• Home
  • »
  • News
  • »
  • tech
  • »
  • Whatsapp Updates: 2022ರಲ್ಲಿ ವಾಟ್ಸಪ್​​ನಲ್ಲಿ ಬಂದಂತಹ ಅಪ್ಡೇಟ್ಸ್​ ಯಾವುದೆಲ್ಲಾ? ಇಲ್ಲಿದೆ ನೋಡಿ

Whatsapp Updates: 2022ರಲ್ಲಿ ವಾಟ್ಸಪ್​​ನಲ್ಲಿ ಬಂದಂತಹ ಅಪ್ಡೇಟ್ಸ್​ ಯಾವುದೆಲ್ಲಾ? ಇಲ್ಲಿದೆ ನೋಡಿ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಹೌದು, ವಾಟ್ಸಪ್​ ತನ್ನ  ಬಳಕೆದಾರರಿಗೆ ಈ ವರ್ಷ ಬಹಳಷ್ಟು ಅಪ್​​ಡೇಟ್​​ಗಳನ್ನು ಹೊರತಂದಿದೆ. ಹಾಗಿದ್ರೆ ಯಾವೆಲ್ಲಾ ಫೀಚರ್ಸ್​​ಗಳು 2022ರಲ್ಲಿ ವಾಟ್ಸಪ್​ನಲ್ಲಿ ಬಂದಿದೆ ಎಂಬುದನ್ನು ನೋಡೋಣ.

  • Share this:

    ಪ್ರಪಂಚದಾದ್ಯಂತ ಅತೀ ಹೆಚ್ಚು ಬಳಕೆ ಮಾಡುತ್ತಿರುವ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application) ಎಂದರೆ ಅದು ವಾಟ್ಸಪ್​ (Whatsapp) ಎಂದು ಹೇಳಬಹುದು. ವಾಟ್ಸಪ್ ತನ್ನ ಅದ್ಭುತ ಫೀಚರ್ಸ್ (Features)​​ ಅನ್ನು ನೀಡುವ ಮೂಲಕ ಬಹಳಷ್ಟು ಬಳಕೆದಾರರನ್ನು ಆಕರ್ಷಿಸಿದೆ. ಇತ್ತೀಚಿನ ದಿನಗಳಲ್ಲಿ ವಾಟ್ಸಪ್ ಎಂಬುದು ಯಾವುದೇ ವಿಡಿಯೋ (Video), ಫೋಟೋ (Photo), ಅಗತ್ಯವಾದ ಡಾಕ್ಯುಮೆಂಟ್ಸ್​ಗಳನ್ನು (Documents) ಕ್ಷಣಮಾತ್ರದಲ್ಲಿ ಆನ್​ಲೈನ್ ಮೂಲಕ ಕಳುಹಿಸುವ ಅಪ್ಲಿಕೇಶನ್ ಎಂದು ಹೇಳಬಹುದು. ವಾಟ್ಸಪ್​ ಪ್ರತೀವರ್ಷ ಏನಾದರು ಒಂದು ಫೀಚರ್ಸ್​ ಅನ್ನು ವಾಟ್ಸಪ್​ನಲ್ಲಿ ಅಳವಡಿಸುತ್ತಿದ್ದರು. ಆದರೆ ಈ ವರ್ಷಅಂದರೆ 2022ರಲ್ಲಿ ವಾಟ್ಸಪ್​ ಬಳಕೆದಾರರಿಗೆ ಬಹಳಷ್ಟು ಫೀಚರ್ಸ್​ ಅನ್ನು ಬಿಡುಗಡೆ ಮಾಡಿದೆ. ಇದು ತನ್ನ ಬಳಕೆದಾರರ ಉಪಯೋಗಕ್ಕಾಗಿಯೇ ಅಳವಡಿಸಿದ ಫೀಚರ್ಸ್​ಗಳಾಗಿವೆ.


    ಹೌದು, ವಾಟ್ಸಪ್​ ತನ್ನ  ಬಳಕೆದಾರರಿಗೆ ಈ ವರ್ಷ ಬಹಳಷ್ಟು ಅಪ್​​ಡೇಟ್​​ಗಳನ್ನು ಹೊರತಂದಿದೆ. ಹಾಗಿದ್ರೆ ಯಾವೆಲ್ಲಾ ಫೀಚರ್ಸ್​ಗಳು 2022ರಲ್ಲಿ ವಾಟ್ಸಪ್​ನಲ್ಲಿ ಬಂದಿದೆ ಎಂಬುದನ್ನು ನೋಡೋಣ.


    ವಿಡಿಯೋ ಕಾಲ್​ ಅಪ್ಡೇಟ್​​:


    ವಿಡಿಯೋ ಕಾಲ್ ಎಂಬುದು ವಾಟ್ಸಪ್​ನಲ್ಲಿರುವ ಬಹಳ ವಿಶೇಷ ಫೀಚರ್​ ಅಂತ ಹೇಳ್ಬಹುದು. ಮೊದಲು ವಾಟ್ಸಪ್​ನಲ್ಲಿ ವಿಡಿಯೋ ಕಾಲ್​ನಲ್ಲಿ ಕೇವಲ ಇಬ್ಬರಿಗೆ ಮಾತ್ರ ಮಾತಾಡಲು ಅವಕಾಶವಿತ್ತು ನಂತರ ದಲ್ಲಿ ಅದು ನಾಲ್ಕು, ಮತ್ತೆ ಎಂಟು ಜನರೊಂದಿಗೆ ಮಾತಾಡುವ ಅವಕಾಶವನ್ನು ನೀಡಿತು. ಈ ವರ್ಷ ವಾಟ್ಸಪ್ ಬಿಡುಗಡೆ ಮಾಡಿದ ಫೀಚರ್ಸ್​ ಮೂಲಕ​ ವಿಡಿಯೋ ಕಾಲ್​ನಲ್ಲಿ ಒಟ್ಟಾಗಿ 32 ಜನರ ಜೊತೆ ಮಾತಾಡಬಹುದಾಗಿದೆ.


    ಇದನ್ನೂ ಓದಿ: 2022 ರಲ್ಲಿ ಟ್ರೆಂಡ್‌ ಆಗಿರುವ ಮೊಬೈಲ್‌ ತಂತ್ರಜ್ಞಾನಗಳು ಇವೇ ನೋಡಿ!


    ಆನ್​ಲೈನ್​​ ಇದೆ ಎಂದು ತೋರಿಸದೇ ಇರುವುದು


    ಈ ಮುಂಚೆ ಎಲ್ಲಾ ವಾಟ್ಸಪ್​ಗಳಲ್ಲಿ ಬಳಕೆದಾರರು ಇಂಟರ್ನೆಟ್​ ಆನ್ ಮಾಡಿದಾಗ ವಾಟ್ಸಪ್​ನಲ್ಲಿ ಆನ್​ಲೈನ್​ನಲ್ಲಿ ಇದ್ದಾರೆಂದು ತೋರಿಸುತ್ತಿತ್ತು. ಆದರೆ ಈ ವರ್ಷದ ಅಪ್ಡೇಟ್​ ಮೂಲಕ ಇನ್ಮುಂದೆ ಈ ಆನ್​ಲೈನ್​ನಲ್ಲಿ ಇದ್ದೇವೆ ಎಂದು ತೋರಿಸುವ ನಾಟಿಫಿಕೇಶನ್​ ಅನ್ನು ಕೂಡ ಆಫ್ ಮಾಡಿಟ್ಟುಕೊಳ್ಳಬಹುದಾಗಿದೆ. ಈ ರೀತಿ ಆಫ್ ಮಾಡಿಟ್ಟರೆ ಬೇರೆಯವರಿಗೆ ನೀವು ಆನ್​ಲೈನ್​ನಲ್ಲಿರುವುದು ಕಾಣುವುದಿಲ್ಲ.


    ಸಾಂಕೇತಿಕ ಚಿತ್ರ


    ಗ್ರೂಪ್​ನಿಂದ ಲೆಫ್ಟ್​ ಆದರೆ ಅಡ್ಮಿನ್​ ಬಿಟ್ಟು ಬೇರ್ಯಾರಿಗೂ ತಿಳಿಯಲ್ಲ


    ಈ ಹಿಂದೆ ವಾಟ್ಸಪ್​ ಗ್ರೂಪ್​ಗಳಲ್ಲಿ ಇದ್ದವರು ಅವರಿಗೆ ಆ ಗ್ರೂಪ್ ಬೇಡವಾದಾಗ ಗ್ರೂಪ್​ನಿಂದ ಲೆಫ್ಟ್​ ಆಗುತ್ತಿದ್ದರು. ಇದು ವಾಟ್ಸಪ್​ ಗ್ರೂಪ್​ನಲ್ಲಿರುವ ಎಲ್ಲಾ ಸದಸ್ಯರಿಗೆ ನಾಟಿಫಿಕೇಶನ್ ತೋರಿಸುತ್ತಿತ್ತು. ಆದರೆ ಇನ್ನು ವಾಟ್ಸಪ್​ ಗ್ರೂಪ್​ನಲ್ಲಿ ಲೆಫ್ಟ್​ ಆದರೆ ಗ್ರೂಪ್ ಅಡ್ಮಿನ್ಸ್​ಗೆ ಬಿಟ್ರೆ ಬೇರೆ ಯಾರಿಗೂ ಗೊತ್ತಾಗುವುದಿಲ್ಲ.


    ನಿಮಗೆ ನೀವೇ ಮೆಸೇಜ್​ ಮಾಡಿಕೊಳ್ಳಬಹುದು


    ಹೌದು ಇದು ವಾಟ್ಸಪ್​ನಲ್ಲಿ ಈ ವರ್ಷ ಬಂದಂತಹ ಸ್ಪೆಷಲ್ ಫೀಚರ್ಸ್ ಆಗಿದೆ. ಇದು ಒಂದು ರೀತಿಯಲ್ಲಿ ನಮ್ಮ ನೋಟ್​ಪ್ಯಾಡ್ ಇದ್ದಂತೆ. ಯಾಕೆಂದರೆ ಈ ಹಿಂದೆ ಏನಾದರು ಅಗತ್ಯ ವಿಷಯಗಳು ಮರೆಯಬಾರದು ಎನ್ನುವ ಕಾರಣಕ್ಕೆ ನೋಟ್​ಪ್ಯಾಡ್​ನಲ್ಲಿ ಟೈಪ್ ಮಾಡಿ ಇಟ್ಟುಕೊಳ್ಳುತ್ತಿದ್ದೆವು. ಆದರೆ ಇನ್ನುಮುಂದೆ ಇದನ್ನು ನಿಮ್ಮ ನಂಬರ್​ಗೆ ವಾಟ್ಸಪ್​ನಲ್ಲಿ ಮೆಸೇಜ್ ಮಾಡುವ ಮೂಲಕ ಬರೆದಿಟ್ಟುಕೊಳ್ಳಬಹುದಾಗಿದೆ.


    ವಾಟ್ಸಪ್​ ಪ್ರೊಫೈಲ್​ ಫೋಟೋ ಹೈಡ್​ ಮಾಡಬಹುದು:


    ವಾಟ್ಸಪ್​ನಲ್ಲಿ ಪ್ರೊಫೈಲ್​ ಫೋಟೋ ಹೈಡ್​ ಮಾಡುವ ಫೀಚರ್​ ಈ ಹಿಂದೆಯೂ ಇತ್ತು. ಆದರೆ ಅದು ಅಪರಿಚಿತ ವ್ಯಕ್ತಿಗಳು ವಾಟ್ಸಪ್​ ಗ್ರೂಪ್​ಗಳಲ್ಲಿ ಇದ್ದಾಗ ಮಾತ್ರ ಉಪಯೋಗ ವಾಗುತ್ತಿತ್ತು. ಆದರೆ ಇನ್ನುಮುಂದೆ ಬಳಕೆದಾರರು ಅವರಿಗೆ ಬೇಕಾದವರಿಗೆ ಕಾಣದ ಹಾಗೆ ವಾಟ್ಸಪ್​ ಡಿಪಿ ಯನ್ನು ಹೈಡ್​ ಮಾಡಬಹುದು.


    ಸಾಂಕೇತಿಕ ಚಿತ್ರ


    ಕಮ್ಯುನಿಟಿ ಗ್ರೂಪ್ ಫೀಚರ್​​:


    ವಿಶೇಷವಾಗಿ ಇದು ಹೊಸ ಫೀಚರ್​ ಎಂದು ಹೇಳಬಹುದು. ಏಕೆಂದರೆ ಇದು ಗ್ರೂಪ್​ನಂತೆಯೇ ಇದರಲ್ಲಿ ಜನರಿರುತ್ತಾರೆ. ಆದರೆ ಅಡ್ಮಿನ್​ಗಳಿಗೆ ಬಿಟ್ಟರೆ ಬೇರೆ ಯಾರಿಗೂ ಈ ಕಮ್ಯುನಿಟಿಯಲ್ಲಿ ಯಾರೆಲ್ಲಾ ಇದ್ದಾರೆ ಎಮಬುದು ಗೊತ್ತಿರುವುದಿಲ್ಲ. ಜೊತೆಗೆ ಈ ಫೀಚರ್ಸ್ ಅನ್ನು ಕ್ರಿಯೇಟ್​ ಮಾಡಿದರೆ ಅಡ್ಮಿನ್​ಗಳಿಗೆ ಮಾತ್ರ ಮೆಸೇಜ್ ಮಾಡುವಂತಹ ಅವಕಾಶಗಳಿರುತ್ತದೆ. ಇದು ಹೆಚ್ಚಾಗಿ ವ್ಯವಹಾರ, ಶಾಲೆಗಳಲ್ಲಿ ಹೆಚ್ಚು ಉಪಯೋಗವಾಗುತ್ತದೆ.


    ಇನ್​-ಚಾಟ್​ ಪೋಲ್ ಫೀಚರ್ಸ್​:


    ಇನ್​-ಚಾಟ್​ ಪೋಲ್​ ಫೀಚರ್​ ಎಂದರೆ ಚಾಟ್​ನಲ್ಲಿ ಇನ್ನುಮುಂದೆ ಕೆಲವರು ಜನರ ಅಭಿಪ್ರಾಯಗಳನ್ನು ಪಡೆಯಲು ಪೋಲ್​ ರೀತಿಯಲ್ಲಿ ರಚಿಸಬಹುದಾಗಿದೆ. ಇದರಲ್ಲಿ 4 ಆಯ್ಕೆಗಳಿರುತ್ತದೆ ಜೊತೆಗೆ ಪ್ರಶ್ನೆಯೂ ಇರುತ್ತದೆ. ಬಳಕೆದಾರರು ತಮ್ಮ ಆಯ್ಕೆಗಳನ್ನು ಟ್ಯಾಪ್ ಮಾಡಬೇಕು ಅದು ಕ್ರಿಯೇಟ್​ ಆದ ಪೋಲ್​ನಲ್ಲಿ ಆ್ಯಡ್​ ಆಗುತ್ತದೆ. ಇದು ಒಂದು ರೀತಿಯಲ್ಲಿ ವೋಟಿಂಗ್​ ಸಿಸ್ಟಮ್​ನಂತೆ ಆಗಿದೆ.


    ವಾಟ್ಸಪ್​ ಅವತಾರ್​ ಫೀಚರ್ಸ್​:


    ವಾಟ್ಸಪ್​ ಅವತಾರ್​ ಫೀಚರ್ಸ್​ ಈ ವರ್ಷದ ಅಂತ್ಯದಲ್ಲಿ ಬರಬಹುದು ಎಂಬ ಊಹೆಯಿದೆ. ಇದು ಸ್ನ್ಯಾಪ್​ಚಾಟ್​, ಇನ್​ಸ್ಟಾಗ್ರಾಮ್​ನಂತೆ ಅವತಾರ್​ ಸ್ಟಿಕ್ಕರ್ಸ್​ ಅನ್ನು ಕ್ರಿಯೇಟ್​ ಮಾಡುವುದಾಗಿದೆ.

    Published by:Prajwal B
    First published: