WhatsApp Features: ವಾಟ್ಸಪ್​ ಐಕಾನ್​ ಮೇಲೆ ಕ್ರಿಸ್​ಮಸ್​ ಟೋಪಿ ಹಾಕ್ಬೇಕಾ? ಇಲ್ಲಿದೆ ಟ್ರಿಕ್ಸ್​

ಯಾವುದೇ ಹಬ್ಬ (Festival) ಬರಲಿ ಅದನ್ನು ಸೋಶಿಯಲ್​ ಮೀಡಿಯಾಗಳಲ್ಲಿ (Social Media) ಆಚರಿಸುವುದು ಒಂದು ಟ್ರೆಂಡ್ (Trend) ಆಗಿದೆ. ಅದೇ ರೀತಿ ಈ ಈ ಹಬ್ಬಗಳ ಮೂಲಕ ಸೋಶಿಯಲ್​ ಮೀಡಿಯಾ ಮೂಲಕ ವಿಡಿಯೋ ಹಾಕುವುದು, ಫೋಟೋ ಹಾಕುವುದು, ಡಿಪಿ ಹಾಕುವ ಮೂಲಕ ಆಚರಣೆ ಮಾಡ್ತಾರೆ. ಇದೀಗ ಡಿಸೆಂಬರ್ 25 ಕ್ಕೆ ಕ್ರಿಸ್​ಮಸ್ (Christmus)​ ಹಬ್ಬ ಬರ್ತಾ ಇದೆ. ಇದನ್ನು ನೀವು ವಾಟ್ಸಪ್​ನಲ್ಲಿ ಸ್ಪೆಷಲ್ ಆಗಿ ಆಚರಿಸ್ಬಹುದು. ವಾಟ್ಸಪ್​ ಐಕಾನ್​ನಲ್ಲಿ (Whatsapp Icon) ನೀವು ಕ್ರಿಸ್​ಮಸ್​ ಟೋಪಿಯನ್ನು ಹಾಕುವ ಮೂಲಕ ಈ ಬಾರಿ ಕ್ರಿಸ್​ಮಸ್​ ಹಬ್ಬವನ್ನು ಸಂಭ್ರಮಿಸಬಹುದಾಗಿದೆ. ಆದರೆ ವಾಟ್ಸಪ್​ ಐಕಾನ್​ಗೆ ಕ್ರಿಸ್​ಮಸ್​ ಟೋಪಿ ಹಾಕ್ಬೇಕಾದ್ರೆ ಕೆಲವೊಂದು ಟಿಪ್ಸ್​ಗಳಿವೆ.

ಯಾವುದೇ ಹಬ್ಬಗಳು ಬಂದಾಗ ಕೆಲವು ಆ್ಯಪ್​ಗಳು ಈ ಹಬ್ಬದ ಹಿನ್ನಲೆಯಲ್ಲಿ ಕೆಲವೊಂದು ಫೀಚರ್ಸ್​​ಗಳನ್ನು ಬಿಡುಗಡೆ ಮಾಡುತ್ತದೆ. ಅದೇ ರೀತಿ ಈ ಬಾರಿ ಕ್ರಿಸ್​ಮಸ್​ ಹಬ್ಬದ ಪ್ರಯುಕ್ತ ವಾಟ್ಸಪ್​ ಐಕಾನ್​ನಲ್ಲಿ ಕ್ರಿಸ್​ಮಸ್​ ಟೋಪಿ ಹಾಕುವಂತ ಫೀಚರ್ಸ್​ ಅನ್ನು ಬಿಡುಗಡೆ ಮಾಡಿದೆ. ಹಾಗಿದ್ರೆ ಅದನ್ನು ಹೇಗೆ ಸೆಟ್​ ಮಾಡುವುದು ಎಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಇದಕ್ಕಾಗಿ ಥರ್ಡ್​​ ಪಾರ್ಟಿ ಆ್ಯಪ್​ ಡೌನ್​ಲೋಡ್ ಮಾಡಿ

ವಾಟ್ಸಪ್​ನಲ್ಲಿ ಇದುವರೆಗೆ ಹಲವಾರು ಫೀಚರ್ಸ್​​ಗಳು ಬಿಡುಗಡೆಯಾಗಿದೆ. ಆದರೆ ವಾಟ್ಸಪ್​ ಐಕಾನ್​ ಅನ್ನು ಕಸ್ಟಮೈಸ್​ ಮಾಡುವಂತಹ ಫೀಚರ್ಸ್​ ಇದುವರೆಗೆ ಬಿಡುಗಡೆಯಾಗಿಲ್ಲ. ಆದ್ದರಿಂದ ಈ ಐಕಾನ್​ಗಳನ್ನು ಕಸ್ಟಮೈಸ್ ಮಾಡಬೇಕಾದರೆ ಥರ್ಡ್​​ ಪಾರ್ಟಿ ಆ್ಯಪ್​ ಅನ್ನು ಡೌನ್​ಲೋಡ್​ ಮಾಡಿಕೊಳ್ಳಬೇಕು.

ಇದನ್ನೂ ಓದಿ: 2023ರಲ್ಲಿ ಒನ್​ಪ್ಲಸ್​ನಿಂದ ಎರಡು 5ಜಿ ಪೋನ್​ಗಳ ಬಿಡುಗಡೆ! ಹೇಗಿದೆ ಗೊತ್ತಾ ಫೀಚರ್ಸ್?

ಅದ್ರಲ್ಲೂ ಆಂಡ್ರಾಯ್ಡ್​ ಬಳಕೆದಾರರು ತಮ್ಮಲ್ಲಿರುವಂತ ಆ್ಯಪ್​ಗಳ ಐಕಾನ್​ಗಳನ್ನು ತಮಗೆ ಬೇಕಾದ ಹಾಗೆ ಬದಲಾಯಿಸಬೇಕಾದರೆ ಹಲವಾರು ಲಾಂಚರ್​ಗಳು ಗೂಗಲ್​ ಪ್ಲೇ ಸ್ಟೋರ್​ನಿಂದ ಇನ್​ಸ್ಟಾಲ್​ ಮಾಡಿಕೊಳ್ಳಬಹುದಾಗಿದೆ. ಸದ್ಯ ಈ ಲಾಂಚರ್​ಗಳಲ್ಲಿ ಬಹಳ ಪ್ರಸಿದ್ದಿಯನ್ನು ಹಾಗೂ ಬಳಸಲು ಯೋಗ್ಯವಾಗಿರುವ ಆ್ಯಪ್ ಅಂದರೆ ನೋವಾ ಲಾಂಚರ್​. ಈ ಆ್ಯಪ್​ ಮೂಲಕ ವಾಟ್ಸಪ್​ ಐಕಾನ್ ಅನ್ನು ಬಳಕೆದಾರರಿಗೆ ಬೇಕಾದ ರೀತಿಯಲ್ಲಿ ಕಸ್ಟಮೈಸ್​ ಮಾಡಿಕೊಳ್ಳಬಹುದು. ಆದರೆ ಅದಕ್ಕಾಗಿ ಕೆಲವು ಹಂತಗಳಿವೆ.

ಹಂತ 1

ಮೊದಲಿಗೆ ನಿಮ್ಮ ವಾಟ್ಸಪ್​ ಐಕಾನ್​ನಲ್ಲಿ ಯಾವ ಚಿತ್ರವನ್ನು ಹಾಕಬೇಕು ಅಥವಾ ಅದ್ರಲ್ಲಿ ಏನೆಲ್ಲಾ ಡಿಸೈನ್​ಗಳು ಬೇಕು ಎಂಬುದನ್ನು ಅರಿತುಕೊಳ್ಳಿ. ನಂತರದಲ್ಲಿ ನಿಮಗೆ ಬೇಕಾದ ರೀತಿಯಲ್ಲಿ ಬ್ರೌಸರ್​ನಲ್ಲಿ ಫೋಟೋಗಳನ್ನು ಡೌನ್​ಲೋಡ್ ಮಾಡಿಕೊಂಡು, ನಿಮಗೆ ಬೇಕಾದ ಹಾಗೆ ಸೆಟ್​ ಮಾಡಿಟ್ಟುಕೊಳ್ಳಿ.

ಹಂತ 2

ಡೌನ್​​ಲೋಡ್​ ಮಾಡಿಟ್ಟ ಬಳಿಕ ನೀವು ಈಗಾಗಲೇ ಇನ್‌ಸ್ಟಾಲ್‌ ಮಾಡಿಕೊಂಡಿರುವ ನೋವಾ ಆ್ಯಪ್​ ಅನ್ನು ಓಪನ್‌ ಮಾಡಿ, ಅದರಲ್ಲಿ ಕೇಳಲಾಗುವ ಷರತ್ತನ್ನು ಓದಿ ಮತ್ತು ಒಪ್ಪಿಕೊಳ್ಳಿ. ತದನಂತರ ವಾಟ್ಸಾಪ್‌ ಐಕಾನ್‌ ಬಳಿ ಬಂದು ಅದನ್ನು ಕೆಲವು ಸೆಕೆಂಡುಗಳ ಕಾಲ ಹಾಗೆ ಟ್ಯಾಪ್‌ ಮಾಡಿ ಹಿಡಿದಿಟ್ಟುಕೊಳ್ಳಬೇಕು.

ಹಂತ 3

ಈ ರೀತಿ ಹಿಡಿದಿಟ್ಟ ಮೇಲೆ ನಿಮಗೆ ಎಡಿಟ್ ಬಟನ್‌ ಕಾಣಿಸಿಕೊಳ್ಳುತ್ತದೆ. ಅದನ್ನು ಕ್ಲಿಕ್​ ಮಾಡಿ. ನಂತರ ಈಗಾಗಲೇ ಡೌನ್‌ಲೋಡ್ ಮಾಡಲಾದ ಚಿತ್ರವನ್ನು ಆರಿಸಿಕೊಳ್ಳಿ. ಬಳಿಕ ನಿಮಗೆ ಹೇಗೆ ಬೇಕೋ ಹಾಗೆ ಕಸ್ಟಮೈಸ್‌ ಮಾಡಿಕೊಳ್ಳಿ. ನಂತರ ನಿಮ್ಮ ವಾಟ್ಸಾಪ್‌ ಲೋಗೋ ಸುಂದರವಾಗಿ ಕಾಣುವುದನ್ನು ಗಮನಿಸಿ.

ಯಾವುದೇ ಆ್ಯಪ್​ ಅನ್ನು ಸಹ ಕಸ್ಟಮೈಸ್​ ಮಾಡ್ಬಹುದು

ಈ ಆ್ಯಪ್​ ಮೂಲಕ ನಿಮ್ಮ ಮೊಬೈಲ್​ನಲ್ಲಿ ಪ್ರಸ್ತುತವಾಗಿ ಇರುವಂತಹ ಯಾವುದೇ ಆ್ಯಪ್​ನ ಐಕಾನ್​ ಅನ್ನು ಸಹ ಕಸ್ಟಮೈಸ್​ ಮಾಡಿಕೊಳ್ಳಬಹುದಾಗಿದೆ.

ಇದು ನಿಮ್ಮ ವಾಟ್ಸಪ್​ ಐಕಾನ್​ ಅನ್ನು ಕಸ್ಟಮೈಸ್​ ಮಾಡಲಿರುವಂತಹ ಸ್ಪೆಷಲ್​ ಫೀಚರ್ಸ್ ಅಂತಾನೂ ಹೇಳ್ಬಹುದು.