• Home
  • »
  • News
  • »
  • tech
  • »
  • WhatsApp: ಭಾರತೀಯರಲ್ಲಿ ಕ್ಷಮೆ ಕೇಳಿದ ವಾಟ್ಸಾಪ್​​! ಕಾರಣವೇನು ಗೊತ್ತಾ?

WhatsApp: ಭಾರತೀಯರಲ್ಲಿ ಕ್ಷಮೆ ಕೇಳಿದ ವಾಟ್ಸಾಪ್​​! ಕಾರಣವೇನು ಗೊತ್ತಾ?

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ವಾಟ್ಸಾಪ್​ ತನ್ನ ಗುಣಮಟ್ಟದ ಕಾರ್ಯವೈಖರಿ ಮೂಲಕ ಎಲ್ಲರ ಗಮನ ಸೆಳೆದಿದೆ. ಆದರೆ ಇದೀಗ ವಾಟ್ಸಾಪ್​ ತನ್ನ ಒಂದು ಪೋಸ್ಟ್​ ಮೂಲಕ ಭಾರತೀಯರಲ್ಲಿ ಬೇಸರವನ್ನುಂಟು ಮಾಡಿದೆ. ಆದರೂ ಕೊನೆಗೆ ಕ್ಷಮೆಯಾಚಿಸಿದೆ. ಹಾಗಿದ್ರೆ ವಾಟ್ಸಾಪ್​ ಕ್ಷಮೆಯಾಚಿಸಲು ಕಾರಣವೇನು? ಅಷ್ಟಕ್ಕೂ ವಾಟ್ಸಾಪ್​ ಮಾಡಿದ್ದಾದರೇನು? ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಮುಂದೆ ಓದಿ ...
  • Share this:

    ಭಾರತದ ನಂಬರ್​ 1 ಮೆಸೇಜಿಂಗ್​ ಅಪ್ಲಿಕೇಶನ್ (Messaging Application)​ ಆಗಿರುವ ವಾಟ್ಸಾಪ್ (WhatsApp)​ ಈ ಬಾರಿ ಹಲವಾರು ಫೀಚರ್ಸ್​​ ಅನ್ನು ಬಳಕೆದಾರರಿಗೆ ಪರಿಚಯಿಸಿದೆ. ಅದ್ರಲ್ಲೂ ಈ ಬಾರಿ ಹೊಸ ವರ್ಷಕ್ಕೆ ಹಲವು ರೀತಿ ಸ್ಟಿಕ್ಕರ್ಸ್​ಗಳನ್ನು ಪರಿಚಯಿಸಿದೆ. ಅನೇಕ ಜನರು ಸೋಶಿಯಲ್ ಮೀಡಿಯಾ (Social Media) ಮೂಲಕ ಹೊಸ ವರ್ಷವನ್ನು ಆಚರಿಸುತ್ತಿದ್ದರು. ಅದೇ ರೀತಿ ಬಳಕೆದಾರರಿಗೆ ವಾಟ್ಸಾಪ್ ಕೂಡ ಉತ್ತಮ ಅನುಭವವನ್ನು ನೀಡುವಂತಹ ಕೆಲವೊಂದು ಫೀಚರ್ಸ್​ಗಳನ್ನು ಪರಿಚಯಿಸಿದೆ. ವಾಟ್ಸಾಪ್ ಮೆಸೇಜಿಂಗ್ ಅಪ್ಲಿಕೇಶನ್ ಜನರಿಗೆ ಹಲವು ರೀತಿಯಲ್ಲಿ ಸಹಕಾರಿಯಾಗಿದೆ. ಇದರ ಉತ್ತಮ ಫೀಚರ್ಸ್​ನಿಂದನೇ ಎಲ್ಲರ ಗಮನ ಸೆಳೆದಿದೆ. ಆದರೆ ಇದೀಗ ವಾಟ್ಸಾಪ್​ ಭಾರತೀಯರಿಗೆ ಬೇಸರವಾಗುವಂತಹ ಒಂದು ಕೆಲಸವನ್ನು ಮಾಡಿದೆ.


    ವಾಟ್ಸಾಪ್​ ತನ್ನ ಗುಣಮಟ್ಟದ ಕಾರ್ಯವೈಖರಿ ಮೂಲಕ ಎಲ್ಲರ ಗಮನ ಸೆಳೆದಿದೆ. ಆದರೆ ಇದೀಗ ವಾಟ್ಸಾಪ್​ ತನ್ನ ಒಂದು ಪೋಸ್ಟ್​ ಮೂಲಕ ಭಾರತೀಯರಲ್ಲಿ ಬೇಸರವನ್ನುಂಟು ಮಾಡಿದೆ. ಆದರೂ ಕೊನೆಗೆ ಕ್ಷಮೆಯಾಚಿಸಿದೆ. ಹಾಗಿದ್ರೆ ವಾಟ್ಸಾಪ್​ ಕ್ಷಮೆಯಾಚಿಸಲು ಕಾರಣವೇನು? ಅಷ್ಟಕ್ಕೂ ವಾಟ್ಸಾಪ್​ ಮಾಡಿದ್ದಾದರೇನು? ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ.


    ಅಷ್ಟಕ್ಕೂ ವಾಟ್ಸಾಪ್ ಮಾಡಿದ್ದೇನು?


    ಹೊಸವರ್ಷದ ಹಿಂದಿನ ದಿನ ಅಂದರೆ ಜನವರಿ 31 ರಂದು ವಾಟ್ಸಾಪ್ ತನ್ನ  ಟ್ವಿಟರ್​ನ ಅಧಿಕೃತ ಪೇಜ್​ನಲ್ಲಿ ವಾಟ್ಸಾಪ್​ ಗ್ರಾಫಿಕ್ಸ್​ ಅನ್ನು ಶೇರ್​ ಮಾಡಿಕೋಂಡಿತ್ತು. ಈ ಗ್ರಾಫಿಕ್ಸ್​ನಲ್ಲಿ ಏನಿತ್ತೆಂದರೆ ಇದರಲ್ಲಿ ಪಾಕಿಸ್ತಾನ ಅಕ್ರಮವಾಗಿ ಆಕ್ರಮಿಸಿಕೊಂಡಿರುವ ಜಮ್ಮು ಮತ್ತು ಕಾಶ್ಮೀರದ ಪ್ರದೇಶಗಳನ್ನು ಮತ್ತು ಚೀನಾ ಹಕ್ಕು ಸಾಧಿಸಿದ ಕೆಲವು ಪ್ರದೇಶಗಳನ್ನು ತೋರಿಸಲಾಗಿರಲಿಲ್ಲ. ಈ ಮೂಲಕ ಈ ಪ್ರದೇಶಗಳು ಭಾರತೀಯರಿಗೆ ಸೇರಿದ್ದಲ್ಲ ಎಂಬುದನ್ನು ಬಿಂಬಿಸಿದಂತಿತ್ತು ಎಂದು ಹೇಳಲಾಗಿದೆ.


    ಇದನ್ನೂ ಓದಿ: ಮಾರುಕಟ್ಟೆಗೆ ಲಗ್ಗೆಯಿಡ್ತಿದೆ ಲೆನೋವೋ ಕಂಪನಿಯ ಡಬಲ್​ ಡಿಸ್​​ಪ್ಲೇ ಲ್ಯಾಪ್​ಟಾಪ್​!


    ವಾಟ್ಸಾಪ್​ಗೆ ಎಲೆಕ್ಟ್ರಾನಿಕ್ಸ್​ ಮತ್ತು ತಂತ್ರಜ್ಞಾನ ಆಯೋಗದಿಂದ ವರದಿ


    ಈ ಪೋಸ್ಟ್​ ಅನ್ನು ಗಮನಿಸಿದ ಎಲೆಕ್ಟ್ರಾನಿಕ್ಸ್​ ಮತ್ತು ತಂತ್ರಜ್ಞಾನ ರಾಜ್ಯ ಸಚಿವರಾದ ರಾಜೀವ್ ಚಂದ್ರಶೇಖರ್​ ಅವರು ಟ್ವೀಟ್​ ಮಾಡುವ ಮೂಲಕ ವಾಟ್ಸಾಪ್​ ಭಾರತದ ನಕ್ಷೆಯಲ್ಲಿ ಮಾಡಿರುವ ತಪ್ಪನ್ನು ಬೇಗ ತಿದ್ದಿಕೊಳ್ಳುವಂತೆ ಹೇಳಿದ್ದಾರೆ. ಇದರಲ್ಲಿ ‘ಆತ್ಮೀಯ ವಾಟ್ಸಾಪ್​ ದಯವಿಟ್ಟು ತಾವು ಹಾಕಿರುವ ಭಾರತದ ನಕ್ಷೆಯನ್ನು ಆದಷ್ಟು ಬೇಗ ಸರಿಪಡಿಸಿ, ಭಾರತದಲ್ಲಿ ವ್ಯಾಪಾರ ಮಾಡುವ ಮತ್ತು ಭಾರತದಲ್ಲಿ ವ್ಯವಹಾರವನ್ನು ಮುಂದುವರೆಸಲು ಬಯಸುವ ಎಲ್ಲಾ ಪ್ಲಾಟ್​ಫಾರ್ಮ್​ಗಳು  ಇನ್ನುಮುಂದೆ ಸರಿಯಾದ ನಕ್ಷೆಗಳನ್ನು ಬಳಸಬೇಕು ಎಂದು ಬರೆದಿದ್ದರು.


    ಸಾಂಕೇತಿಕ ಚಿತ್ರ


    ವಾಟ್ಸಾಪ್​​ನಿಂದ ಕ್ಷಮೆಯಾಚನೆ


    ವಾಟ್ಸಾಪ್​ನ ಈ ಪೋಸ್ಟ್​ ನೋಡಿ ಸಚಿವ ರಾಜೀವ್​ ಚಂದ್ರಶೇಖರ್​ ಅವರ ಟ್ವೀಟ್​ ಅನ್ನು ಗಮನಿಸಿದ ವಾಟ್ಸಾಪ್​ ತನ್ನ ತಪ್ಪನ್ನು ಅರಿತು ಭಾರತೀಯರಲ್ಲಿ ಕ್ಷಮೆಯಾಚಿಸಿದೆ.


    ವಾಟ್ಸಾಪ್​ ಹೇಳಿದ್ದೇನು?


    ಉದ್ದೇಶಪೂರ್ವಕವಲ್ಲದ ದೋಷವನ್ನು ಸೂಚಿಸಿದ್ದಕ್ಕಾಗಿ ಸಚಿವರಿಗೆ ಧನ್ಯವಾದಗಳು. ನಾವು ತಕ್ಷಣವೇ ಸ್ಟ್ರೀಮ್ ಅನ್ನು ತೆಗೆದುಹಾಕಿದ್ದೇವೆ, ಕ್ಷಮೆಯಾಚಿಸುತ್ತೇವೆ. ಭವಿಷ್ಯದಲ್ಲಿ ನಾವು ಜಾಗರೂಕರಾಗಿರುತ್ತೇವೆ ಎಂದು ಚಂದ್ರಶೇಖರ್ ಅವರ ಟ್ವೀಟ್‌ಗೆ ವಾಟ್ಸಾಪ್ ಪ್ರತಿಕ್ರಿಯಿಸಿದೆ. ಈ ಮೂಲಕ ವಾಟ್ಸಾಪ್‌ ಹೊಸ ವರ್ಷದ ಆರಂಭದಲ್ಲೇ ಒಂದು ದೊಡ್ಡ ತಪ್ಪನ್ನು ಮಾಡಿ ಕೆಲವೇ ಸಮಯದಲ್ಲಿ ತಿದ್ದುಕೊಂಡು ಭಾರತೀಯರಲ್ಲಿ ಕ್ಷಮೆಯಾಚಿಸಿದೆ.


    ಝೂಮ್​ ಸಿಇಓ ಅವರು ಕೂಡ ಇದೇ ತಪ್ಪು ಮಾಡಿದ್ದರು


    ಕೆಲವು ದಿನಗಳ ಹಿಂದೆ ಝೂಮ್​ ಆ್ಯಪ್​ನ ಸಿಇಓ ಆಗಿರುವ ಎರಕ್​ ಯುವಾನ್​ ಕೂಡ ಇದೇ ರೀತಿ ಒಮ್ಮೆ ತಪ್ಪನ್ನು ಮಾಡಿದ್ದರು.ಈ ತಪ್ಪನ್ನು ತಿದ್ದಿಕೊಳ್ಳಲು ಸಹ ಹೇಳಿದ್ದು ಕೇಂದ್ರ ಸಚಿವ ರಾಜೀವ್​ ಚಂದ್ರಶೇಖರ್. ಎರಕ್​ ಯುವಾನ್​ ಅವರು ಕೂಡ ತಮ್ಮ ಟ್ವೀಟ್​ನಲ್ಲಿ ತಪ್ಪನ್ನು ಬರೆದಿದ್ದರು. ಅದನ್ನು ಗಮನಿಸಿದ ರಾಜೀವ್ ಚಂದ್ರಶೇಖರ್ ಸರಿಪಡಿಸುವ ಬಗ್ಗೆ ಟ್ವೀಟ್​ ಮಾಡಿದ್ದರು. ಅದರಂತೆ ಕ್ಷಮೆಯಾಚಿಸಿದ ಎರಕ್ ಯುವಾನ್​ ಆ ಟ್ವೀಟ್​ ಅನ್ನು ಡಿಲೀಟ್ ಮಾಡಿ ತಪ್ಪಿನ ಬಗ್ಗೆ ಕ್ಷಮೆಯಾಚಿಸುವ ಮೂಲಕ ಟ್ವೀಟ್ ಬರೆದರು.

    Published by:Prajwal B
    First published: