Vivo Smartphone: ಬಿಡುಗಡೆಗೆ ಮುನ್ನವೇ ಲೀಕ್ ಆಯ್ತು ವಿವೋ ವೈ100 ಸ್ಮಾರ್ಟ್​​ಫೋನ್ ಫೀಚರ್ಸ್​!

ಜಾಗತಿಕ ಮಾರುಕಟ್ಟೆಯಲ್ಲಿ (Global Market) ಸ್ಮಾರ್ಟ್​ಫೋನ್​ಗಳಿಗೆ (Smartphones) ಇದ್ದಷ್ಟು ಬೇಡಿಕೆ ಬೇರೆ ಯಾವುದೇ ಸಾಧನಗಳಿಗಿಲ್ಲ. ಅದೇ ರೀತಿ ಟೆಕ್ ಕಂಪೆನಿಗಳು ಸಹ ಹೊಸ ಹೊಸ ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿರುತ್ತದೆ. ವಿವೋ ಕಂಪೆನಿ ಎಂದಾಗ ಮೊದಲು ನೆನಪಾಗೋದೇ ಈ ಕಂಪೆನಿಯಿಂದ ಬಿಡುಗಡೆಯಾದಂತಹ ಸ್ಮಾರ್ಟ್​​ಫೋನ್​ಗಳು. ವಿವೋ ಕಂಪೆನಿಯ ಸ್ಮಾರ್ಟ್​ಫೋನ್​ಗಳು ಕ್ಯಾಮೆರಾ ಫೀಚರ್ಸ್​ಗೆ ಭಾರೀ ಭಾರೀ ಜನಮೆಚ್ಚುಗೆಯನ್ನು ಪಡೆದಿದೆ. ಯಾರೇ ಆಗಲಿ ಸ್ಮಾರ್ಟ್​​ಫೋನ್​ಗಳನ್ನು ಖರೀದಿಸುವಾಗ ಅದರ ಫೀಚರ್ಸ್​​​​ಗಳನ್ನು ಮೊದಲು ನೋಡುತ್ತಾರೆ. ನಂತರ ಅದರ ಬೆಲೆಯನ್ನು ವೀಕ್ಷಿಸುತ್ತಾರೆ. ವಿವೋ ಕಂಪೆನಿ (Vivo Company) ಬಜೆಟ್​ ಬೆಲೆಯಲ್ಲಿ ಗುಣಮಟ್ಟದ ಫೀಚರ್ಸ್​ಗಳನ್ನೊಳಗೊಂಡ ಸಾಕಷ್ಟು ಸ್ಮಾರ್ಟ್​​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ.

ವಿವೋ ಕಂಪೆನಿಯಿಂದ ಇದೀಗ ಹೊಸ ಸ್ಮಾರ್ಟ್​​ಫೋನ್​ ಭಾರತದ ಮಾರುಕಟ್ಟೆಗೆ ಲಗ್ಗೆಯಿಡುತ್ತಿದ್ದು, ಇದನ್ನು ವಿವೋ ವೈ100 ಎಂದು ಹೆಸರಿಸಲಾಗಿದೆ. ಈ ಸ್ಮಾರ್ಟ್​​ಫೋನ್​ ಕೆಲವೇ ದಿನಗಳಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದ್ದು, ಬಿಡುಗಡೆಗೆ ಮೊದಲೇ ಇದರ ಕೆಲವೊಂದು ಫೀಚರ್ಸ್​ಗಳು ಸೋರಿಕೆಯಾಗಿದೆ.

ವಿವೋ ವೈ100 ಸ್ಮಾರ್ಟ್​​ಫೋನ್​ನ ಪ್ರೊಸೆಸರ್ ಸಾಮರ್ಥ್ಯ ಹೇಗಿದೆ?

ವಿವೋ ವೈ100 ಫೋನ್‌ ಮೀಡಿಯಾ ಟೆಕ್ ಡೈಮೆನ್ಸಿಟಿ 900 ಎಸ್​​ಓಸಿ ಪ್ರೊಸೆಸರ್‌ ಸಾಮರ್ಥ್ಯವನ್ನು ಒಳಗೊಂಡಿದೆ ಎಂದು ಗ್ಯಾರಂಟಿಯಾಗಿದೆ. ಈ ಚಿಪ್‌ಸೆಟ್ 2.4GHz ಗರಿಷ್ಠ ವೇಗ ಪಡೆದಿರುವ ಸಾಧ್ಯತೆ ಇವೆ ಎನ್ನಲಾಗಿದೆ. ಇದರೊಂದಿಗೆ ಆಂಡ್ರಾಯ್ಡ್‌ 13 ಓಎಸ್ ಜೊತೆಗೆ ಫನ್​ಟಚ್​ ಓಎಸ್​ 13 ಸಪೋರ್ಟ್‌ ಸಹ ಇರಲಿದೆ ಎಂದು ವರದಿಯಾಗಿದೆ. ಇನ್ನು ಇದಕ್ಕೆ ಪೂರಕವಾಗಿ 8 ಜಿಬಿ ರ್‍ಯಾಮ್ ಸ್ಟೋರೇಜ್ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ.

ವಿವೋ ವೈ100 ಸ್ಮಾರ್ಟ್​​​ಫೋನ್ ಕ್ಯಾಮೆರಾ ಹಾಗೂ ಇತರೆ ಫೀಚರ್ಸ್

ವಿವೋ ವೈ100 ಫೋನ್‌ನ ಫೀಚರ್ಸ್​ ಲೀಕ್ ಆದ ಪ್ರಕಾರ, ಇದು 6 ಇಂಚಿನ ಫುಲ್​​ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಅನ್ನು ಒಳಗೊಂಡಿರಲಿದೆ. ಹಾಗೆಯೇ ಈ ಡಿಸ್‌ಪ್ಲೇಯ ಪ್ರತಿ ಇಂಚಿನ ಸಾಂದ್ರತೆಯು 440 ಪಿಕ್ಸೆಲ್‌ ಆಗಿರಲಿದೆ ಎಂದು ವರದಿಯಾಗಿದೆ. ವಿವೋ ವೈ100 ಸ್ಮಾರ್ಟ್‌ಫೋನ್ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿದೆ.

ಇದರಲ್ಲಿ 64 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಮುಖ್ಯ ಕ್ಯಾಮೆರಾವನ್ನು ಒಳಗೊಂಡಿರಲಿದೆ. ಹಾಗೆಯೇ 8 ಮೆಗಾ ಪಿಕ್ಸೆಲ್ ಸೆಕೆಂಡರಿ ಕ್ಯಾಮೆರಾ ಮತ್ತು 2 ಮೆಗಾ ಪಿಕ್ಸೆಲ್ ಮೂರನೇ ಕ್ಯಾಮೆರಾವನ್ನು ಒಳಗೊಂಡಿರಲಿದೆ.

ವಿವೋ ವೈ100 ಸ್ಮಾರ್ಟ್​ಫೋನ್​

ವಿವೋ ವೈ100 ಸ್ಮಾರ್ಟ್​​ಫೋನ್​ನ ಬೆಲೆ

ವಿವೋ ಕಂಪೆನಿಯಿಂದ ಮುಂಬರು ವಿವೋ ವೈ100 ಸ್ಮಾರ್ಟ್​​ಫೋನ್​ 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್‌ ವೇರಿಯಂಟ್‌ ಆಯ್ಕೆಯನ್ನು ಹೊಂದಿರಲಿದ್ದು, ಈ ವೇರಿಯಂಟ್‌ನ ಬೆಲೆಯು 27,000 ರೂಪಾಯಿಗಳಷ್ಟು ಬೆಲೆಯನ್ನು ನಿಗದಿ ಮಾಡಲಾಗಿದೆ ಎಂದು ಎನ್ನಲಾಗಿದೆ. ಇನ್ನು ಈ ಫೋನ್ ಮೀಡಿಯಾ ಟೆಕ್‌ ಡೈಮೆನ್ಸಿಟಿ 900 ಎಸ್​ಓಸಿ ಪ್ರೊಸೆಸರ್‌ ಹೊಂದಿರುವುದು ಬಹುತೇಕ ಖಚಿತ ಎನ್ನಲಾಗಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​ನ ಬಿಡುಗಡೆಯ ದಿನಾಂಕ ಮತ್ತು ಲಭ್ಯತೆಯ ಬಗ್ಗೆ ಇನ್ನೂ ಯಾವುದೇ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ.

ವಿವೋ ಕಂಪೆನಿಯಿಂದ ಇತ್ತೀಚೆಗೆ ವಿವೋ vಐ53ಟಿ ಎಂಬ ಸ್ಮಾರ್ಟ್​​ಫೋನ್​ ಬಿಡುಗಡೆಯಾಗಿದೆ. ಈ ಸ್ಮಾರ್ಟ್​​​ಫೋನ್​ನ ಫೀಚರ್ಸ್​ ಹೇಗಿದೆ ಎಂಬುದನ್ನು ಈ ಲೇಖನದಲ್ಲಿ ಓದಿ.

ಇದನ್ನೂ ಓದಿ: ಈ ರೀಚಾರ್ಜ್​​ ಪ್ಲ್ಯಾನ್​ 1095 ಜಿಬಿ ಡೇಟಾ ಉಚಿತ! ಬೇರೆ ಏನೆಲ್ಲಾ ಪ್ರಯೋಜನಗಳು ಲಭ್ಯವಿದೆ?

ವಿವೋ ವೈ53ಟಿ ಸ್ಮಾರ್ಟ್​​ಫೋನ್ ಫೀಚರ್ಸ್​

ಇತ್ತೀಚೆಗೆ ಬಿಡುಗಡೆ ಆಗಿರುವ ವಿವೋ ವೈ53ಟಿ ಸ್ಮಾರ್ಟ್‌ಫೋನ್‌ ಅಧಿಕ ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 6.51 ಇಂಚಿನ ಫುಲ್‌ ಹೆಚ್‌ಡಿ+ ಡಿಸ್‌ಪ್ಲೇಯನ್ನು ಹೊಂದಿದೆ. ಅಲ್ಲದೆ ಈ ಡಿಸ್‌ಪ್ಲೇಯು ವಾಟರ್‌ ಡ್ರಾಪ್‌ ನಾಚ್‌ ವಿನ್ಯಾಸವನ್ನ ಹೊಂದಿದೆ. ಈ ಸ್ಮಾರ್ಟ್‌ಫೋನ್‌ ಮೀಡಿಯಾ ಟೆಕ್ ಡೈಮೆನ್ಸಿಟಿ 700 ಪ್ರೊಸೆಸರ್‌ ವೇಗವನ್ನು ಪಡೆದುಕೊಂಡಿದ್ದು, ಇದಕ್ಕೆ ಪೂರಕವಾಗಿ ಆಂಡ್ರಾಯ್ಡ್ 13 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹಾಗೇಯೇ ಈ ಸ್ಮಾರ್ಟ್‌ಫೋನ್‌ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಮತ್ತು 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್ ಸ್ಟೋರೇಜ್ ಆಯ್ಕೆಗಳನ್ನು ಹೊಂದಿದೆ.