳಿಗೆ ಎಮೋಜಿ ರಿಯಾಕ್ಷನ್ ಅನ್ನು ಮಾಡಬಹುದಾಗಿದೆ.

ಹೇಗೆ ಲಭ್ಯವಾಗುತ್ತದೆ?

ಇನ್​ ಆ್ಯಪ್​ ಬ್ಯಾನರ್ ಫೀಚರ್​ ಸದ್ಯ ಐಓಎಸ್​ ಬಳಕೆದಾರರಿಗೆ ಮಾತ್ರ ಲಭ್ಯವಿದೆ. ಈ ಹೊಸ ಫೀಚರ್ ಅನ್ನು ಪಡೆಯಬೇಕಾದರೆ ಐಓಎಸ್​ ಬಳಕೆದಾರರು ಆ್ಯಪ್​ ಸ್ಟೋರ್​​ಗೆ ಭೇಟಿ ನೀಡುವ ಮೂಲಕ ವಾಟ್ಸಾಪ್ ಅನ್ನು ಅಪ್ಡೇಟ್​ ಮಾಡಿಕೊಳ್ಳಬೇಕು. ತದನಂತರದಲ್ಲಿ ಇನ್ ಆ್ಯಪ್ ಬ್ಯಾನರ್ ಫೀಚರ್​ ಐಓಎಸ್​ ಬಳಕೆದಾರರಿಗೆ ಲಭ್ಯವಾಗುತ್ತದೆ.

ಸರ್ಚ್​​ ಬೈ ಡೇಟ್​ ಫೀಚರ್​

ವಾಟ್ಸಾಪ್​ ಇತ್ತೀಚೆಗೆ ಆಂಡ್ರಾಯ್ಡ್​ ಮತ್ತು ಐಓಎಸ್​ ಬಳಕೆದಾರರಿಗೆ ಸರ್ಚ್​ ಬೈ ಡೇಟ್​ ಫೀಚರ್ ಅನ್ನು ಪರಿಚಯಿಸಿತ್ತು. ಈ ಮೂಲಕ ಯಾವುದೇ ಹಳೆಯ ಚಾಟ್​ ಅನ್ನು ನೋಡಬೇಕಾದರೆ ದಿನಾಂಕವನ್ನು ನಮೂದಿಸುವ ಮೂಲಕ ನೋಡಬಹುದಾಗಿದೆ. ಇನ್ನು ಈ ಹಿಂದೆ ಯಾವುದೇ ಹಳೆಯ ಮೆಸೇಜ್ ಅನ್ನು ನೋಡಬೇಕಾದರೆ ಯಾವ ಚಾಟ್ ಅನ್ನು ನೋಡಬೇಕೋ ಅದರ ವಿಂಡೋ ಅನ್ನು ಓಪನ್ ಮಾಡಬೇಕೋ ಅದನ್ನು ಸ್ಕ್ರಾಲ್ ಮಾಡಿ ನೋಡಬೇಕು.

ಸಾಂಕೇತಿಕ ಚಿತ್ರ

ಇದರಿಮದ ಸಮಯ ಕೂಡ ವ್ಯರ್ಥ. ಆದರೆ ಇನ್ಮುಂದೆ ಈ ರೀತಿಯ ಯಾವುದೇ ತೊಂದರೆ ಎದುರಾಗುವುದಿಲ್ಲ. ಕಾರಣ ವಾಟ್ಸಾಪ್ ಇದಕ್ಕಾಗಿಯೇ ಸರ್ಚ್ ಬೈ ಡೇಟ್​ ಎಂಬ ಫೀಚರ್ ಅನ್ನು ಪರಿಚಯಿಸಿದೆ.

ಫೋಟೋ ಶೇರಿಂಗ್ ಫೀಚರ್​

ವಾಟ್ಸಾಪ್ ಪರಿಚಯಿಸಿದ ಮತ್ತೊಂದು ಫೀಚರ್ ಎಂದರೆ ಫೋಟೋ ಶೇರಿಂಗ್ ಫೀಚರ್​. ಈ ಫೀಚರ್​ ಮೂಲಕ ವಾಟ್ಸಾಪ್​ ಬಳಕೆದಾರರು ತಾವು ಇನ್ನೊಬ್ಬರಿಗೆ ಫೋಟೋವನ್ನು  ಕಳುಹಿಸುವಾಗ ಅದೇ ಗುಣಮಟ್ಟದಲ್ಲಿ ಕಳುಹಿಸಬಹುದು. ಈ ಹಿಂದೆ ಒಂದು ಫೋಟೋವನ್ನು ತನ್ನಿಂದ ಇನ್ನೊಬ್ಬರಿಗೆ ಕಳುಹಿಸಬೇಕಾದರೆ ಅದರ ಗುಣಮಟ್ಟದಲ್ಲಿ ಸ್ವಲ್ಪ ವ್ಯತ್ಯಾಸ ಬರುತ್ತಿತ್ತು.

ಇದನ್ನೂ ಓದಿ: ಜಿಯೋ ಗ್ರಾಹಕರಿಗೆ ಗುಡ್​​ ನ್ಯೂಸ್​! ಕಡಿಮೆ ಬೆಲೆಯಲ್ಲಿ ಪ್ರತೀದಿನ 2.5 ಜಿಬಿ ಡೇಟಾವನ್ನು ಪಡೆಯಬಹುದು

ಆದರೆ ಇನ್ಮುಂದೆ ಈ ತೊಂದರೆಗಳು ಎದುರಾಗುವುದಿಲ್ಲ. ಇನ್ಮುಂದೆ ಬಳಕೆದಾರರು ಯಾವುದೇ ಫೋಟೋವನ್ನು ಶೇರ್ ಮಾಡುವ ಸಂದರ್ಭದಲ್ಲಿ ಅವರಿಗೆ ಬೇಕಾದ ಗುಣಮಟ್ಟವನ್ನು ಆಯ್ಕೆ ಮಾಡಬಹುದಾಗಿದೆ. ಇದು ಗ್ರಾಹಕರ ಬಹು ಬೇಡಿಕೆಯ ಫೀಚರ್ ಆಗಿದೆ.