WhatsApp Pay: ವಾಟ್ಸಪ್ ಯುಪಿಐ ಸೇವೆ; ಶೀಘ್ರವೇ ಸಿಗಲಿದೆ ಮತ್ತೊಂದು ಪೇಮೆಂಟ್​ ಸೌಲಭ್ಯ

ಫೇಸ್​ಬುಕ್​ ಒಡೆತನದ ವಾಟ್ಸಪ್ ಭಾರತದಲ್ಲಿ ಪೇಮೆಂಟ್​ ಸೇವೆ ನೀಡಲು ಅನುಮತಿ ಪಡೆದುಕೊಂಡಿದೆ. ಹೀಗಾಗಿ ಶೀಘ್ರವೇ ವಾಟ್ಸಪ್​ನಿಂದ ಯುಪಿಐ ಸೇವೆ ಸಿಗಲಿದೆ. ರಾಷ್ಟ್ರೀಯ ಪಾವತಿ ನಿಗಮ ಬುಧವಾರ ವಾಟ್ಸಪ್​ಗೆ ಯುಪಿಐ ಸೇವೆ ಆರಂಭಿಸಲು ಅನುಮತಿ ನೀಡಿದೆ ಎಂದು ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಭಾರತದಲ್ಲಿ ವಾಟ್ಸಪ್​ ಬರೋಬ್ಬರಿ 40 ಕೋಟಿ ಬಳಕೆದಾರರನ್ನು ಹೊಂದಿದೆ. ಇದರ ಜೊತೆಗೆ ಒಂದೂವರೆ ಕೋಟಿ ಸಣ್ಣ ಉದ್ದಿಮೆದಾರರು ಗ್ರಾಹಕರೊಂದಿಗೆ ಸಂಪರ್ಕದಲ್ಲಿರಲು ವಾಟ್ಸಪ್​ . ಈಗ ವಾಟ್ಸಪ್​ನಿಂದ ಯುಪಿಐ ಪೇಮೆಂಟ್​ ಬಂದರೆ ಗ್ರಾಹಕರಿಗೆ ಭಾರೀ ಲಾಭದಾಯಕವಾಗಲಿದೆ.

Starting today, people across India will be able to send money through WhatsApp 💸 This secure payments experience makes transferring money just as easy as sending a message. pic.twitter.com/bM1hMEB7sb

— WhatsApp Inc. (@WhatsApp) November 6, 2020

ವಾಟ್ಸಪ್​​ ಪೇಮೆಂಟ್​ ಸೇವೆಯನ್ನು ನೀಡಲು 2018ರಲ್ಲೇ ನಿರ್ಧರಿಸಿತ್ತು. ಆದರೆ, ವಾಟ್ಸಪ್​ ಭದ್ರತೆ ಮತ್ತು ಖಾಸಗಿ ಪಾಲಿಸಿ ಬಗ್ಗೆ ದೂರು ದಾಖಲಾದ ಹಿನ್ನೆಲೆಯಲ್ಲಿ ಪೇಮೆಂಟ್​ ಸೇವೆ ಬೇಟಾ ಮೋಡ್​ನಲ್ಲೇ ಉಳಿದುಕೊಂಡಿತ್ತು. ಈಗ ವಾಟ್ಸಪ್​ಗೆ ಯುಪಿಐ ಸೇವೆ ಆರಂಭಿಸಲು ಅವಕಾಶ ಸಿಕ್ಕಿದ್ದು, ಶೀಘ್ರವೇ ಪೇಮೆಂಟ್ ಸೇವೆ ಆರಂಭಗೊಳ್ಳಲಿದೆ. ಇತ್ತೀಚೆಗಷ್ಟೇ ವಾಟ್ಸಪ್​ ಜಿಯೋ ಮಾರ್ಟ್​ ಜೊತೆಗೆ ಒಪ್ಪಂದ ಮಾಡಿಕೊಂಡಿತ್ತು.