WhatsApp Pay: ವಾಟ್ಸ್​ಆ್ಯಪ್​​ ಪೇ ಬಳಸುವುದು ಹೇಗೆ? ಬ್ಯಾಂಕ್ ಖಾತೆ ಲಿಂಕ್ ಮಾಡಬೇಕೆ?; ಇಲ್ಲಿದೆ ಮಾಹಿತಿ

WhatsApp Payment Setup: ಭಾರತದಲ್ಲಿ ಸುಮಾರು 400 ಮಿಲಿಯನ್​ ಜನರು ವಾಟ್ಸ್​ಆ್ಯಪ್​ ಬಳಸುತ್ತಿದ್ದಾರೆ. ಆದರೆ ವ್ಯಾಟ್ಸ್​ಆ್ಯಪ್​ ಪೇ 20 ಮಿಲಿಯನ್​ ಜನರಿಗೆ ಬಳಕೆಗೆ ಸಿಗುತ್ತಿದೆ.

WhatsApp Pay

WhatsApp Pay

  • Share this:
    ಡಿಜಿಟಲ್​ ಪೇಮೆಂಟ್​ ವ್ಯವಸ್ಥೆಗೆ ಭಾರತ ಹೆಚ್ಚು ಒತ್ತುಕೊಡುತ್ತಿದೆ. ಹೀಗಿರುವಾಗ ಜನಪ್ರಿಯ ವಾಟ್ಸ್​ಆ್ಯಪ್​​​ ಕೂಡ ಯುಪಿಐ ಪೇಮೆಂಟ್​ ಸೇವೆಯನ್ನು ಒದಗಿಸಲು ವಾಟ್ಸ್​ಆ್ಯಪ್​​ ಪೇ ಆಯ್ಕೆಯನ್ನು ಭಾರತೀಯರಿಗಾಗಿ ಪರಿಚಯಿಸಿದೆ. ಸದ್ಯ ಕೆಲವು ಐಫೋನ್​ ಮತ್ತು ಆ್ಯಂಡ್ರಾಯ್ಡ್​ ಬಳಕೆದಾರರಿಗೆ ಸಿಗುತ್ತಿದೆ. ಆದರೆ ವಾಟ್ಸ್​ಆ್ಯಪ್​​​ ಪೇ ಸೇವೆ ಸಿಗಬೇಕಾದರೆ ನೂತನ ವರ್ಷನ್​ ಅನ್ನು ಡೌನ್​ಲೋಡ್​ ಮಾಡಬೇಕಿದೆ. ಅದರ ಮೂಲಕ ಯುಪಿಐ ಸೇವೆ ಸ್ಮಾರ್ಟ್​ಫೋನ್​ನಲ್ಲಿ ಬಳಕೆಗೆ ಸಿಗಲಿದೆ. ಇದಕ್ಕಾಗಿ ಭಾರತದ 160ಕ್ಕೂ ಹೆಚ್ಚಿನ ಬ್ಯಾಂಕ್​ಗಳೊಂದಿದೆ ವಾಟ್ಸ್​ಆ್ಯಪ್​​ ಸಂಪರ್ಕಸಾಧಿಸಿದೆ. ಗೂಗಲ್​ ಪೇ, ಫೋನ್​, ಪೇಟಿಯಂ ಆ್ಯಪ್​ಗಳಿಗೆ ಪೈಪೋಟಿ ನೀಡಲು ವಾಟ್ಸ್​ಆ್ಯಪ್​ ಪೇ ಮುಂದಾಗಿದೆ.

    ಭಾರತದಲ್ಲಿ ಸುಮಾರು 400 ಮಿಲಿಯನ್​ ಜನರು ವಾಟ್ಸ್​ಆ್ಯಪ್​​​ ಬಳಸುತ್ತಿದ್ದಾರೆ. ಆದರೆ ವಾಟ್ಸ್​ಆ್ಯಪ್​​​ ಪೇ 20 ಮಿಲಿಯನ್​ ಜನರಿಗೆ ಬಳಕೆಗೆ ಸಿಗುತ್ತಿದೆ. ಹಂತ ಹಂತವಾಗಿ ಎಲ್ಲಾ ಬಳಕೆದಾರರಿಗೆ ಸಿಗುವಂತೆ ಅಭಿವೃದ್ಧಿಪಡಿಸುತ್ತಿದೆ. ರಾಷ್ಟ್ರೀಯ ಪಾವತಿ ನಿಗಮ ಎನ್​​ಸಿಪಿಐ ಥರ್ಡ್​ ಪಾರ್ಟಿಆ್ಯಪ್​ಗಳು ತಿಂಗಳಿಗೆ ಶೇ30 ರಷ್ಟು ವಹಿವಾಟು ನಡೆಸುವ ಸಲುವಾಗಿ ರೂಪುರೇಷೆ ಹಾಕಿಕೊಂಡಿದೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಹೆಚ್ಚಿನ ಬಳಕೆದಾರರಿಗೆ ಸಿಗಲಿದೆ.

    ಏನಿದು ವಾಟ್ಸ್​ಆ್ಯಪ್​ ಪೇ?

    ಭಾರತದಲ್ಲಿ 400 ಮಿಲಿಯನ್​ ಜನರು ವಾಟ್ಸ್​ಆ್ಯಪ್​​ ಬಳಸುತ್ತಿದ್ದಾರೆ. ಇದೊಂದು ಮೆಸೆಂಜಿಂಗ್​ ಆ್ಯಪ್​​ ಆಗಿದೆ. ಆದರಲ್ಲಿ ವಾಟ್ಸ್​ಆ್ಯಪ್​​​ ಪೇ ಡಿಜಿಟಲ್​ ವಹಿವಾಟು ಮಾಡಲು ಉತ್ತೇಜನ ನೀಡುವ ವ್ಯವಸ್ಥೆಯಾಗಿದೆ. ಈಗಾಗಲೇ ಪೇಟಿಯಂ, ಫೋನ್​ ಪೇ ಆ್ಯಪ್​ಗಳು ಬ್ಯಾಂಕ್​ ಖಾತೆಯ ಲಿಂಕ್​ ಜೊತೆಗೆ ಹಣದ ವಹಿವಾಟು ನಡೆಸುತ್ತಿದೆ. ಅದರಂತೆ ವಾಟ್ಸ್​ಆ್ಯಪ್​​​​ ಪೇ ಕೂಡ ಹಣದ ವಹಿವಾಟನ್ನು ಮಾಡಲು ನೆರವಾಗಲಿದೆ.

    ಯಾವೆಲ್ಲಾ ಬ್ಯಾಂಕ್​ ಖಾತೆಯನ್ನು ಲಿಂಕ್​ ಮಾಡಬಹುದು?

    ವಾಟ್ಸ್​ಆ್ಯಪ್​​​ ಪೇ ಯುಪಿಐ ಸೇವೆಯನ್ನು ನೀಡುವ ಸಲುವಾಗಿ ಸುಮಾರು 160ಕ್ಕೂ ಹೆಚ್ಚು ಬ್ಯಾಂಕ್​ಗಳ ಜೊತೆ ಸಂಪರ್ಕದಲ್ಲಿದೆ. ಆಕ್ಸಿಸ್ ಬ್ಯಾಂಕ್, ಎಚ್‌ಡಿಎಫ್‌ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಅಲಹಾಬಾದ್ ಬ್ಯಾಂಕ್, ಏರ್‌ಟೆಲ್ ಪೇಮೆಂಟ್​ ಬ್ಯಾಂಕ್, ಆಂಧ್ರ ಬ್ಯಾಂಕ್, ಪಂಜಾಬ್ ನ್ಯಾಷನಲ್ ಬ್ಯಾಂಕ್, ಪೇಟಿಎಂ ಪೇಮೆಂಟ್​ ಬ್ಯಾಂಕ್, ಆರ್‌ಬಿಎಲ್ , ಪಂಜಾಬ್ ಅಂಡ್​ ಸಿಂಧ್ ಬ್ಯಾಂಕ್, ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ, ಯುಕೋ ಬ್ಯಾಂಕ್, ಯೆಸ್ ಬ್ಯಾಂಕ್ ಸೇರಿ ಇನ್ನು ಕೆಲವು ಬ್ಯಾಂಕ್​ಗಳ ಖಾತೆಯನ್ನು ಲಿಂಕ್​ ಮಾಡಬಹುದಾಗಿದೆ.

    ನನ್ನ ಸ್ಮಾರ್ಟ್​ಫೋನ್​ನಲ್ಲಿ ವಾಟ್ಸ್​ಆ್ಯಪ್​ ಪೇ ಬಳಸುಹುದಾ?

    ಭಾರತದಲ್ಲಿ ಹೆಚ್ಚಿಗರು ವಾಟ್ಸ್​ಆ್ಯಪ್​​​​ ಬಳಸುತ್ತಿದ್ದಾರೆ. ಹಾಗಾಗಿ ನೂತನ ವಾಟ್ಸ್​ಆ್ಯಪ್​​​ ಪೇ ಸೇವೆಯನ್ನು ಬಳಸಲು ಅಂದುಕೊಂಡಿರುತ್ತಾರೆ.  ಪ್ಲೇ ಸ್ಟೋರ್​ಗೆ ತೆರಳಿ ವಾಟ್ಸ್​ಆ್ಯಪ್​​​ ಅನ್ನು ಅಪ್ಡೇಡ್​ ಮಾಡಿದರೆ ನೂತನ ಫೀಚರ್​ ಸಿಗಲಿದೆ. ಅದರ ಮೂಲಕ ಎಲ್ಲಾ ಆ್ಯಂಡ್ರಾಯ್ಡ್​ ಬಳಕೆದಾರರು ತಮ್ಮ ಸ್ಮಾರ್ಟ್​ಫೋನ್​ನಲ್ಲಿ ವಾಟ್ಸ್​ಆ್ಯಪ್​​ ಪೇ ಸೇವೆಯನ್ನು ಬಳಸಬಹುದಾಗಿದೆ.

    ಸಂಪರ್ಕದಲ್ಲಿರುವವರಿಗೆ ಪೇಮೆಂಟ್​ ಮಾಡುವುದು ಹೇಗೆ?

    -ವಾಟ್ಸ್​ಆ್ಯಪ್​​​ ಪೇ ಬಳಸಬೇಕಾದರೆ ಯುಪಿಐ ಜೊತೆಗೆ ಬ್ಯಾಂಕ್​ ಖಾತೆಯನ್ನು ಲಿಂಕ್​​ ಮಾಡಬೇಕಿದೆ. ನಂತರ ಆ್ಯಂಡ್ರಾಯ್ಡ್​ ಬಳಕೆದಾರರು ಸುಲಭವಾಗಿ ಈ ಸೇವೆಯನ್ನು ಬಳಸಬಹುದಾಗಿದೆ

    -ಐಫೋನ್​ ಬಳಕೆದಾರರಿಗಾಗಿ ಚಾಟ್​ ಬಾಕ್ಸ್​ ಬಳಿ ‘+’ ಐಕಾನ್​ ನೀಡಲಾಗಿದೆ. ಟ್ಯಾಪ್​ ಮಾಡುವ ಮೂಲಕ ಬಳಸಬಹುದಾಗಿದೆ.
    Published by:Harshith AS
    First published: