Vivo Samartphones: ವಿವೋದಿಂದ 3 ಹೊಚ್ಚಹೊಸ ಸ್ಮಾರ್ಟ್​​ಫೋನ್​ಗಳ ಬಿಡುಗಡೆ! ಹೊಸವರ್ಷಕ್ಕೆ ಅನಾವರಣ

ಜನಪ್ರಿಯ ಸ್ಮಾರ್ಟ್​​ಫೋನ್ ಕಂಪನಿಯಾಗಿರುವ (Smartphone Company) ವಿವೋ ಜಾಗತಿಕ ಮಾರುಕಟ್ಟೆಯಲ್ಲಿ ಈ ಬಾರಿ ಒಂದರ ಮೇಲೊಂದರಂತೆ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುತ್ತಿತ್ತು. ವಿವೋ ಕಂಪನಿ (Vivo Company) ತನ್ನ ವಿಶಿಷ್ಟ ಫೀಚರ್ಸ್​ಗಳನ್ನೊಳಗೊಂಡ ಮೊಬೈಲ್​ ಅನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ತನ್ನದೇ ಆದ ಸ್ಥಾನವನ್ನು ಕಾಯ್ದುಕೊಂಡಿದೆ. ಒಂದು ಕಾಲದಲ್ಲಿ ವಿವೋ ಅಂದರೆ ಸಾಕು ಅದರೆ ಕ್ಯಾಮೆರಾ ಸೆಟಪ್​ (Camera Setup) ಸೂಪರ್​ ಎಂದು ಹೇಳುವವರೇ ಹೆಚ್ಚು. ಸದ್ಯ ಇದೀಗ ಮಾರುಕಟ್ಟೆಗೆ ವಿವೋ ಕಂಪನಿ ವಿವೋ ಎಸ್​16 ಸೀರಿಸ್​ನಲ್ಲಿ (Vivo S16 Series) ಮೂರು ಹೊಚ್ಚಹೊಸ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಇದು ಮಾರುಕಟ್ಟೆಯಲ್ಲಿ ಬಹಳಷ್ಟು ಸಂಚಲನ ಮೂಡಿಸಲಿದ್ದು, ಗ್ರಾಹಕರನ್ನು ಆಕರ್ಷಿಸುವಲ್ಲಿ ಯಶಸ್ವಿಯಾಗುತ್ತದೆ ಎಂದು ಕಂಪನಿ ಹೇಳಿದೆ.

ಹೌದು, ವಿವೋ ಕಂಪನಿ ಇದುವರೆಗೆ ಸಾಕಷ್ಟು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಸದ್ಯ ಮಾರುಕಟ್ಟೆಯಲ್ಲಿ ಸದ್ದು ಮಾಡುತ್ತಿರುವ ಸ್ಮಾರ್ಟ್​ಫೋನ್​ಗಳೆಂದರೆ ಅದು ವಿವೋ ಕಂಪನಿಯ ವಿವೋ ಎಸ್​16 ಸೀರಿಸ್​ನ ಸ್ಮಾರ್ಟ್​ಫೋನ್​ಗಳು. ಈ ಸೀರಿಸ್​ನ ಅಡಿಯಲ್ಲಿ ವಿವೋ ಎಸ್​16, ವಿವೋ ಎಸ್​16 ಪ್ರೋ ಮತ್ತು ವಿವೋ ಎಸ್​16ಇ ಎಂಬ ಮೂರು ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ.

ವಿವೋ ಎಸ್​16 ಸ್ಮಾರ್ಟ್​ಫೋನ್​

ಈ ಸ್ಮಾರ್ಟ್​ಫೋನ್​ 6.78 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಕರ್ವ್ಡ್‌ ಅಮೋಲ್ಡ್​ ಡಿಸ್‌ಪ್ಲೇ ಹೊಂದಿದೆ. ಬಲಿಷ್ಠವಾದ ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 870 SoC ಪ್ರೊಸೆಸರ್‌ನಲ್ಲಿ ಇದು ಕಾರ್ಯನಿರ್ವಹಿಸಲಿದೆ. ಹಾಗೆಯೇ 12ಜಿಬಿ ರ್‍ಯಾಮ್ ಮತ್ತು 256ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿದೆ.

ಇದನ್ನೂ ಓದಿ: ವಾಟ್ಸಪ್​ ಐಕಾನ್​ ಮೇಲೆ ಕ್ರಿಸ್​ಮಸ್​ ಟೋಪಿ ಹಾಕ್ಬೇಕಾ? ಇಲ್ಲಿದೆ ಟ್ರಿಕ್ಸ್​

ಇನ್ನು ಇದರ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ ಇದು ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದರ ಮುಖ್ಯ ಕ್ಯಾಮೆರಾ 64ಎಮ್​ಪಿ ಸೆನ್ಸಾರ್‌, ಎರಡನೇ ಕ್ಯಾಮೆರಾ 8ಎಮ್​ಪಿ ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಮತ್ತು ಮೂರನೇ ಕ್ಯಾಮೆರಾ 2ಎಮ್​ಪಿ ಮ್ಯಾಕ್ರೋ ಯೂನಿಟ್ ಅನ್ನು ಒಳಗೊಂಡಿದೆ. ಇದಲ್ಲದೆ ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 50ಎಮ್​ಪಿ ಸೆನ್ಸಾರ್‌ ಕ್ಯಾಮೆರಾವನ್ನು ಒಳಗೊಂಡಿದೆ.

ವಿವೋ ಎಸ್​16 ಪ್ರೋ ಸ್ಮಾರ್ಟ್​ಫೋನ್

ಈ ಸ್ಮಾರ್ಟ್‌ಫೋನ್‌ ಕೂಡ 6.78 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಕರ್ವ್ಡ್‌ ಅಮೋಲ್ಡ್​ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಇದು ಮೀಡಿಯಾಟೆಕ್‌ ಡೈಮೆನ್ಸಿಟಿ 8200 SoC ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸಲಿದೆ. ಇದು ಆಂಡ್ರಾಯ್ಡ್‌ 13 ಆಧಾರಿತ OriginOS 3.0 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿದೆ.

ಹಾಗೆಯೇ 12ಜಿಬಿ ರ್‍ಯಾಮ್ ಮತ್ತು 512ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ. ವಿವೋ ಎಸ್​​16 ಪ್ರೋ ಸ್ಮಾರ್ಟ್​ಫೋನ್​ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50ಎಮ್​ಪಿ ಸೆನ್ಸಾರ್‌ ಹೊಂದಿದೆ. ಇದಲ್ಲದೆ 50ಎಮ್​ಪಿ ಸೆನ್ಸಾರ್‌ ಸೆಲ್ಫಿ ಕ್ಯಾಮೆರಾವನ್ನು ಸಹ ಹೊಂದಿರಲಿದೆ.

ವಿವೋ ಎಸ್​16ಇ ಸ್ಮಾರ್ಟ್​ಫೋನ್

ವಿವೋ ಎಸ್​16ಇ ಸ್ಮಾರ್ಟ್‌ಫೋನ್‌ 120Hz ರಿಫ್ರೆಶ್ ರೇಟ್‌ ಬೆಂಬಲಿಸುವ 6.62 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಹೊಂದಿದೆ. ಇದು ಸ್ಯಾಮ್‌ಸಂಗ್‌ ಎಕ್ಸಿನೋಸ್‌ 1080 SoC ಪ್ರೊಸೆಸರ್‌ ಬಲವನ್ನು ಪಡೆದಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ ಇದು ಟ್ರಿಪಲ್‌ ರಿಯರ್ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50ಎಮ್​ಪಿ, ಎರಡನೇ ಕ್ಯಾಮೆರಾ 2ಎಮ್​ಪಿ ಮ್ಯಾಕ್ರೋ ಲೆನ್ಸ್ ಮತ್ತು ಮೂರನೇ ಕ್ಯಾಮೆರಾ 2ಎಮ್​ಪಿ ಡೆಪ್ತ್ ಸೆನ್ಸಾರ್‌ ಅನ್ನು ಹೊಂದಿದೆ. ಇದಲ್ಲದೆ 16ಎಮ್​ಪಿ ಸೆಲ್ಫಿ ಕ್ಯಾಮೆರಾವನ್ನು ಸಹ ಇದರಲ್ಲಿ ನೀಡಲಾಗಿದೆ.

ವಿವೋ ಎಸ್​16 ಸ್ಮಾರ್ಟ್​​ಫೋನ್​ನ ಬೆಲೆ

ವಿವೋ S16 ಸೀರಿಸ್​ ಸ್ಮಾರ್ಟ್​ಫೋನ್​ ಭಾರತದ ಮಾರುಕಟ್ಟೆಗೆ ಇನ್ನಷ್ಟೆ ಬಿಡುಗಡೆಯಾಗಬೇಕಿದೆ. ಸದ್ಯಕ್ಕೆ ಚೀನಾ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್​​ಫೋನ್​ಗಳು ಕಾಲಿಟ್ಟಿದ್ದು, ವಿವೋ ಎಸ್​16 ಬೆಲೆ CNY 2,499, ಅಂದರೆ ಭಾರತದಲ್ಲಿ ಇದರ ಬೆಲೆ ಅಂದಾಜು 29,600ರೂಪಾಯಿ ಆಗಬಹುದು. ವಿವೋ ಎಸ್​16 ಪ್ರೋ ಸ್ಮಾರ್ಟ್​ಫೋನ್ ಬೆಲೆ CNY 3,299 ಅಂದರೆ ದೇಶದಲ್ಲಿ ಅಂದಾಜು 39,100 ರೂಪಾಯಿ ಬೆಲೆಯಲ್ಲಿ ಪ್ರಾರಂಭವಾಗಲಿದೆ. ವಿವೋ ಎಸ್​16ಇ ಬೆಲೆ CNY 2,099 ಅಂದರೆ ಭಾರತದಲ್ಲಿ ಸುಮಾರು 24,900ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ.