• Home
  • »
  • News
  • »
  • tech
  • »
  • Instagram Scam: ಜಾಹೀರಾತು ನೋಡಿ ಜಾಬ್​ಗೆ ಅರ್ಜಿ ಹಾಕುವವರೇ ಎಚ್ಚರ! ಇಲ್ಲೊಬ್ಬರು ಕಳಕೊಂಡದ್ದು 5 ಲಕ್ಷಕ್ಕೂ ಅಧಿಕ ಹಣ

Instagram Scam: ಜಾಹೀರಾತು ನೋಡಿ ಜಾಬ್​ಗೆ ಅರ್ಜಿ ಹಾಕುವವರೇ ಎಚ್ಚರ! ಇಲ್ಲೊಬ್ಬರು ಕಳಕೊಂಡದ್ದು 5 ಲಕ್ಷಕ್ಕೂ ಅಧಿಕ ಹಣ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಇನ್​​​ಸ್ಟಾಗ್ರಾಮ್​ ಹಾಗೂ ಫೇಸ್​ಬುಕ್​ ಎಂಬುದು ಉದ್ಯೋಗ ಹುಡುಕುತ್ತಿರುವವರಿಗೆ ಇರುವಂತಹ ದೊಡ್ಡ ವೇದಿಕೆ ಎಂದರೆ ತಪ್ಪಾಗಲಾರದು. ಆದರೆ ಇಲ್ಲೊಂದು ಮಹಾರಾಷ್ಟ್ರದ ಮಹಿಳೆಯೊಬ್ಬರು ಇನ್​​ಸ್ಟಾಗ್ರಾಮ್​​ನಿಂದ ಉದ್ಯೋಗದಿಂದ ಬರೋಬ್ಬರಿ 5 ಲಕ್ಷಕ್ಕೂ ಅಧಿಕ ಹಣವನ್ನು ಕಳೆದುಕೊಂಡಿದ್ದಾರೆ. ಅಷ್ಟಕ್ಕೂ ಈ ಘಟನೆಗೆ ಕಾರಣವಾದರೂ ಏನು ಎಂಬುದನ್ನು ತಿಳಿಬೇಕಾದರೆ ಈ ಲೇಖನವನ್ನು ಓದಿ.

ಮುಂದೆ ಓದಿ ...
  • Share this:

    ದೇಶದಲ್ಲಿರುವಂತಹ ಅನೇಕ ಸಮಸ್ಯೆಗಳಲ್ಲಿ ನಿರುದ್ಯೋಗ ಸಮಸ್ಯೆಯೂ (Unemployment Problem) ಒಂದು. ಆದರೆ ಈ ನಿರುದ್ಯೋಗ ಸಮಸ್ಯೆಯನ್ನು ನಿವಾರಿಸುವ ಉದ್ದೇಶದಿಂದ ಜನರು ತಮಗೆ ತಾವೇ ಉದ್ಯೋಗವನ್ನು ಕಂಡುಕೊಳ್ಳುತ್ತಿದ್ದಾರೆ. ಆದರೆ ಕೆಲವೊಂದು ಬಾರಿ ಏನಾಗುತ್ತದೆ ಎಂದರೆ ಈ ಕೆಲ ವಂಚಕರು ಉದ್ಯೋಗದ ದೃಷ್ಟಿಯಿಂದ ಅಮಾಯಕರ ಹಣವನ್ನು ದೋಚುವ ಪ್ರಯತ್ನವನ್ನು ಮಾಡುತ್ತಿದ್ದಾರೆ. ಈ ಸೋಶಿಯಲ್​ ಮೀಡಿಯಾಗಳು (Social Media) ಎಷ್ಟು ಉಪಯೋಗವಾಗುತ್ತದೆಯೋ ಅಷ್ಟೇ ದುರುಪಯೋಗವೂ ಆಗುತ್ತದೆ ಎಂದು ಕೇಳಿದ್ದೇವೆ. ಈ ಮಾತು ನಿಜ ಏಕೆಂದರೆ ವಾಟ್ಸಾಪ್ (WhatsApp)​, ಇನ್​ಸ್ಟಾಗ್ರಾಮ್​, ಫೇಸ್​ಬುಕ್​ ಮನರಂಜನಾ ಮಾಧ್ಯಮ ಹೌದು, ಆದರೆ ಕೆಲವಂಚಕರಿಗೆ ಇದರಿಂದ ವಂಚನೆ ಮಾಡಲು ಸಹಾಯವಾಗುವಂತಹ ವೇದಿಕೆಯಾಗಿದೆ. ಇದೀಗ ಇನ್​ಸ್ಟಾಗ್ರಾಮ್​​ನಲ್ಲಿ ಮಹಿಳೆಯೊಬ್ಬರು ಮೋಸ ಹೋಗಿದ್ದಾರೆ.


    ಇನ್​​​ಸ್ಟಾಗ್ರಾಮ್​ ಹಾಗೂ ಫೇಸ್​ಬುಕ್​ ಎಂಬುದು ಉದ್ಯೋಗ ಹುಡುಕುತ್ತಿರುವವರಿಗೆ ಇರುವಂತಹ ದೊಡ್ಡ ವೇದಿಕೆ ಎಂದರೆ ತಪ್ಪಾಗಲಾರದು. ಆದರೆ ಇಲ್ಲೊಂದು ಮಹಾರಾಷ್ಟ್ರದ ಮಹಿಳೆಯೊಬ್ಬರು ಇನ್​​ಸ್ಟಾಗ್ರಾಮ್​​ನಿಂದ ಉದ್ಯೋಗದಿಂದ ಬರೋಬ್ಬರಿ 5 ಲಕ್ಷಕ್ಕೂ ಅಧಿಕ ಹಣವನ್ನು ಕಳೆದುಕೊಂಡಿದ್ದಾರೆ. ಅಷ್ಟಕ್ಕೂ ಈ ಘಟನೆಗೆ ಕಾರಣವಾದರೂ ಏನು ಎಂಬುದನ್ನು ತಿಳಿಬೇಕಾದರೆ ಈ ಲೇಖನವನ್ನು ಓದಿ.


    ಘಟನೆಯಲ್ಲಿ ಏನಿದೆ?


    ಈ ಪ್ರಕರಣದಲ್ಲಿ ಮಹಾರಾಷ್ಟ್ರದ ಥಾಣೆಯ 26 ವರ್ಷದ ಮಹಿಳೆಯೊಬ್ಬರು ಉದ್ಯೋಗದ ಹುಡುಕಾಟದಲ್ಲಿದ್ದರು. ಈ ಸಂದರ್ಭದಲ್ಲಿ ಇನ್​ಸ್ಟಾಗ್ರಾಮ್​ನಲ್ಲಿ ಉದ್ಯೋಗ ಸಂಬಂಧಿತ ಜಾಹೀರಾತು ಒಂದನ್ನು ವೀಕ್ಷಿಸಿದ್ದಾರೆ. ಜೊತೆಗೆ ಆ ಜಾಹೀರಾತಿನಲ್ಲಿ ಒಂದು ಲಿಂಕ್​ ಅನ್ನು ನೀಡಿದ್ದರು. ಇದು ಸೈಬರ್​ ವಂಚಕರು ಬಳಕೆದಾರರ ಡೇಟಾವನ್ನು ಪಡೆಯಲು ನೋಂದಣಿ ಹೆಸರಿನಲ್ಲಿ ನೀಡಿರುವ ಲಿಂಕ್ ಆಗಿದೆ. ಈ ಲಿಂಕ್ ನೋಡಿದ ಮಹಿಳೆ ತಕ್ಷಣ ಆ ಲಿಂಕ್​ ಅನ್ನು ಕ್ಲಿಕ್​ ಮಾಡಿ ಬೇರೊಂದು ಸೈಟ್​ಗೆ ಭೇಟಿಯಾಗುವಂತೆ ಮಾಡಿದೆ ಎಂದು ಆರೋಪದಲ್ಲಿ ತಿಳಿಸಿದ್ದಾರೆ.




    ಹಣ ಕೇಳುವ ಮೂಲಕ ವಂಚನೆ


    ಲಿಂಕ್​ ಓಪನ್​ ಮಾಡಿದಾಗ ಅಲ್ಲಿ ಕೆಲಸದ ವಿವರಗಳನ್ನು, ಕೆಲಸ ಗಿಟ್ಟಿಸಿಕೊಳ್ಳಬೇಕಾದರೆ ಶುಲ್ಕ ಪಾವತಿ ಮಾಡಬೇಕು ಎಂದು ಕೇಳಲಾಗಿತ್ತು. ಅದೇ ರೀತಿ ಉದ್ಯೋಗದ ಹಂಬಲದಲ್ಲಿದ್ದ ಮಹಿಳೆ ಅದರಲ್ಲಿ ನೀಡಿದ ವಿವರಗಳನ್ನೆಲ್ಲಾ ಭರ್ತಿ ಮಾಡಿ, ನಂತರ 6 ದಿನಗಳಲ್ಲಿ ಒಟ್ಟು 5,38.173 ರೂಪಾಯಿಗಳನ್ನು ಪಾವತಿ ಮಾಡಿದ್ದಾರೆ.


    ಹಣ ಪಾವತಿಯಾದ ನಂತರ ನಂಬರ್ ಬ್ಲಾಕ್​


    ಮಹಾರಾಷ್ಟ್ರದ ಆ ಮಹಿಳೆ ವೆಬ್​ಸೈಟ್​ನಲ್ಲಿ ನೀಡಲಾದ ವಿವರಗಳನ್ನು ಭರ್ತಿ ಮಾಡಿ, ಹಣ ಪಾವತಿಸಿದ ಮೇಲೆ ಅದರಲ್ಲಿ ನೀಡಿದ್ದ ನಂಬರ್​ಗೆ ಉದ್ಯೋಗದ ಮಾಹಿತಿಯನ್ನು ತಿಳಿಯಲು ಕಾಲ್ ಮಾಡುತ್ತಾರೆ. ಆದರೆ ಕಾಲ್​ ಮಾಡಿದಾಗ ಆ ನಂಬರ್ ಬ್ಲಾಕ್​ ಆಗಿದೆ ಎಂದು ತಿಳಿದುಬಂದಿದೆ. ಈ ಮೂಲಕ ತಕ್ಷಣ ಆ ಮಹಿಳೆಗೆ ತಾನು ಮೋಸ ಹೋಗಿದ್ದೇನೆಂದು ತಿಳಿಯುತ್ತದೆ. ನಂತರ ಕೂಡಲೇ ಆ ಮಹಿಳೆ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ಇದೀಗ ಈ ಆರೋಪದನ್ವಯ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.


    ಸಾಂದರ್ಭಿಕ ಚಿತ್ರ


    ಜಾಹೀರಾತು ನೋಡುವಾಗ ಎಚ್ಚರಿಗೆ ಅಗತ್ಯ


    ಉದ್ಯೋಗ ಸಂಬಂಧಿತ ಯಾವುದೇ ಜಾಹೀರಾತುಗಳನ್ನು ನೋಡುವಾಗ ಅದನ್ನು ಸರಿಯಾಗಿ ಪರೀಕ್ಷಿಸಬೇಕು. ಏಕೆಂದರೆ ಕೆಲ ವಂಚಕರು ಸೋಶಿಯಲ್ ಮೀಡಿಯಾದಲ್ಲಿ ವಂಚನೆ ಮಾಡುವುದನ್ನೇ ನಿತ್ಯದ ಕೆಲಸವಾಗಿಸಿಕೊಂಡಿದ್ದಾರೆ. ಇದಲ್ಲದೆ ಈ ಉದ್ಯೋಗ ಸಂಬಂಧಿಸಿದ ಅನೇಕ ಫೇಕ್ ಅಕೌಂಟ್​ಗಳು ಸಹ ಹಾಗೇ ಅಸ್ಥಿತ್ವದಲ್ಲಿದೆ. ಆದ್ದರಿಂದ ಯಾವುದೇ ಜಾಹೀರಾತನ್ನು ಕ್ಲಿಕ್ ಮಾಡುವಾಗ ಎಚ್ಚರವಹಿಸಿ.


    ಇದಲ್ಲದೆ ಉದ್ಯೋಗದ ಮಾಹಿತಿಯನ್ನು ತಿಳಿಯಬೇಕಾದ್ರೆ ಲಿಂಕ್ಡ್​​ಇನ್​ ಅಥವಾ ಗ್ಲಾಸ್​ಡೋರ್​ನಂತಹ ಆ್ಯಪ್​ಗಳನ್ನು ಬಳಕೆಮಾಡಬಹುದಾಗಿದೆ.


    ಇದನ್ನೂ ಓದಿ: ಗೇಮರ್​ಗಳಿಗಂತಾನೇ ತಯಾರಾಗಿದೆ ಹೊಸ ಸ್ಮಾರ್ಟ್​​​ಫೋನ್​​! ಹೇಗಿದೆ ಗೊತ್ತಾ ಫೀಚರ್ಸ್​?


    ನಕಲಿ ಮಾಹಿತಿಯನ್ನು ತಿಳಿಯುವುದು ಹೇಗೆ?


    ಮುಖ್ಯವಾಗಿ ಯಾವುದೇ ಉದ್ಯೋಗ ಮಾಹಿತಿಯನ್ನು ನೋಡುವಾಗ ಅದರ ಬಗ್ಗೆ ಸವಿವರಗಳನ್ನು ನೀಡಿದ್ದಾರೆಯೇ, ಇಲ್ಲವೇ ಎಂದು ನೋಡಿಕೊಳ್ಳಿ. ನಂತರ ಆ ಜಾಹೀರಾತಿಗೆ ಸಂಬಂಧಪಟ್ಟ ಕಂಪೆನಿಯ ಬಗ್ಗೆ ಗೂಗಲ್​ ಅಥವಾ ಬೇರೆ ಬೇರೆ ವೆಬ್​ಸೈಟ್​ಗಳಲ್ಲಿ ಪರೀಕ್ಷಿಸಿ.

    Published by:Prajwal B
    First published: