• Home
  • »
  • News
  • »
  • tech
  • »
  • Vivo Y100 Smartphone: ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಸಜ್ಜಾಗಿದೆ ವಿವೋ ಕಂಪೆನಿಯ ಸ್ಮಾರ್ಟ್​​ಫೋನ್​! ಸದ್ಯದಲ್ಲೇ ಬಿಡುಗಡೆ

Vivo Y100 Smartphone: ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಲು ಸಜ್ಜಾಗಿದೆ ವಿವೋ ಕಂಪೆನಿಯ ಸ್ಮಾರ್ಟ್​​ಫೋನ್​! ಸದ್ಯದಲ್ಲೇ ಬಿಡುಗಡೆ

ವಿವೋ ವೈ100 ಸ್ಮಾರ್ಟ್​​ಫೋನ್‌

ವಿವೋ ವೈ100 ಸ್ಮಾರ್ಟ್​​ಫೋನ್‌

ಸದ್ಯ ಮಾರುಕಟ್ಟೆಯಲ್ಲಿ ಭಾರೀ ಸುದ್ದಿಯಲ್ಲಿರುವ ಸ್ಮಾರ್ಟ್​ಫೋನ್ ಎಂದರೆ ವಿವೋ ಕಂಪೆನಿಯ ಸ್ಮಾರ್ಟ್​​ಫೋನ್​ಗಳು. ವಿವೋ ಕಂಪೆನಿ ವಿವೋ ವೈ100 ಎಂಬ ಸ್ಮಾರ್ಟ್​​ಫೋನ್ ಅನ್ನು ಲಾಂಚ್ ಮಾಡಲು ತಯಾರಾಗಿದೆ. ಇದರ ಬಿಡುಗಡೆ ದಿನಾಂಕ ಯಾವಾಗ ಎಂದು ಕಂಪೆನಿ ಇದುವರೆಗೂ ತಿಳಿಸಿಲ್ಲ. ಆದರೆ ಇದರ ಫೀಚರ್ಸ್​ ಬಗ್ಗೆ ಮಾಹಿತಿ ಹೊರಬಿದ್ದಿದ್ದು, ಇದರ ಡೀಟೇಲ್ಸ್​ ಇಲ್ಲಿದೆ.

ಮುಂದೆ ಓದಿ ...
  • Share this:

    ಸ್ಮಾರ್ಟ್​ಫೋನ್​ ಮಾರುಕಟ್ಟೆಯಲ್ಲಿ (Smartphone Market) ಹೊಸ ಮಾದರಿಯಲ್ಲಿ ಮೊಬೈಲ್​ಗಳು ಬಿಡುಗಡೆಯಾಗುತ್ತಲೇ ಇದೆ. ಕಂಪೆನಿಗಳು ಕೂಡ ಮಾರುಕಟ್ಟೆಯಲ್ಲಿ ಪೈಪೋಟಿ ನೀಡುವ ಉದ್ದೇಶದಿಂದ ಗುಣಮಟ್ಟದ ಫೀಚರ್ಸ್​​ ಅನ್ನು ಒಳಗೊಂಡ ಸ್ಮಾರ್ಟ್​ ಫೋನ್​ಗಳನ್ನು ಪರಿಚಯಿಸುತ್ತಿದೆ. ಮೊಬೈಲ್​ ಮಾರುಕಟ್ಟೆಯಲ್ಲಿ ಹೆಚ್ಚು ಜನಪ್ರಿಯತೆ ಕಂಪನಿಗಳಲ್ಲಿ ವಿವೋ ಕಂಪೆನಿ (Vivo Company) ಕೂಡ ಒಂದು. ಈ ಕಂಪೆನಿ ಇದೀಗ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​ಫೋನ್ ಅನ್ನು ಪರಿಚಯಿಸಲು ರೆಡಿಯಾಗಿದೆ. ವಿವೋ ವೈ ಸೀರಿಸ್​​ನ (Vivo Y Series) ಅಡಿಯಲ್ಲಿ ಕಂಪೆನಿ ಇದೀಗ ಸ್ಮಾರ್ಟ್​​ಫೋನ್ ಅನ್ನು ಲಾಂಚ್ ಮಾಡಲು ಸಜ್ಜಾಗಿದ್ದು, ಬಹಳಷ್ಟು ವಿಶೇಷ ಫೀಚರ್ಸ್​ಗಳನ್ನು ಹೊಂದಿರಲಿದೆ ಎಂದು ವರದಿಗಳು ಹೇಳಿವೆ.


    ಸದ್ಯ ಮಾರುಕಟ್ಟೆಯಲ್ಲಿ ಭಾರೀ ಸುದ್ದಿಯಲ್ಲಿರುವ ಸ್ಮಾರ್ಟ್​ಫೋನ್ ಎಂದರೆ ವಿವೋ ಕಂಪೆನಿಯ ಸ್ಮಾರ್ಟ್​​ಫೋನ್​ಗಳು. ವಿವೋ ಕಂಪೆನಿ ವಿವೋ ವೈ100 ಎಂಬ ಸ್ಮಾರ್ಟ್​​ಫೋನ್ ಅನ್ನು ಲಾಂಚ್ ಮಾಡಲು ತಯಾರಾಗಿದೆ. ಇದರ ಬಿಡುಗಡೆ ದಿನಾಂಕ ಯಾವಾಗ ಎಂದು ಕಂಪೆನಿ ಇದುವರೆಗೂ ತಿಳಿಸಿಲ್ಲ. ಆದರೆ ಇದರ ಫೀಚರ್ಸ್​ ಬಗ್ಗೆ ಮಾಹಿತಿ ಹೊರಬಿದ್ದಿದ್ದು, ಇದರ ಡೀಟೇಲ್ಸ್​ ಇಲ್ಲಿದೆ.


    ಟಿಪ್​​ಸ್ಟಾರ್​ ಅವರ ವರದಿಯ ಪ್ರಕಾರ


    ಟಿಪ್‌ಸ್ಟರ್ ಪರಾಸ್ ಗುಗ್ಲಾನಿಯವರ ವರದಿಯ ಪ್ರಕಾರ ವಿವೋ ಕಂಪೆನಿ ತನ್ನ ವೈ ಸೀರಿಸ್​ನಲ್ಲಿ ವಿವೋ ವೈ100 ಎಂಬ ಸ್ಮಾರ್ಟ್​​ಫೋನ್‌ ಅನ್ನು ದೇಶದಲ್ಲಿ ಬಿಡುಗಡೆ ಮಾಡಲು ತಯಾರಾಗುತ್ತಿದೆ ಹಾಗೂ ಇದರ ಪ್ರಚಾರದ ಸಿದ್ಧತೆಗಳು ಸಹ ಈಗಾಗಲೇ ಪ್ರಾರಂಭವಾಗಿದೆ ಎಂದು ವರದಿ ಮಾಡಿದ್ದಾರೆ. ಹಾಗೆಯೇ ಟಿಪ್‌ಸ್ಟರ್ ಹಂಚಿಕೊಂಡ ಸ್ಕ್ರೀನ್‌ಶಾಟ್​ನ ಪ್ರಕಾರ ವಿವೋ ಕಂಪೆನಿಯು ಫೋನ್‌ನ ಮಾರ್ಕೆಟಿಂಗ್ ವಿಡಿಯೋವನ್ನು ಶೀಘ್ರದಲ್ಲೇ ಲಾಂಚ್ ಮಾಡುತ್ತದೆ ಎಂದು ತಿಳಿಸುತ್ತದೆ. ಅಲ್ಲದೇ ಬಹುಶಃ ಈ ತಿಂಗಳ ಅಂತ್ಯದ ವೇಳೆಗೆ ಭಾರತದಲ್ಲಿ ಬಿಡುಗಡೆಯಾಗಲಿದೆ ಎಂದು ವರದಿಯಾಗಿದೆ.


    ಇದನ್ನೂ ಓದಿ: ಏಸರ್​ ಕಂಪೆನಿಯಿಂದ ಏಕಕಾಲದಲ್ಲಿ 3 ಲ್ಯಾಪ್​ಟಾಪ್​ಗಳ ಅನಾವರಣ! ಬೆಲೆ ಎಷ್ಟು ಗೊತ್ತಾ?


    ಪ್ರೊಸೆಸರ್​​ ಸಾಮರ್ಥ್ಯದ ಬಗ್ಗೆ ನಿರೀಕ್ಷೆ


    ವಿವೋ ವೈ100 ಸ್ಮಾರ್ಟ್​​ಫೋನ್‌ ಮೀಡಿಯಾ ಟೆಕ್ ಡೈಮೆನ್ಸಿಟಿ 900ಎಸ್​​ಓಸಿ ಪ್ರೊಸೆಸರ್‌ ಅನ್ನು ಒಳಗೊಂಡಿರುವುದು ಬಹುತೇಕ ಖಚಿತ ಆಗಿದೆ. ಈ ಸ್ಮಾರ್ಟ್​​ಫೋನ್​ ಚಿಪ್‌ಸೆಟ್ 2.4GHz ಗರಿಷ್ಠ ವೇಗ ಹೊಂದಿರುವಮಥಹ ಸಾಧ್ಯತೆ ಇದೆ ಎನ್ನಲಾಗಿದೆ. ಇದರೊಂದಿಗೆ ಈ ಸ್ಮಾರ್ಟ್​​ಫೋನ್ ಆಂಡ್ರಾಯ್ಡ್‌ 13 ಓಎಸ್ ಜೊತೆಗೆ ಫಂಕ್ಷನ್​ ಓಎಸ್​ 13 ಸಪೋರ್ಟ್‌ ಅನ್ನು ಸಹ ಪಡೆದಿದೆ ಎಂದು ನಿರೀಕ್ಷಿಸಲಾಗಿದೆ. ಇನ್ನು ಇದಕ್ಕೆ ಪೂರಕವಾಗಿ 8 ಜಿಬಿ ರ್‍ಯಾಮ್ ಸ್ಟೋರೇಜ್ ಆಯ್ಕೆಯಲ್ಲಿ ಬರುವ ಸಾಧ್ಯತರ ಇದೆ ಎಂದು ಹೇಳಿದ್ದಾರೆ.


    ಕೆಲವು ವರದಿಗಳ ಪ್ರಕಾರ


    ಕೆಲವು ಸೋರಿಕೆಯಾಗಿರುವ ಮಾಹಿತಿ ಪ್ರಕಾರ ವಿವೋ ವೈ100 ಸ್ಮಾರ್ಟ್​​ಫೋನ್‌ ಡಿಸ್​ಪ್ಲೇ ವಿನ್ಯಾಸದಲ್ಲಿ 6 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇ ಅನ್ನು ಒಳಗೊಂಡಿರಲಿದೆ ಎಂದು ವರದಿಯಾಗಿದೆ. ಹಾಗೆಯೇ ಈ ಡಿಸ್‌ಪ್ಲೇಯ ಪ್ರತಿ ಇಂಚಿನ ಸಾಂದ್ರತೆಯು 440 ಪಿಕ್ಸೆಲ್‌ ಅನ್ನು ಹೊಂದಿರಲಿದೆ ಎಂದು ಅಂದಾಜಿಸಲಾಗಿದೆ. ಇನ್ನು ಈ ಸ್ಮಾರ್ಟ್​​ಫೋನ್‌ನ ಬೆಲೆಯ ಬಗ್ಗೆ ಕಂಪೆನಿ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ. ಆದರೂ ಕೆಲವು ಅಂದಾಜಿನ ಪ್ರಕಾರ ಭಾರತದಲ್ಲಿ ಸುಮಾರು 20,000 ರೂಪಾಯಿಗಳಿಂದ 25,000 ರೂಪಾಯಿಗಳ ಮಧ್ಯದಲ್ಲಿ ಇರಬಹುದು ಎಂದು ಅಂದಾಜಿಸಲಾಗಿದೆ.




    ವಿವೋ ಕಂಪೆನಿ ಇತ್ತೀಚೆಗೆ ತನ್ನ ಬ್ರಾಂಡ್​ನ ಅಡಿಯಲ್ಲಿ ವಿವೋ ವೈ53ಟಿ ಎಂಬ ಸ್ಮಾರ್ಟ್​ಫೋನ್ ಅನ್ನು ಬಿಡುಗಡೆ ಮಾಡಿತ್ತು. ಇದು ತನ್ನ ಫೀಚರ್ಸ್​ ಮೂಲಕ ಮೊಬೈಲ್ ಮಾರುಕಟ್ಟೆಯಲ್ಲಿ ಹೊಸ ರೀತಿಯಲ್ಲಿ ಎಲ್ಲರ ಗಮನ ಸೆಳೆದಿತ್ತು. ವಿವೋ ಕಂಪೆನಿ ವಿಶೇಷವಾಗಿ ಜನಪ್ರಿಯತೆಯನ್ನು ಹೊಂದಿದ್ದು ಅದರ ಕ್ಯಾಮೆರಾ ಫೀಚರ್ಸ್​ ಮೂಲಕ. ಅದೇ ರೀತಿ ವಿವೋ ವೈ53ಟಿ ಸ್ಮಾರ್ಟ್​​ಫೋನ್​ನಲ್ಲಿಯೂ ಡ್ಯುಯಲ್​ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಅಳವಡಿಸಲಾಗಿದೆ. ಅಲ್ಲದೇ ಇದು 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಒಳಗೊಂಡಿದೆ.

    Published by:Prajwal B
    First published: