• Home
  • »
  • News
  • »
  • tech
  • »
  • Vivo Y55s 5G: ವಿವೋ ಕಂಪೆನಿಯ ಹೊಸ ಸ್ಮಾರ್ಟ್​​ಫೋನ್​ ಲಾಂಚ್​! ಬೆಲೆ, ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

Vivo Y55s 5G: ವಿವೋ ಕಂಪೆನಿಯ ಹೊಸ ಸ್ಮಾರ್ಟ್​​ಫೋನ್​ ಲಾಂಚ್​! ಬೆಲೆ, ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

ವಿವೋ ವೈ55ಎಸ್ 5ಜಿ ಸ್ಮಾರ್ಟ್​​ಫೋನ್​

ವಿವೋ ವೈ55ಎಸ್ 5ಜಿ ಸ್ಮಾರ್ಟ್​​ಫೋನ್​

ವಿವೋ ಕಂಪೆನಿ ಇದೀಗ ಜಾಗತಿಕ ಮಾರುಕಟ್ಟೆಗೆ ವಿವೋ ವೈ55ಎಸ್​ 5ಜಿ ಎಂಬ ಸ್ಮಾರ್ಟ್​​ಫೋನ್ ಅನ್ನು ಪರಿಚಯಿಸಿದೆ. ಈ ಸ್ಮಾರ್ಟ್​ಫೋನ್​ ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು, ಸದ್ಯ ಇದರ ಫೀಚರ್ಸ್​ ಬಗ್ಗೆ ಮಾಹಿತಿ ಬಹಿರಂಗವಾಗಿದೆ.

  • Share this:

    ಮೊಬೈಲ್​ ಮಾರುಕಟ್ಟೆಗೆ (Mobile Market) ಹಲವಾರು ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗುತ್ತಲೇ ಇದೆ. ಸ್ಮಾರ್ಟ್​​ಫೋನ್​ ಬಳಕೆದಾರರ ಸಂಖ್ಯೆಯೂ ದಿನದಿಂದ ದಿನಕ್ಕೆ ಏರಿಕೆಯೂ ಆಗುತ್ತಿದೆ. ಇದೀಗ ಜನಪ್ರಿಯ ಸ್ಮಾರ್ಟ್​​ಫೋನ್​ ಕಂಪೆನಿಯಾಗಿರುವ ವಿವೋ ಕಂಪೆನಿ ಜಾಗತಿಕ ಮಾರುಕಟ್ಟೆಗೆ ಹೊಸ ಸ್ಮಾರ್ಟ್​​ಫೋನ್​ ಒಂದನ್ನು ಪರಿಚಯಿಸಲು ರೆಡಿಯಾಗಿದೆ. ವಿವೋ ಕಂಪೆನಿ (Vivo Company) ಎಂದಾಗ ಮೊದಲು ನೆನಪಾಗೋದೇ ನಮಗೆ ಈ ಕಂಪೆನಿಯ ಸ್ಮಾರ್ಟ್​ಫೋನ್​ಗಳ ಕ್ಯಾಮೆರಾಗಳು. ವಿವೋ ಕಂಪೆನಿ ಇದುವರೆಗೆ ಬಜೆಟ್​ ಬೆಲೆಯಿಂದ ಹಿಡಿದು ಪ್ರೀಮಿಯಂ ಬೆಲೆಯವರೆಗೆ ಸಾಕಷ್ಟು ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಆದರೆ ಇವೆಲ್ಲವೂ ಜನಪ್ರಿಯತೆಯನ್ನು ಇದರ ಕ್ಯಾಮೆರಾ ವೈಶಿಷ್ಟ್ಯದ ಮೂಲಕವೇ ಪಡೆದಿದೆ. ಸದ್ಯ ಮಾರುಕಟ್ಟೆಗೆ ವಿವೋದಿಂದ ವಿವೋ ವೈ55ಎಸ್ (Vivo Y55s 5G)​ ಎಂಬ 5ಜಿ ಸ್ಮಾರ್ಟ್​ಫೋನ್​ ಅನ್ನು ಅನಾವರಣ ಮಾಡಿದೆ.


    ವಿವೋ ಕಂಪೆನಿ ಇದೀಗ ಜಾಗತಿಕ ಮಾರುಕಟ್ಟೆಗೆ ವಿವೋ ವೈ55ಎಸ್​ 5ಜಿ ಎಂಬ ಸ್ಮಾರ್ಟ್​​ಫೋನ್ ಅನ್ನು ಪರಿಚಯಿಸಿದೆ. ಈ ಸ್ಮಾರ್ಟ್​ಫೋನ್​ ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು, ಸದ್ಯ ಇದರ ಫೀಚರ್ಸ್​ ಬಗ್ಗೆ ಮಾಹಿತಿ ಬಹಿರಂಗವಾಗಿದೆ.


    ವಿವೋ ವೈ55ಎಸ್​ 5ಜಿ ಸ್ಮಾರ್ಟ್​​ಫೋನ್​ ಫೀಚರ್ಸ್


    ವಿವೋ ವೈ55ಎಸ್​ 5ಜಿ ಸ್ಮಾರ್ಟ್​​ಫೋನ್​ 6.58 ಇಂಚಿನ ಫುಲ್‌ ಹೆಚ್​ಡಿ+ ಎಲ್​ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು 2,408 x 1,080 ಪಿಕ್ಸೆಲ್‌ ರೆಸಲ್ಯೂಶನ್‌ ಪಡೆದುಕೊಂಡಿದೆ. ಹಾಗೆಯೇ ಈ ಡಿಸ್​ಪ್ಲೇಯು 60Hz ರಿಫ್ರೆಶ್ ರೇಟ್‌ ಜೊತೆಗೆ 90.6% ಸ್ಕ್ರೀನ್-ಟು-ಬಾಡಿ ಅನುಪಾತವನ್ನು ಹೊಂದಿದೆ.




    ಕ್ಯಾಮೆರಾ ಫೀಚರ್ಸ್


    ಇನ್ನು ವಿವೋ ವೈ55ಎಸ್​ ಸ್ಮಾರ್ಟ್​​ಫೋನ್​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಈ ಹೊಸ ಫೋನ್‌ ಟ್ರಿಪಲ್ ರಿಯರ್‌ ಕ್ಯಾಮೆರಾ ಸೆಟಪ್ ಅನ್ನು ಒಳಗೊಂಡಿದೆ. f/1.8 ಅಪಾರ್ಚರ್ ಲೆನ್ಸ್‌ನೊಂದಿಗೆ 50 ಮೆಗಾಪಿಕ್ಸೆಲ್‌ ಪ್ರಾಥಮಿಕ ಸೆನ್ಸಾರ್​, f/2.4 ಅಪಾರ್ಚರ್ ಲೆನ್ಸ್‌ನೊಂದಿಗೆ 2 ಮೆಗಾಪಿಕ್ಸೆಲ್‌ ಮ್ಯಾಕ್ರೋ ಶೂಟರ್ ಹಾಗೂ f/2.4 ಅಪಾರ್ಚರ್ ಲೆನ್ಸ್‌ನೊಂದಿಗೆ 2 ಮೆಗಾಪಿಕ್ಸೆಲ್‌ ಡೆಪ್ತ್ ಸೆನ್ಸಾರ್ ಕ್ಯಾಮೆರಾ ವೈಶಿಷ್ಟ್ಯಗಳನ್ನು ಹೊಂದಿದೆ. ಇನ್ನು ಸೆಲ್ಫಿಗಾಗಿ ಮತ್ತು ವಿಡಿಯೋ ಕಾಲ್​ಗಾಗಿ 8 ಮೆಗಾಪಿಕ್ಸೆಲ್​ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.


    ಪ್ರೊಸೆಸರ್ ಸಾಮರ್ಥ್ಯ


    ಈ ಹೊಸ ವಿವೋ ಫೋನ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 700 ಎಸ್​ಓಸಿ ನಿಂದ ಕಾರ್ಯನಿರ್ವಹಿಸಲಿದ್ದು, ಆಂಡ್ರಾಯ್ಡ್‌ 12 ಅನ್ನು ಆಧರಿಸಿದ ಫನ್‌ಟಚ್ ಓಎಸ್‌ 12ನೊಂದಿಗೆ ರನ್ ಆಗುತ್ತದೆ. ಇದರೊಂದಿಗೆ 6ಜಿಬಿ ರ್‍ಯಾಮ್ ಹಾಗೂ 128ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಇದರಲ್ಲಿ ಸ್ಟೋರೇಜ್ ಅನ್ನು ವಿಸ್ತರಿಸುವ ಉದ್ದೇಶದಿಂದ ಎಸ್​ಡಿ ಕಾರ್ಡ್​ ಸ್ಲಾಟ್​ ಅನ್ನು ಸಹ ಅಳವಡಿಸಲಾಗಿದೆ.


    ವಿವೋ ವೈ55ಎಸ್ 5ಜಿ ಸ್ಮಾರ್ಟ್​​ಫೋನ್​


    ಬ್ಯಾಟರಿ ಫೀಚರ್ಸ್


    ವಿವೋ ವೈ55ಎಸ್​ 5ಜಿ ಸ್ಮಾರ್ಟ್​​ಫೋನ್​ ವಿಶೇಷವಾಗಿ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿದೆ. ಈ ಬ್ಯಾಟರಿಯು 18W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಅನ್ನು ಟೈಪ್​​ ಸಿ ಚಾರ್ಜರ್​ ಮೂಲಕ ಚಾರ್ಜ್​ ಮಾಡಬಹುದಾಗಿದೆ.


    ಕನೆಕ್ಟಿವಿಟಿ ಫೀಚರ್ಸ್


    ಇನ್ನು ಈ ಸ್ಮಾರ್ಟ್​​ಫೋನ್​ನ ಕನೆಕ್ಟಿವಿಟಿ ವಿಚಾರದಲ್ಲಿ 5ಜಿ, ಡ್ಯುಯಲ್-ಬ್ಯಾಂಡ್ ವೈ-ಫೈ, ಬ್ಲೂಟೂತ್ ವಿ5.1, ಎನ್‌ಎಫ್‌ಸಿ, ಜಿಪಿಎಸ್‌, 3.5mm ಹೆಡ್‌ಫೋನ್ ಜ್ಯಾಕ್ ಅನ್ನು ಸಹ ಪಡೆದುಕೊಂಡಿದೆ. ಇದರೊಂದಿಗೆ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಆಯ್ಕೆ ಸಹ ಇದರಲ್ಲಿ ಲಭ್ಯವಿದೆ.


    ಇದನ್ನೂ ಓದಿ: ಸೋಶಿಯಲ್ ಮೀಡಿಯಾದಲ್ಲಿ ಪ್ರಚಾರ ಮಾಡುವವರೇ ಎಚ್ಚರ! ತಪ್ಪಿದ್ರೆ 50 ಲಕ್ಷ ದಂಡ ಗ್ಯಾರಂಟಿ


    ಬೆಲೆ ಮತ್ತು ಲಭ್ಯತೆ


    ವಿವೋ ವೈ55ಎಸ್​ 5ಜಿ (2023) ಸ್ಮಾರ್ಟ್‌ಫೋನ್‌ನ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್ ವೇರಿಯಂಟ್‌ಗೆ NTD 7,990 ಅಂದರೆ ಭಾರತದಲ್ಲಿ ಸುಮಾರು 21,300 ರೂಪಾಯಿಗಳು ಎಂದು ಅಂದಾಜಿಸಲಾಗಿದೆ ಹಾಗೂ 6ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್‌ಗಾಗಿ NTD 8,490 ಅಂದರೆ ಭಾರತದಲ್ಲಿ ಸುಮಾರು 22,700 ರೂಪಾಯಿಗಳಷ್ಟು ಬೆಲೆ ನಿಗದಿ ಮಾಡಲಾಗಿದೆ. ಇನ್ನು ಈ ಸ್ಮಾರ್ಟ್​​ಫೋನ್ ಗ್ಯಾಲಕ್ಸಿ ಬ್ಲೂ ಮತ್ತು ಸ್ಟಾರ್ ಬ್ಲ್ಯಾಕ್ ಬಣ್ಣದಲ್ಲಿ ಖರೀದಿಗೆ ಲಭ್ಯವಾಗುತ್ತದೆ.


    ವಿವೋ ವೈ55ಎಸ್ 5ಜಿ​ ಸ್ಮಾರ್ಟ್​ಫೋನ್​ ಭಾರತದಲ್ಲಿ ಯಾವಾಗ ಬಿಡುಗಡೆಯಾಗುತ್ತದೆ ಎಂಬ ವಿವರ ಇನ್ನು ಲಭ್ಯವಾಗಿಲ್ಲ.

    Published by:Prajwal B
    First published: