Technology: ಚಾಟ್​​ಜಿಪಿಟಿ ಟೆಕ್ನಾಲಜಿಯಿಂದಾಗುವ ಲಾಭ, ನಷ್ಟಗಳೇನು? ಸಂಪೂರ್ಣ ಮಾಹಿತಿ ಇಲ್ಲಿದೆ

ಇತ್ತೀಚಿನ ದಿನಗಳಲ್ಲಿ ತಂತ್ರಜ್ಞಾನಗಳು (Technology) ಭಾರೀ ಪ್ರಗತಿಯನ್ನು ಕಾಣ್ತಾ ಇದೆ. ಇದಕ್ಕೆ ಕಾರಣ ಟೆಕ್​ ಕಂಪೆನಿಗಳು (Tech Company) ಅಂತಾನೇ ಹೇಳ್ಬಹುದು. ಯಾವುದೇ ಒಂದು ಉತ್ಪನ್ನವನ್ನು ತಯಾರಿಸುವ ಮೊದಲು ಬಳಕೆದಾರರಿಗೆ ಇದರಿಂದ ಅನುಕೂಲವಾಗ್ಬಹುದಾ ಅಥವಾ ನಷ್ಟವಾಗ್ಬಹುದಾ ಎಂದು ತಂತ್ರಜ್ಞರು ಯೋಚಿಸಿಯೇ ತಯಾರು ಮಾಡುತ್ತಾರೆ. ಇದೀಗ ಪ್ರಪಂಚದಾದ್ಯಂತ ಭಾರೀ ಸದ್ದಿನಲ್ಲಿರುವ ಟೆಕ್ನಾಲಜಿ ಎಂದರೆ ಅದು ಚಾಟ್​ಜಿಪಿಟಿ. ಚಾಟ್​ಜಿಪಿಟಿ (ChatGPT) ಎಂಬುದು ಮನುಷ್ಯರಂತೆಯೇ ಆಲೋಚನೆ ಮಾಡಬಲ್ಲ ಒಂದು ತಂತ್ರಜ್ಞಾನವಾಗಿದೆ. ಇದು ತನ್ನ ಬಳಕೆದಾರರು ಕೇಳುವಂತಹ ಪ್ರಶ್ನೆಗಳಿಗೆ ಪ್ರಾಂಪ್ಟ್​ ರೀತಿಯಲ್ಲಿ ಸರಿಯಾದ ಉತ್ತರವನ್ನು ನೀಡುತ್ತದೆ. ಇದರಿಂದ ಬಳಕೆದಾರರು ಯಾವುದೇ ವಿಚಾರಗಳನ್ನು ಸುಲಭದಲ್ಲಿ ತಿಳಿಯಲು ಸಹಕಾರಿಯಾಗುತ್ತದೆ.

ಓಪನ್ ಎಐ ಸಂಸ್ಥೆ ಅಭಿವೃದ್ಧಿ ಪಡಿಸಿದ ಹೊಸ ತಂತ್ರಜ್ಞಾನವೆಂದರೆ ಅದು ಚಾಟ್​ಜಿಪಿಟಿ. ಇತ್ತೀಚೆಗೆ ಈ ತಂತ್ರಜ್ಞಾನ ಭಾರೀ ಸದ್ದಿನಲ್ಲಿದ್ದು, ಮಾನವರಂತೆಯೇ ಯೋಚಿಸಬಲ್ಲಂತಹ ಏಕೈಕ ಟೆಕ್ನಾಲಜಿ ಇದು ಎಂದು ಗುರುತಿಸಲ್ಪಟ್ಟಿದೆ. ಹಾಗಿದ್ರೆ ಈ ಚಾಟ್​​​ಜಿಪಿಟಿಯಿಂದ ಬಳಕೆದಾರರಿಗೆ ಏನೆಲ್ಲಾ ಲಾಭವಿದೆ ಮತ್ತು ನಷ್ಟಗಳಿವೆ ಎಂಬುದರ ಮಾಹಿತಿ ಈ ಲೇಖನದಲ್ಲಿ ಓದಿ.

ಚಾಟ್​​ಜಿಪಿಟಿ ಹೇಗೆ ಕಾರ್ಯನಿರ್ವಹಿಸುತ್ತದೆ?

ಚಾಟ್​​ಜಿಪಿಟಿ ಎಂಬುದು ಒಂದು ಎಐ ಮಾದರಿಯ ಚಾಟ್​ಬಾಟ್​ ಎಂದು ಹೇಳ್ಬಹುದು. ಇದನ್ನು ಎಐ ಅಥವಾ ಆರ್ಟಿಫಿಶಿಯಲ್​ ಇಂಟೆಲಿಜೆನ್ಸ್​ ತಂತ್ರಜ್ಞಾನವನ್ನು ಬಳಸಿಕೊಂಡು ಓಪನ್​​ಎಐ ಸಂಸ್ಥೆ ಅಭಿವೃದ್ಧಿ ಪಡಿಸಲಾಗಿದೆ. ಈ ಚಾಟ್​ಜಿಪಿಟಿ ಎಂಬುದು ಮನುಷ್ಯನ ಆಲೋಚನೆಗೆ ತಕ್ಕಂತೆ ಇದೂ ಸಹ ಆಲೋಚನೆ ಮಾಡುತ್ತದೆ ಎಂದು ಕಂಪೆನಿ ಹೇಳಿವೆ. ಇನ್ನು ಬಳಕೆದಾರರು ತಮಗೆ ಮೂಡುವಂತಹ ಪ್ರಶ್ನೆಗಳನ್ನು ಇದರಲ್ಲಿ ಕೇಳಿದ್ರೆ, ಮನುಷ್ಯರಂತೆಯೇ ಯೋಚಿಸಿ ಉತ್ತರವನ್ನು ನೀಡುತ್ತದೆ. ಇನ್ನು ಈ ಮಾದರಿಗಾಗಿ ಡೇಟಾ ಸೆಟ್​ಗಳ ಇದಕ್ಕೆ ತರಬೇತಿಯನ್ನು ಸಹ ನೀಡಲಾಗಿದೆ ಎಂದು ವರದಿಯಾಗಿದೆ.

ಚಾಟ್​ಜಿಪಿಟಿಯಿಂದ ಏನೆಲ್ಲಾ ಲಾಭವಿದೆ?

ಚಾಟ್​​ಜಿಪಿಟಿ ಎಐ ಆಧಾರಿತ ತಂತ್ರಜ್ಞಾನವಾಗಿದ್ದು, ಬಳಕೆದಾರರು ಕೇಳುವಂತಹ ಪ್ರಶ್ನೆಗಳಿಗೆ ಮಾನವರಂತೆಯೇ ಆಲೋಚಿಸಿ  ಉತ್ತರಗಳನ್ನು ನೀಡುತ್ತದೆ. ಇನ್ನು ಇದು ನೀಡುವಂತಹ ಉತ್ತರಗಳು ಹೆಚ್ಚಾಗಿ ನಿಖರವಾಗಿಯೇ ಇರುತ್ತದೆ ಎಂದು ಹೇಳಲಾಗ್ತಿದೆ. ಇನ್ನು ಈ ತಂತ್ರಜ್ಞಾನ ಮುಂದಿನ ದಿನಗಳಲ್ಲಿ ಬಳಕೆದಾರರ ಹಲವು ಪ್ರಶ್ನೆಗಳಿಗೆ ಉತ್ತರವನ್ನು ಪಡೆಯಲು ಬಹಳಷ್ಟು ಸಹಕಾರಿಯಾಗಲಿದೆ. ಹಾಗೆಯೇ ಇದು ಗೂಗಲ್​ಗೆ ಪ್ರತಿಸ್ಪರ್ಧಿಯಾಗಿ ಕಾರ್ಯನಿರ್ವಹಿಸುವ ಸಾಧ್ಯತೆಯಿದೆ.

ಚಾಟ್​​ಜಿಪಿಟಿ ಅಭಿವೃದ್ಧಿಯಿಂದ ನಷ್ಟಗಳೇನು?

ಚಾಟ್​​ಜಿಪಿಟಿಇಯ ಅಭಿವೃದ್ಧಿಯಿಮದ ಇಡೀ ವಿಶ್ವವೇ ಒಮ್ಮೆ ಈ ತಂತ್ರಜ್ಞಾನದ ಕಡೆ ತಿರುಗಿ ನೋಡುವಂತಾಗಿದೆ. ಏಕೆಂದರೆ ಈ ತಂತ್ರಜ್ಞಾನದ ಜೊತೆಗೆ ಮತ್ತೊಂದು ಸುದ್ದಿ ವೈರಲ್ ಆಗುತ್ತಿದ್ದು, ಚಾಟ್​​ಜಿಪಿಟಿಯಿಂದ ಮನುಷ್ಯರ ಉದ್ಯೋಗದ ಮೇಲೂ ಪರಿಣಾಮ ಬೀರಲಿದೆ ಎಂದು ವರದಿಯಾಗುತ್ತಿದೆ. ಏಕೆಂದರೆ ಚಾಟ್​​ಜಿಪಿಟಿ ಎಂಬುದು ಒಬ್ಬ ಮನುಷ್ಯನಿಗೆ ಸರಿಸಮಾನವಾಗಿ ಕಾರ್ಯನಿರ್ವಹಿಸಬಲ್ಲ, ಯೋಚಿಸಬಲ್ಲ ಟೆಕ್ನಾಲಜಿಯನ್ನು ಹೊಂದಿದೆ.

ಸಾಂಕೇತಿಕ ಚಿತ್ರ

ಈ ಮೂಲಕ ಇನ್ಮುಂದೆ ಮನುಷ್ಯರು ಮಾಡುವಂತಹ ಕೆಲಸಗಳನ್ನು ಚಾಟ್​ಜಿಪಿಟಿ ಮಾಡುವ ಸಾಧ್ಯತೆಯಿದೆ. ಆದ್ದರಿಂದ ಮಾನವರು ಮಾಡುವ ಉದ್ಯೋಗದ ಮೇಲೆ ಪರಿಣಾಮ ಬೀರಬಹುದುಎನ್ನಲಾಗುತ್ತಿದೆ. ಆದರೆ ಸದ್ಯಕ್ಕೆ ಈ ಚಾಟ್​ಜಿಪಿಟಿಯಿಂದ ಯಾವುದೇ ಮನುಷ್ಯನ ಉದ್ಯೋಗಕ್ಕೆ ತೊಂದರೆಗಳಾಗುವುದಿಲ್ಲ ಎಂದು ಅಂದಾಜಿಸಿದ್ದಾರೆ. ಆದರೆ ಮುಂದಿನ ದಿನಗಳಲ್ಲಿ ಚಾಟ್​ಜಿಪಿಟಿ ಅಭಿವೃದ್ಧಿಯಾಗಬಹುದು, ಆ ನಂತರ ಯಾವ ರೀತಿ ಪರಿಣಾಮ ಬೀರಬಹುದು ಎಂದು ಹೇಳಲು ಸಾಧ್ಯವಿಲ್ಲ.

ಇದನ್ನೂ ಓದಿ: ಮ್ಯಾಕ್​​ಓಎಸ್​​ ಆ್ಯಪ್​ ಲಾಂಚ್​ ಮಾಡಿದ ವಾಟ್ಸಾಪ್​​! ಏನಿದರ ಲಾಭ?

ಬೆಂಗಳೂರಿನ ಕೆಲ ಕಾಲೇಜುಗಳಲ್ಲಿ ಚಾಟ್​​ಜಿಪಿಟಿ ಬ್ಯಾನ್​

ಇನ್ನು ಬೆಂಗಳೂರಿನ ಕೆಲ ಖಾಸಗಿ ಕಾಲೇಜುಗಳಲ್ಲಿ ಎಐ ಟೆಕ್ನಾಲಜಿಯನ್ನು ಹೊಂದಿರುವ ಟೂಲ್ಸ್​ಗಳನ್ನು ಸಂಪೂರ್ಣವಾಗಿ ನಿಷೇಧಿಸಿದ್ದಾರೆ. ಏಕೆಂದರೆ ಕಾಲೇಜು ವಿದ್ಯಾರ್ಥಿಗಳು ಕಾಲೇಜಿನಲ್ಲಿ ಶಿಕ್ಷಕರು ನೀಡಿದ ಅಸೈನ್​ಮೆಂಟ್​ಗಳನ್ನು ಈ ಚಾಟ್​​ಜಿಪಿಟಿ ಯ ಸಹಾಯದಿಂದ ಮಾಡುತ್ತಿದ್ದರು. ಇದರಿಂದ ವಿದ್ಯಾರ್ಥಿಗಳು ಶಿಕ್ಷಣದ ಮೇಲೆ ಪ್ರಭಾವ ಬೀರಬಹುದೆಂಬ ಕಾರಣಕ್ಕೆ ಇದನ್ನು ಬ್ಯಾನ್ ಮಾಡಿದ್ದಾರೆ ಎಂದು ಹೇಳಲಾಗಿದೆ.