WhatsApp: ನೀವ್ ವಾಟ್ಸಾ​ಪ್​ನಲ್ಲಿ ಆನ್​ಲೈನ್ ಇರೋದು ಗೋತ್ತಾಗ್ಬಾರ್ದು ಅಂದ್ರೆ ಈ ಸಿಂಪಲ್ ಟ್ರಿಕ್ ಟ್ರೈ ಮಾಡಿ

ಮೆಟಾ (Meta) ಒಡೆತನದಲ್ಲಿರುವ ನಂಬರ್​ ಒನ್ ಮೆಸೇಜಿಂಗ್ ಅಪ್ಲಿಕೇಶನ್ (Messaging Application)​ ಆಗಿರುವ ವಾಟ್ಸಾಪ್​- ಇತ್ತೀಚೆಗಂತೂ ಬಹಳಷ್ಟು ಜನಪ್ರಿಯತೆಯನ್ನು ಪಡೆದಿದೆ. ವಿಶ್ವದಲ್ಲಿ ಹಲವಾರು ಬಳಕೆದಾರನ್ನು ಇದು ಹೊಂದಿದ್ದು ಇತ್ತೀಚೆಗೆ ಬಳಕೆದಾರರಿಗಾಗಿ ಸಾಕಷ್ಟು ಫೀಚರ್ಸ್​ಗಳನ್ನು ಪರಿಚಯಿಸುತ್ತಲೇ ಇದೆ. ವಾಟ್ಸಾಪ್​ ನಲ್ಲಿ ಹೊಸ ಫೀಚರ್​ ಮಾತ್ರ ಮಾತ್ರವಲ್ಲದೆ ಹಲವಾರು ಟ್ರಿಕ್​ಗಳಿವೆ. ಆದರೆ ಈ ಟ್ರಿಕ್​ಗಳು ಎಷ್ಟೋ ವಾಟ್ಸಾಪ್​ ಬಳಕೆದಾರರಿಗೆ ತಿಳಿದಿಲ್ಲ. ವಾಟ್ಸಾಪ್ (WhatsApp)​ ಇತ್ತೀಚೆಗ ಒಮ್ಮೆಲೆ 100 ಫೋಟೋವನ್ನು ಶೇರ್​ ಮಾಡುವಂತಹ ಫೀಚರ್​ ಅನ್ನು ಪರಿಚಯಿಸಿತ್ತು. ಆದರೆ ವಾಟ್ಸಾಪ್​ನ ಸೆಟ್ಟಿಂಗ್ಸ್​ನಲ್ಲಿ ನಮಗೆ ಬೇಕಾದ ಹಾಗೇ ಈ ಅಪ್ಲಿಕೇಶನ್​ ಅನ್ನು ಬಳಸಿಕೊಳ್ಳುವಂತೆ ಸೆಟ್​ ಮಾಡಿಕೊಳ್ಳಬಹುದು. ಅದೇ ರೀತಿ ನಾವು ಆನ್​ಲೈನ್​ನಲ್ಲಿ (Online) ಇನ್ನೊಬ್ಬರಿಗೆ ಕಾಣದ ಹಾಗೆಯೂ ಮಾಡ್ಬಹುದು.

ಹೌದು, ವಾಟ್ಸಾಪ್​ನಲ್ಲಿ ಬಳಕೆದಾರರಿಗೆ ಗೊತ್ತಿಲ್ಲದ ಹಲವಾರು ಟ್ರಿಕ್​ಗಳಿವೆ. ಅದರಲ್ಲಿ ನಮ್ಮ ಡಿಪಿ ಯಾರೆಲ್ಲಾ ನೋಡಿದ್ದಾರೆಂದು ನೋಡುವುದು, ಡಿಲೀಟ್​ ಆದ ಮೆಸೇಜ್ ನೋಡುವುದು ಈ ರೀತಿಯ ಹಲವಾರು ಟ್ರಿಕ್​ಗಳಿವೆ. ಹಾಗೆಯೇ ಇನ್ಮುಂದೆ ನಾವು ಆನ್​ಲೈನ್​ನಲ್ಲಿದ್ರೂ ಆಫ್​​ಲೈನ್​ ಇದ್ದಂತೆ ಮಾಡ್ಬಹುದು. ಹೇಗೆಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ವಾಟ್ಸಾಪ್​ನಲ್ಲಿ ಆನ್​ಲೈನ್​ನಲ್ಲಿದ್ರೂ ಆಫ್​ಲೈನ್​ನಲ್ಲಿದ್ದಂತೆ ಮಾಡುವುದು ಹೇಗೆ?

• ಮೊದಲಿಗೆ ನಿಮ್ಮ ವಾಟ್ಸಾಪ್​ ಅನ್ನು ಇತ್ತೀಚಿನ ವರ್ಷನ್​ಗೆ ಅಪ್ಡೇಟ್ ಮಾಡಿಕೊಳ್ಳಬೇಕು.


• ಬಳಿಕ ನಿಮ್ಮ ಸೆಟ್ಟಿಂಗ್ಸ್​ನಲ್ಲಿ ಕಾಣಿಸುವ ಪ್ರೈವಸಿ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ


• ಪ್ರೈವಸಿಯನ್ನು ಕ್ಲಿಕ್​ ಮಾಡಿದ ತಕ್ಷಣ ಅಲ್ಲಿ ಮೊದಲಿಗೆ ಲಾಸ್ಟ್​ ಸೀನ್ ಮತ್ತು ಆನ್​ಲೈನ್ ಎಂಬ ಆಯ್ಕೆ ಕಾಣಿಸುತ್ತದೆ. ಅದನ್ನು ಕ್ಲಿಕ್ ಮಾಡಿ.

• ಇಲ್ಲಿ ನಿಮಗೆ ಎರಡು ಆಯ್ಕೆಗಳು ಕಾಣಿಸುತ್ತದೆ. ನನ್ನ ಲಾಸ್ಟ್ ಸೀನ್ ಯಾರು ನೋಡಬೇಕು ಮತ್ತು ನಾನು ಆನ್​ಲೈನ್​ನಲ್ಲಿ ಇದ್ದಾಗ ಯಾರಿಗೆಲ್ಲಾ ಕಾಣಬೇಕು ಎಂಬ ಆಯ್ಕೆಗಳಿರುತ್ತದೆ.


• ನ್ನ ಲಾಸ್ಟ್ ಸೀನ್ ಯಾರು ನೋಡಬೇಕು ಎಂಬ ಆಯ್ಕೆಯಲ್ಲಿ Everyone, My Contacts, My Contacts Cxcept ಮತ್ತು Nobody ಎಂದು ಆಪ್ಷನ್​ಗಳಿರುತ್ತದೆ.


• ಹಾಗೆಯೇ ಆನ್​ಲೈನ್​ನಲ್ಲಿದ್ದಾಗ ಯಾರಿಗೆ ಕಾಣಬೇಕು ಎಂಬಲ್ಲಿ Everyone ಹಾಗೂ Same as Last Seen ಎರಡು ಆಯ್ಕೆ ಇದೆ.


• ಇಲ್ಲಿ ನಿಮಗೆ ಯಾವ ಆಯ್ಕೆ ಬೇಕೋ ಅದನ್ನು ಸೆಲೆಕ್ಟ್ ಮಾಡಿದರೆ, ನೀವು ಆನ್​ಲೈನ್​ನಲ್ಲಿ ಇರುವುದು ಇತರರಿಗೆ ಕಾಣದಂತೆ ಮಾಡ್ಬಹುದು.

ವಾಟ್ಸಾ​ಪ್

ವಾಟ್ಸಾಪ್​ನಲ್ಲಿ ಪಿಕ್ಚರ್​ ಇನ್​ ಪಿಕ್ಚರ್​ ಫೀಚರ್​ ಬಿಡುಗಡೆ

ವಾಟ್ಸಾಪ್​ ಬಳಕೆದಾರರಿಗಾಗಿ ಇತ್ತೀಚೆಗೆ ಹೊಸ ಫೀಚರ್​ ಒಂದನ್ನು ಬಿಡುಗಡೆ ಮಾಡಿದೆ. ಇದು ವಿಡಿಯೋ ಕರೆಯಲ್ಲಿ ಮಾತನಾಡುವವರಿಗೆ ಬಹಳಷ್ಟು ಸಹಕಾರಿಯಾಗುತ್ತದೆ ಎಂದು ಕಂಪೆನಿ ಹೇಳಿದೆ. ವಾಟ್ಸಾಪ್​ ಇದುವರೆಗೆ ಹಲವಾರು ಫೀಚರ್ಸ್​​ಗಳನ್ನು ಬಳಕೆದಾರರಿಗಾಗಿ ಬಿಡುಗಡೆ ಮಾಡಿದ್ದು, ಇದೀಗ ಈ ಸಾಲಿಗೆ ಪಿಕ್ಚರ್​ ಇನ್​ ಪಿಕ್ಚರ್​ ಫೀಚರ್​ ಸೇರಿದೆ. ಈ ಫೀಚರ್​ನಿಂದ ಇನ್ಮುಂದೆ ವಾಟ್ಸಾಪ್ ಬಳಕೆದಾರರು ಆರಾಮವಾಗಿ ವಿಡಿಯೋ ಕಾಲ್​ನಲ್ಲಿ ಮಾತನಾಡಬಹುದಾಗಿದೆ.

ಏನಿದರ ಪ್ರಯೋಜನ?

ಇದುವರೆಗೆ ಯಾರ ಜೊತೆಯಾದರೂ ವಾಟ್ಸಾಪ್​ ಮೂಲಕ ವಿಡಿಯೋ ಕಾಲ್​ನಲ್ಲಿ ಮಾತನಾಡಬನೇಕಾದರೆ, ಬೇರೆ ಆ್ಯಪ್​ಗಳನ್ನು ಓಪನ್ ಮಾಡಿದ್ರೆ, ನಿಮ್ಮ ಕಾಲ್​ನ ವಿಡಿಯೋ ಆಫ್​ ಆಗುತ್ತಿತ್ತು. ಆದರೆ ಇನ್ಮುಂದೆ ಈ ತೊಂದರೆ ಎದುರಾಗುವುದಿಲ್ಲ ಎಂದು ಕಂಪೆನಿ ತಿಳಿಸಿದೆ. ಫೇಸ್‌ಟೈಮ್‌ನ ಪಿಕ್ಚರ್-ಇನ್-ಪಿಕ್ಚರ್ ಮೋಡ್‌ನಂತೆಯೇ  ಈ ಫೀಚರ್ ಕಾರ್ಯ ನಿರ್ವಹಿಸಲಿದ್ದು, ಗ್ರೂಪ್‌ ಕರೆ ಅಥವಾ ವೈಯಕ್ತಿಕ ಕರೆಯಲ್ಲಿದ್ದಾಗ ಇತರೆ ಆ್ಯಪ್​ಗಳನ್ನು ಓಪನ್‌ ಮಾಡುವ ಮೂಲಕ ಒಂದೇ ಬಾರಿಗೆ ಎರಡೂ ಪ್ರಯೋಜನಗಳನ್ನು ಬಳಸಿಕೊಳ್ಳಬಹುದು.