Smartphones: ಈ ಒಂದೇ ತಿಂಗಳಿನಲ್ಲಿ 4 ಕಂಪನಿಗಳಿಂದ ಸ್ಮಾರ್ಟ್​​ಫೋನ್​ಗಳ ಅನಾವರಣ! ಯಾವುದು ಆ ಕಂಪನಿಗಳು?

2022ರಲ್ಲಿ ದಿನಕ್ಕೊಂದರಂತೆ ಕಂಪನಿಗಳು ಸ್ಮಾರ್ಟ್​ಫೋನ್​ಗಳನ್ನು (Smartphones) ಬಿಡುಗಡೆ ಮಾಡಿದೆ. ಕಳೆದ ವರ್ಷದಲ್ಲಿ ಹಲವಾರು ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಬಿಡುಗಡೆಯಾಗಿದ್ದು, ಇವುಗಳೆಲ್ಲವೂ ಬಹಳಷ್ಟು ಬೇಡಿಕೆಯನ್ನು ಹೊಂದಿತ್ತು. ಅದೇ ರೀತಿ ಕೆಲವು ಮೊಬೈಲ್ ಕಂಪನಿಗಳು (Mobile Company) ಈ ಹಿಂದೆ ಕೆಲವು ಮೊಬೈಲ್​ಗಳು 2023ರಲ್ಲಿ ಬಿಡುಗಡೆ ಮಾಡುವುದಾಗಿ ನಿರ್ಧರಿಸಿತ್ತು. ಇದೀಗ ಆ ಮಾತಿನಂತೆ 4 ಮೊಬೈಲ್​ ಕಂಪನಿಗಳು ಜನವರಿಯಲ್ಲಿ ತನ್ನ ಬ್ರಾಂಡ್​ನ (Brand) ಅಡಿಯಲ್ಲಿ ಸ್ಮಾರ್ಟ್​​ಫೋನ್​ಗಳನ್ನು ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ರೆಡಿಯಾಗಿದೆ. ಈ ಸ್ಮಾರ್ಟ್​​ಫೋನ್​ಗಳು ಹೊಸ ಫೀಚರ್ಸ್​ಗಳನ್ನು ಹೊಂದಿಕೊಂಡು ಮಾರುಕಟ್ಟೆಗೆ ಲಗ್ಗೆಯಿಡಲಿದ್ದು, ಹೊಸ ಸಂಚಲನವನ್ನು ಮೂಡಿಸಲಿದೆ ಎಂದು ಕೆಲ ತಂತ್ರಜ್ಞರು ಹೇಳಿದ್ದಾರೆ

ಇದೀಗ ಈ ವರ್ಷದ ಆರಂಭದ ತಿಂಗಳಲ್ಲಿ 4 ಸ್ಮಾರ್ಟ್​ಫೋನ್​ ಕಂಪನಿಗಳ ಮೊಬೈಲ್​ಗಳು ಮಾರುಕಟ್ಟೆಗೆ ಲಗ್ಗೆಯಿಡಲಿದೆ ಎಂದು ವರದಿಯಾಗಿದೆ. ಹಾಗಿದ್ರೆ ಯಾವೆಲ್ಲಾ ಆ ಕಂಪನಿಗಳು, ಹೇಗಿದೆ ಫೀಚರ್ಸ್​ ಎಂಬ ಕುತೂಹಲ ಇದೆಯಾ? ಇಲ್ಲಿದೆ ಓದಿ ಕಂಪ್ಲೀಟ್ ಮಾಹಿತಿ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಫ್​04

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎಫ್​04 ಭಾರತದಲ್ಲಿ ಜನವರಿ 4 ರಂದು ಬಿಡುಗಡೆಯಾಗಲಿದೆ. ಸ್ಯಾಮ್‌ಸಂಗ್ ಇದನ್ನು ಬಜೆಟ್ ಬೆಲೆಯಲ್ಲಿ ಭಾರೀ ಅಗ್ಗದಲ್ಲಿ ಬಿಡುಗಡೆ ಮಾಡಲಿದೆ ಎಂದು ವರದಿಯಾಗಿದೆ. ಈ ಹ್ಯಾಂಡ್‌ಸೆಟ್‌ನ ಬೆಲೆ ರೂ.8000 ಕ್ಕಿಂತ ಕಡಿಮೆ ಇರುತ್ತದೆ ಎಂದು ಟೆಕ್ ಮೂಲಗಳು ಊಹಿಸಿವೆ. ಈ ಸ್ಮಾರ್ಟ್​​ಫೋನ್​ 8 ಜಿಬಿ ರ್‍ಯಾಮ್ ನೊಂದಿಗೆ ಬರಬಹುದು ಎಂದು ತಿಳಿದುಬಂದಿದೆ. 91ಮೊಬೈಲ್ಸ್ ವರದಿಯ ಪ್ರಕಾರ, ಸ್ಯಾಮ್​ಸಂಗ್​​ ಗ್ಯಾಲಕ್ಸಿ ಎಫ್04 ಸ್ಮಾರ್ಟ್​​ಫೋನ್​ ಸ್ಯಾಮ್​ಸಂಗ್​​ ಗ್ಯಾಲಕ್ಸಿ ಎ04ಇ ನ ಮರುಬ್ರಾಂಡೆಡ್ ವರ್ಷನ್​ ಆಗಿ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: ಸ್ಯಾಮ್​​ಸಂಗ್​ ಸ್ಮಾರ್ಟ್​ಫೋನ್​ ಅಪ್ಡೇಟ್​​ ಮಾಡುವಾಗ ಎಚ್ಚರ! ಫೋಟೋ, ವಿಡಿಯೋ ಎಲ್ಲವೂ ಡಿಲೀಟ್ ಆಗ್ಬಹುದು

ಇನ್ನು ಇದರ ಫೀಚರ್ಸ್​​ ಬಗ್ಗೆ ಹೇಳುವುದಾದರೆ, ಇದು ಮೀಡಿಯಾ ಟೆಕ್ ಹೆಲಿಯೊ ಪಿ35 ಆಕ್ಟಾ ಕೋರ್ ಪ್ರೊಸೆಸರ್ ಅನ್ನು ಒಳಗೊಂಡಿದೆ. ಇದು 6.5 ಇಂಚಿನ ಹೆಚ್​​ಡಿ+ ಡಿಸ್ಪ್ಲೇ ಜೊತೆಗೆ 720 x 1600 ಪಿಕ್ಸೆಲ್ ರೆಸಲ್ಯೂಶನ್ ಮತ್ತು 60Hz ರಿಫ್ರೆಶ್ ರೇಟ್ ಅನ್ನು ಹೊಂದಿರುವ ಸಾಧ್ಯತೆಯಿದೆ. ಇನ್ನು ಈ ಸಾಧನವು ಆಂಡ್ರಾಯ್ಡ್​ 12 ಆಧಾರಿತ ಒನ್​​ ಯುಐ ನಲ್ಲಿ ರನ್ ಆಗಬಹುದು.

ಸ್ಮಾರ್ಟ್​​ಫೋನ್ಸ್​

ಒನ್​​ಪ್ಲಸ್​ 11 5ಜಿ

ಒನ್​​ಪ್ಲಸ್ ಕಂಪನಿಯು ಈ ಸ್ಮಾರ್ಟ್‌ಫೋನ್ ಅನ್ನು ಪ್ರಮುಖವಾದ ವಿಭಾಗದಲ್ಲಿ ಬಿಡುಗಡೆ ಮಾಡಲಿದೆ. ಒನ್​​ಪ್ಲಸ್ 11 5ಜಿ ಸ್ಮಾರ್ಟ್​ಫೋನ್ ಅನ್ನು ಚೀನಾದಲ್ಲಿ ಜನವರಿ 4 ರಂದು ಮತ್ತು ಭಾರತದಲ್ಲಿ ಫೆಬ್ರವರಿ 7 ರಂದು ಬಿಡುಗಡೆ ಮಾಡಲಾಗುತ್ತದೆ. ಜನಪ್ರಿಯ ಲೀಕರ್​ ವೆಬ್​ಸೈಟ್​​ ಆಗಿರುವ ಇವಾನ್ ಬ್ಲಾಸ್​ನ ವರದಿಯ ಪ್ರಕಾರ, ಈ ಸ್ಮಾರ್ಟ್​ಫೋನ್ ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ ಬಿಡುಗಡೆಯಾಗಲಿದೆ.

ಇದು 50 ಮೆಗಾಪಿಕ್ಸೆಲ್ ಸೋನಿ IMX890 ಮುಖ್ಯ ಕ್ಯಾಮೆರಾವನ್ನು ಹೊಂದಿರಬಹುದು. ಒನ್​​ಪ್ಲಸ್ 11 5ಜಿ ಸ್ಮಾರ್ಟ್‌ಫೋನ್ 6.7 ಇಂಚಿನ QHD+ ಅಮೋಲ್ಡ್​ ಡಿಸ್ಗೆ​ಪ್ಲೇನೊಂದಿಗೆ 120Hz ರಿಫ್ರೆಶ್ ದರದೊಂದಿಗೆ ಬಿಡುಗಡೆಯಾಗಬಹುದು. ಇದು 100W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ 5000 mAh ಬ್ಯಾಟರಿಯನ್ನು ಹೊಂದಿರುವ ಸಾಧ್ಯತೆಯಿದೆ. ಸೆಲ್ಫಿಗಾಗಿ ಫೋನ್ ಮುಂಭಾಗದಲ್ಲಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿರುವ ಸಾಧ್ಯತೆಯಿದೆ.

ಸ್ಮಾರ್ಟ್​​ಫೋನ್ಸ್​

ಐಕ್ಯೂ 11 ಸೀರಿಸ್​

ಐಕ್ಯೂ 11 ಸೀರಿಸ್​ ಇದೀಗ ಮಾರುಕಟ್ಟೆಗೆ ಎರಡು ಪ್ರೀಮಿಯಂ ಸ್ಮಾರ್ಟ್​​ಫೋನ್​ಗಳನ್ನು ಜನವರಿ 10 ರಂದು ಭಾರತದಲ್ಲಿ ಬಿಡುಗಡೆ ಮಾಡಲಿದೆ. ಇವುಗಳು ಈ ಸೀರಿಸ್​ನಲ್ಲಿ ಐಕ್ಯೂ 11 ಮತ್ತು ಐಕ್ಯೂ 11 ಪ್ರೋ ಎಂಬ ಹೆಸರಿನಲ್ಲಿ ಬರುತ್ತವೆ.  ಇನ್ನು ಈ ಎರಡೂ ಸ್ಮಾರ್ಟ್​ಫೋನ್​ಗಳು 6.78 angula E6 ಅಮೋಲ್ಟ್​ ಡಿಸ್​​ಪ್ಲೇ ಜೊತೆಗೆ 144 Hz ರಿಫ್ರೆಶ್ ರೇಟ್, 2ಕೆ ರೆಸಲ್ಯೂಶನ್ ನೊಂದಿಗೆ ಬಿಡುಗಡೆಯಾಗಲಿದೆ. ಇದು ಗುಣಮಟ್ಟದ ಸ್ನಾಪ್‌ಡ್ರಾಗನ್ 8 Gen 2 ಪ್ರೊಸೆಸರ್ ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಜೊತೆಗೆ ಇದು ಟ್ರಿಪಲ್ ಕ್ಯಾಮೆರಾ ಸೆಟಪ್‌ ಅನ್ನು ಹೊಂದಿರುತ್ತದೆ.

ರೆಡ್​ಮಿ ನೋಟ್​ 12 ಸೀರಿಸ್​